.ازيكو

ازيكوا .......احب ارحب بكل واحد قاعد دلوقتى قدام مدونتى........انا زييى زيكوا كل يوم افتح النت الاقى اخبار مصراوى......عارفينها اللى تفتح النفس للحياه دى .....فجالى اكتئاب ........ايوه ايوه زى اللى عندكو ده بالظبط.....اعمل ايه اعمل ايه.......جاتلى فكره المدونه افضفض بيها معاكو ويارب تعجبكو

الثلاثاء، 22 أبريل، 2008

الحق لا عليا ولا عليك.........الحق ........عالبلكونه

ازيكو يا جماعه.....اتمنى تكونوا بخير.......فى البدايه احب اعتزر ليكو على انى هكسر قاعده الضحك المميزه ف مدونتى ......يعنى البوست ده هيبقى نكد شويه....بصراحه انا حاولت مكتبش فيه..بس للاسف معرفتش اتجاهل موضوع زى ده وانتو كمان لما هتقروه محدش فيكو هيقدر يتجاهل التعليق عليه.........
من كام يوم كده..فتحت التليفزيون على قناه (دريم)الفضائيه......لقيت برنامج (الحقيقه) شغال اللى بيقدمه المزيع والاعلامى الرائع (وائل النبراشى)....
ومن حديثه عرفت انه بيتكلم على الاضراب........
قولت لنفسى (ييييييييييييي هو احنا مش هنخلص من السيره دى بقى) ولسه هقلبلقيت الحوار التالى

وائل: احكيلنا بقى يا حج ايه اللى حصل بالتفصيل
والد الضحيه:انا ساكن فى المحله فى بيت ف الدور التالت وف يوم 6 ابريل وبالتحديد ف نفس معاد الاضراب
كنا كلنا ف البيت ابنى محمد ف الاعداديه كان نايم عالسرير واخته كانت ف المطبخ بتعمل شاى
لقينا زعيق ف الشارع جامد قوى كانا اتفزعنا رحنا نبص م البلكونه نشوف ايه الحكايه ....
لقينا المتظاهرين بيجروا والامن بيجرى وراهم وسمعنا صوت بيقول (اضرب).......
مافيش ثانيه ولقيت ابنى اللى واقف جمبى ف البلكونه بيصرخ ويقول اه ه ه ه وقام واقع عالارض ميت

وانتابت الاب حاله من الهستيريا وفضل يكرر ويقول (ابنى ابنى ابنى ابنى ) ......وبعد ان قام وائل النبراشى بتهدئته
استكمل حديثه
والد الضحيه: اخدناه انا وجارى الى مستشفى قريبه وكان لازال حيا ولكن مدير المستشفى قال (لا احنا مش هنقدر ناخده وديه المستشفى الغلانيه ف الحته الفلانيه) ولما وصلنا المستشفى التانيه كان توفى

وائل النبراشى :معانا تليفون الو اللواء السابق للامن(على ما اعتقد) احب اعرف رأى حضرتك ايه فى الواقعه دى اللى
سقط فيها الشهيد محمد
اللواء على الهاتف: اولا مش عايزين نسرف ف كلمه شهيد دى هو مش شهيد ولا حاجه
خال الشهيد(يرد فى غضب): واحد مقفول عليه بيته واتقتل غدر ميبقاش شهيد؟
اللواء على الهاتف:وهو بيدخل البلكونه ليه ..........انا ف عقل بالى (وحياه امك)
والد الشهيد فى ثوره:منعرفش انكو هتضربوا انت ابنك نام ف حضنك لكن انا ابنى مات
اللواء على الهاتف :الامن ده بيحمى مصر ..............(ياريت هنا بقى كان يحدد معنى مصر مهى مصر هى ولادها على ما اعتقد
وائل النبراشى:بنظره انسانيه يا سياده اللواء لو بعد الشر الطفل اللى مات ده كان ابنك كنت هتقول ايه
اللواء على الهاتف بكل المعانى الغليظه وقله الرحمه :ما ف داهيه المهم مصر........هنا بقى كنت عايزه اكسر التلفزيون
(بدا على وجه وائل علامات الضيق من اللفظ وكان واضح انه اصبح نادما على السماح بمداخله هزا اللواء)
اللواء على الهاتف : اصل الامن لما بيضرب بيضرب عشوائى مش بيبص بيضرب على ايه........(يا سنه سوخه عشوائى وانا اقول بتوع الامن المركزى بيختاروهم اغبيه ليه)
الواء فى الاستوديو:عشوائى ده يبقى ف الارض يا سياده اللواء مش ف البلكونات وحتى المفروض انه مايصبش حد من المتظاهرين
اللواء على الهاتف:مصر فوق كل الرؤوس يا سياده اللواء

هزا ما اتزكره من الحلقه واعتقد انه يكفى لكثير من الاسئله
هل اصبحنا مهانين الى هزا الحد؟
هل اصبحت كلمه العزاء خساره فينا؟من السبب فى كل زلك؟
من كلام اللواء على الهاتف استشفيت ان السبب الوحيد هو.....................البلكونه


للفقيد الرحمه وللاسره خالص العزاء

هناك 36 تعليقًا:

غير معرف يقول...

واله باانجى انتى فكرتينى بالحلقه دى وفكرتينى قد ايه الواحد كان مفروس وهو بيشوفها ... حسبنا الله ونعم الوكيل فى كل ظالم ومنافق .. والصبر والسلوان لاهل الشهيد وبالمناسبه المذيع اسمه وائل الابراشى ..
بابا

بنت مصريه يقول...

ههههههههههههههههه والله يا بابا
الواحد من كتر الهم اللى هو فيه نسى حتى اسماء المزيعين اللى بيحبهم
ده كويس ان انا لسه فاكره اسمى لحد دلوقتى

وجهة نظري يقول...

هوا لو فية حد عندة دم في الحكومة كان قعد فيها ثانية واحدة بعد إلي حصل دا؟ إنما هما بيتعاملوا مع الشعب المصري كأنة شعب مهجر ومصيبة ووقعت علي دماغ الحكومة، علشان كدة أمن مصر أهم من الشعب المهجر دا، مصر دي إلي الحكومة عايشه فيها مش إلي الشعب المهجر مفروض عليهم فيها.

متزعليش، ومحدش يزعل، وأهلة يحتسبوه شهيد عند ربنا، وربنا مبيسبش حد وبكرة يفرج الناس عليهم ويحرق قلبهم زي ماحرقوا قلب المصريين.

مشربية يقول...

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! ينفع كدة !!!!!!!!
للاسف دة الرد الوحيد عشا ن الواحد مايغلطتش تاني

بنت مصريه يقول...

وجهه نظرى عندك حق واللهدا انا اتحرق دمى بشكل رهيب وانا بتفرج عالبرنامج خصوصا لما اللوا ده دخل ف الخط ان شاء الله هناخد اجر قاظمين الغيظ شكرا على تعليقك
مشربيه
الحسن الواحد ميغلطش يقظم فى غيظه عشان اولاد الستين ف سبعين ميخدوش حسناتنا شكرا على تعليقك يا محمد

semsema يقول...

اساسا دلوقتى مفيش حاجة مفرحة تقدرى تكتبى عنها

انا بصراحة متفرجتش على الحلقة
بس مش قادرة اصدق ان فى بنى ادم يقول كده
فعلا البلكونة هى السبب ... منها لله
طيب والمستشفى ليه مرضيتش تاخد الولد هى بطرى ولا ايه ولا الدكاترة كمان كانت عاملة اعتصام
عموما ربنا يخلى اللواء ده لمصر
ده هو واللى زيه اصلح ناس لوزارة الخارجية عارفة هيخلوا مسئولية مصر عن اى حاجة
تحياتى ليكى ولمدونتك الجميلة

mregypt7 يقول...

هاقولك ايه يا انجى بالرغم من انى بعشق بلدى مصر وبموت فيها بس فيها ناس يعنى ممكن اقولك ان عقولهم تعبانه بالمصرى كده متخلفين عقليا بتاع ايه يعنى تنزل وتعمل اضراب يعنى اللى عايز يعمل اضراب يبقى مؤدب مش لازم بلطجه ما ترحش شغلك ولا هى الهيصه فى دمنا هقول ايه والله مالاقى كلام اوصف بيه اللواء ده ولو قلته هاشتم ولا بلاش خلينا مؤدبين اصل لو فيه حساب فى البلد ديه ماكنش واحد زى ده وصل لواء انا نسيت ان المحسوبيه بتلعب دورها وبالنسبه لنجوم الامن المركزى يا جماعه حرام عليكم انتم كده بتبهدلوا فى الشعب لما تقول لغبى فيهم اضرب ويضرب لفوق ماهو مش فاهم حاجه يا ريت يعنى تعتنوا شويه فى اختيارتكم ولا هو لازم انه ما يكونش بيفهم عشان يعجب يعنى هقول ايه حسبى الله ونعم الوكيل ولاسره الفقيد خالص العزاء
مع خالص تحياتى
الباش مهندس احمد

Unique يقول...

ابتسم انت في م.. البلكونة

تحياتي

صحفية روشة يقول...

والله دى نيلة كبيرة اوى
وكلمه فى داهية المهم مصر دى حرقت دمى
بص انا مش هتكلم انا اتخنقت والله ممكن ابقى اجى واعلق بعدين
_______________________________
اول مرة هطلب زيارة محتاجه جدا جدا اجابات على البوست الاخير بمدونتى
شكرا

سفينة يقول...

والله العظيم حرام
حرام اللي بيحصل ده
ذل ومهانه وعدم احترام للانسان
دول بره يمكن بيحترموا الحيوانات اكتر ماالمسؤلين عندنا بيحترموا الانسان
حسبنا الله ونعم الوكيل

كعادتك دائما جميله في اسلوبك وجميله في اختيار مواضيعك
enjoy your time and have anice day

أحلام عمرنا يقول...

انا مشفتش برود زي كده ربنا ياخده يا رب ولا يبتيليه بمصيبه عشان يحس بعاناة الأب المجروح ده
ومصر ايه الي بيتكلم عنها هو احنا جايبنا من بلد تانية هو احنا مش ولاد البلد دي
حسبي الله ونعم الوكيل

ليكوريكا يقول...

بجد ده حصل ؟

دحنا بقينا ولا حاجه !

الحمد لله اني قاطعت كل البرامج دي والنشرات برضو

الحمد لله اني مبقتش اقف في البلكونه :(((

لورنس العرب يقول...

المضحك في الموضوع أن سيادة اللواء يريد التحكم في اعطاء الميت كلمة شهيد أو غير شهيد، فلو انعم عليه بها صار شهيدا، ولو شاء أدخله النار، ربنا يرحمنا

rasha يقول...

بجد جسبي الله ونعمه الوكيل ...بس الموضوع ده المفروض ما يتسكتش عليه كان نفسي ازور البلوج بتاعك في ظروف احسن من كده بس اعوضها مره تانيه

حمادة زيدان يقول...

أنجي
لو الحكومة والنظام الوسخ بتاعنا ده بيهتم ولو اهتمام بسيط بالبني آدم كان زمان حال البلدي أتعدل ومن زمان
ولكن النظام هنا بيهتم بأى حاجة الا البني أدمين "حسبي الله ونعم الوكيل"

بنت مصريه يقول...

سمسمه
متشكره قوى على تعليقك.وبصراحه انا مكنتش عايزه اكتب ف الموضوع ده بس مقدرتش
مستر ايجيبت
متشكره عالتعليق وانا بقولك ان دا مش ميصلحش لواء ميصلحش انسان اساسا
يونيك
ابتسمى زى مانتى عايزه بس متدخليش البلكونه شكرا عالتعليق
صحفيه
مرسى على تعليقك يا قمر انتى بنت بجد جادعه
سفينه
عندك حق والله ومتشكره قوى عالتعليق وانت اللى موضوعاتك جميله والله خصوصا البوست الاخير
احلام عمرنا معاك حق والله حسبى الله ونعم الوكيل شكلرا عالتعليق
ليكوريكا
اه والله حصل امال انا جالى اكتئاب من ايه كويس انك مبقتش تدخل البلكونه شكرا عالتعليق
لورنس العرب
ماهو اللى يعيش ياما يشوف دا والله حسابه عند ربنا عسير
رشا انا مواضيعى كلها كوميديه والله بس الظروف جت كدا بقى
حماده
شكرا على تعليقك يا حماده واتمنى تزورنى دايما

يا جماعه انا ماكنتش عايزه التعليق كتعلق عالبوست انا عايزاه عشان كلنا ندعى للشهيد بالرحمه والمغفره ونقدم خالص العزاء لاسرته

تــــايه ومش تـــايه يقول...

ايه وقفو فى البلكونه بس
اكيد اللواء ده ميعرفش يعنى ايه بلكونه.اخرو يعرف التخشيبه

استراحة محمد يقول...

فى داهية !!!!
طب مصر كلها اترحمت على الشهيد وانت الوحيد اللى قلت ف داهية
اراهنك ان مصر كلها هتقولك انت فى داهية
بجد فى داهية يا سيداة الوعاء ( الجردل )
وتلبية لرغبة الانسانية والحق ولرغبة بنت مصرية
ادعو للفقيد بالرحمة وان ينال مثوى المظلومين

بطوط حبوب يقول...

ربنا يرحم

مش عارف مين الى محتاج الدعاء
الى استهون اوى بقتل واحد
ولا الى بيدافع عنه
رغم انهم ميستحقوش الرحمه الا انهم صعبانين على اخرتهم هتبقى .............

بنت مصريه يقول...

تايه ومش تايه
والله كانوا واقفين ف البلكونه والراجل ده ميدخلش ف زمتى عسكرى حتى قال لواء قال
استراحه محمد ربنا يكرمك يا محمد يا رب
وشكرا على تعليقك
بطوط
اكيد اخرتهم سودا ان شاء الله شكرا على تعليقك

nody_1987 يقول...

طب اعمل فيكى ايه
انا مارضتش اتفرج على الحلقه دى
علشان مش عاوزخ ااخد لسانى على الشتيمه
بصى
هو فكرنا بارضه
بالسيد المسؤل المحترم الى اتصل قبل كده فى احدى الرامج وبيولوا يا فندم الراجل صبح الصبح لقى ميه المجارى مغطياه وابنى غرق
رد البيه هو الغلطان معلمش ابنه العوم ليه؟

سبهللة عالآخر يقول...

تصدقى بالله قبل ما اكمل البوست بتاعك للاخر قلت فى بالى البلكونة هى السبب
لاقيتك بتقولى نفس الكلمة فى اخر البوست
حلو توارد الافكار دة
اتمنى نكون اصدقاء

غير معرف يقول...

عاصم الانصاري :
هو ده حال مصر البني ادم دايما فيها رخيص مش جديد علينا اتعودنا دايما ان شعب مصر مهان لا كرامة له واحنا اللي عملنا كده في نفسنا اللواء ده ماهو الا انسان حقير ولو كان ابنه هو اللي مات كان زمانه بيلطم زي النسوان. الكلام اللي جوايا كتيييييييييييييييييير. لكن عشان اوفر عليكي الخصه في كلمتين(لا تعليق)

وشكرا على مجهودك الرائع

Abo 7anf يقول...

السلام عليكم
ربنا يرحم الولد

بنت مصريه يقول...

نودى انا اول مره اسمع الحكايه دى والله بس دى نكته بجد يعلم ابنه العوم عشلن يسبح ف المجارى سبحان الله

سبهلله عالاخر
انا زرت مدونتك بصراحه فوق الرائعه وعلى فكره افكارك فعلا قريبه جدا من افكارى شكرا عالتعليق ويشرفنى نكون اصدقاء

عاصم الانصارى
مرسى اوى يا عاصم على التعليق ولون الموضوع يجيب للواحد اكتئاب

ابو حنف
ويرحمنا جميعا من البلد دى شكرا عالتعليق

رصيف نمرة خمسة يقول...

:وهو بيدخل البلكونه ليه

سؤال يفرض نفسه وعايز اجابة ازاى تصمموا البيوت يبقى فيها بلكونات ده اكبر غلط

انا مشوفتش الحلقة بس انتى عرضتيها زى ما انا كنت هشوفها

وعلى فكرة ياانجى انا اتبسطت منك جدا لما اعتزرتى لواحد من البلد دى

ربنا يوفقك ياجميله

واحد من البلد دى يقول...

أولا آسف على التأخير...ثانيا لما تشوفى أى حاجة غريبة وتنرفزك أوى...إفتكرى دايما العبارة دى-العبارة بكسر العين-.....إبتسم..أنت فى مصر....لكن حيروحو فين من ربنا...على فكرة ..وائل الإبراشى مذيع محترم جدا..وأنا شخصيا باحبه..تحياتى يا جمييييييل

zOzO يقول...

مش عارهف اقولك ايه
بس بجد كلامك وجعتي قلبي


الواحد يبقي قاعد في امان الله وفجاه
يلاقي ابنه راح منه

فجاه


بجد ربنا علي الظالم والمفتري ونخلص بقي من العيشه .....
استغفر الله العظيم


حسبنا الله ونعم الوكيل

تحياتي ليكي

WhItE HeArT يقول...

مدونة جميله فعلا


انا كنت بتفرج على البرنامج وبالفعل قمت ومكملتش البرنامج من كتر العصبية اللي كنت فيها

للأسف هما دول اللي ماسكينك يامصر

سلام

صبري سراج يقول...

لها رب..

بنت مصريه يقول...

رصيف نمره خمسه
ربنا يكرمك يا امى يا رب
وبالنسبه لواحد من البلد دى ف الموضوع ده سببه الاول والاساسى الشيطان الله يلعنه بقى وبصراحه حصل سوء تفاهم وبغض النظر مين اللى غلطان فأنا اللى لازم اعتزر لان ده زى والدى
وبصراحه انا حمدت ربنا ان سوء التفاهم ده حصل عشان اشوف البوستات اللى ف مدونته بصراحه الكلمات تعجز عن وصفها فى منتهى الروعه شكرا لمرورك يا قمر

واحد من البلد دى
من غير اسف ولا حاجه المهم انك نورتنى

زوزو ربنا يخليكى يا رب وشكرا عالتعليق
ويت هارت ربنا يخليك انت الاجمل والله وشكرا انك نورتنى
صبرى سراج
فعلا معاك حق والله لينا ربنا قول يا رب

CrY2DaY يقول...

ربنا يرحــــــــــمك يا ابنى يارب ويلهم اهلك الصبر والسلوان ...

لا حول ولا قوة الا بالله
مصر ... هو انت يا سيادة اللواء لو بتحب مصر قولت قولت على ولادها فى داهية ... لمة انت تقول كدة امناء الشرطة يعملوا اية مايهم حق يعملوا .. ويعملوا كمان !!!


تحــــــــــياتى

مفقوعة مرارتي من حماتــــــــــــي يقول...

يالله يابنتي الكلامده حصل ... انا ماشفتش الحلقة ... بس كان حقك تكسري التليفزيون
ده انا أتفرست من مجرد قراءة الكلام ده ... ربنا ينور بيت اللوا ده بحريقة تعرفه معزة الضنا
لوز مستفز

امل يقول...

أعوذ بالله
ده صحيح معندوش لا دم ولا اخلاق

will يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

A片,aio,av女優,av,av片,aio交友愛情館,ut聊天室,聊天室,豆豆聊天室,色情聊天室,尋夢園聊天室,080聊天室,視訊聊天室,080苗栗人聊天室,上班族聊天室,成人聊天室,中部人聊天室,一夜情聊天室,情色聊天室,情色視訊,美女視訊,辣妹視訊,視訊交友網,免費視訊聊天,視訊,免費視訊,美女交友,成人交友,聊天室交友,微風論壇,微風成人,sex,成人,情色,情色貼圖,色情,微風,聊天室尋夢園,交友,視訊交友,視訊聊天,視訊辣妹,一夜情

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................