.ازيكو

ازيكوا .......احب ارحب بكل واحد قاعد دلوقتى قدام مدونتى........انا زييى زيكوا كل يوم افتح النت الاقى اخبار مصراوى......عارفينها اللى تفتح النفس للحياه دى .....فجالى اكتئاب ........ايوه ايوه زى اللى عندكو ده بالظبط.....اعمل ايه اعمل ايه.......جاتلى فكره المدونه افضفض بيها معاكو ويارب تعجبكو

الخميس، 24 يوليو، 2008

افتكاسات مذيعه........فذيعه

ازيكوا يا حلوين ...........اتمنى ماكنش اتأخرت عليكو
انتو اكيد طبعا عارفين البرنامج الرائع (90 دقيقه ) .....تقديم الاستاذ الاعلامى (معتز الدمرداش )
بصراحه هذا البرنامج يعتبر من اهم برامج (التوك شو) ........وميقلش طبعا ف الاهميه عن برنامج (العاشره مساء) وسواء (معتز الدمرداش ) او (منى الشاذلى) فهم لتنين يعتبروا من المذيعين المتميزين سواء فى محاوره الضيف
او تشويق المشاهد فى عرض المواضيع المهمه وصولا الى الحقيقه ولا شىء غير الحقيقه


وللاسف مؤخرا ..........ظهرت مذيعه فى برنامج (90 دقيقه) ..........اسمها (ريهام السهلى)
وهذه المذيعه دليل واضح وصريح على الكوسه والواسطه ف مصر ...........
وعلى رأى اللى قال (لو النيل صلصه مش هيكفى الكوسه اللى ف البلد)


بصو يا جماعه انا ماليش ف الاعلام.............بس انا اكاد اجزم ان ريهام خريجه اى حاجه تانيه غير الاعلام

(ريهام السهلى ) قدرت تحول برنامج (90 دقيقه) من برنامج _مهم..جرىء..سياسى..اجتماعى..فنى _ يشاهده الكبار فقط
الى برنامج _كوميدى عالاخر يشاهده الصغار فقط ويضحك عليه الكبار فقط _باستثناء فقره (معتز الدمرداش)


طيب انا هقولكوا على عينه من اسئله الاستاذه (ريهام).........وانتو اللى تحكموا
وانا متأكده انكو هتقولولى زهقنا م الكوسه بقى هاتى شويه ملوخيه ........هههههههههه

كان فيه جريمه اغتصاب وقتل لطفله صغيره.........وكعاده برنامج (90 دقيقه)........ ان يخطر المشاهد بأى جريمه
او واقعه فساد او مشكله............واستضاف البرنامج والده الطفله المغتصبه المقتوله
وللاسف كانت اللى بتحاورها (ريهام السهلى ) ............قال يعنى الست ناقصه

وبعد تطويل( ريهام ) ف الاسئله لتعرف تفاصيل التفاصيل من والده الضحيه..........وجهت (ريهام) السؤال التالى
ريهام السهلى :(والابتسامه لا تفارق شفايفها ).....وحضرتك بقى ياحاجه لما عرفتى ان بنتك اغتصبت واتقتلت
كان شعورك ايه ...........كنتى حاسه بأيه يعنى ؟
(كانت فرحانه قوى يا ريهام لدرجه انها زغردت وقعدت ترقص.........بالذمه ده سؤال)
والده الضحيه:(وعلى وشها علامات الاستغراب من سؤال المذيعه الموقره )........طبعا انهرت ومصدقتش
_وقامت معيطه_(طبعا لازم تعيط هيه ريهام هتسيبها الا ما تعيط )


تعالوا شوفوا حلقه تانيه .....عن جريمه برضه ..........طفله برضه اتسرق حلقها واتقتلت
البرنامج استضاف اهل الضحيه وكانت اللى بتحاورهم (ريهام ) برضه .........(هم معندهمش غيرها ولا ايه)
وبعد معرفه تفاصيل التفاصيل كعادتها (والله ولا ضباط الشرطه)......
وجهت ريهام تحذير لحبايبنا الاطفال....اااصدى المشاهدين ...وهو ده التحذير..و كلامى اللى بين قوسين (بالاحمر)
لو سمحتوا يا جماعه (بليز) ....ما تسيبوش عيالكوا يلعبو ف الشارع
(معندكوش نادى تلعبوهم فيه ........طب اعملولهم سندوتشات حلاوه بالقشطه)
.وألا انتو حريين (هيجيلكو الديب السحلاوى )
..هيكون مصيرهم زى البنت الللى ماتت دى (الملافظ سعد _ماتت_طب شيكيها زى مانتى متشيكه كده وقولى_ توفت_
عالاقل قدام اهلها ................عموما حاضر يا ماما ساميه )


عشان ماطولش عليكوا هقولكو .........اخر فقره سمعتها ل (ريهام).....لما استضافت الناجى الوحيد ف حادث
(مرسى مطروح).........(اوجه عزائى الخاص جدا لاهالى الضحايا ربنا يلهمهم الصبر والسلوان يارب)
جائت (ريهام ) مع الضيف ..........ايه الشياكه دى يا ريهام ........لابسه ابيض ف كارثه زى دى .
ما شاء الله
دى (منى الشاذلى ) اللى اسمها (منى الشاذلى)...لو اى كلب مات ف البلد بتلبس اسود
تيجى حضرتك ف كارثه زى دى تلبسى ابيض...........مش عارفه اقولك ايه بصراحه
برضه مش عايزه اظلمك ...يمكن هدومك السوده كانت ف الغسيل ......اوه سورى اقصد ف (الدراى كلين )
وبعد ان دمرت الضيف بالاسئله التافهه والغريبه والتى كانت من عينتها

(يعنى كان منظر الجثث عامل ازاى ؟)..............واو يا ريهام دول كان شكلهم اروجينال خالص.......فاتك نص عمرك
واحد بيقولك القطر مشى عالعربيات حوالى 4 كيلو .........لازم تقرفيه ف عيشته يعنى
وفى اخر هذه الفقره اتحفتنا بسؤالها الفتاك الفذيع.........الا وهو
(بتعامل عيالك ازاى بقى بعد ما ربنا نجاك م الحادثه دى ؟)
ما شاء الله.......... يا عبقريه الاسئله بتاعتك يا ريهام ............بجد بجد تتحسدى
ناقص تقولى للراجل انت مش هتعيط بقى ........... خلاص اتكلمنا كتير نعيط شويه بقى


دا كان رأيى يا جماعه..عن الواسطه اللى ف البلد ..........ومش (ريهام) بس اللى بتكلم عنها ..لأ..
انا بتكلم عن كل واحد فى غير مكانه الصحيح ...وخصوصا ف الاعلام .........لان الاعلامى
بتبقى عين الناس عليه واى كلمه هيتحاسب عليها
والاحسن ل (ريهام) واللى زيها انه يروح يشتغل ف تخصصه .......
اللى انا متأكده انه بعيد تماما عن الاعلام

معلش يا ريهام........متنفعيش ف الاعلام
ادى العيش لخبازه يا ريهام

هناك 73 تعليقًا:

Mero.. يقول...

هههههههههههه

دا انتي مش طايقاها بقى ..
معاك حق والله
وعموما المذيعين والمذيعات المصريين لهم الريادة في المجال دا..
بالنسبالي كفاية ان اللي بيقدم استوديو تحليل الماتشات هو اللي بيقدم برنامج الاطفال هيا نلعب والكلام دا..
لكن هنقول ايه ..عادي عايش وبتعايش..
سلام :)

ليكوريكا يقول...

مش عاوزين نظلمها برضو

الله اعلم جايز تكون خريجة اعلام

انا نادرا اما بقعد قصاد التيليفزيون

لكن في كل المرات اللي شفت فيها 90 دقيقه كان معتز هوا اللي موجود

عموما انا مبدأي

(اللي ميعجبكش متتفرجكش عليه)

والتيليفزيون أمامك والانتريه من خلفك والريموت في يدك :)

ليكوريكا

بطوط حبوب يقول...

انا بصراحه بستعلس البرناج ده جدا ولا يقارن بالقاهره اليوم او بالعاشره مساءا
ومعتز برضه مش بطيقه خالص وعلى قلبى اتقل من تامر فى الغيط غيطك

فشهادتى مجروحه

بنت مصريه يقول...

ميرو
ههههههههه
لا وانا مش هطيقها ليه عادى
بس اسلوبها ف عرض الاسئله
ونوعيه الاسئله نفسها هى اللى بتستفزنى


ليكوريكا
انا مش جايبه فيلم او اغنيه يا محمد
عشان احول عليها
انا جايبه برنامج مهم بتابعه باستمرار
وبيناقش حادثه زى اللى كانت ف مطروح مثلا او جريمه اغتصاب
والاقى اسئله المذيعه بالاسلوب ده
كان شكل الجثث ايه
وحسيتى بايه لما بنتك اغتصبت
بصراحه حاجه صعبه
ومفيش حد خريج اعلام يسأل الاسئله دى بالاسلوب ده


انا رايى ان معتز الدمرداش مذيع متميز
والبرنامج هايل باستثناء فقره ريهام السهلى
غيط غيطك .......جبتها منين دى يا بطوط ههههههههههه

الرسائل الرومانسية يقول...

قولى ورايا

بالتكويس ظبط هندسها
بالتكويس قلع لبسها
بالتكويس تكبر كوسها
بالتكويس مانت اللى ريسها
بالتكويس
وبالتكويس يابلدنا ياحلوة بالتكويس

وبالتكويس ريهام بتذيع
وبالتكويس اسلوبها فظيع


بقلك دى مدونتى الجديدة عايزك تدينى رايك بقى

ومستنى اجابتك التاج برضه
وبالتكويس يابلدنا ياحلوة بالتكويس

MATRIX يقول...

اهلا مرة تانية
والله محشتينا ؟؟
ناس تصيف وناس ...؟؟؟
على العموم برنامج (90 مينت ) برنامج مشهور ومعروف اوى ..ولاسف زى ما حضرتك قولتى ان المذيعة موش محترفة وخلت البرنامج سلطة اهه ربنا يخلى الكوسة فى البلد ...
بس انتى موش خايفة انها ممكن ترفع قضية سب على مدونتك ؟؟؟ هههههههه

mostafa rayan يقول...

من اقوال صلاح جاهين الشهيرة
يابلادي ياعجيبة فيكي حاجة محيراني
نزرع القمح في سنين تطلع الكوسة في ثواني
- بس بجد بوست جامد جادا ومكتوب حلو قوي رغم مرارة الأمر لم استطع ان امنع نفسي من الضحك
بمناسبةالواسطة ايه رأيك لو اشتغلت في المحطة مع ريهام انفع اكيد .. بس المشكلةفي الواسطة .. ماتعرفيش واسطة

تحياتي ليكي

بنت مصريه يقول...

الرسائل الرومانسيه
ايه يا عم
اغنيه بالاحضان باظت خالص
ههههههههههه
جميل قوى الشعر ده انت مدحت صع
عالعموم انا يشرفنى انى ازورك سواء كنت مدحت او حد تانى

ماتريكس
ايه يا عم انت هتقر ولا ايه
ههههههههههههه
اولا يا ماتريكس انا مابخفش غير من ربنا
ثانيا انا ما اهنتش ريهام بالعكس
انا عرضت اسئلتها واسلوبها على قراء المدونه وهم اللى يحكموا
ولو لاحظت ان كلامى كان عالكوسه ف والواسطه اللى ف البلد والناس اللى بتشتغل ف اعمال هى غير مؤهله ليها
وريهام كانت مثال مش اكتر
وفى الاخر دا رأيى ومحدش بيحاسب حد على رأيه
اتمنى تنورنى دايما
يا ماتريكس

zOzO يقول...

بصي طبعا انا مش ليا ف البرامج ووجع داللدماغ دا
هههههههههههههههههه


بس البوست بجد حلو
كل المذيعين للاسف محدش طايقهم
مش انتي لوحدك
يا اختي
هههههههههههههههه

طارق الغنام يقول...

انا مش متابع تلفزيون ولا متخصص بالاعلام
بس اللى انتى قولتيه دة صحيح يبين حاله الفوضى فى الاعلام
زى اى فوضى بنعيشها بسبب اننا نعطى الكراسى لمن لايستحقها
تقبلى تحياتى
ودمتى متألقه

لست أدرى يقول...

شكلك متابعه ريهام وبتحبى تتباعيها
تقريبا انا شفت ريهام دى مره فى البرنامج من ساعتها ماشفتهاش
دول ناس عاوزين ييجو فى برنامج عيش ايامك ويتكلمو عن الباتون ساليه مش يتكلمو فى هموم الناس الغلابه

طلب
=====
لما النيل يعملو منه شويه كوسه ابقو سيبو لى حبه
اصلى محتاجه شويه كوسه اليومين دول ضرورررررررررى

nody_1987 يقول...

سورى اصلا يعنى
البرنامج كله على بعضه
غبىىىىىىىىىىىىىىىىىىىىىىىىى
ماشوفتيش معتز ده عمل ايه مع وائل عباس
كان ناقص يقوله انت خطر على الامن القومى
نصيحه منى ليكى
اتفرجى على منى احسن
وابعدى عن 90 دقيقه
وابي بيتك

محمد عبد الغفار يقول...

ريهام دى كانت بتقدم برنامج بالأنجليزية زمان اسمه نايل دى جى على النيل تى فى وكان جميل جداً وناجح جداً

شاهدت لها بعض الحلقات على 90 دقيقه ولم يعجبنى ادائها

اما وضعك للبرنامج ككل ومعتز الدمرداش على قدم المساواه مع العاشره مساء ومنى الشاذلى !!!!! فأكيد من باب لولا اختلاف الأزواق

Unique Gurl يقول...

بلد الكوسة
نقول ايه

بنت مصريه يقول...

زوزو
ازيك يا زوزو
مرسى على تعليقك يا قمر
بس انا فيه مذيعين كتير جدا مؤهلين لتقديم البرامج المميزه زى منى الشاذلى مثلا
دى تعتبر من احسن المذيعين ف مصر
مرسى على تعليقك يا قمر
اتمنى تنورينى دايما


طارق الغنام
عندك حق والله مشكلتنا تنحصر ف كلمه واحده اللى هيه الواسطه
اتمنى تنورنى دايما وشكرا عالتعليق


لست ادرى
لا انا بحب اتابع برنامج 90 دقيقه عشان بيناقش قضايا مهمه
لكن مش بحب اتابع ريهام
وهى فعلا ممكن تكون متميزه ف برامج الباتون ساليه دى

متقلقيش يا حبيبتى الكوسه على قفا مين يشيل
هاتى بس حللك واحنا هنملهالك


نودى
هههههههههههههههههه
لا والله البرنامج حلو بس فقره ريهام دى اللى مبتنزليش من زور الصراحه
اتمنى اشوفك على طول يا نودى


محمد عبد الغفار
فينك يا استاذ محمد
الله ينور عليك وانا اقول شفتها فين قبل كده
بس هى فعلا متنفعش غير ف برامج الاغانى
او لكى يا سيدتى
كده يعنى
ههههههههههههههههههههههه
فعلا محدش ينكر ان منى الشاذلى هى التوب
بس انا اصدى على نوعيه البرنامجين لتنين من برامج التوك شو المتميزين عن غيرهم
اتمنى تنورنى دايما

MATRIX يقول...

خبر هام جدا

الحمد لله نجحت


نجحت اخيرا فى اختراق مدونة (رحلة البحث عن الله المتنصرة ) الجاهل الذى يسب فى رسول الله ولاسلام ..
المدون الذى كان ينشر بذائته فى كل المدونات ..
الحمد لله تم اختراق مدونته بنجاح بسبب ثغرة صغيرة فى هذه المدونة البذيئة ..
وهذه مدونته http://www.fortruegod.blogspot.com

علشان يعلموا ان الاسلام له رب يدافع عنه .. والله اكبر

الحمد لله .. ,والله اكبر
والباطل دائما مهزم

MEDUS يقول...

اول زيارة
بلوج جيد ستتكرر زيارتى لة
لكن اللى ميشوفش عمرو اديب فى برنامج القاهرة اليوم
ميبقاش شاف برامج توك شو
مجرد وجهة نظر

بنت مصريه يقول...

يونيك جورل
عندك حق
مانفولش غير حسبى الله ونعم الوكيل

ميدوس
مرسى على زيارتك وتعليقك
وانا اتفرجت كتير على القاهره اليوم
بس سا عات بحس ان عمرو اديب بيتجاوز الحدود فى بعض الحلقات اظنك فاهمنى
مجرد وجهه نظر برضه
اتمنى تنورنى دايما

MATRIX يقول...

فعلا عندك حق يا مصرية فى تعليقك الاخير..عمر اديب فى برنامج القاهرة اليوم بيزودها شوية ..حبه هنا وحبه هنا يعنى .. ولكن برده ليه شعبية كبيرة .. زى 90 دقيقة والعاشرة مساء..
بس المشكلة ان البرامج دى كترت شوية ولكن ايه يعنى حيعملوا ؟؟؟
ما البلد هيا هيا موش حيغيروا فى حاجة غير وجع الدماغ ..

استراحة محمد يقول...

انا ما بحبش برنامج تسعين دقيقة ده على بعضه ، ومغتر ده بيعمل سمنة فى المكان لما بسمعه
وبعد البوست بتاعك كمان قررت اشفر محطة المحور
تحياتى دائما

لورنس العرب يقول...

ناس معاقه ذهنيا
تعرفي
انا عندي جاري مذيع
عارفه خريج ايه؟
معاه ديلوم صنايع
ومراسل لقناة النيل لأخبار
طبعا هتسأليني دخل ازاي؟؟؟
أقولك
كان بيشتغل في شركة انتاج بتاعة محمد فؤاد المغني - فضل ماشي مع الناس هناك 4 سنين
وفجأه لقيته في قناة النيل للأخبار
دخل ازاي - الله أعلم
ما هي المؤهلات التي يحملها لكي يكون في هذا المنصب - انا مش عارف
والغريبه اني لما بشوفه على السلم بلائي عليه تعالي غريب جدا- واقول في سري اله يرحم
لكن الحقيقه له قاعده حلوه باليل مع كام واحد كده " ميكانيكي مع واد بتاع زجاج مع سواق ميكروباص" وبيقعدوا في العربية بتاعته ويقفلوا الازاز عشان رائحة البانجو متنتشرش في الشارع
ده نموذج من المذيعين يا ستي
ايه رأيك فيه؟

mohamed hesham يقول...

بصراحة مش ريهام بس ... معتز كمان في مش برحتاح له ...

الميزة الوحيدة في برنامج 90 دقيقة ان فقراته متنوعة وسريعة مما لا يدفع للملل (لأن الاطالة تحتاج الى اعلامي متمكن ) ...


والسـ ختام ــلام

بنت مصريه يقول...

ماتريكس
عندك حق والله يا ماتريكس
البلد هى هى
مرسى عالتعليق

استراحه محمد
ههههههههههههههههه
مش للدرجه دى يا محمد
قناه المحور ملهاش دعوه
مرسى على تعليقك واتمنى تنورنى دايما


لورنس العرب
هههههههههههههههههه
دى كارثه يابنى
ومحمد فؤاد نفسه شكله ميكانيكى
حتى لو عملوا فيه ايه برضه شكله ميكانيكى
وانا سمعت ان محمد فؤاد برضه دبلوم صنايع بس الموهبه غير المؤهل للشغل طبعا
هههههههههههه
انا لو منك ابلغ البوليس اول ما ييجوا يقعدوا ف العربيه عشان القنعره بتاعتو دى


محمد هشام
هههههههههههه
ازيك يا محمد
انا معاك انه فعلا برنامج فقراته سريعه
وده كويس عشان الواحد ما يملش
مرسى على تعليقك واتمنى تنورنى دايما

فرنسا والرايق يقول...

ههههههههههههههههه
هيه كان كبيرها
الاغاني اللى كانت بتذيعها من وسط الجونينه
هههههههههههههههههه
يا دوبك..مالها حمار قصدي حوار تعمله
ما هيه خالتها سناء منصور
فلازمن و لابد تتحشر فى اي حته
ههههههههههههههههههه

واحدة مفروسة يقول...

ريهام السهلى فعلا فى برنامج (90 دقيقة) حاجه تفرس
و انا كل لما بتفرج..اول لما تيجي الفقرة بتاعتها بقوم لاني بتفرس جدااااااااا
جدااااااااااا
و نفسي بتغم عليا
مرة كانت جايبه بنت صغيره جدااا مع مامتها و البنت اغتصبت
يالهوي على الاسءله اللى سالتها للبنت
والله ديه لا عندها حس تربوي ولا اعلامي و لا فضائيولا بتنجاني
هيه الكووووسه

هــــــــــــــايدي يقول...

بنت مصريه
الاول احييكى على البوست
بس خلاص يا بنتى الكوسه فى البلد زى الميا والهوا
ونقول زى سعد باشا زغلول ما قال
مفيش فايده
تحياتى
او فى حل بسيط اسرائيل تفتكيرنا بصاروخ ارض جو يشيل الحكومه ونغير النظام يمكن الحال يتعدل بس اسرائيل لسه سيبانا شويه اصلنا فى اخر الخطه
تحياتى

حمادة زيدان يقول...

أنجي

تصدقي والله قريت البوست ده وكنت فاكر إني علقت عليه ... بس الظاهر الجهاز عمل معايا حركة تيت وفصل


المهم أنا لسه مشوفتش المذيعة دي ... بس هو معتز مش محتاج حد معاه مش عارف ليه بيجيب أصلاً معاه مذيعات ...

أنا حالياً في القاهرة شغال ومفيش تلفزيون أوعدك أول ما هشوفها هقول أنتي اللي أنجي بهدلتك ومش بعيد أتصل بيها أهزئها هههههههههههههههههههههه

ياللا بقي سلاموز أحسن اتأخر وتتطري أسفة تعزميني على العشى

بنوته مصرية يقول...

انجىىىى
اثيك يا قمر وحشاني حمدالله علي السلامه من اليكس فين ام الخلول ههههههههه


يعني ولا جايبة معاكي حته هريسة ولا اي واجب ماااشي لن انسهالك يا انجي هههههههههههه


بصراحه انا مش متابعه البرنامج اووي بس شوقتيني اني اتفرج عليها

وهبقي اجي اقولك رئي فيها

سلام يا عثل :D

بنت مصريه يقول...

فرنسا والرايق
المدونه نورت بوجوتكو والله
افرش الارض رمل يا اخواتشى
ولا ورد لا الورد غالى هفرشها رمل
ههههههههههههههههه
تصدقوا اول مره اعرف ان سناء منصور تبقى خالتها اه عشان كده بقى بقول انى شمه ريحه كوسه ف الموضوع
مرسى يا قمامير على تعليقكوا واتمنى تنورونى دايما


واحده مفروسه
خلاص يا مفروسه ما عاش ولا كان اللى يفرسك انتى ناقصه فرسه يختى
دا انتى مفروسه خلقه
هههههههههههههههههه
مرسى يا قمر عالتعليق واتمنى تنورينى على طول


هايدى
اول مره تنورينى يا قمر
لا وحياتك بلاش اسرائيل حكومتنا ارحم
بكتيير
اتمنى تنورينى دايما ومرسى عالتعليق


حماده زيدان
بيعملها معايا كتير يا حماده
بفتكر انى علقت وانا معلقتش ههههههههه

اما ترجع شوفها وقوللى رأيك
لا عشى ايه نام خفيف احسن
هههههههههههههههههههههههههههه
ما تغيبش عليا بقى
يلا سلام احسن انا اللى هتأخر

kemet يقول...

السلام عليكم ورحمة الله وبركاته

كلامك انا معاه
اتضايقت كنير لما أ/مي مشيت من البرنامج واتخنقت ماعدتش بتابع لما الناس العجيبه دي جت

مش بتابعة غير يوم الاثنين معتز مع معز مسعود

تحياتي
الي اللقاء

مدينه الملائكه يقول...

هاي يا حاجه
سكر يا انجي والله معلش يا بنتي الكوسه بتجيب اكتر من كدا

علي فكرة بجد ميرسي لسوالك عليا يا حبيبتي

وانا نزلت اخر جزء للقصه

مي

Desert cat يقول...

اصدقائى الاعزاء المدونين والمدونات
الاربعاء 30/7/2008 يتم إذاعه الكومنتات على سؤال " رحله للفضاء "
فى برنامجنا الإذاعى
أنت تسأل والكمبيوتر يجيب
الذى يذاع يومياً الساعه 9.10 صباحاً على إذاعة البرنامج العام ما عدا يوم الجمعه
ومن التعليقات

هانى ميشيل
عمرو عوف
حبيبة القمر
دعوه للأمل
جيهان على
مدحت محمد
مواطن مصرى نايم
سومه
آيه
عبده الرايق
انجى البوهى
سلوى سمير

كما يمكنم سماع الحلقه فى نفس موعد إذاعتها الساعه 9.10 صباحاً
من خلال موقع البرنامج
http://dear.to/cairo
تمنياتنا للجميع بدوام التواصل

blue-wave يقول...

والله معاكى حق
انا مش بطيق البرنامج اصلا من ساعت ماسيادتها شرفت فيه
حاجه تقرف

سفينة يقول...

ههههههههه

والله عندك حق

بس شكلك بتحبيها قوي،هي عملت لك ايه ضايقك قوي كده

واضح ان فيه بينكم ثأر بايت من ايام زمان

أشكرك علي سؤالك

ربنا مايحرمني منك ابدا يارب

...........

خالص تحياتي

قبطان

dina يقول...

ههههههههه
انا مش بتفرج اصلا عالفقرة بتاعتها عشان انا بأفش منها لله فى لله كدا...فمش عارفة اسلوبها فى الحوار ايه نظامه...انما على كلامك كدا واضح انها فلة شمعة منورة

دكتور بهــدوء يقول...

انا شفت الحلقه بتاعت الطفله
فعلا فعلا مستفزززززززززززززه
الست مامت البنت فعلا حاسه انها بتكلم واحده بلهاء
وتقولها انها وجوزها كانو متطلقين او هوه سايبلها البيت باين
تسألها هوه كان سايبه ليه
وانتي مال.....؟؟؟

بحبك يامصر يقول...

انا الحقيقه مش بتابع البرنامج ده لانى متابع للعاشره مساءا
بس اشمعنى دى اللى مش هيكون فيها كوسه
حتى القنوات الفضائيه الخاصه ليها ما يبرر الكوسه ملك واح وهو حر انما بقه الكوسه فى اتحاد الاذاعه والتلفزيون دى اللى تخنق كل واحد هو وعياله وعيال عياله كل واحد ماسك حته
حاجه تخنق

مدحت محمد يقول...

قصيدة جديدة على مدونة عش مصرى

عايزين رايك ياباشا

بنت سيناء يقول...

للعلم برنامج90 دقيقة كبرنامج رائع فى عرض الموضوعات..بس كمذيع ..معتز الدمرداش لا ادرى لماذا اشعر بثقل دمة واحيانا يسأل اسئلة غبية بجد..وبعدين فى لقائاته مع الفاتنات بيبدع فى المدح والبحلقة..وبعدبن شئ تانى وواضح جدا..هو دايما خايف من الحكومة ودايما واقف فى صف الامن ومصر والضباط وغيرة رغم ان موضوعة يكون عن حادثة واخطاء لهم وبيلتقى بالناس ..لكن دائما ما يأتى ضضدهم ويستفزنى وكانة يقول ..كلامكو غلط والحكومة دايما اللى صح..تحياتى الك بنت مصرية

بنت مصريه يقول...

كيميت
عندك حق والله
مى دى كانت متمكنه فعلا
فقره معز مسعود حلوه قوى برضه
مرسى عالتعليق واتمنى تنورينى دايما


مدينه الملائكه اهلا بالحاجه مى
حبيبه الملايين
قريته يا حبيبتى وتعليقى عندك
خلاص بقى يا ماما يلا روحى بيتك بيتك


ديزرت كات مرسى يا قطه


بلو وافز
هههههههههههههههههه
لا ولا تشيل ف نفسك ومتسمعش كلامهم واقلب المحطه
مرسى على تعليقك



سفينه
القبطان مره واحده عندنا يا مرحبا يا مرحبا
اقيمو الافراح ودجوا الطبول


ايه يا دكتور كنت فين السفينه غرقت بيك ولا ايه هههههههههههههه
عموما كويس انك رجعت قبل ما القرش يشوفك هههههههههه
متتأخرش عليا تانى


دينا
والله يا دينا شمعه منوره عالاخر
لدرجه ان مره من كتر نور الشمعه
التليفزيون كان هيولع ههههههههه
مرسى على تعليقك يا قمر



دكتور بهدوء
ههههههههههههههههههههه
صددقتنى بقى
كويس انك مكملتش يا دكتور
لحسن نروح انا وانت ف داهيه
ههههههههههههههههه
اتمنى تنورنى دايما



بحبك يا مصر
ههههههههههههههههههه
شكلك بتشتغلى ف الاذاعه والتلفزيون
انا اعرف ناس هناك بس فعلا تلاقيهم عيله كلهم هناك ههههههههههه
اتمنى تنورينى دايما يا قمر



مدحت محمد
من عنيا يا باشا بس كده


بنت سيناء
عندك حق هو بيستظرف مع الفنانات قوى
بس والله ف القدايا المهمه بيكون حيادى بصراحه لا مع ده ولا مع ده الى ان تظهر الحقيقه
مرسى على تشريفك ليا يا قمر واتمنى تنورينى دايما

mamato2010 يقول...

السلام عليكم
بجد أسلوبك رائع فى الكتابه الساخرة وكمان أسلوبك مش مصطنع بل بالعكس لذيذ و رائع على العموم أنا بقالى فترة كبيرة ما بتابعش برنامج 90 دقيقة بل تقريبا التليفزيون كله و أنا حقيقة ما أعرفش ريهام اللى أنتى بتتكلمى عنها بس بعد موضوعك الرائع ده أنا حشوف البرنامج مخصوص علشان أبلة ريهام.
و بأنا كمان بعد أذنك حضيف مدونتك عندى وياريت تضيفى مدونتى عندك

mamato2010 يقول...

السلام عليكم
أنتى بأمانه أسلوبك رائع و متميز و كمان كتابتك الساخرة دى هى اللى شدتنى للقراية لحد أخر كلمه فى الموضوع بتاعك ده و انا عن نفسى ما بتابعش التليفزين بقالى فترة و بعد الموضوع ده أنا حتفرج على 90 دقيقة مخصوص علشان أشوف اللى أسمها ريهام دى.
و على العموم أنا محمد السروجى صاحب مدونة يا سلام؟
أتمنى أنك تشرفينى فى مدونتى وتكتبيلى تعليق صغير كده و أكون شاكر لأو أضيف مدونتك و تضيفى مدونتى

bos bos يقول...

أشمعنى دى يعنى اللى هتبقى عدلة ما هو الكوسة فى كل حاجة

فى حب الله يقول...

هو انا صراحه مشفتهاش ومعرفش شكلها بس بعد الي انتي قولتيه صدقيني انا مش هافتح قناه المحور دى تاني بس انتي لا تزعلي نفسك ولا تحرقي دمك انتي احسن حل تلغي القناه كلها من عندك خافي يا بنتي على صحتك لما يجرالك حاجه لاريهام هتنفعك ولا مني الحسيني هتنفعك احنا بنحرق فى دمنا وهما قاعدين على قلوبهم مراوح وحاسين انهم نجوم على الشاشه يا ختي بلا وجع قلب

إنسان يقول...

كلامك فعلا بالتأكيد كله حقيقة
لأنني منذ وجود هذه المذيعة الفذة لم أعد اتابع البرنامج سوى الفقرات التي يقدمها معتز
ولا أردي لماذا الاصرار على وجود تلك المذيعة في برنامج مثل هذا

كما ذكرتي أكيد أكيد الكوسة
وعلشان الكوسة كتير في البلد، صدق المثل اللى قال
لو عملوا ميه النيل كلها صلصة مش حتكفي الكوسة اللي في مصر

يا رب رحمتك

عروسة ننوسة يقول...

برافو عليكى انتقادك فى محله.....شكلك بتركزى جدا
بس هنقول ايه مفيش اكتر من الكوسة فى البلد
تحياتى لبوستك المميز

alqassam يقول...

سنة اولى تدوين ...اهداء الى من احبهم واتعلم منهم ...جديد على مدونة القسام

Son of Egypt يقول...

السلام عليكم
بصى يا مصريه هى مش ريهام بس اللى بتدل على الوكسه اللى مصر فيها بسبب المحسوبيات والواسطه وماشى انا معاكى انك ركزتى على مجال الإعلام على اساسا اننا بنحبه ومتدونا ده نبقى من الإعلام
بس بلاش ننسى فى سلبيات تانى كتير محتاجه مننا إحنا كمدونين اننا نظهرها للناس علشان تختفى من حياتنا تماما
تحياتى ولكى منى فائق الإحترام
nageh

Sometimes يقول...

تخيلى ما شفتهاش خالص
بس اوعدك انى احاول اشوفها
بس من كلامك شكلها فذيعه اووووى
لا لازم اشوفها فعلا

A7MeD F@hMy يقول...

افعلا المذيعة دي مستفزة
عاااااااشت الكوسة
عا عا عااااااااااا

shaimaa samir يقول...

السلام عليكم ورحمة الله وبركاته

يشرفنى دعوتكم لحضور حفل توقيع ديوانى الاول
اطياف الصمت

وذلك فى الثانى من شهر اغسطس
يوم السبت القادم باذن الله
الساعة 7
بمكتبة طلعت حرب


يشرفنى حضوركم جدااااا


بنت مصرية
علقتى عندى مرات على فترات متباعدة
ولكنها كانت تعليقات تنم عن شخصكم الحساس
فلا تنسى بالطبع

تحياتى لك واتمنى حضورك

أبو أسامة - مدونة كباية شاي يقول...

ياستى كبري دماغك
ما في ناس غيرها كتير ويخنقوا برضوا

خدي عندك :

أحمد عبدون في البرنامج بتاع الفتاوي اللى على دريم : كل حلقة يصر على إن مش عارف كام ألف برنامج اهتموا بموضوع فلتر المياه حلال ولا حرام بعد ما أثاره البرنامج بتاعه .

النهاردة بقلب بالصدفة لقيت القناة الأولى جايبين برنامج مباشر على الهوا مفيش مشكلة والمذيعة مش محجبة ( طبعا في الثناة الأولى يبقى طبيعي ) أمال المشكلة فين بقى ؟
المشكلة إن البرنامج مستضيف شيخ محترم من شيوخ الأزهر وإسمه كمان فقه المرأة في الإسلام أو حاجة زي كده .
يعني من الآخر :
خذوا دينكم من الراقصات .

عايزة كمان ؟
مفيش مشكلة
خدي عندك

الست بتاعة برنامج : نأسف للإزعاج أسئلتها مستفزة جدا وغبية جدا جدا جدا .

منى الشاذلي برضو ساعات دماغها بتقفل زي ما عملت في الحوار بتاع أحمد عز .

كفاية كده
سلام

نونو يقول...

بجد كلامك كلة صح انا موافقاكى جداااااااا
دلوقتى المذيعة علشان امورة بس اكترررررررررررر
بجد انا بحترمة رايك جدا

_**( قلب الأسد )**_ يقول...

ههههههههههههههه
ايه دة دا انت بتكرهيها
بس بجد انا كمن مخنوق من الاسئلةبتاعتها
وبلا كوسة فى موسى
هههههههههه
يعنى كان منظر الجثث عامل ازاى ؟)...
لا بجد سؤال مفاجئ
تقبلى تحياتى
.........
ادعوكم لقراءة البوست الجديد فى مدونتى تحت عنوان
ســـــــــر البقــــــــــاء

المسرحجى يقول...

عندك حق على كلامك عن ريهام بس منى الشاذلى انا شايف انها كويسة ملوش لزوم تتريقى عليها كدة

محمد هشام
انا مختلف معاك فى الرأى على معتز
كفاية فقرته مع معز مسعود كل يوم اتنين

بنت مصريه يقول...

المسرجى
اول مره تعلقلى ويشرفنى وجودك
بس واضح انك مقريتش البوست كويس
لانى بقول فيه ان معتز الدمرداش ومنى الشاذلى من المذيعين المتميزين جدا
واكن ليهم كل احترام وتقدير يبقى ازاى بقى اتريقت علىى منى الشاذلى
يا ريت لو فاضى تقرأ البوست تالنى من اوله
على فكره انا كمان متريقتش على ريهام انا قلت انها متنفعش ف البرنامج ده
وعرضت نوعيه الاسئله اللى بتقولها وانتو اللى تحكموا

اتمنى تنورنى دايما
بس تبقى تقرأالبوست قبل ما تعلق

the beauty candy يقول...

معلش يا بنت مصريه الواسطه اصبحت تلعب دورا هاما الان فى كل شىء هانيجى على الاعلام ونتكلم مش مشكله لما تبقى تشوفى ريهام السهلى ابقى اطفى التليفيشن او غيرى القناه لان زى ماقلتى الكوسه والواسطه موجودين فى مصر ولو النيل صلصه مش هيكفى الكوسه الى فى البلد
مستنياكى دوودا

أية الشقية الشعنونة يقول...

انا كمان مش بحبها والله بس امى بتحبها جدا هى واختى
مش عارفة على ايه
بجد كانت مى احسن منها بكتر
تعرفيش يا اختى راحت فين ؟؟
تحياتى

afew good men يقول...

والله هي زفت

وزفت الزفت كمان

بس الغريب انك محسساني ان المزيعين التانين شهدا قال يعني لو خريجة اعلام حتكون مزيعة ناجحة

شةفي حوار مني الشاذلي مع احمد عز

دا اقل ما بقال انها مزيعة ماعندهاش مبدأتدافع عنه
كان فاضل تقولو حضرتك انا حضرت الاسئلة زي ما طلبت

وانا عارف انك متجوز تلاتة

ايه رايك في

طاب شوفي الحلقات علي اليوتيوب

وبصي لمني
بزمتك مش كانت طالبة الحلال لولا الكسوف بلاش قرف

ولا معتز اللي عاملي فيها كولومبو

وفي آخر البرنامج ممكن تكتشف انه عامل علينا حوارات ماركة هالة سرحان

المذيع لابد ان يكون موهوب

تظهر مواهبه في لغته واقتناعه وايمانه


حديكي مثال

لاجمد مزيع في حياتي مشعارف اسمه بس عمري مانسيت شكله


برنامج سري للغايةعلي الجزيرة

كان فعلا مزيع يخليك مش تستني الخلقة انك تبكي بجد

كان عنده مبدأ

هما دول المزيعين والقنوات

مش سوق الخضار اللي عندنا

وكمان بعد المونتاج والذي منه

Ma7moud So3ody يقول...

تسلم ايدك
اضحكتينا على شر البلاء زي ما بيقولوا

انا بس حابب أقول حاجه
الحاجة ريهام مش الذنب في كل حاجة

بما إني راجل شغال في الاعلام بقا
ده بيكون شغل معدين
يعني المعدين هم كمان عاوزين ضرب النار شنقاً

الى جانب انها تستاهل ضرب النار " شنقا" برضه لأنها وافقت ع الاسئلة دي

الا اذا كانت هي اللي حاطة الاسئلة
وده بعد ما المعدين انتحروا من موهبتها الفذه...فهنا هاحكم عليها بالبراءة

قناة المحور طبعاً...بريئه من ريهام و أمثالها

loooooooool

تحياتي ليكي
سعودي

صوت من مصر يقول...

للعلم بالشىء الاسئله بيكتبها المعد لكن كريهام مذيعه يبقى لازم تاخد بالها او حتى تعديها لكن هى من الاخر صح متنفعش تبقى مذيعه ؟
كلامك حلو لكن فيه شبه حقد ؟
ممكن سندوشت كوسه ؟

المسرحجى يقول...

حاضر ... حاضر ... حاضر
هاقرا البوست تانى وتالت وعاشر
علشان خاطر عيون البنت المصرية

nour shahen يقول...

مش عارفه اقولك ايه فعلا هههههههه
تحليل جميل ورائع
صحيح هو بأسلوب مضحك ولكنه هادف
ربنا يكرمك ويوفقك ونشوف اجدد التحقيقات الصحفيه ليكى
تحياتى ليكى

~ Houba ~ يقول...

دة الطبيعي انها تتعين بواسطة وفي برنامج مهم زي دة

والسبب ان خالتها تبقى الاعلامية اللامعة جدا .. سناء منصور

ريهام الظاهر كتمة النايل تي في تعبتها قوي .. غير الانجلش الي فضلت تتعامل بيه في المحطة حست انه بقى ماسخ جوي يابوي ..

فلقت انها تسيب البرامج اللي كانت بتقدمها زي برنامج نايل دي جي لو حد يفتكره .. بهيافته .. وتنتقل لبرنامج مهم جدا زي 90 دقيقة

ونسمع ناس تقول بنكره منى الشاذلي ومابنحبهاش .. يجوا يشوفوا ريهام السهلي :D

دي اول مرة ازور فيها مدونتك ورغم اني معرفكيش للاسف .. بس احب احييكي على كلامك وعلى مدونتك الجميلة دي :)

تقبلي تحياتي ومروري :)

مواطن مفقوع يقول...

فعلا ... ريهام السهلي مذيعة أصدق ما تقول عنها أنها غبية جدا وأنا عارف كده كويس من طريقة كلامها الغبية والتي تنم أنها بتلف وتدور على أسئلة وبرضه بتجيب أسئلة غبية لدرجة أني أنا شخصيا اتفقعت منها....
وآخر موقف شفته ليها لما سألت الوزير المحترم أحمد الليثي السؤال التالي:
أنتو ليه لما بتسيبو الوزارة بتنتقدوا سياسات الوزرا اللي بعدكم ..
وطبعا أحرجت الراجل المحترم ده من غير لازمة وخارج موضوع النقاش ..
وكان الموضوع ساعتها عن الزراعة ومشاكل الفلاحين وطبعا المذيعة الحكيمة خرجت تاني من الموضوع الأساسي ودخلت في موضوع هايف زيها...
وسط خضم الكلام المهم قالت المذيعة الحكيمة :
ومش عاوزين ننسى المطربة نجاة وهيه بتغني للأرض الزراعية ....
أنتي في إيه ولا إيه يا ست ريهام، الناس بتصوت من المشاكل وإنتي فاكرة نجاة وغيرها، ربنا يعوض علينا في المذيعين يارب ..
طبعا برنامج تسعين دقيقة انتهى من بعد ما مشيت الاعلامية الممتازة مي الشربيني ويعني الراجل معتز هيشيل الحلقة كلها لوحده؟
أصبح البرنامج للأسف أقل جماهيرية وأكثر غباوة مما سبق .....
أتمنى من إدارة القناة "زحلقة" المذيعة الأمورة خارج القناة حرصا على مرارة المشاهدين من الانفقاع والانفجار ..
وشكرا..

شموع الليل يقول...

والله زي العسل

انا عامه البرنامج ده كنت بحترمه جدا
اول مجاب بنات معاه قلت عليه العوض
عامه يستي ولا تضيقي نفسك مالكل بينافق
انا سمعت ان معتز جايب برنامجين واحد الصبح والتاني بليل في مضان الصبح تقريبا مع شيوخ طبعا شيوخ مودرن وبيتكلموا في التوبه والجنه والنار
وبليل مع الساده المحترمين الفنانين وبيشجعهم هيقطع نفسه يعني

يلا كفايه كلام علي الناس بقي
ربنا يهدينا ويهديهم

محمد الكومي يقول...

بصي بقى مش عارف حظك معايا بقاله فترة كدة مش بوافق كلامك يا انوج

انا اصلا لا بطيق معتز ولا بطيق منى

انا تبع فريق عمرو اكاذيب - قصدي عمرو اديب -

بحس ان منى و معتز ارجوزات و مسوخ حتى كاتب كدة عنهم في بروفيل الفيسبوؤ بتاعي
فما بالك بقى انتي بتقولي ان الحاجة ريهام مستواها اقل من معتز تخيلي بقى رايي انا هيبقى ايه

عموما التوك شو في مصر كله لسة يعتبر في البدايات

و حتى عمرو اديب اللي انا معجب بيه ساعات بيعمل حاجات تغيظ

برضه مارديتيش عليا انتي ليه مختفية

و ماحدش شايفك ولا على فيسبوك ولا على بلوجر؟

طمنينا يا ستي

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................

واحدة من الناس..... يقول...

والله عندك حق ده اليومين دول كمان معتز مش موجود وهى مستلمانا

امتى يرجع ويريحنا

غير معرف يقول...

ريهام السهلى بتحسسنى بالملل الفظيع من كتر التكرار وراء الضيف يعنى هى بتسأله السؤال وهو بيرد عليها وبيجاوبها على السؤال التى هى طرحته عليه تقاطعه فى الكلام وتفكر وانت قاعد هضيف حاجة جديدة اللى يغيظك انها تكرر وتعيد الكلام اللى قاله وكان بيتكلم فيه.
من وجهة نظرى ريهام دى تروح تقدم برامج منوعات او برامج اطفال بجد هتنجح فيهم اوى

غير معرف يقول...

انا اشتركت فى المدونات اتمنى زياريتكم لموقعى واتشرف بتعليقاتكم
http://elklam3lamen.blogspot.com/

مصطفى يقول...

مع احترامى لكل النساء

انا ضد عمل المراة بصراحة فمابالك كمان تطلع ع الشاشة .. بس بصراحة ف الاونة الاخيرة الراى ده اتغير من بعض اللى اثروا فيا زى منى الشاذلى واخريات
المهم نرجع لموضوعنا وهو ام ايمن (ريهام السلي ) واحساسى بام ايمن ده مجاش من فراغ لما بشوفها وهى بتتكلم او بتعمل حوار كانها شبه ام ايمن اللى ساكنة ف مساكن شعبية وبعد العصر تطلع تقعد ع السلم وهاتك يا كلام المهم تتكلم ومتسمعش الا صوتها وبس .. كلام ايه او معناه ايه مش مهم المهم ودودودودودودودودودودود وخلاص

ولسة هنشوف ام ايمن كتير زى ريهام السلى ديه

غير معرف يقول...

لالالالا .. ده انتى جايه عليها جداااااا
.. بجد ريهام السهلى من المذيعات المحترمات اللى انا شخصياً باحترمهم وبحبهم جدااا .. ده رأيى بصراحه