معلش يا جماعه اتأخرت عليكو شويه.............اصل كان عندى (فصام ف الشخصيه) لمده يومين
مش مصدقينى ولا ايه ...........اكيد بتقولوا لنفسكو (هى جايه تطلع العقد اللى درستها علينا ولا ايه)...........
لا والله يا جماعه انا فعلا كان عندى (فصام ف الشخصيه).....هقولكوا ازاى
من حوالى اسبوع سمعت ان واحد قريبنا_انا بعتبره زى اخويا _سمعت انه عمل حادثه وتوفاه الله (ادعوله يا جماعه)
لسه شاب ف مقتبل العمر (الله يرحمه)
وكنت تانى يوم معزومه على فرح واحده بعتبرها اختى برضه ومقدرش مكنش معاها ف يوم زى دا
ف الحاله دى تقدروا تقولولى ممكن اعمل ايه
ازعل لموت شاب بعتبره اخويا..................... ولا افرح لفرح بنوته بعتبرها اختى
ملقيتش غير حل واحد ...................هو انى احاول اتماسك واحضر لتنين (العزاء) وتانى يوم (الفرح)
مهو مفيش حل تانى
وف يومين ..........لاقيتنى بقول كلمتين
واحد واتنين ............دول كانو يومين
حسيت ان عندى فصام.......او بالاصح شخصيتين
مش كدب ولا نفاق...........لأ دول غلاوتين
ساعتها جالى خبرين
اولهم حزين بيقول الشهادتين................وتانيهم ناس بتزف العروسين
اولهم غالى اهله بموته صابرين...............وتانيهم غاليه اهلها بفرحها مبسوطين
اه ه ه يا دنيا التايهين
تبقى على ناس فل وياسمين ..............وعلى تانيين نعى ومعزيين
ساعتها كان لازم اكون بشخصيتين............والا هخسر لتنين
ولو مخدتش دا حكمه................. هكون من الضاليين
فاضطريت ف يوميين .................اعزى وابارك للعروسين
الاشتراك في:
تعليقات الرسالة (Atom)
هناك 80 تعليقًا:
سبحان الله فعلا دنيا غريبة
ناس بتموت وناس بتتولد وناس بتتجوز وناس مبسوطة وناس حزينة واهو كله عايش وكله بيعدي
وانتي عملتي الصح طبعا وعلى رأي المثل الحي ابقى من الميت
تحياتي
السلام عليكم و رحمة الله و بركاته
زيارة اولى لمدونتك عزيزتى
هى دى سنة الحياة , يوم فرح و يوم حزن .....يوم حلو و يوم مر .....لفا و فراق
وادينا عايشينها بحلوها و مرها .
ده مش فصام ..دى واجبات اجتماعية لابد منها بالرغم من اختلاف الاحاسيس و تضارب المشاعر .
ارق تحياتى ليك .....سلام
سبحان اللة
ناس مهمومة وناس فرحانة
واحد يموت و10 يشرفو
بصى اختى العزيزة انتى عملتى الصح
انتى عملتى الواجب اللى عليكى
بس واللة احنا زعلنا اوى على غيابك
تحياتى ليكى يااختى
هوه ده حال الدنيا يا بنوته
سبحان الله
سبحان مغير الحال من حال الى حال
دة هو حال الدنيا ناس فرحانة وناس زعلانة زى بالظبط تلاقى ناس بتودى فقيد لها وناس تانية فرحانة لمولد عندهم
اولا البقاء لله وربنا يرحمه ويغفر له
ثانيا الف مبروك
أهــهــه دنيــــــــــــــــا..
ممكن نتخيل ان ممكن فى اى وقت ممكن يموت واحد من قرايبنا ..
بس بلاش حزن ارجوكم ..كفايانا حزن ..ارجوكى يا بنوتة ..تحثى بوست عن موضوع فكاهى شوية وبلاش حزن ارجوكى ..كفاية انا زلان منك موش بتزورى تيكنو نيوز بتاعتى ..
هي الدنيا كده يوم حلو و يوم مر
و كلها ايام و بتعدي
لازم نفرح لفرح احبائنا و نحزن لحزنهم برضه
و منتهى الانسانية المشاركة في الحالتين
سيتم غدا
الأحد15-6
اذاعه حكايات انا والنت لكل من
ايويه
بنت مصريه
مصرى بدرجة مواطن
برنسيس بيرى
سالى
هانى ميشيل
فى البرنامج الاذاعى " انت تسال والكمبيوتر يجيب
http://netonradio.blogspot.com/
والذى يذاع يوميا على اذاعه البرنامج العام الساعه 9.10 صباحا ماعدا يوم الجمعه
تمنياتنا بدوام التواصل
حال الدنيا
لا تعليق
ان لله وان لله راجعون
الف مروووووووووك
ههههههههههههههههههههه
(شهقة تدل ع الخضة)
بجد بجد ربنا يكون في عونك حبيبتي
مش قادرة ادخل المرة دي اهزر معاكي
انما اعتبري كلامي طبطبة ومسح ع الراس
ربنا يهون عليكي
ده حال الدنيا
ممكن بيت واحد يكون فيه فرح وميتم فى نفس الوقت
ربنا يرحم المتوفى
ويصبر اهله
ويهنى العروسه
وكان لازم تعملى كده
لان هى دى الحياه
والنبى بلاش السجع ده
انا استويت سجع وتوريه وجناس
طلع من بؤبؤ عينى
محبتى يا قمر
اكيد كان صعب عليكي اوي
البقاء لله ربنا يرحمه ومبروك للعروسة ربنا يسعدها
تحياتي
هى المساله يا مصريه سهله وبسيطه وبتتلخص فى كلمتين
هاتقوليلى ايه هم وطبعا انا هاجوبك
ان كل شى قسمه ونصيب وقدر ومكتوب
وهو ده حال الدنيا ازعل النهارده وبكره افرح
مش انتى بتقولى انك مصريه
هو المصرى كده عنده دايما الاحساس بالشعورين
واكيد بعد ما كنتى بتعيطى على الشاب
كنتى بتزرغتى للعروسه والفرحه مش سايعاكى(ابقى خديلك شقه ميتين متر كده عشان تاخدى راحتك وتسيعك )
واحب اقولك البقاء لله
والف ميت مليون مبروك وعقبال كل سنه
بس انتى ادمك وحش اوى يا مصريه اكيد كنتى بصه للشاب ده فى حاجه ماستحملش
والف سلامه على فصامك
مع خالص تحياتى
الباش مهندس بوحميد
دنيا غريبة بالفعل
لكن هي دي الحياة والمثل بيقول "مات الملك .. عاش الملك"
والحي أبقى منا لميت
وربنا يقدرك على فعل الخير
ربنا يعينك
تحياتي
مبروك
و البقاء لله
بيتهيئلي ده اهون من انك تحددي ميعاد لفرح معين او خطوبة
و اذ فجأتن تلقي حد قريبك اوي مات
ربنا يصبر اهل الحزن و ينسيهم
و يزيد فرحة اهل الفرح
هيرو
شكرا على تعليقك يا هيرو
وتنورنى دايما ربنا يصبر اهله يا رب
دكتوره داليا
وعليكم السلام ورحمه الله
اول زياره واتمنى متكنش اخر زياره
واتمنى تنورينى دايما
محمود حسن العدل
انا اللى اسفه يا محمود كأبتكوا بعد ما كنتو بتضحكوا على بوستاتى
بس فعلا كنت عايزه الناس كلها تدعيله
وتترحم عليه
اتمنى تنورنى على طول يا محمود
ومتشكره جدا عالتعليقات اللى ف البوستات التانيه
واحده مفروسه
ونعم بالله
جيو عمر
ربنا يخليك يا رب
على تعليقك الحلو ده وشكرا عالعزاء
ماتريكس انا اسفه انى نكدت عليك يا ماتريكس معلش البوست الجاى هيبقى فكاهى ان شاء الله
وانا مقدرش على زعلك انا بس كنت ف مواويل
واشكرك عالتعليق
هارت بيت ربنا يخليك يا رب
وشكرا عالتعليق
ديزرت كات
مرسى يا قطقوطه انك قولتيلى
وابقى قوليلى دايما لو فيه اى جديد
صوت من مصر
عندك حق والله دنيا ماتستهلش
كريم مصطفى سيد
شكرا للتعازى والتهانى
بصراحه مش عارفه اقول ايه
مها ميهو
ربنا يخليكى ليا يا حبيبتى
والاقى ناس زيك كده يقفوا معايا ويهونوا عليا ولو بكلمه
الحمد لله على كل حال
نودى
ههههههههههههههه
بؤبؤ عينك
اه منتى عربى
مبروك انك خلصتى
وشكرا عالتعازى
والتهانى
يونيك
والله دا كان مش صعب بس دا كان يكاد يكون مستحيل
الحمد لله على كل شىء
بشمهندس بوحميد
حتى ف الكوارث بتهزر
ربنا يديمها عليك نعمه يا رب
وما تحزنش ابدا
وشكرا عالتعازى والتهانى
انا من كنت محتاجا
عندك حق والله
بس دا مش خير لان لتنين زى اخواتى
دا احساس بالمسؤوليه
عاشقه الحب ربنا يخليكى يا رب
ومرسى عالتعليق
محمد الكومى
مهو دا اللى حصل يا محمد اتحدد معاد الفرح والولد مات قبل الفرح بيوم
متشكره على مشاركتك الوجدانيه
وتنورنى دايما
سبحان الله..هي الدنيا كدا
وفعلا اللي عملتيه هو الصح
الانسان يفصل بين كل الاحداث رغم ان دا صعب لكنه مطلوب
اهنئك على الجمع بين الحدثين
وعلى الشعر :)
الحمد لله بنوتة وعدت انها حجيب بوست فكاهى وحتسيبنا من الحزن دا..كويس اوى اوى ..
عاوزين نضحك بقى شوية ..ولا ايه ؟؟
على فكرة انا عملت adding لمدونة حضرتك عندى نظرا لمحتواها المفيد...
00000000000000000000000000000000
www.tecno-news2.blogspot.com
00000000000000000000000000000000
ان شاء الله يا متركس هنزل حاجه حلوه
ومرسى انك ضفتنى مهو دا العشم برضه هههههههههههههههه
بتعجبنى اوى اشعارك..على رايك والهل الواحد ساعات بيحس انه بيتعب نفسيا من كتر ماهو عمال يغير فى الماسكات و النفسيات بتاعتوا ..على كل لون يا بطستا :((
حال الدنيا
مفيهاش حاجة ثابتة غير سنة التغيير
هو حال الدنيا كده يوم فرح ويوم حزن طفل بيتولد وشخص تاني بيموت عروسه بتتزوج وشاب بيموت مفيش حد دايم غير الله سبحانه وتعالي وده يعملنا ان الدنيا زوال وان احنا لازم نفكر فى خطوه بنخطيها
مبروك على البرنامج انت تسأل والكمبيوتر يجيب كانت حلقه مميزة جداً
مشاء الله عبر جميله ومواعظ اجمل اكم انتى جميله عندما وصفتى قدره الله الخالق فى فعل الاشياء وتحريق القدر مع الشخصيات بجد انتى مؤسره جدا لعبتى بى مشاعر كل المعلقين ممتاز...
بسم الله الرحمان الرحيم
ندعوكم الى التعاون من اجل ديننا ونبينا نتعاون يوم واحد فى التدوين لننشر فيه ديننا ننتظر قدومكم
سو
ربنا يخليك يا سو دا بس من زوقك العالى
اتمنى تنورنى دايما
ميرو ربنا يخليك وتنورنى دايما
خواطر رئيس شاب
عندك حق والله اه دنيا
فى حب الله
الله يبارك فيكى ياقمر واتمنى اشوفك على طوول
ادم المصرى
ربنا يخليك يا ادم على الكلام الحلو دا
يااااااااه صعبه قوي بصراحه
بس بجد ربنا يباركلك على اللي انتي عملتيه وانك استحملتي الضغطه دي
وزي ماالناس بيقولوا ولحد دلوقتي مش مقتنع بالكلمه دي
هيه دي الحياة
تحياتي
عاوز أقولك ألف ألف مبروك للعروسين وعقبال ما نبارك لهم على ولي العهد
شايف الفرحه في عينك ولله
وأقولك شدي حيلك وامسحي دموعك
أصلي شايف الدمعه في عينك ولله
...
ممكن الواحد يفرح ويحزن في نفس الوقت
بس غالبا ما بيكون الحزن طاغي شويه على الفرح
أصل حالات الوفاه بتكون صعبه جدا- وخاصة بين الشباب
بيكون الحزن فيها كبير
بس بردو الناس اللي عندهم فرح محتاجينك تكوني موجوده بينهم
ومش ذنبهم حاجه- وعاوزين يفرحوا بردو
وانتي عاوزه تفرحيهم !!!
..........
اتحكمتي في المناسبتين ازاي؟
سيدتي بنت مصرية
أحب أن أدعوك إلى زيارة مدونتي ولو أنني أطلب هذا الطلب على استحياء لأن تلك هي أول مرة أزور مدونتك فيها ولكن سيكون لي زيارات وتعليقات أيضا
كل الود
مدونتي هناhttp://kanyatklam.blogspot.com/
السلام عليكم
لاحول ولا قوة الا بالله ناس بتدخل دنيا وناس بتخرج منها انا برضه كان عندي فصام في الشخصية اليومين اللي فاتوا دول وفقدان ذاكرة وحاجات غريبة كده ربنا يسترها معانا ..تحياتي
فعلا الديا غريبه اوي
شويه تيجي علي حد وشويه تكون معاه
وممكن تكون معايا اوي ومع غيري تكون عليه اوي
ومطلعه روحه زي ما بيقولوا
ربنا يرحمنا يارب
وربنا يصبر اهل المتوفي
ويفرح اهل العروسه
السلام عليكم يا بنت يا مصريه
مش عارفه ابدا منين
اعزيكى اصل التعزيه واجب
ولا ابارك برضه واجب
شوفى ايه اللى انتى عايزه تبداى بيه
هى الدنيا كده يا مصريه مره فرح والتانيه حزن
ادعى للشاب ان ربنا يغفرله زنوبه
والعروسه ان ربنا يسعدها
وعايزه اشوف منك حاجات حلوه
زى اللى عودتينا عليها قبل كده
تعالى شرفينى انتى وكل الناس
تحياتى دوودا
البقية فى حياتك اختى العزيزة
اى حد مكانك كان هيترف زيك دة واجب على كل انسان هيا صعبة لان الحالتين عكس بعض بس معلشى دة نصيب
ربنا يوفقك
تحياتى
هيا دى سنة الحياة
تبارك وتعزى
موت وحياة
سبحان الله
بنت مصرية
أو إنجي .. سيان
♥ ♥ ♥ ♥ ♥ ♥ ♥ ♥
سيان .. لإنهما واحد فلا أجد فيهما انفصام فانتي يا انجي بنت مصرية بجد
واضح انك بتحبي مصر زيي جدا و زي أي حد مخلص و لكن زينا برضه عايزين مصر أحسن بلد في الدنيا و علشان كده قاسيين عليها قوي زي أي حد بيقسى على اللي بيحبه علشان يبقى احسن واحد في الدنيا
مدونتك رائعة
و البوست ده جميل وده حال الدنيا
و الأبيات صادقة وواقعية
إخراجك للمدونة لذيذ رغم كثرة التفاصيل لكنها رائعة
و ان شاء الله ناوي أكون ضيف تثيل عندك هنا في مين فين ليه و من غير ليه
ههههههههههه
دا لو سمحتي طبعا
****************
و الجميل في المدونة كمان انها بتفكرن يبمدونة غالية عليا قوي لدودو أو ماجينتك و دراماتك جيرل .. بارانويا لآآآآآ
هههههههههه
خالص تحياتي
أخوكــــي
مجرد موجة
نسيت أقولك
ألف مبروك يا إنجي
كلنا لها
هههههههه
عارف إن الضحك مش مقامه هنا و الله بس المفارقات دي بتضحكنا على حال الدنيا مش من الدنيا
نسيت أقولك
ألف مبروك يا إنجي
كلنا لها
هههههههه
عارف إن الضحك مش مقامه هنا و الله بس المفارقات دي بتضحكنا على حال الدنيا مش من الدنيا
انتي جبتلنا أحنا كمان فصام في الشخصية
مش عارفين نقولك الف مبروك .. ولا البقية في حياتك
بس بجد وحشنا كلامك عشان طولتي الغيبه شويه
انجي
بجد وحشتينا كتير قوي واوعي تتأخري علينا كدا تاني...
هو انا بعتبر الموضوع لذيذ عشان اولا انتي اللي كاتباه واحنا متعودين منك دايما علي خفة الدم...
وثانيا عشان لقيت فيه سبب غيابك الفتره اللي فاتت دي
يارب يخلي كل ايامك فرحه وسعاده
والبقاء لله في قريبك ودا حال الدنيا
...........
خالص تحياتي لأجدع بنت مصريه
قبطان
يا الله ....سلم يارب
د/هيما
ايه ده مرض ده ولا ايه؟ طيب اوعى تعدينا.....
لا بجد الله يرحم اللى مات ويغفر له
ومبروك للى اتجوزوا مش بقولك عدتينا
عارفة
لما جدى مات وكانوا بيعملوا ورق ليه وكده
اول مرة كنت اشوف شهادة وفاه لقيتها زى شهادة الميلاد بالظبط
قلت سبحان الله فعلا
" سبحان الله "
وايت هارت
عندك حق والله هى دى الحياه
شكرا على تشريفك لمدونتى المتواضعه
لورنس العرب
مش بقولك يا لورنس جالى فصام
نورتنى
كاتب مصرى
وانا يشرفنى ان ازور مدونتك
امل
هههههههههههههه
والله يا امل البلد دى كفيله انها تجيب للواحد امراض الدنيا والاخره
نورتينى يا قمر
زوزو
يا رب يا زوزو
مرسى على تعليقك يا قمر
ودعواتك الحلوه دى
ذا بيوتى كاندى
مرسى يا قمر عالكلام الرقيق دا
دمتى صديقه عزيزه
تامر نبيل
البقاء لله يا تامر وشكرا عالتعزيه
بلو وافز
اول مره تنورنى ويا رب متكنش الخيره
فعلا هى دى سنه الحياه شكرا على تعليقك واتمنى اشوفك ف مدونتى على طوول
موجه
مش عارفه اقولك ايهعالكلام الرقيق ده
ويشرفنى ويشرف مين فين ليه ان انسان محترو زيك يكون زائر دائم فيها
واضحك يا سيدى ولا يهمك محدش واخد منها حاجه
سفينه
القبطان محمد
والله انت عارف يا دكتور انى مبيبعدنيش عنكوا الا الشديد قوى
بس معلش ادينى شفتكوا تانى الحمد لله
وشكرا عالعزاء
د هيما
شوفت اللى حصللى يا دكتور
اتمنى تنورنى دايما
فارس بلا جواد
ههههههههههههههههههههه
يا لهوى اتعديتوا
ربنا يخليك يا فارس وتنورنى دايما
شفقه هانم واحسان بك
اه مرض
ههههتتتتشششش
ههههههههههههههه
شكرا عالعزاء
والف شكر عالتهانى
سومتايمز
فعلا سبحان الله
نورتينى يا قمر
فعلا
شئ محير جدا
بجد الله يكون فى عونك
والواجب هو اللى عملتيه مع انى اكيد مقدرة كمية الحزن اللى كنتى فيها وانتى فى الفرح
تحياتى لكِ والسلام
لا حول ولا قوة الا بالله العالي العظيم
الواحد مش عارف يعزيكي ولا يهنيكي عندك حق في احساسك المتنافر
ربنا يقوي اهل الولد ويسعد البنت واهلها
البقاء لله في الولد
مي
علي فكرة البوست الاخير في المدونه دي قصه في جزئين انتي مش قريتيهم
اقريهم كويس وهستني رايك
عشان الجزء الاخير قريبا
سلام يا جميل
يا قمر انا مش زعلانه انتي الي مش فهماني
القصه دي في جزئين قبلها
واحد اسمه الباسم
والتاني عوده الالم
اقريهم كلهم وقوليلي رايك
هستناكي
مي
ربنا يجزيكى خير
مدونتك جميله جدا على فكره انا كنت بفكر فى يوم من الايام انى اطلع دكتور نفسى عشان بحب اوى اسمع الناس واريحهم وعلى رأى اشرف عبد الباقى (اصعب ألم هو الم النفس
وحشتني كتاباتك اوي يا بنوته
الدنيا دي فعلا غريبة اويييييييي
سبحان الله يعني
ربنا يرحمه ياااارب
و يبارك للعروسين و يرزقهم و يسعد ايامهم
دمتي بتألق
اولا واحشتينا
ثانيا هي دي الدنيا موت وحياة ... الدنيا مقسومة اتنين ولازم نكون أشداء في الحالتين ... فكرتيني بالرواية الجميلة اوى للعبقري نجيب محفوظ "حديث الصباح والمساء" لأنها كان فيها من الامثلة دى كتير
حمدالله ع السلامة والبقاء لله في الشاب اللي مات ربنا يرحمه يارب
والله ادى حال الدنيا
وياما شفت بعينى سرادقات عزاء جنب انوار فرح .. لادول قادرين يهنوهم ولا دول عارفين يعزوهم
تحياتى
الفاضلة
بنت مصرية
كل التحية لك والف سلامة عليك من
الانفصام ... هى دى سنة الحياة كل لحظة
يولد شخص ويموت اخر وهكذا سنة الحياة
وانت لو لم تشعرى بهذا الاحساس كنت
اقول عليك ممثلة بارعة تلك التى تعبر
عن هذه المشاعر المتناقضة دون تاثر
ولكن طالما انت تعبت تبقى مش ممثله
الحمد لله ..
والف مليون مبروك للعروس
وتقبل الله برحمته المتوفى وجعله مع
الصديقين والشهداء
بنت مصرية
هى كدة الحياة مزيج من المتناقضات فرح وحزن
لقاء وفراق
الله يرحم قريبك ويسعد صديقتك
للاسف انها سنة الحياة
بوست حلو وحزين
الله يوفقك
كل الاحترام
بجد الموقف اللي انتي مريتي بيه ده موقف لا تحسدي عليه
بس يمكن من نعمة ربنا عليكي انه حطك في موقف زي ده
عشان تعرفي الدنيا علي حقيقتها
وتعرفي ان مفيش حاجه بتدوم ابدا
وعلي قد مفيها الحزن
اكيد فيها الفرح
صحيح بقولك ايه
لو عاوزه دوا للشيزوفرينيا
اؤمري بس
اصل ادوية الشيزوفرينيا غاليه اوي
خلينا نسترزق :)
البقاء لله وربنا يرحم فقيدك... والف مبروك ليكي ولصاحبتك
هو ده حال الدنيا
يوم حزن ويوم فرح
ومن تعاليم اسلامنا ان احنا لازم نشارك صاحب الحزن حزنه ونشارك صاحب الفرح فرحه
جزيت خيرا على ما فعلتى
والبقاء لله وربنا يرحمه
والف مبروك للعروسين
مع خالص تحياتى ليكى
اخوك احمد
هو ده حال الدنيا يا انجى
يوم فرح ويوم عزاء
وربنا يجعلها اخر الاحزان
http://angelsoncity.blogspot.com/2008/03/blog-post_18.html
ده الجزء الاول
http://angelsoncity.blogspot.com/2008/03/2.html
ده الجزء التاني
سبحان الله
الحمد لله على كل حال
الله يرحم الشاب ويجعله من أهل الجنة
ويبارك للعروسين
تحياتى
اصدقائى الأعزاء المدونين والمدونات
سيتم اذاعه الحلقة الخاصة بإجابة سؤال تبريد البروسيسور يوم الخميس الموافق 19/6
فى برنامجنا الاذاعى
انت تسال والكمبيوتر يجيب
الذى يذاع يوميا الساعه 9.10 صباحا على اذاعه البرنامج العام ماعدا يوم الجمعه
وسيتم اذاعه كومنتات
عبده الرايق
البوسطجى
مصرى بدرجة مواطن
سومة
ميسوسوب
حبيبة القمر
نونونيم
روفى
غير معروف
جيهان على
بنت مصرية
سالى
آلام وآمال
كما يمنكم سماع الحلقة بعد اذاعتها من الـ box
على يمين المدونة
http://netonradio.blogspot.com/
او من خلال الموقع
http://dear.to/cairo
تمنياتنا بدوام التواصل
المرونة مطلوبة ، وشخصياتنا يجب أن تتفاعل مع الأحداث بفاعلية
وده بعيد عن الشيزوفرنيا
مدونة راقية لها طابع جميل
أحييك عليها
تحياتي
بلادي بلادي مصر ام الدنيا وفي حد يقول غير كدا اكيد طبعا لا لان الكل بيحب مصر مهما كان ومهمن كان وطبعا اللي بيحب يبقى عارف اهلها كويس و بصراحة حكاية الزعل والفرح منسمهوش انفصام لكن ممكن نسميه معايشة واقع اصل الواحد مننا لما يزعل هل هيفضل زعلان على طول للابد فدا نسميه معقد نفسيا والشعب المصري طول عمره قوي وعمره ما يضعف ويزعل دايما وميفرحش ابدا ولا لازم يعيش واقعه ويلاقي اللي يعيد فرحه تاني وفي نفس الوقت بردو مينفعش ان بالعامية كدا ان يبقى في انسان طول عمره فرحان حتى لو مين ولو معاه ايه فاي حد كدا يا مصرية مش انتي بس احنا احلى حاجة فينا ان احنا شعب اجتماعي عسل وطيب وفيه كل الصفات الحلوة بس لازم تواجهنا مشاكل عشان نثبت قوتنا المصرية في حلها و معكم موجز تعليقي من عاشق البرسا
اولا متشكر جدا علي تعليقك يا انجي
ثانيا : البقاء الله
ثالثا : الواحد الايام دي في حالة نوستاليجا و يقوم يجي الموت كدة مرة واحدة فا بتكون الحالة سيئة جدا جدا
ربنا يصبرك و يصبر كل الناس
اولا البقاء لله وربنا يرحمه
اما العروسه ربنا يباركلها فى دنيتها الجديدة
بس هى الدنيا كدا فى عز ماتبكى ناس وتسيب الحزن فى قلوبهم
تلاقيها بتفرح ناس تانيه وتسيب فرح وسعاده فى قلوبهم
ده حال الدنيا
لا حول ولا قوة الا بالله
يلا هى دي احوال الدنيا ربنا يخرجنا منها بس على خير
ربنا يرحم اللي مات والف مبروك لصديقتك
ويصبرك على تضارب الأحوال
بس تعبيرك عنهم جميل قوى قوى
واحساس فوق الرائع
تقبلى تحياتى
نور
السلام عليكم
برغم تأخرك عن التدوين لفترة .. إلا أنك جيتي ع الجرح بصراحة .. فنحن ربما نضطر للإبتسام والضحك بوقت نحن أحوج أن نبكي فيه ونحزن
الأمثلة كثيرة مرت من أمامنا ولم نستوقفها قط .. تركناها تمر مرور الكرام
بينما أنتي لم تفعلي
فقد استوقفتك وجعلتك تدوينيها هنا لتخبرينا عن بعض من تناقضات الحياة وغرائبها
تقبلي تحياتي وتقديري
السلام عليكم
مش عارف اقولك اية
بس معلشى دة قدر وتصرفك سليم لالوم علية
تحياتى
لسا مخلص امتحانات ولسا برده كاتب اخر بوست
وقلت بقى اعدي اسلم على حبايبي
على فكره انا يوم خطوبة اختى على ابن عمتى توفى اعز صديق ليا ....
ولكي ان تتخيلي الحالة التى كنت اشعر بها
وصورته موجوده فى المدونه
تحيات بهيه
تقريبا أول تعليق
واللة دة حال الدنيا ناس فرحانة وناس زعلانة وناس رايحة وناس جاية
هييييييييييييييييييييييية دنيا محدش واخد منها حاجة
وحدوووووووووووووووة
وشيلو الميتين اللي هنا وهاتوهم هناك
ههههههههههههههه(بخفف عنك شوية)
سلام
سعيكم مشكور
الف مبروك
معلش كلنا لها
معلش كلنا لها
الله يرحمه
الله يرحمهم
سبحان الله
يوم وفاة جدتى كانت بنت خالتى بتولد
ناس بتيجى وناس بتروح
وكان فى فرح فى نفس شارع البيت
بس الاتنين واجب علينا
كويس انك عملتى اللى عليكى تجاه الاتينن
الله يرحمه برحمته يارب
ومبروك للعروسين
سبحان الله
مهى الدنيا كده
ربنا بيقطع من هنا ويوصل من هنا
الحمد لله ع كل شئ
اة بقولك تفاضل 2 وتالتة كان للاسف وحش يا بنوتة
ربنا معاكى ومع اخوكى ابقى طمنينا عليه
تحياتى
هقولك على حاجة
بجد يعني
انا مش قاعد في مصر
وكل ما انزل اجازة
وانا ماشي
بقول لنفسي المرة الجاية لما اجي
يا ترى ممكن يكون في بيبيهات جديدة اشوفها لأول مرة
ويا ترى هيكون مين مش موجود
تحياتي
السلام عليكم
انا فرحانه انى عرفت مدونتك وقرات موضوعك
وهى دى حال الدنيا وممكن يكون الفرح والحزن فى نفس اللحظه بس لازم نقابل اهل الحزن بالحزن واهل الفرح بالفرح
وربنا يعينك
سلام
السلام عليكم
انا دخلت علي المدونه بتاعه المسام الي دماغه تعبانه وقريت تعليق بفكر نعمل حمله عليها واتمني التواصل والافكار
بم انك مش بتسالي قولت اسال انا
عامله ايه وحشاني ؟
وليكي تاج عندي ممكن تيجي تاخديه عشان تقيل
هههههههههههههههه
وحشاني
اشكركم كلكم على هذه الاحاسيس الجميله والمشاعر الصادهه
ربنا يخليكو ليا يا رب وتنورونى دايما
الاستاذ كريم مصطفى
لو عملنا حمله على هذا الشخص المدعى الاسلام
يبقى بنديله اللى هو عايزه لان غرضه الاول والاخير هو الفتنه ليس الا وهذه الحمله ستنشر افكاره
وهو دا غرضه كفايه اننا وبخناه وخلاص
هو دا حال الدنيا
ناس هايصه وناس لايصة
ربنا يبعد عنك الحزن
وينعم عليكي بالهنا والفرح
تحياتي sayed
الاجو المرور بمدونتي
myfreedom-spower.blogspot.com
إرسال تعليق