.ازيكو

ازيكوا .......احب ارحب بكل واحد قاعد دلوقتى قدام مدونتى........انا زييى زيكوا كل يوم افتح النت الاقى اخبار مصراوى......عارفينها اللى تفتح النفس للحياه دى .....فجالى اكتئاب ........ايوه ايوه زى اللى عندكو ده بالظبط.....اعمل ايه اعمل ايه.......جاتلى فكره المدونه افضفض بيها معاكو ويارب تعجبكو

الاثنين، 23 يونيو 2008

اه يا بلد.........عايزه ولد

ازيكوا يا عيااال.............
ايه متضايقين ليه ..........خلاص خلاص ماتزعلوش ....ازيكو يا رجاله
ولونى حاسه انهم خلصو...............يعنى مش خلصوا قوى ..لا..بس معدش موجود منهم كتيير
يعنى على 2010 كده هيكونوا انقرضوا
فيه ايه ..........زعلانين تانى ليه ...لسه فيه امل لغايه 2010 ..قدامكم سنتين بحالهم واحنا لسه فأول 2008
يعنى سنتين ونص........

طيب خلاص انا هحكيلكوا موقف وانتوا اللى تحكموا اذا كانت البلد عايزه ولد ولا لأ
(شكلنا هنلجأ للاستيراد م الخارج)
بغض النظر عن نسبه العنوسه العاليه وان البنات بقت اكتر م الولاد والكلام اللى لا يودى ولا يجيب ده
المشكله مش ف النسبه ..كام لكام..المشكله ان الولاد اساسا مش لاقيين شغل ...هيتجوزوا ازاى
المهم دا مش موضوعنا

احكيلكم بقى عالموقف اللى حصللى ...واثبتلى ..ان فعلا (البلد عايزه ولد)
امبارح كنت قاعده ف البيت بمارس هوايتى اللى انتو عارفينها _ايوه شاطرين بالضبط هيه دى _
(الطبيخ - غسيل الموعين - تنضيف البيت)
منا خلاص بوست ايدى وش وضهر ...بعد خروجه النيل وحرمت اخرج تانى
وحمدت ربنا عالهوايه الجميله دى ..مالها (شاديه) ماله فيلم (المقهورون ف الارض ).........اهو احسن من خروجه النيل المنيله دى

المهم سمعت جرس التليفون (تررم- تررم)
انا (بكل معانى القرف والزهق) :مين الرزل اللى بيتصل عالصبح دا
عادى يا جماعه مهى لسه الهوايه مأثره برضه .........اصلها متتنسيش بسهوله يعنى
ورفعت السماعه بعصبيه ونرفزه وردييت

انا (بغلاسه) :الو ميين
صاحبتى الانتيخ (بروقان بال) :ازيك يا اوجى
انا (اتعدلت ف الكلام طبعا) :اهلا ازيك يا قمر عامله ايه
صاحبتى (من غيير ما تدينى اى فرصه) :اوجى بليز عايزه اشترى هدوم ممكن تيجى معايا عباس العقاد
انا (ف عقل بالى ) :اللهم اخزيك يا شيطان ....منا خلاص كنت رضيت بالواقع وحرمت اخرج تانى
ايه يا اوجى ......بتشاورى عقلك ولا ايه .......شكلك كده هتتمردى عالهوايه ......يا بت مين خرج من داره اتقل مقداره
ولا انتى نسيتى......لا منسيتش بس انا زهقت وعايزه اخرج.

المهم اتحججت ان دى صاحبتى ومقدرش ارفضلها طلب .......مع العلم انها لو كانت طلبت طلب مش على مزاجى
عمرى ما كنت هنفزه

نزلت معاها وركبنا الميكروباص اللى كان كومبليت بالرجاله وكلهم قاعدين وانا وصاحبتى بس اللى واقفيين
فضلنا واقفين شويه يمكن حد فيهم يبقى عندوا شويه م الاحمر ويحس ويتنازل عن مقعد الرئاسه للبنات
مكسورين الجناح (اللى هم احنا يعنى )
برضه مفيش فايده اضطرييت ابص لكل واحد ف وشه يمكن حد فيهم يتكسف ويقوملنا

بصييت للاولانى :عمل نفسه نايم
بصييت للتانى :قعد يبص لسقف اليكروباص ..(الظاهر الدنيا كانت بتمطر ولا ايه مش عارفه)
بصييت للتالت:بسرعه قام مدور وشه وعمل انه بيكلم اللى جنبه وهو بيقول (الاستى خدت سيدى وراحوا الجونينه)
هههههههههههه اهو اى كلام المهم يعمل نفسه مش شايفنى

قولت لنفسى (مبدهاش بقى يابت يا مصريه )
مالقيتش قدامى غير انى اتكلم مع صاحبتى بصوت عالى يسمع كل اللى قاعدين .....وقولتلها
(تصدقى معدش فيه رجاله ف البلد.....اه والله.....بدليل الواقفه السوده اللى احنا واقفينها دى ......بزمتك يا شيخه
من ساعه ما ركبنا المخروب ده حد من اللى قاعدين دول فكر يقوملنا )
قعدت اتكلم اتكلم ..ان حد يعبرنا ..لكن لا حياه لمن تنادى ........لدرجه انى شكيت فعلا اننا نكون غلطنا ف الميكروباص
وركبنا ميكروباص مخصص للصم والبكم ههههههههههههههه

فيييين وفييين واحد قاملى .......
قولت لنفسى..( خليكى زوق بقى يا مصريه ...هو صحيح الراجل قام بعد ميت سنه ..بس يمكن كان مستنى الترجمه لكلامى ولا حاجه )
الراجل:تعالى اتفضلى اقعدى
انا ( بزوق مصطنع): لا والله خللى حضرتك مستريح
الراجل:لا شكرا اصلى نازل هنا
ساعتها كنت عايزه اخنقوا .......يعنى لولا انك نازل مكنتش قومتلنا

المهم نزلنا لفينا ف المحلات ........وانا ربنا رازقنى بصاحبه متشتريش حاجه بسهوله ..لازم تقيس كل اللى ف المحل
وميعجبهاش حاجه.......تروح محل تانى وتقيس كل اللى فيه وبرضه ميعجبهاش حاجه..(ودوخينى يا لمونه)
وهى بتقيس ف البروفه... انا بقى وقفت امارس هوايتى _(لا مش غسيل الموعين انا دلوقتى ف الشارع ....ركزوا)_
هوايتى انى اتفرج عالهدوم المتعلقه ف المحل
وايدى وقعت على بدى تحفه يا بنات
(لونه بمبه _ومترز بالترتر على شكل قلب_وفيه قلوب صغيره فوشيا)
قررت اشتريه لانه عاجبنى جدا

ف الاخر واحنا ماشيين وخلاص بحاسب عليه ........سمعنى (الكاشير) وانا بقول لصاحبتى
(هو صحيح نص كم ..بس انا ممكن البس تحتيه بدى ابيض بكم)
بمجرد ما قولت الكلمه دى ........لقيت (الكاشير) فطس على روحه م الضحك
ف الاول افتكرته عنده ربع ضارب او تاتش هطل..........بس لما عرفت بيضحك على ايه لقيت (الهطل) عندى انا

بصيتله (بكل فشخره وقنعره ) وقولت : بتضحك على ايه حضرتك
رد عليا (وهو بيحاول يمسك نفسه م الضحك) : مفيش يا فندم....... بس هو حضرتك هتشترى البدى دا ليكى ؟
قولت لنفسى (ايه ده ....ماله ده ....هو انا شكلى شحاته ولا ايه.........مينفعش البس حاجه نضيفه يعنى )
رديت ( بكل ثقه) :اه ليا طبعا ...ايه المشكله ؟
رد عليا (وهو مش قادر يوقف ضحك) : اصل البدى دا رجاالى
انا (مع حول ف العينين) :يا سنه سوخه........(صوتت بالبلدى بنت سلطح باشا)
بصييت لصاحبتى اللى كانت هتقع من الضحك وقولتلها
(الرجاله بقو يلبسوا بمبه وفوشيا بترتر .............مش قولتلك خلصوا )

شفتوا بقى ان البلد عايزه ولد.........
هههههههههههههه

هناك 68 تعليقًا:

zOzO يقول...

واااااااااااااو

انا اول تعليق

طيب هقرا وهاجي تاني

بس مفروض اول تعليق من ال اتنين جنيه

احسن يبقي ظلم بقي

هههههههههههههههههه

zOzO يقول...

هههههههههههههههه

بوستاتك كالعاده مرحه جدا وفيها حاجه من اليومين دول

وكسه قصدي

فعلا والله مفيش رجاله لسه الا قليل جدا

هو انتي اول مره تعرفي انهم بيلبسوا ده
وكمان سلسله طبعا
سوسن ع راس سمسم صحبتي

ربنا يهدي الجميع

بس موضوع الباص ده حاجه طبيعيه اليومين دول والله
طب تقولي ايه لما واحد بنت عمي انا وهي كانت رايحه تقعد
قام واحد قالها سوري انا حاجزه قبلك
ههههههههههههههه

يبقي ايه ؟
انا كنت عايزه اعطيه ع وشه


المهم خلينا ف ال 2 جنيه خلاص عشان اول تعليق
انا نزلت قرار اول تعليق مش عليه فلوس
ههههههههههههههههههههه

تحياتي كتيررررررررر

Mero.. يقول...

والله معاك حق
بس بصراحة برده البنات بيزودوها ..يعني تبقى شايفة مفيش مكان وتركب برده على اساس ان في راجل شهم كدا كدا هيقوملها..فالرجالة عندا بقى بيرخمم ويفضلوا قاعدين.. :]
اما اللبس بقى فدا بجد اللي بقى يجنن والواحد معدش عارف يشتري لبس منين..كل الشيرتات بقى عليها جماجم وترتر على رايك وارقام مش عارف ليه ارقام؟؟كاني بلعب في المنتخب..
المهم انا كدا تطمنت لما قريت العنوان اتخضيت..
بس احب اطمنك ان مصر لسه فيها رجالة بجد..قليلين بس لسه في

غير معرف يقول...

اول ما قريت الكلمة طلت مني حتة ضحكة الحمد لله كان المكتب فاضي ههههههههههههههههههههههههههه
استني هضحك بأه ما المكتب فاضي هههههههههههههههههههه
ححححححححححححححح
الحمد لله خلصت
بأه يا ستي عايزة اقولك ان فيه اولاد بيلبسوا باديهات والوان ببقى عايزة اقوله: ليه يا ابني بتاخد حاجة اختك من وراها
ولا الولاد باللون البمبي!!! يختيييييييييييييييييييييي
سيبك انتي ،، انتي اخبارك ايه يا أوجي (وش بيغمز)

مها ميهوووو

blue-wave يقول...

وهما يعنى الرجاله مالهومش نفس يلبسوا بترتر؟
بينى وبينك اللى يلبس كدا يستاهل فعلا يتقال عليه مش راجل ويمكن برضه البدى كان حريمى والكاشير بيشتغلك:)
تحياتى

محمود حسن العدل يقول...

هههههههههههههههههههه
واللة العظيم كان نفسى اوى اكون اول واحد يعلق على موضوعك .
بس اظاهر ان فى ناسى واقفة بالطابور على مدونتك واللى يلحق ويكون سعيد الحظ صاحب اول تعليق.
هو طبعا مش بالضبط كدة فى رجالة كتير محترمين .
بسس الظاهرة اللى انتى شوفتيها دى قليلة اوى فى البلد وطبعا دة للاسف الشديدالظاهرة دى هاتنتشر لما الجيل القديم ينقرض
يعنى هايجى يوم ونقول للولد ياانسة وللبنت ياباشمهندس.
هههههههههههههههههههههه
واللة دا اكبر نكتة
بوست رائع كماعودتينا واسلوب اجمل مشوق .
بحيكى علية بجد
لانك نقلتى باحساس عالى فئة من الشباب اللى لو كترو فى البلد هاتكون كارثة
احيكى لتانى مرة

مدحت محمد يقول...

هههههههههههههههههههههههههه


انتى لسة فااااكرة

لا بس استنى بقى مخلصوش فى السويس
هو فى القاهرة عندكم ممكن

انما لسة فى السويس
احنا فى ممكن واحد فى المية لسة بيقومو للست لو واقفة
فى القاهرة صفر فى المية

وبعدين تعالى هنا ماله الترتر
ههههههههههههههههه ده الموضة يابنتى

والباضيهات اللى باالالوان دى عادى يابنتى
موضة برضه
انا مرة كنت راكب فى القاهرة مينى باص
وواحدة لسة طالعه وانا اول كرسى
راحت لاقتها بتزعقلى قوم قوم عشان تقعد بس بطريقة غبية
مرضتش اقوملها هواناهخاف منها ولا ايه
بس فى واحد قام قاللها تعالى هنا انا نازل المحطة الجاية
بس لوكانت عملت قرد عمرى ماكنت هقملها
لانى طريقتها غبية
بس انتى طريقتك اللى تهلك من الضحك
تصدقى معدش فيه رجاله ف البلد.....اه والله.....بدليل الواقفه السوده اللى احنا واقفينها دى ......بزمتك يا شيخه
من ساعه ما ركبنا المخروب ده حد من اللى قاعدين دول فكر يقوملنا )

دول معندهمش بجد
دم

ليكوريكا يقول...

لا لا البوست فظيييييييع فظيييييييع

بس انا علي الرغم اني متابع حركة الموضه الرجاليه مشفتش حكاية البمبي ابو ترتر وقلوب فوشيا كمان :)))

وبالنسبه للميكروباصات بقي

فبجد يمكن الرجاله معزورين

في حالات كتير بيبقوا الميكروباصات فاضيه والبنات بتركب الميكروباص مليان عشان خاطر راجل يقوملها


وبعدين انتو مش بتطالبوا بالمساواه

خلاص بقي ... نتساوي فكل حاجه


وتقفوا زيكم زينا

ولا ايه ؟!

مستنيين بوستك الجاي ...

متتأخريش

ليكوريكا

عروسة ننوسة يقول...

بينى وبينك هى عايزة كل حاجة...بس انتى ممتازة فى سردك للموضوع

بنت مصريه يقول...

زوزو
ازيك يا قمر تعليقين مره واحده
والله يا بنتى خلاص النخوه خلصت
انتى معرفتيش ولا ايه
اناخلاص رجعت التعليقات ببلاش
لقيت اصحابى كلهم بخلاء ومش راضيين يدفعوا هههههههههههه
اتمنى اشوفك دايما يا زوزو

ميروو
ههههههههههههههههههههههه
خلاص يا عم وانت من ضمن القليليين
وبعدين انا عايزه اسألك سؤال
هنشوف ازاى ان الميكروباص مليان رجاله من واحنا تحت لسه ف الشارع
ده غير ان البنت مابتصدهق تلاقى ميكروباص يوصلها ويخلصها من معاكسات سيادتكوا
يعنى كده كده انتو قارفيننا
هههههههههههههههههههههههه
اتمنى تنورنى دايما

احسن تستاهل
ازيك يا قمر عامله ايه
انا فرحانه والله انى خليتك تضحكى
ودى فعلا احسن كلمه ليهم
ههههههههه
وانا كويسه يا حبيبتى ومرسى انك بتسألى عليا
واتمنى تنورينى عالطوول

بلو وافز
لا يا عم يلبسوا اللى هم عاوزينه ان شالله يمشوا بكرانيش
احنا مالنا
والله هى دى الكلمه اللى تليق عليهم
لا معتقدش ان الجرسون كان بيشتغلنى
ايه مش عايز يبيع ولا ايه
على فكره انا مش عارفه اعلقلك خالص
انت فيه حاجه غريبه ف التعليقات عندك
مؤشر الكتابه مش بيظهر خالص
والله بحاول كل يوم اعلق ف مدونتك
مش بعرف ف شوف الحكايه دى
واتمنى تنورنى دايما

محمود حسن العدل
ربنا يخليك يا رب دا من زوقك
واتمنى تنورنى دايما

مدحت محمد
ههههههههههههههههههههه
يخرب بيت الموضه يا اخى
لا لا لا انا عمرى مااقول لحد قوم انا احرجهم بالزوق بس
اتمنى تنورنى دايما

ليكوريكا
ههههههههههههه
والله موجوده يا محمد ولا انت مش ماشى عالموضه بقى
كويس لسه فيه امل منك
اتمنى تنورنى دايما

عروسه ننوسه
ربنا يخليكى يا قمر وتنورينى دايما

!!! عارفة ... مش عارف ليه يقول...

بصي بقى دي بقت حاجة عادية اليومين دوول

وفعلا مبقاش في رجالة

والموضوع تعدى اللي بتقوليه ده بكتيرررر

بس صدقيني لو فكرتي شوية هتلاقيهم مساكين ودي حاجة تبكي مش تضحك

تحياتي

المحبه يقول...

بجد موضوع رائع جدا بس انا عندى اعتراض على كلمة البلد عايزه ولد عشان مش ممكن نحكم على كل الرجاله بتصرف البعض منهم واحلى حاجه فى الموضوع البدى الرجالى اللى انتى اشترتيه هههههههههه
وتعرفى كمان احلى حاجه فى الموضوع طريقة سردك للموضوع جميله جدا وربنا يوفقك يارب
مع خالص تحياتى

ابو على يقول...

الرجاله طول عمرها رجاله والستات طول عمرها ستات
انما انتو لما طالبتو بالمساواه بين الرجاله والستات خدتو حقكو تالت ومتلت واحنا مش لاقييين اى حاجه اصلا
ف بدأنا نعاملكو على اساس انكو زينا
يعنى هاتيجى عند وقفه العربيه ومش هاتعجبك مانتى الى طالبتى انك تساوى نفسك بالراجل ولا هو يعنى هتاخدى حق الراجل والست ف حته واحده
اتقو ربنا يا شيخه

بطوط حبوب يقول...

حكايه ان محدش وققفلك فى الاتوبيس دى
فمدام بكزيه صاحبه اكبر مركز للمطالبه بحقوق بالمرأه قالت محدش يوقف لواحده ....الستات زى الرجاله ومفيش ست بتقف لراجل والستات مش اقل من الرجاله عشان يقعدوا هم والرجاله تقف فحضرتك تقدرى تكلميها هى
الراجله ملهمش دعوه بجد انتى عارفهاه ست قادره وممكن تاذى اى راجل يوقف لواحده

لانه هيكون اخل بحريه المرأه والمساواه


انما الاحرم ابو ترتر ده معرفش جه منين
هههههههههههههههههههه

أسوور يقول...

اتنشرلك حاجة جديدة الأسبوع دة فى الأسرة العربية
الظاهر انك اكلتى الجو بجد
مبروك

عودة(3awda) يقول...

فعلا عندك حق
زمان كان فى حاجة بيسموها الاصول اما دلوقتى
فحتى الاصول مش موجودة ..
ممكن تقوليلى السبب؟
شكرا على روحك المرحه دى

Maha Shahen يقول...

ههههههههههه يا نهار ابيض
انا قولت الراجل بيضحك علشان نص كم وهتلبسى تحته بكم , طيب ما تاخدى بادى بكم من الاول وخلاص هههههههههههههه
هما الرجاله بقوا يلبسوا حاجات غريبه الصراحه
وبعدين مش عارفه بالنسبالى ربنا بيسهلها مبطلعش مكان زحمه الا والاقى حد بيقوم ويقعدنى زوق بقى ههههههههه
شكلهم بيحنوا عليا يمكن شكلى بيكون هيغمن عليا تقريبا, بس دا فعل بديل بعمله انا كمان بس بصراحه للستات بس
منا لو قومت لراجل هتتفهم غلط تقريبا, الا لو عجوز بقى
وعلي فكره انا صلحت التعليقات بس هى مكنش فيها شيء كل الحكايه انك كان المفروض تضغطى tab لحد ما توصلى لمكان الكتابه وعلى فكره دا علشان التعليقات تظهر بسهوله ليا بس يلا, انتى اهم برضوا
وادينى قولتلك طريقه سهله لو واجهتك نفس المشكله تانى
تقبلى تحياتى يا قمرايه

Alkomi يقول...

هي ابلد فعلا عايزة ولد

بس انا مش فاضي

Geo Amr يقول...

جميل جدا طريقة سرد البوست بس انا بختلف معاكى فى الراى لانى مصر اغلبيتها رجالة ومش علشان واحد او اتنين او جتى مجموعة نقول انى البلد محتاجة ولد وربنا يكرمك وتقابلى فعلا ناس يطلق عليهم رجال

mohamed raafat يقول...

لا مؤاخذه دول الجنس التالت (بتوع المريخ)

الميكروباص يقول...

مهو الشاب الروش بيلبس البدي عشان يبين عضلاته أمام الناس ولما يمشي في الشارع البت تبص عليه وتقول لصاحبتها " شوفي الواد أبو عضلات ده" وانتي تقولي مفيش رجاله
وطالما ان أبو عضلات هو اللي بيلبس البدي - يبدى مايلبسش البدي إلا سيد الرجاله - أبو عضلات
ثانيا: اذا قداتك الظروف لسيئه وخرجتي من البيت، حاولي بقدر الامكان عدم ركوب المواصلات العامه لأنها ما يعلم بيها إلا ربنا
أنا لسه من اسبوع واحد كنت راكب الميني باص أبو جنيه وربع وحصلت فيه خناقه و واحد زبون ضرب السواق والشواق اغمى عليه وكانت مهزله
عشان كده انا تقريبا انعزلت وبقدر الامكان مش بخرج بره المعادي إلا في الحالات النادره تفاديا للزحمه ووجع القلب - وده على اعتبار اني يوميا بركب المواصلات 6 مرات في اليوم اثناء ذهابي ورجوعي من الشغل

ثالثا: ازاي تركبي ميكروباص حد غريب وانا موجود؟
طيب قولي انك نازله وانا كنت بعت لك أي حاجه من اللي عندي

سفينة يقول...

هههههههههههههههه
هههههههههههههههه
هههههههههههههههه

انتي بصراحه تحفه تحفه تحفه قصدي كلامك يعني ..

بجد دمك خفيف فوق العاده ودي اجمل حاجه بلاقيها هنا وياريت كل بنت مصريه تكون كده..


خالص تحياتي

قبطان

بنت مصريه يقول...

عارفه مش عارف يه
واه عندك حق الشباب بقو غلابه جدا والله
شكرا عالتعليق واتمنى تنورنى دايما

المحبه
ربنا يخليك يا رب
بس هو كان اليق عنوان للموضوع هو العنوان ده
وانا مش بعمم لاسمح الله لا والله فيه رجاله كتير بس انا بسرد المواقف اللى حصلتلى
فى اطار كوميدى بس مش اكتر
اتمنى تنورنى دايما

ابو على
انت بتعمم ليه
انا ماطلبتش بالمساواه
الرجاله رجاله والستات ستات لغايه يوم القيامه مفيش حاجه اسمها مساواه للاسف دا اختراع من بلاد الغرب
وعجب الستات الهايفين هنا فعملوا حمله المساواه
مفيش مساواه بس لازم يكون فيه احترام

بطوط
انا ماليش دعوه بيها هى حره ف اراءها
تمشيها على روحها
بس ربنا بيقول الرجال قوامون على النساء
يعنى الراجل راجل والست ست ليوم الدين
اتمنى تنورنى دايما

عوده
الاصول مش موجوده لاننا عايزين نقلد الغرب ف كل حاجه
وهم معندهمش اصول
فالطبيعى ان الاصول تختفى من عندنا
اتمنى تنورنى دايما

نور شاهين
شكرا يا نور انك صلحت التعليقات لانى فعلا ببقى عايزه اعلق وبتغاظ قوى لما مبعرفش
وشكرا على معلومه التاب دى

اسوور
شكرا يا اسور انك قولتيلى
ربنا يخليكى واشكريلى رئيس التحرير
مرسى يا قمر

محمد الكومى
بس انا مش فاضى يامه هههههههههههه
ليه كده يا محمد البلد محتاجاك يا عم
اتمنى تنورنى دايما

محمد رأفت
يا راجل بجد ....بس دول شبهنا بالضبط
احتلو الارض يعنى ولا ايه
اتمنى تنورنى دايما

جيو عمرو
يا عم انا بقول على فقه معينه
بس انا حكيتها بأسلوب يضحك بس وهو دا الموقف اللى حصللى
بس مش معنى كده
ان مافيش رجاله
لا لا ربنا يباركلنا ف اللى باقى هههههههههههه
اتمنى تنورنى دايما

لورنس العرب
ماشى يا عم لورنس يلبس بدى اوكيه
بس بمبه وبترتر دى اللى صعبه
اه صحيح عليا دى يالورنس
اجيب مكروباص من بره
وانت عندك هيقه النقل العام كلها
هههههههههههههههه

سفينه
القبطان بجلاله قدره معلقلى
ربنا يخليك يا رب على زوقك
وانا والله بقيت استنى تعليقك عندى لما بكتب كل بوست

mregypt7 يقول...

هههههههههههههههههههههههه
ضحكتينى يا ايخيبتو ( مصريه بالاسبانى )
بس عجبنى اوى كلمه ان نسبه العنوسه كتروا فى مصر طب ما تسالى نفسك ليه زادوا
طب ما تجاوبنا انت يابوحميد
ده بعد ازنك يا ايخيبتو
طبعا حسب الدراسات العالميه المسئوله عن احصاء ومعرفه نسبه المزز
لقد زكرت احدى وسائل الاعلام لا اتذكر اسمها
قالت ايه اقولك
بتقولك ان القرده قصدى المزه المصريه ماهى الا انعكاس لشىء يشبه الفتاه ما تفسر شويه يا هندسه قصدك ايه من الكلام ده
اكيد العيب فيكم الواحد يبقى ماشى وبيبص انه يلاقى مزه مافيش خالص ايه ده جبتلنا انحدار عام فى الازواق وصديتوا نفسنا عن البص بس ليكوا الجنه اصلى بقيت بغض النظر بقيت بحس انى ببص لاخويا ما بقتش تفرق
ولو ان الرجاله مش مكفيين ونسبه العنوسه هتزيد اكتر ماهى زايده وده طبعا عيب فيكم
عندى اقتراح
دخلوا نظام الاحتراف فى مصر اكيد طبعا مش اوروبى ده مززنا تقليد يا هندسه عندهم حاجه غلط فى الخرسانه المسلحه بتاعتهم
اكيد طبعا هتلاقوا فى اواسط افريقيا كتير
وما تخافوش هيوافقوا بس ابقوا اكلوهم

بس عجبنى اوى موقف الباص ده
كمان البنات بقت بتتشعبط مش بقولك يا ايخيبتوا خلاص شويه وهيربوا الشنب والدقن
ويقصوا شعرهم ويعملوه سيبايكى
يا بنتى وهو يقوم ليه ويقعد حضرتك هتقوليلى بنت ومش بنت مش طالتم بالمساواه وخدتوها خلاص بقه استحملى( انا عن نفسى ما اقمش غير لاتنين واحده عجوزه او مووووووووووووووووووووووووووزه)
شكلنا احنا اللى هنطبق نظام الاحتراف فيكم بس طبعا هيبقى اوروبى اصلى
المهم حكايه البادى
بمبه وفوشيا وبترتر وكمان بتقولى رجالى يكسفك يا شيخه شكله كده كان غالى اوى وانتى استخسرتى فيه الفلوس يا اما هو حريمى بس الراجل مش لاقى ************


موضوعك زى العسل يا مصريه والله ضحكت من قلبى وزى مانتى معودانا دايما بترسمى البسمه على شفايفنا
بجد مواضعيك اشطه موز موز موز
من الاخر انتى فله شمعهع منوره
كفايه كده لاتقولى بعاكسها
ما تاخزينيش بحب اغلس عليكى شويه فى الاول بس انتى عارفه ان مدونتك ديه فعلا الافضل
ايز زا بيست وكمان بالانجلش انجلش واسبانيان
اى خدمه
مع خالص تحيااااااااااااتى
الباش مهندس بوحميد

نور الدين (محمد الجيزاوى) يقول...

تصدقى بجد لما بكون مضايق بدخل مدونتك
انت كتاباتك اكثر من رائعة
ويارب دايما بألف خير وميحرمناش من خفة الدم اللى بتهون كرب الحياة دى

فى حب الله يقول...

والله بجد انا مش عارفه امسك نفسي من الضحك لغايه دلوقتي من طريقه سردك للمشكله بجد انتي بكده هونتي علينا المشاكل لو كل مشكله هتعرضيها بالشكل ده مكنش هيبقي في مشاكل خالص بجد بجد ربنا يسعدك يارب زى ما قدرتي تسعدينا وتضحكينا .
اما بالنسبه لمشكله الجلوس فى المواصلات فامعلش اسمحيلي احنا عندنا فى اسكندرية لسه موصلتش بالعكس انا لما بأركب مواصله وببقي واقفه والله بلاقي اكتر من واحد بيقوموا علشان انا اقعد يمكن علشان فمصر فى زحمه اكتر والناس زهقانه وقرفانه اكتر شوية فعلشان كده ده بينعكس على تصرفاتهم الشخصيه وبتقي السلبيات كتيره شوية
اما بالنسبه بردك للبس فهو منتشر فى الأسكندرية وياسلام لما يبقي الواد من دول لابس البدى ومطول شعره الله عليه قمر متفرقهوش من اخته إلى ما شيه جنبه مبتبقيش عارفه تناديه تقولي له ايه ولا على رأى كركر يا واد يابت

غير معرف يقول...

حلوه يا مستر ايجيبت

nonni يقول...

امممممممم
مدونتك حلوة اوى خاصة البست ده بصى هو فعلا انا بقول ان البلد دلوقتى مبقاش فيها رجالة و موقف الميكروباص ده يعتبر ابسط مثال على كده و اما بقى البادى اللى انتى نتى هتشترى فالله يعوض عليى ببدى بناتى المرة الجاية هههههه . اسلوبك فى الكتابة حو او
ى
تحياتى

واحد من البلد دى يقول...

السلام عليكم

أنا أسف على تأخيرى عليكى

و متشكر جدا على سؤالك

وبالنسبة للبوست

البلد عايزة أولاد كتيييييييير

علشان ميراث الأب كبير جدا و الحمد لله ح يكفيهم و يزيد

وبكرة إن شاء الله حيلبسوا جيبات كمان

آمال إيه

دا احنا احلوينا أوى

والله ح اطق م الغيظ

سلام بقى أحسن أطق عندك

spower يقول...

صديقتي البنت المصرية

مش عارف اضحك انا ولا اعمل ايه
علي العموم ههههههههههههههههههههههه

بسي علي فكرة برغم كل ده لسه فيه رجاله
واوعدك انك لو ركبني ميكروباس انا وجود فيه وما كانشي ليكي مكان انا مش هاتردد ابدا واكون يا سيتي اول واحد يقفلك
بسي انت لو رفضت يبقي بركة يا جامع
وتبقي جت من عندك

تحياتي
sayed

حمادة زيدان يقول...

ههههههههههههههههههههههههههههههههههه

والنبي يا أنجي يا اختي انا اشتريت تي شيرت لونه اورنج بس مفيهوش قلوب

ههههههههههههههههههههههههههههههههههه

والله موتيني من الضحك ... المصيبة أنه بقيت المياصة مش في اللبس بس في كل حاجة تقريباً وبقيوا الولاد بيقلدوا البنات والعكس طبعاً بيحصل مش بقولك سلطة

مولد وصاحبه واقف بيتفرج عالبيحصل وعاجبه

ربنا يهدي
وسوري على الاطالة
وكمان سوري ع التأخير في الرد
وسلاموز بقي

غير معرف يقول...

مساء الخير جميعا او صباح الخير مش فارقة اصل لاحظت في كلام غلط كدا في الموضوع ضايقني والمشكلة ان اللي كتبه من الناس اللي بيودو الرجالة في دهية احب ادي شكري واعتزازي بتعليق الباشا المهندس احمد بيبو ايجبت ووافقته الراي في كلامة ورايه واحب اقول رايي الشخصي 3 2 1 اكشن يا بنت ايجيبت ان احنا الرجالة نعتبر احسن الناس في اي حاجة بنتحمل المسؤولية وبنتعب ونشقى ونشتغل عشان الناس لكن البنات اتراهن لو بيعملو 1 في المية من اللي احنا بنعمله يبقى كلامي غلط دا اذا جابو 1 من عشرة كمان اللي بيجذب البنات اوي الاغاني والافلام الحديثة و المطربين الجداد التافهين زي الاخ تامر يا اه طبعا كل الحاجات دي في الاخر مش بنقول الا نو كومنت (no comment) وطبعا الكلمة بتدل على قمة تفاهتهم وغباءهم ولا مبالاة في حياتهم انتو لا مؤاخذة البنات كدا متنكين وشايفين نفسكم احسن ناس واحنا بنكبر عشان هنخلي عقلنا زي عقلكو ههههه وايه حكاية البادي ولا التي شيرت الرجالي لا مؤاخذة يعني حضرتكو البنات الغباء وصل لدرجة مش عارفين تميزو بين التي شيرتات الرجالي والولادي يا نهار ابيض صحيح no comment يا اخوانا سلام الواحد هيتشل بجد منكو عاجبك كدا يا بيبو مين دول !!!! ودا للاسف موجز مينفعش نتكلم عنه حتى لانه اكيد كله هيوافق رايي من عاشق البرسا ( برساوينيو)

حــــــراء يقول...

بجد الموضوع جميل واجمل ما فيه سردك للكلمات وطريقة كتابتك اللى بتخلى اى حد مهما كان بيه من حزن ومن الم انه يضحك.
انا بس عندى اعتراض ان احنا منخدش الكل بذنب البعض
هى ايوه الندالة وقلة الذوق بقت موجودة بشكل يخوف ودليل كده موقف الباص
نهايك عن موضوع اللبس والالوان الغريبة منها زى ما انتى ذكرت بمبه فيها شغل ترتر فوشيا انا مش عارف اى شكل الشاب اللى ماشى ولابس بدى بالشكل ده
وده طبعا بخلاف الالوان اللى بتلمع لمعان فظيع البنات المحترمه مبتلبسوش واللى اظن ان مافيش حد يلبس كده اللى الراقصات
ياعينى عليك ياشباب المسلمين
تحياتى ليكى
اخوكى....احمد

بنت مصريه يقول...

ازيك يا بشمهندس احمد حرام عليك يا عم كل اللى البنات بيعملوه دا وفى الاخر تقول مفيش مزز
دول بيلبسو كل ما وجدوه ضيق وهيفرقع
وفى الاخر تقول مفيش مزز
وبعدين انت بتكلمنى انا ليه
انا ياخويا لا طلبت بالمساواه ولا نيله
الراجل راجل والست ست
وربنا يخليك يا رب
عالى شويه البكش دول
هههههههههههه
واتمنى تنورنى دايما

نور الدين ربنا يخليك يا رب
وتنورنى دايما وتضحك على كلامى هههههه


فى حب الله
ههههههههههههههه
عندك حق والله انا جايلكوا اسكندريه قريب
مرسى يا قمر على كلامك الحلو ده
واتمنى تنورينى دايما

نونى
مرسى عالتعليق الجميل
ربنا يخليك وتنورنى دايما

باور
طبعا لسه فيه رجاله
دا اكييد
اوعوا تزعلوا منى انا بس بقول عالموقف اللى حصللى
بأسلوب كوميدى شويه
اتمنى تنورنى دايما

واحد م البلد دى
يا هلا يا هلا
اخيرا نورتنى
ياعم لا شكر على واجب
والله كلنا هنطق مش انت لوحدك
ههههههههههه
اتمنى تنورنى دايما ومتتأخرش تانى

حماده زيدان
عندك حق والله يا حماده
مولد هههههههههه
اتمنى تيجى هنا علطول

غير معروف
طب مش تقول اسمك
اهو اقله الواحد يعرف بيكلم ميين
ومعتقدش ان ليك صلاحيه تتكلم بالطريقه دى معايا
دى حاجه
الحاجه التانيه
مش زنبى ولا زنب بنات تانيه ان كل البنات اللى انت تعرفهم تافهه
وبتوع تامر حسنى ولا عمرو دياب
ومخهم فاضى
وبعدين لما الاقى بدى بمبه وبترتر وبقلوب فوشيا
واكتشف انه رجالى
يبقى الغباء مش فينا
الغباء عند ناس تانيه
يا ريت لو عايز تعلقلى تانى تكتب اسمك
لانى معتقدش ان هويتك تبقى
غير معروف
والا متعلقليش احسن


حراء
استاذ احمد
مرسى عالتعليق الجميل ومجاملتك الرقيقه لاسلوبى
بس والله انا مش بعمم
انا بس بعرض موقف حصللى باسلوب
كوميدى
شكرا لتعليقك واتمنى تنورنى دايما

المـــفـــــــقــــــــوعـــــة مــرارتـهــا يقول...

وهو بقي فيه رجالة
الرجالة مسافرة تصيف في البلاعات

semsema يقول...

على فكرة انتى مالكيش ركوب ميكروباصات تانى انتى كل ماتكركبيهم ضغطك بيعلا خديها مشى افيدلك

وبعدين هى جت على البمبى طب والسلاسل والحلقان والغوايش نظامها ايه

يابنتى خلاص زمن الرجاله رااااح من زمان

تحياتى
وربنا يصبرك

الميكروباص يقول...

بمبه وبترتر؟
وعشان رجاله؟؟؟
لالالا يا مصريه
انا الحقيقه مكنتش احسب ان البدي بالمواصفات دي
ده كده اللي هايلبسه لمؤاخذه يعني ولا بلاش عشان الرقابه

التائب يقول...

السلام عليكم ورحمه الله بركاته
الهم لا تشمت الاعداء بالدا واجعل القران العظيم دواء لكل داء
من واحد راجل
ههههههههههههههه
والله الموفق

Mohamed Hesham Safa يقول...

أنا متفق مع ميرو قلبا وقالبا من حيث ان البنات هما اللي بيزودوها في موضوع المواصلات ده ... دي حاجة

الحاجة التانية ان اللبس مش عامل اساسي في تحديد الرجولة ، يعني فيه حاجات رجالي بتبقى متدلعة شوية مش مشكلة (ولو اني مش مؤيدها اوي) ، انما ليه ما اتكلمتيش عن البنات اللي بيلبسو حاجات متنفعش ليهم خالص ، أماكن كتير برضه لو رحتيها مش هتعرفي تفرقي بين البنطلونات بناتي ولا رجالي ، ولا احنا بس اللي فينا القطط الفطسانة كلها ...


ملحوظة مهمة : الإختلاف في الرأي لا يفسد للود قضية ...

تحياتي

والسـ ختام ــلام

بنت مصريه يقول...

مفقوعه مرارتها من حماتها
لا يا مفقوعه انتى هتقومى الدنيا علينا ليه
لسه فيه رجاله كتيير كمان

لورنس العرب
امال كنت فاكر ايه يا لورنس الحكايه بقت بظرميط عالاخر

سمسمه
لا منا جالى الضغط من زمان والدكتور كتبلى ممنوع المواصلات منعا باتا
ولو نفسى راحت عليها قوى
مفيش مانع اركب تكتك
هههههههههههههههههه


مصطفى الطيب
مرسى على تعليقك
راجل يا عم ولا يهمك هههههههههههههه
اتمنى تنورنى دايما

محمد هشام
بنزودها ازاى يعنى
وبعدين انت شكلك مش متابعنى
انا كتبت عالبنات ف بوست شباب لامؤاخذه
وبوست مشيت ف الشارع
ابقى اقراهم
ومتخفش الود محفوظ
ههههههههههههه

Unknown يقول...

انتى عرفه المشكله ان الترتر على شكل قلب لو على شكل ورده كان ممكن.....ههههههههههه يلا هو زمن بمبه ربنا يعديه على خير



تحياتى

Unknown يقول...

هى بلد عايزة كل حاجة
رجالة واخلاق واعادة تربية

بوست جميل كالعادة

HANY YASSIN يقول...

السلام عليكم
حكاية جميلة وزى العسل
بس ليا رأي ان الولد كمان ممكن يبقا تعباان ومش قادر يقوم ممكن يكون شغال 10 ساعات ممكن ميت حاجه
الله بس اللى اعلم
طريقتك جميلة ودمها زى العسل
تحياتى هانى يس

Unknown يقول...

والله يا مصرية انا بشوف الموضوع دة كتير اول مرة كنت ماشية مع صاحبتى وشفت ولد من ضهرة صاحبتى قالتلى بنت لانة كمان كان عامل ديل حصان ولما سبقنا وشفنا وشة كان لابس بدى والله مليان تطريز وفصوص وحجات بتلمع ربك والحق انا قولت يمكن كان متاخر وملاقاش غير بدى اختة يلبسة يمكن هدومة كانت مش مغسولة ولا حاجة بس بعد كام يوم شوفت اللبس دة كتير وعرفت انها موضة علية العوض ومنة العوض فى الرجالة يا ولاد

فارس بلا جواد يقول...

أولا بوست جميل كالعادة
انا ممكن اكون متفق معاكي في موضوع اللبس ده .. لكن بصراحة موضوع المواصلات ده البنات بيكونو عندهم لؤم فظيع .. يعني أنا باكون راكب مواصلة لمسافة بعيدة وأحاول أخد أي مواصلة فاضية عشان أقعد .. لكن البنت مايفرقش معها تركب مواصلة فاضية أو مليانة .. وكأن انوثتها بقت عاملة زي الأشتراك اللي تركب بيه في اي وقت وفي أي مكان عشان تقعد براحتها
عايز أسألك سؤال وتجاوبيني بجد .. لو شخص قام وقعد بنت مكانه .. وطلع بالصدفة أنهم رايحين هما الاتنين يقدموا علي شغل .. وكان الولد محتاج الشغل ده عشان هيتجوز ويفتح بيت .. لكن البنت كانت متجوزة وجوزها بيصرف عليها .. تفتكري ان البنت ممكن تتنازل عن الوظيفة للشاب ده؟
المساواة لازم تكون في الحقوق والواجبات .. لكن معظم البنات بيكون عندهم طمع ويحبوا ياخدو بس
انا عارف انك هتفتكريني من أعداء المرأة بس أنا مش كده والله لكن بجد البنات عليهم حاجات تفقع المرارة

eman alaa eldin يقول...

والله ضحكتينى وطلعتينى من عالم الحزن اللى كنت فيه
والله هو لسة فيه بس قليل جدا
وبعدين من طلع من داره اتقل مقدراه
ههههههههههههه
مدونتك جميلة اوى وانا فرحانة جدا انى دخلتها
وطريقة كتابتك تحفة
وخليهم يلبسوا براحتهم بس مسزعلوش من اللى يالص عليهم

Darsh يقول...

هههههههههههههههههه

و الله كل شيء جايز اليومين الدول يا بنت يا مصرية

بس عايزة الصراحة ؟؟

صراحة صراحة و لا صراحة بكدب يعنييييي ؟

خلينا في الصراحة

انا شكلي كنت راكب في الميكروباص معاكوا

بس مش عايز ضرب .... أفهميني بس و شوفي وجهات النظر

أصل فيه بنات بقى الصراحة يعني عايزين قطع لسانهم من لغاليغه مش من أي حتة ... لأ من لغاليغه ...

البنت لو واحد قدامي جه يقوم ليها - في كل الحالات انا ما بقومش - تسمعه كلمتين مش ولابد ... أو تحرجه قدام الناس ممكن

فطبيعي ما بحاولش أجرب أني أبقى مكانه

أنا بخاف على كرامتي برضوا


أما بخصوص الفوشية و البمبي المسخسخ ... فعادي ... إذا كان الشباب لبسوا سلاسل مش هيلبسوا بمبي مسخسخ مثلا يعني مثلاً ؟؟؟؟

عااااااااادي عاااااااااااادي خالص

البلد آه ناقصة ولاد ... لأن بلدنا طول عمرها مليانة رجالة ... أما الواد اللي لابسة المسخسخ فده بقى مش راجل

the beauty candy يقول...

هههههههههههههههههههههههههههههههههه
حلوه يا بنت يا مصريه
هم بالفعل ما بقاش فى دم ما تعرفيش ليه الرجاله بتبقى قاعده وانسات حلوين يبقوا واقفين ومافيش دم مافيش حد ييجى يقول اتفضلى يا انسه مكانى
مافيش احمر خالص
وزى مانتى عارفه دلوقتى الشباب بيطولوا شعرهم ويلبسوا السلسله انا بحتقر الى بيعمل كده بحس انه مش راجل
ناقص يلبسوا مينى جيب او ميكرو جيب
ويمشى يترقص فى الشارع عشان واحد ييجى يعاكسه
رجاله اخر زمن هههههههههه
بس برضه فى رجاله رجاله ملتزمين وكده
تحياتى دوودا

۩۝۩ Dr. Flavio ۩۝۩ يقول...

أول زياره ليكي وحقيقي بوست زي العسل

بصراحه اللبس وطريقته لم يعد يفرق ةبين الولد والبنت وده أعتقد بسبب التقليد الأعمى للغرب .. مع إنهم بيلبسوا اللي يناسبهم بغض النظر عن شكله

لكن مجتمعنا ليه بعض عادات لازم احترامها زي ما فيه عادات زي الزف لازم تولع بجاز

كنت هموت من الضحك لأني توقعت ان الخ اللي قام لكم في الميكروباص كان نازل
معدش بقه زي زمان الس تقعد والراجل يستحمل ويقف .. تلاقيهم كانوا راجعين من شغلهم ومش قادرين يقفوا .. اعذريهم

مدونتك جميله جدا .. تحياتي ليكي

صوت من مصر يقول...

دى حدوته ملهاش نهايه ؟.
واحنا عيال
كتر خيرك

شفـقــة و إحســــان يقول...

انتى فين......وحشتينا

أية الشقية الشعنونة يقول...

بحب بوستاتك اوى بجد
بوست مرح وتحفة بس كنتى جريئة اوى فى الباص
تحياتى

MATRIX يقول...

انا بقولهالك بخط عريط (الرجالة فى مصر خلصوا) ..يعنى مفيش رجالة ..
والى حيزعل يتفلق..وانا شوفت بعينى مناظر زى دى واكتر من كدا ..
كل واحد بقى همه نفسه بس ..
..................................
بس انا بجد زعلان من حضرتك على انك موش بتزورى مدونتى ..

الميكروباص يقول...

matrix
الرجاله في مصر لم ينتهوا
ومصر باقيه بمن فيها من رجال
ومن رأيتهم من مخنثين لا ينبغي أن تأخذهم مثلا على انتشار هذه العينه في مصر
فهؤلاء لن ينتشروا
بل هم مجموعه من الشباب يأخذوا وقتهم ويعقلوا بعد التخرج من الجامعه ودخول مطحنة الحياه

أمل فتحى عزت يقول...

السلام عليكم بكل الحب والاحترام
ادعوك لمتابعة الحلقة الرابعة من حكاية عمى رمزى وعم عمارة فى الحارة
تعالوا نسمع ونشوف العفاريت بتقول ايه عن الحارة
*******************
يازائرة الحارة لقد كتب التاريخ أسمك فى دائرة عمى رمزى لقد تشرفنا بك وسط أهل الحارة
مع خالص تحياتى

حمادة زيدان يقول...

انجى

زعلان منك فينك من زمااااااااااااااااااااااااااااااان عندى عالمدونة

يارب يكون المانع خير

momken يقول...

هههههههههههههههههههه
صلى عالنبى يا ستى

طبعا عندك حق البلد عاوزة رجاله
بس لمين
ايون حضرتك السؤال لمييين؟؟؟؟؟؟؟

وفروا انتوا الستات واحنا نوفر رجاله

زى حضرتك ما اتغبتى فى هدوم الولاد
انا كل لحظه بشوف بنات وستات مسترجله
لبسه هدوم رجاله
وبتتصرف زى الرجاله
وقصه شعرها رجاله
وبتشرب شيشه رجاله
والمحترمه ومحجبه يبقى سجاير
وبيعكسوا الولاد اه والله العظيم
بيعكسوا الولاد سواء معكسه علنيه او بالموبيلات
روحى اى مول وانتى تشوفى الحجات دى

نيجى لموضوع الزوق العام
الشرق الاوسط بشكل عام الزوق والنخوة قلوا اوى فيهم
انتى بتقولى واقفه مع صحبتك فى ميكروباس
فى وحده بتكون شيله طفل على ايدها وحدش بيقوم برضه
عاوزة تعرفى السبب؟؟؟؟؟؟
هبقى اقولك عليه بس مش عاوز اطول عليكى

البوست دمه شربات

تسلم ايدك

تحياتى

المحبه يقول...

بنت مصريه
ازيك اخبارك ايه ممكن تقبلى عزمتك عندى على فنجان شاى وتقليلى رايك فى البوست الجديد مستنيكى تنورى المدونه بتعليقاتك الجميله بالتوفيق ان شاء الله
خالص تحياتى ليكى

maYHam يقول...

في مصر مابقاش في حاجة اسمها رجولة او إنسانية ....لأن مبقاش في إسام ولا ضمير ولا أي حاجة

لكن على الجانب الآخر .... دعوة صغيرة عشان تشوفي الستات بيتعاملوا إزاي معانا في أي طابور أو مصلحة حكومية أو الكلية

تحياتي

Desert cat يقول...

اصدقائى الأعزاء المدونين والمدونات
تمت اليوم إذاعة آخر الإجابات التى وردت على سؤال تبريد البروسيسور فى برنامجنا الإذاعى
أنت تسأل والكمبيوتر يجيب
والذى يذاع يومياً الساعه 9.10 صباحاً ما عدا يوم الجمعه
وتضمنت الحلقة إجابات
إنجى البوهى
عبده الرايق
Miss Saso
يمكنكم الآن سماع الحلقة من الـ box
على يمين المدونة
http://netonradio.blogspot.com/
او من خلال الموقع
http://dear.to/cairo

تمنياتنا بدوام التواصل

nody يقول...

بمبى وبترتر
ايوه
دى الرجاله
فى مره كنت فى فرح وسالو العروسه مين اكتر واحده فى عيلتك بتعرف ترقص
قالت لهم مرات اخويا
فبتاع الدى جيه فضل يدور عليها مالقهاش قام جوزها راح بنفسه دور عليها وجابها على وسط المسرح علشان ترقص
امال انا مضربه عن الجواز ليه

غير معرف يقول...

بنوته بجد انتى جميله اوى والله العظيم الموضع دا تحفه الولاد خلاص قرروا يحولو النوع مش عاوزين يكونوا رجاله(الكلام مش لكل الولاد)عارفه انا فى الكليه معايا ولا بجد مش تفرقيهم عن البنات عاوزين ايه مش عارفه عيال تايهه بجد مش عارفه اى هويتها واله بيكون شكلهم مقرف بس نعمل ايه ربنا يهديهم ويهدينا..........ٌٌٌٌR

ظل الشمس يقول...

بوست جميل اوى
وعلى 2010 هانكون كلنا انقرضنا ماعدا المنتخب طبعا :))

موناليزا يقول...

قصدك بلد عايزة راجل

إبن النيل يقول...

يا لهوى ... يا لهوى .. يا خراب بيتك يا بلد .. يا خراب بيييتك يا بلد
أصوت يا خواتى .. ولا أعمل إيييه

مالك يا ولية بتعددى ليه .. وليه مين أنتوا خليتوا فيها ولية .. أنا راجل قصدى عيل .. والى قريته جننى طير آخر برج فى دماغى .. حد يقولى الى قريته مش حقيقى ..

كفاية هزار بايخ مبوخ ..

إحم إحم السلام عليكم .. إزيك يا إنجى ( مش كده برضوا ) .. الحقيقة قريت البوست فى لحظة غريبة .. أنا من كام لحظة كنت بدور على أغنية يا مصر يا الرجال ( يظهر إنى من العصر الحجرى )
كنت فاكر إن لسه فى رجالة .. دخلت المدونة على بوست حبيبتى يا مصر .. ببص على اليمين مكتوب ( من أنا ) قلت أخش فقلت ما أبص بالمره على المدونة أشوف فيها إيه .. سبحان الله عينى جت على البوست ده .. سبحان الله أنا لسه بدور على يا مصر يا أم الرجال .. ألاقى البلد عاوزه ولد .. وقريت وطبعاً ضحكت لأول مرة من فترة .. لقيتك إحتستى فى الميكروباص بسبب شوية عيال الى ركبين وإلا البايخ الى مسبش الكرسى علشان كان نازل كنت موتيه وخلصتينا منه ..

لسه فيه تكملة

إبن النيل يقول...

التكملة

وبكمل لغاية ما وصلت للبدى الرجالى .. أنا تنحت وإنشكحت وإتشليت فكرياً .. هو فى إيه .. معقولة بدى رجالى هى حصلت .. أنا مش عارف أقول إيه .. أصلى مينفعش أتكلم علشان الموقف عاوز ألفاظ مش ظريفة .. حقول غير إنى عرفت أخيراً وتيقنت هى البلد خربانة ليه .. وفى غلاء وبلاء ووباء فى البلد ليه .. لأن ربنا غضبان .. وإحنا نستحق إنتقامه .. لأننى بقينا وحشين أوى .. بدى رجالى يا ولاد الـ ... ولا بلاش


سورى على التطويل .. لكن كان لازم أرد على البوست التحفة .. وفعلا مفيش رجالة .. لأنى لتانى مره أخش مدونة صاحبتها بنت وأستمتع بالكلام الموزون
كلام بيتكلم عن حال البلد .. كلام بيوجع وبيلمس القلب .. ومدونات الشباب المصريين .. التى دخلتها .. تافهة وكلها كلام حب وغرام وصور زفت

لكن رغم حال رجالتنا رجالة مين بقى بقوا يلبسوا بدى .. رغم إن الرجالة ماتت .. وحلبس إسود حداد .. ورغم الخراب لكن لسه فى أمل .. لسه فى رجالة بس مش ظاهريين .. لسه فى شهامة لكن مستخبية .. لسه فيه مجدعة بس مسجونة .. لسه فى خير فى الناس
عارفة ليه .. لأن ربنا لم يخسف بنا الأرض حتى الآن .. لأن لسه فى خير

طولت بقى يا عم إنتا .. أنا آسف طولت خالص .. ياعم بواب المدونة حمشى خلاص بس سيب البدى لسه شاريه ههههههههههههههههههههههه


أوعى حد يصدق إنى أشترى البدى الهباب ده
أنا الحمد لله لسه راجل .. وبلبس ملابس رجالى .. قصدى ملابس محترمة أصل كلمة ملابس رجالى مش حينفع أقولها خالص لأنه بقى فيه بدى ضمن الملابس الرجالى

سلام علشان دمى تقل أوى


وحيكون ليا زيارة تانية إن شاء الله

الرومـيصاء يقول...

السلام عليكم
طبعا انتى متعرفنيش بس انا كنت فى مدونة حور ولقيت مدونتك
ودخلت عليها بس والله مش مجامله عجبتنى لانى بحب الاسلوب الجرىء الساخر
ملحوظه(انا مكتبتش التعليق لكى اعرفك بمدونتى بس فعلا الاسلوب عجبنى) وتقبلى مرورى

غير معرف يقول...

والله العظيم موقف الميكرباص ده بيحصلى كل ماركب ميكروباص يظهر انى طلعت مش انا لوحدى اللى بيحصلى كدة
بس الالغن بقيى ان فى مرة والله كنت واقفة انا وست عجوزة وواحدة حامل وكانوا كل اللى قاعدين شحطة والميكروباص عمال ياخد مطبات ان حد منهم يخلى عندى ان شالله حتى ميه مش دم ويقوم للالتنين اللى كانو واقفين عايا ابدااااااااااااااااااااااااااا

hi5