روح جارنا الحج سعييد.........على بيته فرحان وسعيد
قال لمراته يا بهيه..........قومى بقى اصحى يا وليه
هيزودوا لنا النقديه...........بزياده 30 %
وهناكل فراخ بالملوخيه.........وعيشتنا راح تبقى هنيه
ردت عليه الست بهيه.......... وهى لسه نايمه شويه
قالتله متأكد يا سعيد.......... مهى الحكومه بتقول وتعيد
ولا عملت اى جديد............ ومبتنفذش الا التهديد
قام قالها ده تصريح م الريس........والله وحالنا راح يبقى كويس
وفرح قوام الحج سعيد .........ومشى يزغرد كأنه ف عيد
بس الزعل كان جايله شديد..........لان تانى يوم وبالتحديد
لقى زياده ف الاسعار............ سواء ف الرز أو الخضار
وتصريح يزود سعر التموين......... والسولار والبنزين
وناس بتلعن السلسفين.................. عايزه حقوقها المنسيه
فكر شويه الحج سعييد..........لقى حلمه بيروح لبعيد
ولقى ال30%..............راحه عالخدمات اليوميه
اللى زادت....................ف النقديه
من تمويل العربيه...........للتموين والفئويه
ورجع سعيد لبهيه...........بيقولها خبيتنا قويه
راحو ال30%...........كانوا وهم وسراب يا بهيه
ردت بهيه اه يانا............ماتسيبنى شويه نعسانه
قام قالها ايه يا وليه...........ماتحسى شويه يا بهيه
قالتله ما قولتلك يا سعيد.........الحكومه بتقول وتعيد
ارضى بقى بعيشتك يا سعيد...........ومتنطقش الا بالتأييد
والا هتروح ف حديد..........فاشوف احسنلك يا سعيد
تعيش طول عمرك عالحديد...........عشان تعجب كل شديد
رد سعيد.............. اهو كله حديد
قولى وداع يا ديمقراطيه................
يدوك ابصر ايه ف الميه................ ويلبوك اللبه اللى هيه
معلش قلقتك يا بهيه.............روحى بقى نامى يا وليه
واحلمى بأحلام ورديه.............معدومه عالارض المصريه
الاشتراك في:
تعليقات الرسالة (Atom)
هناك 52 تعليقًا:
ههههههههههههههه
حلوة دي
ربنا يكون في عونك ياحج سعيد
وفي عوننا كلنا
مبروك عليا اول تعليق
وتحياتي
بزمتك..لما الحاج سعيد يبقى ده حاله..
آمال الناس اللى مالهاش فى العلاوة أساسا
تعمل إيه..؟؟؟؟؟؟
حسبنا الله و نعم الوكيل
الحمد لله ان الحاج سعيد فاق من الحلم
اما بالنسبة للمساكين اللي في القطاع الخاص واللي ملهومش في العلاوه أصلا- فلهم ربنا
حلوه كعادتك
ههههههههههههه ياعم سعيد العلاوة طارت من قبل مايقولها ابو جمال
ههههههههههههههه
كلنا كنا فرحانين زيك يا حج سعيد
بس الصدمه جات من جديد
ماهى الحكومه مفتريه
والريس بقى ميه ميه
فى عيد ميلادك بنحييك
وبنقولك كفايه عليك
سيب السلطه للشباب
اصل حالتنا بقت هباب
اسلوبك جميل اوى يا مصريه
مستنيه تشريفك الكريم
تحياتى
دوودا
لطيفه جدا جدا
و لذيذه جدا جدا
ياعينى عليك ياعم سعيد
يللى ما بقتشى سعيد
بجد ملهاش حل
كلام جمييل قوي
وسلميلي على بهية
هههههه
تحياتي
هههههههه
اية الكلام الجامد دة
الا صحيح قولى ليا
يعنى اية فراخ
اكلة جديدة دى
ههههههه
تحياتى
انا مش عارف اضحك ولا ابكي
ومش عارف اقول لك زعلان منك ولا فرحان اني عندك وقاعد في مدونتك
ومش عارف احنا هنفضل نتحمل لغاية امتي الذل والتلطيش اللي الحكومه بتلطشه فينا
وعلي فكره انا قدمت استقالتي بسببك من شغلي
يعني حتي العلاوه ال30%دي كمان مش هطولها يعني انا وصلت لدرجة اني معدتش عارف احط بنزين لعربيتي
بس الحمد لله انا فيه في جيبي 15 جنيه ممكن اشتري بيهم عيش من ابو شلن ده يكفيني طول الشهر وبعد كده اما انتحر او اموت مقتول من الحسره علي حال بلدي الحبيبه مصر
عماااااااااااااااار يامصر
تحياتي ليكي واتمني تكوني بخير وعلي فكره انا مااقدرش ازعل منك
انتي برضه هيبقي اسمك رئيستي في الشغل
مع الف سلامه ياافندم
حلوة جدااااااااااااااا
فظيعة
قولتى المفيد كلة بهنيكى بوست جميل فعلا
تحياتى
السلام عليكم ورحمه الله وبركاته
ربنا يكرمك يارب بجد جميله جدا
خلتنى اضحك وانا مضايق
جزاكم الله خيرا
والسلام عليكم
أخوك
د/أحمدجمال
ربنا يرحمنا ... امين
مش لاقى كلام اقولة ... مدونة تستحق الاشادة
ــــــــــــــــــــــــــــــــ
دعوة لفعل الخير
اتمنى زيارة مدونتى
تحياتى
وايت هارت
دا بس من زوقك والله
ومبروك عليا انا انك شرفتنى
واحد من البلد دى
عندك حق والله
ربنا يكون ف عوننا
لورنس الغرب
ربنا يخليك يا لورنس
وحتى اللى ليه ف العلاوه ما الحاجات غليت قبل ما يخدوها
كريم مصطفى احمد فراج
هههههههههههه عندك حق والله
شكرا عالتعليق
ذا بيوتى كاندى
حرام عليكى يا دووودا عايزه الشباب يمسك البلد
ده كده انتى ادتيهم فرصه يخزوقونا
ف اللى بالى بالك
شكرا يا قمر عالتعليق
واحده مفروسه
ربنا يخليكى يا رب شكرا على تعليقك يا قمر
هيرو
ربنا يخليك يا هيرو
والسلام يوصل بس على الله الاقيها صاحيه
تامر
ربنا يكرمك يا رب
بسص يا سيدى الفراخ دى مخلوق عجيب كده ليه ريش وبيبيض
حاجه غريبه كده يعنى
سفينه
عندك حق والله
ليه اتسرعت وقدمت استقالتك
اصل انا معدتش بشتغل
اقولك حاجه
احنا نقعد على باب السيده
احنا لتنين يمكن نلم حق الميكروباص
فيس موون
ربنا يخليك وشكرا على
تشريفك الجميل
ابا يحيى وادم
ربنا يخليك يا دكتور احمد يا رب وتنورنى دايما
كراى تو داى
ربنا يكرمك يا رب ودى شهاده اعتز بيها
شرفنى دايما
السلام عليكم
حج شعيد
متزعلش دى البدايه
ولسه القرارت جيه
موضوعك حلو جدا
تقبلى مرورى
هههههههههههههههههه
وكما عودتنا المصريه تتقمص بدور الصحفيه والبوست بتاعها ده هديه
اقراه واتعلم منه ياض انت وهيه
ايه يا بنتى ده ايه الكلام الحلو ده ايه الوزن والقافيه دول
ده ولا كانى بسمع شاعر احلى والله احلى
المهم يا حج سعيد الغلط عليك انت من الاول حد برضه يا راجل يصدق الحكومه
اكيد مادام زودولك مرتبك يبقى زودوا قدامها الاسعار للضعف يا باشا
وانت يعنى مالقتش غير بهيه
يا راجل هى فاضيالك سيبها تنام
بس كنت عايز اسالك حاجه يا مصريه
هو الحج سعيد عرف يزرغط ولا ما عرفش
بص يا حج هى سهله اوى
لولولولولولولولولى بس ابقى طلع لسانك فيها عشان تسمع
وانتى يا بهيه اقفى جمب الراجل هو ده وقت الزنقه وقوليله هو احنا عايشين كده فى البلد ديه وهو ده حالنا
ما خلاص الابلتين لدع فى دهاليز الحياه
والعيشه بقت قحط وخربانه
منك لله ياللى فى بالى
وامانه يا حج سعيد تسيب بهيه نعسانه
البوست جميل اوى يا مصريه بس انتى نسيتى اهم حاجه غليت
السجـــــــــــائر
ينفع كده وانا فاكرك اول حاجه هاتقوليها
كده كل الشعب هايتجه نحو الشيشه
فاكراها
بكره تغلى هى كمان
مع خالص تحياتى
الباش مهندس بوحميد
مشكلة العصر :D
ربنا يتولانا برحمته
يعنى الحاج سعيد تاعب نفسه و عمال يصحى فى الولية عشان حياكلوا فراخ ؟؟ هو ناسى انفلوانزا الطيور ؟؟ عرفتى اين تكمن الخدعة ؟؟
شدي اللحاف يابهية
شديه كمان فوق
ايوة كدة
لاجل تتخنقي ويرتاح الحاج سعيد من مصاريفك
اول زيارة لمدونتك
بجد مدونة تحفة
وحلوة اوى الحدوتة
هم يضحك
ياسعيد اسم على غير مسمى عارف
هتبقى سعيد ازاى فى الحال المنيل ده
وكمان بهية
تقريبا السعادة مش هنلاقيها غير فى اسامينا بس
تحياتى وتقديرى
بنت مصرية
أطمني خااااااااالص
سعيد مش هيتحط في الحديد
الحديد سعره غالي و هيترخصوه في سعيد
و خدي بالي أن وزير المالية مارضيش يزود ميزانية وزارة الداخلية في السنة الجاية
يعني من السنة الجاية مش هيبقى فيه حديد
كلابشات خشب بقى ماشي ... بلاستيك ما يضرش .... ورق و ماله ... لازم يبقى فيه ثقة متبادلة ...
يعني على 75 مليون ( سعيد) ...
خدوا العلاوة باليمين و أدوها بالشمال
لية ربش وبيض زى التبعان ياابلة ههههه.
شوفى تعالى عندى بقى شوفى كيف تكونى سيدة اعمال بعيد عنك هبلولى خالص هههه
تحياتى
شالو الدو
حطوا شاهين
الدو قال منتوش لاعبين
-----------------
خلاص
خلص الكلام كله :(
بجد انتى اسلوبك جامد و بيعكس خفه دمك و يشد اللى بيقرأ.
ثانيا دى احسن حاجه قريتها ف موضوع الاسعار......تحياتى
استمرى و بالتوفيق
بجد بجد انتى هايله مالكيش حل
بجد ما شاء الله عليكى أسلوبك حلو أوى .
ابو حنفى
مرسى يابو حنفى على تعليقك ويا رب دايما اكون عند حسن ظنك
بو حميد
انا فرحانه قوى ان البوست عجبك بجد ومتشكره قوى عالكلام الجميل اللى فأول تعليقك ه دا انت اللى شاعر يابنى
وبالنسبه للسجاير احسن انها غليت عشان تتلوا بقى
واطمن مدام السجاير غليت يبقى الشيشه هتغلى يللا احسن
شكرا عالتعليق يا بو حمييد
حمامه شكرا عالتعليق ويا رب تنورنى دايما
عليا حلييم
ههههههه عندك حق والله يا قمر
مرسى يا عسل انك نورتينى ويارب دايما
مفقوعه مرارتى
ههههههههههه عندك حق والله
اهو كل واحد يخنق نفسه باللحاف ويرتاح ويريح
شكرا على تعليقك يا قمر
مدحت محمد
انا يشرفنى حضورك ويشرفنى اكتر اعجابك بمدونتى ويا رب تنورنى دايما
درش
عندك حق والله يا مصطفى ف كل اللى قولته
بس متخفش عالحكومه هى مش هابله تحط سعيد ف حديد غالى اكيد هيبقى مغشوش
شكرا لتعليقك
ليكوريكا
عنك حق والله يا ليكو هههه
محنا بقينا عاملين زى النحله الدايخه هههه
شكرا لتعليقك
كريم
ربنا يخليك يا رب يا كريم
والله دى شهاده انا اعتز بيها ويا رب اكون عند حسن ظنك دايما وشكرا على تشريفك
بوتر فلاى
ده بس من زوقك يا قمر
ربنا يخليكى يا رب وتنورينى دايما
السلام عليكم
بجد بجد مدونه رائعه جدا
التصميمات خطيره جدا
والالوان زوقها حلو
والمواضيع جميله جدا ودمها خفيف
انا اول مرة ازور مدونتك تقبلو المرور
سلام الله عليك : ما شاء الله جميل جدا لكن اشعر ان النصف الاول يبدو اكثر تماسكا من النصف الاخير ولا ادعي المعرفة بالاوزان الشعرية لكنه مجرد احساس بموسيقى الكلمات.على كل حال اسلوبك حلو جدا ومع المران سيزداد براعة باذن الله
بجد يا بنت يا مصرية
عبرتي عن حالتنا الواقعية
بسخرية وبروح فكاهية
ربنا يرحمنا ويزيح الغيمة المباركية
تحياتي ليكي
هههههههههههههههههههههه حلوه موت و يا رب عم سيعد يفضل عايش و يعيد
رووووووعة يابنت مصرية
انصحك تسمعي الكلامات دي
ومش ابقي أمير الدموع لو عينكي مش دمعت من الكلامات الى هاتسمعيها
ليا من غيرك يابلدي
http://amer-eldmoo3.blogspot.com/2008/05/blog-post_15.html
حلوة بجد عجبتنى كنت ميت من الضحك بالذات بتاع الملوخيه الى فى الاول دى
تحياتى لكى
مسكين والله الحاج سعيد
بس بهية طلعت مثقفة وخبيرة
ومش بسهولة حد يضحك عليها
ههههههههه
جميلة قوي
ههههههههه
جميلة كعادتك يا بنوتة
تحياتي يا قمرة
حلوة قوي
تسلم ايديك
هههههههههههههههههه
جميييل اوى كلامك ياقمر
هو كل المدونين عمالين يتكلموا ع ال30 فى المية لحد ما هيختفوا ويبقوا 10 ومش هيعملوا حاجة كمااااااااان
يللا بقى هنعمل اية لنا الله
مستنياكى فى مدونتى ياعسوولة
والله الحج سيد حاله ككل المصريين
والرئيس ضحك عليهم , وطلعلهم لسانه
وقلهم خدوا على قفاكم يا حلويين
علشان تبطلوا تفكروا في زيادة ولا أضراب , وتبقي حياتكم هباب فى هباب
آخر حاجه كانت من يوم 12
رحتي فين؟؟؟؟؟
جميلة جدا
ومعبرة
بس يامفتريه انتى بتقولى انك بتقرى اخبار تسد النفس عالصبح تروحى تظروفينى بوست زى دة عالصبح
عالعموم مقبوله منك
مستنى اقتراحك على البوست الجديد
وادعوكى لوضع لوجو حملة وقف تصدير الغاز الى اسرائيل
ودة اللينك بتاع اللوجو
http://www.zshare.net/image/12105759293805bb/
معلش يا جماعه انا بعتذرلكو مش عارفه ارد على تعليقاتكوا ولا ادخل البلوج عندكوا عشان النت بتاعى بايظ
وانا بتكلم دلوقتى من نت تانى
اول ما النت يتصلح اوعدكوا انى
هرد عليكوا واتشرف بدخول البلوجات بتاعتكوا
بجد حلووووووووووووووة اوى اوى اوى
تصوير لذيذ جدا لواقع مر ومؤلم اوى
الى الامام دايما
تحياتى ..جيلان
العلاوة كلها الفار هههه
تحياتى
بجد موهبة
كلمات جميلة تناقش فكرة وحدث
وكمان زى العسل
اشكرك على سؤالك عليا
وقريب هكتب بوست جديد
تحياتى
يا رب النت يتصلح
يظهر فعلا ان الأحلام معدومة على الأرض المصرية
دمتى بخير أختى
سالى
انا مدون جديد
دى اول زيارة ليا
مدونتك حلوة اوى ودمها شربات
عز الدين
سلااااااااام
ههههههههه
اية الحلاوة دى
ربنا يحد اللى خدها مننا
تحياتى
كتبت احد موضوعاتى وسوف ترى افكارى
تحياتى
عز
سلاااااااام
شكرا لكى على متابعتك لمدونتى
بالتوفيق و النجاح
تحياتى لكى
انت بجد تستاهلي كل الخير والتقدير وبرافو كلامك عسل ياعسل،
اقبلي تحياتي وكوني صديفة وفية لمدونتنا
جزاك الله كل الخير
تحيا الحكومه تحيا
ونموت احنا وتحيا
وتعيش بلادنا حره
في كل بيت وناحيه
ويزيد الدعم لينا
وتعيش يا ريس يحيى
قصدت اقول مبارك
اعزرنى لسه صاحيه
مبارك ليك ولينا
والخير يعم علينا
في عهدك ما قسينا
وفي خيرك بنحيا
سنه خضرا عليك يا ريس
دا انت راجل كويس
على رأى الحج عادل
ريسنا احلى ريس
شد الحزام تمام
خلاه قد القوام
واروح اقبض معاشى
من كتر الفكر اهيس
طبعا كفى وفاض
لفيت بيه البلاد
واكلت احلى اكل
ونمت احلم يا ريس
ههههههههههههههههه
متفكريش بموضوع ال30% لأن دمى لسه محروق من يومها
تقبلى تحياتى
آآآآآه ياااااانا
يا بنوته عاوزه استشيرك واخد رايك فى حاجه بات كتير اوى على النت اليومين دول وهى حب اللى على الشات وبجد عاوزه اسمع رايك يعنى استشاره ممكن
ههههههههههه
طب و الله بجد صعب عليا و خصوصا لان دى النوعية المنتشرة فى مصر بشكل كبير....نقول ايه الله جاب الله خد الله عليه العوض بجد
هههههههههههه
بوست هايل
إرسال تعليق