.ازيكو

ازيكوا .......احب ارحب بكل واحد قاعد دلوقتى قدام مدونتى........انا زييى زيكوا كل يوم افتح النت الاقى اخبار مصراوى......عارفينها اللى تفتح النفس للحياه دى .....فجالى اكتئاب ........ايوه ايوه زى اللى عندكو ده بالظبط.....اعمل ايه اعمل ايه.......جاتلى فكره المدونه افضفض بيها معاكو ويارب تعجبكو

الأربعاء، 18 يونيو 2008

بنت مصريه اتشهرت يا رجااله...........يا mens


والله صبرتى ونولتى يا بت يا مصريه

باركولى يا عيال(البنت مصريه) طلعت ف (جريده الاسره العربيه)

مين يا ولاد: البت مصريه

بتقولوا ميين يا ولاد :البت مصريه

مين :البت مصريه

بصو بقى يا جماعه اى واحد عايز يعلقلى ميعلقليش بقى كده زى زمان ..لا..خلاص فيه نظام بقى دلوقتى

انا مش اقل م المشاهير دلوقتى ...انا طلعت ف الجرنال يا جماعه... خلاص عديت

لا يا خفيف انت وهو .........مش ف صفحه الحوادث

واحده مدونه هتطلع ف صفحه ايه (لكى يا سيدتى)...........اكيد صفحه (المدونين) طبعا

بصوا بقى ...كل واحد عايز يعلقلى يقوم بالخطوات الاتيه::

1-يقدم طلب

2-يطبع عليه ورقه دمغه ب 4 جنيه

3-يمضى عليه اتنين موظفين

لا لا خلاص انتو حبايبى مقدرش اعذبكوا كده لأ حرام .....خلاص يا جماعه هاتو الدمغه اللى ب2 جنيه

بلاش اللى ب4 جنيه..................ايه فيه ايه منا هونت عليكو اهه

يا جماعه عادى دا انا بخللى الناس اللى ف البيت يكلمونى بميعاد دلوقتى ................انتو احسن من اهلى يعنى

هههههههههههههههههههههه

معلش يا بلوجريه........... مانتو عارفينى ............غلابويه والغلاسه عندى غيه

شكر خاص:

رئيس تحرير الجريده:وحيد غازى

رئيس مجلس الاداره:محمود ياسر رمضان

الصحفيه المعده:اسر ياسر

ولكل زمايلى البلوجريه اللى بحبهم جدا جدا واللى شجعونى على التدوين

الف الف شكر ليكو

هناك 78 تعليقًا:

بنت مصريه يقول...

يا جماعه اوعو تزعلو منى انا بهزر معاكو
دا انا بفرح قوى لما بتعلقولى
على فكره انا غلطت الصحفيه المعده اسمها
اسر ياسر
شكرا ليكو يا اخواتى

šσяšαяαα يقول...

السلااااااااام عليكمممم

الف الف الف واضربيهم فى الخلاط مع كمان الف زيهم وضيفى عليهم كوباية مبروك وفوقيها معلقة عقبال مانشوفك رئيسة تحرير صحيفة البلوجرية الاسبوعية اللى اتمنى انها تكون موجودة فيوم فعلا

بس انا اول مرة ادخل هون يبقى اكتب انا كمان طلب وادفع الجوز جنيهات واللا اول زيارة بتكون فور فرييك وياريت كمان لو معاها ايس كريم مانتى عارفه الحر اليومين دول:)

مبروك ليكى مرة تانية ويارب دايما نسمع عنك كل خير

سلاااااااااام

!!! عارفة ... مش عارف ليه يقول...
أزال المؤلف هذا التعليق.
!!! عارفة ... مش عارف ليه يقول...

الف ألف مبرووووووووووووووووووووووك

نجاحك هو نجاح لنا كلنا
مش هكتر دلوقت علشان المهنئيين

أنا قولت ألحق أعملك تلغراف بسرعة اهنيكي بيه

وأنت عارفة الكلمة بالشيء الفولاني

تحياتي

!!! عارفة ... مش عارف ليه يقول...

سوري التعليق راح مرتين وحذفت واحد منهم

يعني جيت اوووفر اتكلفت تليغرافين

لا لا .... دول بقوا تلاته

تحياتي

momken يقول...

الف مبروك يا مصريه
وانشاء الله تكون اول خطوة فى طريق حياه النجوميه
وابقى افتكرينا لما مرتبك يصول تمانيه وخمسين جنيه
واكيد هيكون ورق كبير دانتى نجمه

كمان مره الف مبروك وديما من نجاح لنجاح

تحياتى

غير معرف يقول...

اصوط يقولوا الولية اتجننت؟ أصدي البنوتة اتجننت

يا حبيبتي طب مش تكبري الصورة كده عشان اعرف كاتبه ايه؟
(وش بيشد ف شعره)

عموما الف الف مبروك والله انبسطتلك موت ههههههههه بجد حاسة بفرحتك يا رب على ما نلاقي اسمك في النيوزويك كخخخخخخخخخخخ

مها ميهوووو

Tamer Nabil Moussa يقول...

الف الف مبروك اختى العزيزة

قعبال التليفزيون

انا نزلت الحلقة الثالثة من ارض النور

تحياتى

Desert cat يقول...

اصدقائى الاعزاء
المدونين والمدونات
تمت اليوم اذاعه الحلقة الخاصة بسؤال تبريد البروسيسور
فى برنامجنا الاذاعى انت تسال والكميوتر يجيب الذى يذاع يوميا الساعه 9.10 صباحا ما عدا يوم الجمعه على اذاعه البرنامج العام
تم اذاعة كومنت
عبده الرايق
البوسطجى
مصرى بدرجة مواطن
سومة
ميسوسوب
حبيبة القمر
نونونيم
روفى
غير معروف
جيهان على
بنت مصرية
سالى
آلام وآمال
يمكنكم الآن سماع الحلقة من الـ box
على يمين المدونة
http://netonradio.blogspot.com/
او من من خلال موقع البرنامج
http://dear.to/cairo
تمنياتنا بدوام التواصل

Geo Amr يقول...

الف مبرووووووووووووووووووووووووك ويارب من نجاح لنجاح يكون اكبر من الى قبله وتمنياتى ليكى بالتوفيق فى حياتك

بنت مصريه يقول...

سورسارا
اول مره تعلقيلى يا قمر وعشان كده اول مره
فور فريك
انما هتستعبطوا بقى وتقولوا عليا طيبه وهبله لا
انا معرفش ابويا خصوصا ف موضوع الدمغات ده
ههههههههههههههههههههههه
نورتينى يا قمر ربنا يخليكى يا رب على زيارتك ليا
ويا رب تنورينى دايما انتى والكوكتيل بتاعك ده

عارفه مش عارف ليه
ربنا يخليك يا رب وشكرا عالتلغراف ده انا عارفه تلاقيك بعدت تلغراف عشان تهرب م الدمغه
ههههههههههههههههه
شوفت احسن عشان ربنا ميرضاش بالظلم
انا وراكوا لغايه ما افلسكوا
هههههههههه
اتمنى تنورنى دايما

ممكن
ربنا يخليك يا رب
ياااه فين وفين لما يوصل مرتبى 85 جنيه
لسه بدرى يا مين يعيش
هههههههههههههههههههه
ربنا يخليك يا رب عالتهنئه الرقيقه دى
واتمنى تنورنى دايما


احسن تستاهل
مها حبيبه قلبى
لا يا حبيبتى ماتصوتيش
الطمى يا قمر ههههههههههههههه
مرسى يا عسل على احساسك العالى دا
انتى عايزه اكتب ف الدستور
عشان اتاخد من قفايا على حبايبنا الحلويين عدل ههههههههههه
اتمنى تنورينى دايما


تامر نبيل
ازيك يا تامر
ربنا يخليك يا رب
اه والله يا تامر لوطلعت ف التلفزيون
ميبقاش قدامى غير حاجه واحده اطلع فيها
ايوه عليك نور البوتجاز ههههههههههههه
اتمنى تنورنى دايما يا تامر

ديزرت كات
مرسى يا قمر على التنويهات
الجميله شفت الحلقه يا عسل
واتمنى اكون صديقه دايمه للبرنامج

جيو عمرو
ربنا يخليك يا عمر
ويبارك فيك
واتمنى اشوفك دايما من غير دمغات ولا حاجه

الباحث عن الحقيقة يقول...

اي حديث عن اي من الاخوة او الاخوات المدونين
كأنه حديث عننا كلنا
لان اكيد اللى شاف مدونتك شاف مدونات تانية كتير
وده معناه ان التدوين اصبح في دائرة الضوء
الف مبروك يا مصرية
ايون يا ستي محدش هيعرف يكلمك دلوقتى
لا والغريب انك مش بتعرفي تعملى تعديل في التدوينة
اذا كنتى غلطتى في اسم الصحفية تقدري تعملي تعديل ادخلى على الوستات واختاري البوست ده واضغطى على كلمة اددت يعنى تعديل وعدلى موضوعي وبعدين ابعتيه تاني عادي هتلاقيه اتعدل
ومتخافيش التعليقات زي ماهي

Dr. Ibrahim يقول...

مبارك

:)

ومحدش يفهمنى غلط

د/إبراهيم

رحـــــال يقول...

مبروك مبروك مبرووووووووووووووك ..

بس كنت عايز اسال . سالوكي فى ايه وعن ايه ...؟؟
وياترى قولتلهم ايه ...؟؟؟ امممممم

انا دخلت هنا بس عشان اقولك انك تسمحينى فال4 جنية بتوع الدمغة .

:)

رحـــال

بنت مصريه يقول...

الباحث عن الحقيقه
اشكرك جزيل الشكر
على تعليقك
وانا بعرف اعدل طبعا بس بصراحه مكنش عندى وقت
قولت اكتبه ف التعليقات وخلاص
اتمنى تنورنى دايما

بنت مصريه يقول...

د ابراهيم
ماتقول مبروك يا عم وخلاص
ههههههههههههههه
لازم توقعنا ف الغلك يعنى
عموما الله يبارك فيك
وتنورنى دايما

رحال
مسألونيش ف حاجه دول عرضولى بوست

ومش مسامحه ف ال4 جنيه
خلاص اقولك خليهم عالنوته
ههههههههههههههههه
الله يبارك فيك
واتمنى تنورنى دايما

Mero.. يقول...

مبروك مبروك مبروك
الف مبروك وعقبال ماتنزيلي في الاهرام والاخبار والجمهورية

Heart Beat يقول...

انا جيت اقدم الطلب اخدوا مني خمسة جنيه دمغة و مادونيش الجنيه الباقي عشان اجيب عيش به مع اني خليت تلاتة موظفين مرتبهم فوق العشرة جنيه يوقعوا عليه بس معلش فداكي الجنيه الباقي

الف مبروك يا ست الكل

بس و الله الموضوع اللي نشروه برضه حلو

عايزين بقى ظهور اعلامي ضخم يعني كل الجرايد و المجلات و الفضائيات و الارضيات و بين السما و الارض تكتب عن مواضيعك

يعني لدرجة اننا نلاقي مواضيعك بتتناقش على كل لسان عربيا و دوليا

ربنا يوفقك دايما

كريم مصطفي سيد يقول...

مبرووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووك

just me يقول...

ممكن اقدم طلب؟؟؟؟
ماتخافيش الاربعه جنيه اهم

just me يقول...

نسيت اقولك مبروك بجد
وتستحقى كل خير

zOzO يقول...

الف الف مليون مبروك

بجد فرحتلك

بس انتي تستاهلي

بقي عايزه دمغه ب 4 ج طيب

وخفضيتها وبقت ب 2 كمان

امال لو مش غاليين كنتي عملتي ايه

ههههههههههههههههههه

الف مبروك كمان مره

Alkomi يقول...

اللي علي علي يا ست

دكتور بهــدوء يقول...

مبروووووووووك
وعؤبال أما نشوفك ف الصفحه الاولي
يااارب وكتب بأه وبتااااع وفلوووس اااه اهم حاجه السبوبه
طبعا بالنسبه للدمغه ام اتنين جنيه مش لاقيها جبت ام اربعه ومضيت اتنين موظفين
وصوره لشهاده الميلاد وست صور سته ف تسعه
وكتبت الصيغه وقدمته
وهيوصلك ان شاء الله بعد كزا سنه
دي تخاريف امتحانات ولا تشغلي بالك

the beauty candy يقول...

مبروك يا مصريه
خلاص ماحدش هايعرف يكلمك تانى
طيب ابقى شوفينا معاكى كده فى اى حاجه
ولو حتى فى صوره هاتى سيرتى ولو بالاسم كده
قولى اعرف واحده اسمها دوودا دايما بتجينى وتضعلى تعليقها
ما تبقيش تنسينا ولا عشان ربنا فتحها عليكى
تحياتى ليكى يا قمر
دوودا

blue-wave يقول...

الف الف مبروك يا ستى
مين قدك بقى؟ اكيد ولا هاتعبرينا بعد كدا:)

مدحت محمد يقول...

عناية الاستاذة / بنت مصرية
تحية طيبة .... وبعد
نرجو من سيادتكم التكرم بالموافقة نحو التعليق على تدوينة سيادتكم المحررة بتاريخ 18/6/2008 م والمعنونة تحت اسم بنت مصرية اتشهرت يامييييينز
مرسل للعلم والاحاطة والتفضل باتخاذ ماترونه مناسبا فى هذا الشأن

وتفضلوا بقبول وافر الاحترام

تحريرا فى مقدمه
مدحت محمد
19/6/2008 م

الف مبروك ياعم انت قال طلب قااااال

يارب كدة لما نشوف طلعلك كتاب بجد
انتى اسلوبك ساخر تحفههههه

رحـــــال يقول...

عالنوتة ..حتى المدونات فيها نوتة كمان ..

ربنا يستر ..

عموما بس افتكرينا لما نسوفك عالتليفزيون قريب ..

يارب ال 4جنية مايزيدوش بس ..

اتشرف اكون زاءئر لكم ابدا ..

اخــوكم رحـــال

بطوط حبوب يقول...

هههههههههههه
مبروووووووووووووك

Mafrousa يقول...

ايه يا بنوته دخول المدونهديه بعد كده بفلوس
مممممممممممممم!!!!!!!!
طيب ده بعد ما طلعت ى جريده انا مش عارفاها
امال لو طلعتي فى الفضائيات و لا التلفزيون حتعملي اييييه؟
اكيد تبقى فيه مدونه للسكرتاريه لازم الواحد يعدي عليها الاول
هههههههههههه
مبروك

مشربية يقول...

هييييييييييييييييييييييييييييييييييييييةةةةةةةةةةةة مبروووووووووووك يا انجيييييييي و عقبال ما تطلعي في OTV
:D
يارب دايما بالتوفيق

فارس بلا جواد يقول...

الف مبروك
كده حقك فعلا تعملي اللي عايزاة
بصراحة ما كنتش قريت الموضوع ده .. بس فتحته من الارشيف
بجد دمك زي العسل ويستاهل فعلا الموضوع انه يتنشر
بالتوفيق وعقبال ما الاقي كتاب باسمك

بنت مصريه يقول...

ميرو
شكرا شكرا شكرا
بس الجرايد دول حزب وطنى وانا عندى حساسيه م الحزب الوطنى
اتمنى تنورنى دايما

هارت بيت
شكرا يا قمر اصل انا مقولتلكيش الجنيه اللى مدهولكيش دا حق الشاى بتاعهم بقشيش يعنى
ههههههههههههه
يا بنتى دا انا لو زويل مش هيتعمل معايا كده
شكرا يا قمر

كريم مصطفى
شككككككككككككرااااااا
اتمنى تنورنى دايما

لست ادرى
ههههههههههههههههههههه
اوعى تفتكرى انى باصه لل4 جنيه
لا انا باصه لاكتر من كده
ههههههههههههه
الله يبارك فيكى يا عسل

زوزو
هههههههههههههههههههههههه
ربنا يخليكى يا قمر
دا انتى اغلى الغاليين
عشان كده تدفعى 10 جنيه
هههههههههههههههههه
ربنا يبارك فيكى يا رب
وتنورينى دايما

محمد الكومى
صباحو قر يا محمد
هههههههههههههههههههههه اوعى تزعل انا بهزر معاك
ربنا يخليك يا رب
وتعلقلى دايما


دكتور بهدوء
ههههههههههههههههههههههه
ايه يابنى كل ده بتصعبها على نفسك ليه كده
هههههههههههههههه
ربنا يبارك فييك يا دكتور واتمنى تنورنى دايما

ذا بيوتى كاندى
انتى برده تعرفى عنى كده انى ممكن انسى صحابى
دا انا اسمى بنت مصريه
يعن الغباء اصدى الوفاء
يعنى الطناش اصدى الاخلاص
هههههههههههههههه
ربنا يخليكى يا حبيبتى وتنورينى دايما
وييجى يوم تبقى فيه اشهر م النار عالعلم

بلو وافز
الله يبارك فيك جرا ايه يا جماعه انتو واخدين عنى فكره وحشه ليه كده
هو انا اقدر استغنى عنكوا
انتو بقيتو اقرب من حبل الوريد هههه
اتمنى تنورنى عالطول

مدحت
الله يبارك فييك يا مدحت
بس يا جماعه متسوقوش فيها وتكتبوا طلب مفهمش منه حاجه
يا عم دا انت كاتب طلب استقاله باين
ههههههههههههههههههههه
ربنا يخليك يا مدحت
واتمنى تنورنى عالطوول

رحال
اه طبعا عالنوته
انا ف الفلوس معرفش ابويا
هههههههههههههههههه
وانا اقدر انساكو برضه
لا متخفش مش هزود ال4 جنيه انا اسمى انجى محمد
مش انجى عز
ههههههههههههههههههههه


واحده مفروسه
ههههههههههههههههههههههههههههههههههههههههههههههههههههههههههههه
الله يبارك فيكى يا قمر
طول عمرك دمك شرباط
اتمنى تنورينى دايما

بطوط حبوب
اول مره تنورنى
الله يبارك فييك يا بطوط
واتمنى تنورنى دايما

مشربيه
محمد ازيك
الله يبارك فيك
والله انا حاسه انك اكتر واحد فرحانلى
لانى بعزك بجد وبعتبرك اخ ليا
نورنى على طوووووولل

بنت مصريه يقول...

فارس بلا جواد
ربنا يخلييك يا رب
ويبارك فيك
واتمنى اشوفك دايما

شفـقــة و إحســــان يقول...

مبروك ايه الجمال والعظمة دى......ايوه كده ارفعى راس البلوجريه لا صحيح مصريه

Unknown يقول...

الف مبروك
فرحانلك من قلبى
و يا ستى انا مستعد اشترى ابو 4 و كمان عرض حال لو حبيبتى



تحياتى

حــــــراء يقول...

الف الف الف الف الف الف الف كل دول فى مليون الف والناتج مبرووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووكبجد من نجاح لنجاح عايزينك كده على طول لان احنا بتستفيد منك لما تكونى ناجحة لانه بيبقى بقى مزاجك حلو وتمتعينا بكتابتك اللى تجنن
ملحوظه مهمه جدا
احنا عمرنا منزعل منك ابدا
مع خالص تحياتى ليكى
واتمنة تنورينى دايما
اخوك احمد

mregypt7 يقول...

هيهيهيههيهيهيهيهيهيهيهيهيهيه
البنت المصريه اشتهرت يا اخوانا
مين يابو حميد البنت المصريه
دى ولا حتى سمعنا عنها فى طبق اليوم
ههههههههههههههههههههههههه
لا عيب كده احنا جايين نالس قصدى نبارك
بس الصفحه الموضوعه ديه متاكده انها جريده
اصلها بتفكرنى بورق اللحمه اللى مكتوب عليه بالقلم الرصاص وكام رسمه
قصدك ايه انها بتشتغلنا
ايخريس
ديه المصريه يا واد تلاقيها بس اشتاقت تكون مشهوره فقالت اجيب صفحه الوفيات فى الجرنان
وانشرها على انها تبعى واهى منها العيال البلوجريه هيصدقونى واكون كسبت شهره
تفتكر يا كده يا هندسه
اما انت غريب اوى هدخل جوه الناس يعنى واعرف نواياهم
بس عرض خااااااااااااااااااااااص
الدمغه اللى البنت المصريه بتقول عليها عندى واستمارتها وممضى عليها مش من اتنين موظفين بس
لا احنا نختلف عن كل الناس دى ممضى عليها من اربع موظفين
وكل ده وبسعر خيالى 3جنيه و 99 قرش
شفتم هوفر عليكم المجهود والتعب والوقفه فى الطوابير
والخدمه ديه مش هاتلاقوها غير عندى
اصلىبتبع خطوات عز الدخيله بتاع الحديد من اخرها نظام الاحتكار اعاده الله عليكم بالخير واليمن وكمان البركات
الا بقولك ايه يا مصريه بينى وبينك كده
انا الاوتوجراف بتاعى مليان بعظماء العالم من اول الهكسوس لغايه عم سعيد الحرامى
بصى هادخلك التاريخ من اضيق ابوابه
ده لو لقتيه مفتوح
ابقى ادينى حته امضاء كده ويكونن ليا كامل الشكر
فى صفحه البتنجان اللى انتى نشراها ديه
بس ياريت تبقى تقوليلى هتنزل تبع انهو جرنان وطبعا الصفحه معروفه
انظر اللى الصفحه اللى بعد الاخيره
لو لقيت حاجه ابقى اقراها وافتكرنى


فرحتلك يا مصريه باول موضوع ينشر ليكى
وابقى افتكرينا باى حاجه ولو حتى بحرف من اسمى وانا اضمنلك انها تتباع كلها
اصل حبايبى كتير فى الداخليه
مبروك يا ستى
تحياااااااااااااااااتى
الباش مهندس بوحميد

mostafa rayan يقول...

ايه دة من اولها كدة امال بقي لو نشرتي في الأهرام هتعملي معانا ايه
مبروك

المحبه يقول...

الف الف الف مبروك وعلى فكره انا اول مره اعلق عندك على المدونه وان شاء الله هتشوفينى على طول سلاااااااااااام

ليكوريكا يقول...

احساس جميل اوي ان الواحد يتشهر يا بنت مصريه

وتطلعي كده في الجرنال ونلف بيكي الحاجات ونفرشك عالسفره ونحط عليكي العيش (ده بعد منقف في الطابور طبعا )

بهزززززززر والله :)))

انتي كتاباتك بسم الله ماشاء الله جميله
وتستاهلي كل خير :)))

ومتقلقيش انا مبجبش جريدة الاسره العربيه

فانتي بعيد كل البعد عن الفره والعيش :)

ليكوريكا

انا مذنب يقول...

مبروك
بس مش لاقي الموظف المسؤل عن الدفع
ولا في حتى فراش اشتري منه الدمغه

اقولك انا هاروح اجيب من بره وابقى ارجع تاني

لكي مني كل التحيه

سفينة يقول...

هههههههههههههههه

كالعاده دمك زي العسل،بس بلاش غرور بقا وقللي شويه الصعوبات دي دا انتي ناقص تعمليلك سكرتير ومدير اعمال،

اولا الف مبروك بجد وانتي تستاهلي اكتر من كده
............
وآسف علي تأخيري والله انا كنت مشغول جدا جدا الايام اللي فاتت دي في الشغل لدرجة اني مش برد حتي علي تعليقات الناس عندي ......

بس كالعاده بكون سعيد بزيارتك قوي

خالص تحياتي

محمد

حـــــدوتـــــة يقول...

السلام عليكم
دى اول زيارة ليا
شوفت تعليقاتك فى اكتر من مدونة بزورها
اسلوبك لذيذ اوى
عموما مبروك على اللى اتنشر عن المدونة
هلف لفة وهرجع تانى

سلالالالالالالالالالالالالالالالالالالالالالالام

حمادة زيدان يقول...

الأستاذة بنت مصرية

بعد التحية والسلام عليكم
نتوجه إلي سيادتكم بخالص الحب والمودة
وبعد إمضاء أثنان من الموظفين في مصلحة البطالة ... أتمنى أن تقبلي هذا الكومينت ...
وتفضلي بخالص تحياتي

الفقير إلي الله
حمادة زيدان

بنت مصريه يقول...

شفقه هانم واحسان بك
الله يبارك فيكو بس عايزه اعرف الاول انتى سفقه ولا احسان
عشان انا مبكلمش شفقه بعد اخر بوست
عمله مرمط فيه الحريم ههههههههههه
بس خلاص مباركتك تشفعلك

كريم
ربنا يخليك يا كريم ويبارك فيك
انا عارفه والله انى غاليه عليكو
وهتفرحولى مرسى يا كريم عالتعليق الجميل المهذب ده
واتمنى تنورنى دايما

حراء
ايه التعليق الجميل ده يا احمد بصراحه انت زوق زياده عن اللزوم
وانا قدام زوقك ده بصراحه مش عارفه ارد اقول ايه
ربنا ميجبش زعل بيننا دا احنا اخوات كلنا
ربنا يخليك واتمنى تنورنى دايما


مستر ايجيبت
امال لو كنت مفرحتليش يا بوحميد
كنت قولنت ايه
عموما مردودالك يوم ما بوستاتك تنزل
ونشتريها وناكل عليها بطييخ
هههههههههههههههههههههههههههههه
اوعى تزعل منى انا بهزر
الله يبارك فيك يا رب واشوفك دايما

مصطفى ريان
عمرى ما بوستاتى هتتنشر ف الحزب الوطنى
انا عندى حساسيه منه
وبعدين انا بهزر معاكو
هو انت يعنى دفعت حاجه وانت بتعلق مانت معلق بلوشى
هههههههههههههههه
الله يبارك فيك وتنورنى دايما

مدونه المحبه
الله يبارك فيكى ويارب متكنش اخر
مره تنورنى فيها
مستنياك عالطول

ليكوريكا
يارب تشتهر يا محمد
وتبقى ف الاهرام
وناكل عليك البطيخ واحنا بقى بنجيب الاهرام
يعنى هناكل عليك البطيخ كده كده

انا مذنب
الله يبارك فيك
راح فين الواد ده
يا عم توفييق انت يا اللى اسمك عم توفييق
سايب مكانك ليه انا مذنب زبون جديد اوعى تخليه يشترى من بره
ياللا بعله
اتمنى تنورنى دايما

سفينه
فينك يا دكتور محمد من زمان ربنا يعينك يا رب
ربنا يخليك ومرسى عالتعليق الحلو ده
وانت تعرف عنى انى مغروره برضه
دا انال بهزر معاكو بس ادفع ال4 جنيه قبل ما تمشى لو سمحت


حدوته
الله يبارك فيكى
واتمنى متكنش اول واخر زياره
لفى لفى بس متنسيش ترجعى


حماده زيدان
ايه يا احمد ده
انت خدتها جد كده ليه
انا المهم عندى تدفع ال4 جنيه بس

عودة(3awda) يقول...

ألف مبروك وعقبال الاهرام الصفحه الاولى بأكبر فونت
ياريت يابنوته تشرفينى فى مدونتى وتقولى رأيك فى(دعاء المكربين)

nody يقول...

الف مبروك يا ستى بس مش المفروض تعملى لينا حفله
وتجيبى لنا جاتوه
واحنا نجيب لك هديه

خواطر رئيس شاب يقول...

الف مبروك

انا قدمت طلب وحطيت عليه الدمغة اللى ب 2 جنيه بس انا اشتريتها من الساعى ب3 جنيه
واديت الموظف خمسة جنيه ( رشوة )علشان طلبى يتقبل ويوصل واقدر اقولك الف مبروك

موناليزا يقول...

مبروك ياقمر وعقبال ماتطلعى فى الفضائيات

mohamed raafat يقول...

معلشي اعذريني اتاخرت عليكي
اصل انا كنت علي الحديدة
وما كانشي معايا تمن الدمغة
اعمل ايه
لفيت علي كل اللي اعرفهم
ان حد فيهم يسلفني تمن الدمغه
كلهم قلولوا الله يحنن

حقيقي بوست رائع

تحياتي sayed

spower يقول...

سوري انا ظروفي المالية ماعدشي تسمح ليا
ان انا ادخل مدونتك
4جنيهدمغة ليه
حراااااااااااااام
يبقي انتي والحكومة

بصراحة بوست رائع
تحياتي SAYED

محمود حسن العدل يقول...

الف مبروك ياقمر بس اوعى تنسى اصدقائك الغلابة وبلاش الدمغات واتنين موظفين لان كدة انتى هاتحرمينا من اسلوبك الجميل رغم اننا بردو هانلف على موظفين البلد ونشترى الدمغة
بس احنا كلنا عشم فيكى اننا نكون مميزين عندك
بجد بوست جميل يمتاز بخفة الدم اللى كلنا متعودينها منك
شكرا ليكى

الميكروباص يقول...

ألف مبروك - عقبال ما تطلعي في التليفزيون
بس لو طلعتي في التليفزيون يبقي قوليلي
عشان آجي من وراكي و الكاميرا بتصور وأقف و أعمل للناس " باي باي "
أتفقنا ؟؟

maYHam يقول...

ألف ألف مبروك
عقبال لما تظهري في الأهرام ادوية وتوصي لنييورك تايمز

Maha Shahen يقول...

الف مبروك يا قمر خلاص ضمنا ان صوتنا واصل لا محاله بس اوعى لو الشهره تخطفك فيما بعد تركبيلنا كاتم صوت ههههههههه
فضلت ادقق في الصفحه انى اشوف حرف من المكتوب ابدا , اكتبى لينا في البوست الجاى بالتفصيل كان مكتوب ايه يا ريت
ويا رب نشوفك مشهوره اكتر ويتنشر عنك قريباً في الاهرام والجمهوريه وتبقى اشهر من الفول يا اجمل البلوجريه واخف دم فى كل الناحيه دهيا
والف مبروك للمره التانيه

MATRIX يقول...

الف ميه عشرة خمسة مبروك مبرررررررررررررررررررررررررررررروككككك
دا ثمرة نجاح مجهودك
وربنا معاى
بس انتى نسيتى توزعى علينا حاجة ..
على العموم مبرررررررررررررررررررررررررررررررررررررررررررررررررررررررررررررررررررررررررررررررررررروك مرة تانية ..والى الامام

إسلام يقول...

ألف مبرووووووووك
وعقبال مقابلة على التايمز او النيوزويك أو حتى الدستور!!

تحياتي

Ahmed Othman يقول...

تحية لبنت مصرية شرقية عصرية
و حسن حظي ان يكون أول مشاهدة لمدونتك
من خلال هذا البوست
ألف مبروك

غير معرف يقول...

السلام عليكم ورحمة الله وبركاته
من فريق حبا فى رسول الله نأسف لعدم الاستئذان ولكن وجب التنوين فبعد اذن صاحب المدونة نرجو التوجه لمدونة la3lahakhier_2 للمشاركة فى التطبيقات العلمية للحملة
جزاكم الله عن نبيكم كل الخير
مع دعائنا وشكرنا لصاحب المدونة
فريق حبا فى رسول الله

semsem يقول...

ههههههههههههههه
هو انا اول مره اعلق
الاقيه باربعه جنيه
لا ياستى
متفقناش على كده
هههههههههههههه
فرحانه بزياره مدونتك
لذيذه اكيد شبه شخصيتك لذيذه بردو
اختك سمسم

semsem يقول...

ههههههههههههههه
هو انا اول مره اعلق
الاقيه باربعه جنيه
لا ياستى
متفقناش على كده
هههههههههههههه
فرحانه بزياره مدونتك
لذيذه اكيد شبه شخصيتك لذيذه بردو
والف مبروك ياست الكل
اختك سمسم

حبيبة الروح يقول...

مبروك يا لولي
للولولولولولولولولولولي
بس الي عالي عالي يا سيدي
بس بتعلي علينا يا جميل
المهم مبروك وفي تقدم مستمر باذن الله يا جميل

تستحقيها بجد
مي

حمامة يقول...

الف مبروك :)

نور الدين (محمد الجيزاوى) يقول...

يعنى اول مررة ادخل الاقى اعصار الغرور دة كله
بس على كل ياستى انا قريت مدونتك كذا موضوع ولقيت انك تستاهلى تكونى فى الجزيرة
وياسلام لو الاتجاه المعاكس
بالتوفيق دايما سيدتى الفاضلة
........
نور الدين محمود

Asmaa mahaba يقول...

انا حطالب باستراد 4 جنيه دمغه
مبروك ومن نجاح لنجاح
تحياتى ليكى سومه_87

بنت مصريه يقول...

انا بشكركوا كلكوا يا جماعه
بجد الله يبارك فيكوا
وتنورونى دايما
ومتزعلوش منى انا بهزر معاكو
صحابى اللى بيعلقولى دايما عارفين انى بهزر
لكن اللى اول مره يشرفونى
فاكريين دا غرور لا والله يا جماعه انا عمرى ما كنت مغروره
انا بس بحب اضحككم


فيه مشكله يا جماعه
انا بحب ازور كل اللى بيزورونى
بس فيه ناس مش عارفه اعلقلهم خالص زى مثلا
نور شاهيين
كريم مصطفى سيد
بلو وافز
يا جماعه يا ريت تشوفوا السيتينج بتاع التعليقات عندكوا
انا مش عارفه اعلق خالص عندكوا

سفينة يقول...

الأستاذه انجـــي

انا قلت بس امسي علي الناس اللي معدتش بتسأل خالص

بس احنا بنسأل اهوه

يارب تكوني بخير دايما

خالص تحياتي

قبطان

(احمد سكر ) يقول...

الف مبروك يابنت عمى

الو انها جت متاخره

معلشى مكنتش ف مصر

ربنا يوفقك يارب

الميكروباص يقول...

أنا فضلت أضحك ضحك في ردك على قطة الصحراء لما قلتي لها أن الحرامي بيلبس شراب في وشه - يبقى نمنع الشراب
لغاية لما كنت هاموت

بنت مصريه يقول...

لورنس العرب
ما اصل حاجه بالعقل كده يا لورنس
هنتلكك احنا بقى ونقول المشكله ف النقاب
المشكله فينا يا لورنس

Abo 7anf يقول...

السلام عليكم
الف مبروك
طب كمان الف مبروك
معلش بقى على غيابى الفتره الفاتت
امتحانات وحاجات
يلا الف مبروك لتالت مره

عاشــــــ النقاب ـقــــة"نونو" يقول...

مبرووووووووووووك
مبروووك
اول زيارة واسمحي لي اتابع
نحياتي

الميكروباص يقول...

ولله تعرفي
انا شايف ان فيه مشكله أكبر من كده بكتير
فيه ناس بيدخلوا عندي وبيتكلموا وبقينا اصحاب
وفجأه عرفت انهم علمانيين وافكارهم غريبه ومنهم شواذ
وناس تانيه لا تعرفي الملل بتاعتهم ايه بالظبط- مسلم ولا غير مسم ولا ايه حكايته
وناس بتقول كلام يخرجها من المله أصلا
لعلمك
انا بقالي 10 سنين بكتب في المنتديات على النت من ايام ما كنت في الجامعه
لم أرى ما رأيته في البلوج ده أبدا
ناس غريبه واشكال ضاله وعالم غير معلومي الاتجاهات وناس هاتودينا في داهيه بكمهم المخالف للعقيده- والمصيبه ان اللي بيدخلوا يعلقوا على الموضوع بيحبوا يجاملوهم فابتلائيهم اتفقوا معاهم في الرأي !!!
انتي عاوزه الصراحه
اللي بيحصل ده حاجه نيله

بنت مصريه يقول...

ابو حنف الله يبارك فيك انت ونونو واتمنى تنورونى دايما
لورنس العرب
والله يا لورنس فيه واحد علقلى
دخلت على مدونته لقيتها بعنوان لا ديانات لا بكاء
ونازل شتيمه ف المسلمين
وكل اللى بيعلقوله بيشتموا ف الاسلام والمسلمين
بصراحعه دمى فار
ومرمطت بكرامتهم الارض

HANY YASSIN يقول...

السلام عليكم
الف الف مبروك
من نجاح الى نجاح دوماً
ربنا يوفقك
هانى يس

alqassam يقول...

مبارك فى مصلحتك دائما ......جديد على مدونة القسام

ظل الشمس يقول...

مبروووووووووووووووووووووووك
عقبال ما تعملى كتاب ^_^

hi5