.ازيكو

ازيكوا .......احب ارحب بكل واحد قاعد دلوقتى قدام مدونتى........انا زييى زيكوا كل يوم افتح النت الاقى اخبار مصراوى......عارفينها اللى تفتح النفس للحياه دى .....فجالى اكتئاب ........ايوه ايوه زى اللى عندكو ده بالظبط.....اعمل ايه اعمل ايه.......جاتلى فكره المدونه افضفض بيها معاكو ويارب تعجبكو

السبت، 30 أغسطس، 2008

( تاج ) مش عايزه مواساه ولا عياط ...........ف التعليقات

اعذرونى يا جماعه على فتره غيابى .........بس اعمل ايه ليا اسبابى ..متستعجلوش هتعرفوها
من خلال هذا التاج المميز ............ عارفين مميز ليه ...لان محدش بعتهولى .......دا تاج من جوايا
تاج انا بهديه لنفسى ..........يللا نبدأ التاج ؟ ماشى يللا نبدأ التاج



اولا:اذكر عشر اشياء عن نفسك

1_الاسم :مازلت (انجى البوهى )
2_السن:مازلت فى ريعان شبابى (25 سنه)
3_المكان:مع اهلى وعيلتى اللى عمرهم ما هيجرحونى ابدا مهما حصل

4_فاكرين يا جماعه لما قولتلكوا ف تاجى الاولانى انى مؤمنه جدا بقول الله تعالى (وعسى ان تكرهوا شيئا وهو خير لكم ).................سبحان الله.........ربنا اراد يختبر صدقى يا جماعه ........اذا كنت مؤمنه فعلا بقوله هذا ولا لأ
لقد انفصلت عن زوجى ...........والى الابد............
وسبحان الله اشعر(بالرضا) لأبعد الحدود .........والله يا جماعه احساس داخلى كده بيقوللى خير خير خير
فعلا صدق الله العظيم

5_انا عمرى ما ندمت على اى حاجه عملتها ف حياتى ......وعمرى ما هندم لانى عارفه ان ربنا معايا ف كل كبيره وصغيره

6_لو فيه تجربه سيئه _او تبدو سيئه_مرييت بيها .......عمرها ما هتكسرنى بالعكس هتقوينى ............
هقوم بعدها واقف تانى وانفض هدومى واكمل مشوارى اللى انت مقدرهولى يا رب واللى انا متأكده مليون %...ان هو اللى فيه الخير

7_عمرى ما جرحت حد ف حياتى وعمرى ما كنت اتصور ان اقرب واحد ليا يجرحنى _او بمعنى اصح اللى كنت فكراه اقرب واحد ليا _واكتشفت انه ابعد واحد عنى ههههههههههههه مالوش عزيز يعنى

8_ربنا يخليلى اهلى اللى وقفوا معايا ف المحنه دى .......هههههههه ولونى بعتبرها (منحه) مش (محنه)
منحه من ربنا عشان اتعلم....... وابقى اقوى م الاول .......واعرف معادن الناس .....ومتغرش بالمظاهر

9_لو حد فيكوا يا جماعه حس انه اتظلم ف يوم ........احسن جمله ممكن يقولها هى (حسبى الله ونعم الوكيل )
بس وتسيب كل حاجه على ربنا بعد كده .............واذا استعنتم فاستعينوا بالله
وانا بستعين بيك يا رب وبقول (حسبى الله ونعم الوكيل ف اللى ظلمونى )

10_اخدتوا بالكوا م العنوان يا جماعه ههههههههههههه................مش عايزه ندب والنبى
مش ميتم هو ..........ومش عايزه مواساه والكلام الاهبل ده زى (معلش _وياعين امك _وياهمى _وياكبدى )
والكلام ده ............انا زى الفل اهه لا انا ناقصه ايد ولا ناقصه رجل ولا حتى مناخير
هتندبوا على ايه (الحمد لله)
ولا عايزه استفسارات ............احنا قولنا ايه لو استفسرتوا هنفتح مجال للنميمه .........وكده ربنا مش هياخدللى حقى
عشان كده نكتفى (بحسبى الله ونعم الوكيل) وبس
يعنى علقوا على اى حاجه تانيه ان شالله على مسلسل ( نور) ههههههههه


يا ريت يا جماعه تتعلموا من تجربتى دى ........دا حبيبى رسول الله قال (لو اتطلعتم على الغيب لخترتم الواقع)
والله ما حد عارف الخير فين ............خليها على الله........
اه صحيح..... كل سنه وانتو طيبين



امضاء :بنت مصريه .........لسه م البلوجريه




هناك 76 تعليقًا:

ShimaaMahdy يقول...

كل سنه وانتى طيبه ياقمر

مش هاندب اهو ولا حاجه

انا جايه اقولك كل سنه وانتى طيبه بس

اول زياره و اول تعليق لا وكمان بسمع الكلام

هديه بقى لو سمحتى D:

تحياتى (:

بنت مصريه يقول...

دمتى صديقه عزيزه يا حبيبتى
نورتى المدونه
بس شكلك كده داخل على طمع ههههههههه
شكرا على تعليقك

spower يقول...

انا لا هاندب ولا هاعيط
ولا هاقول يا حرام
ولا هاقول يا عيني

انا بس هاقول كلمتين
كلنا لها

كل سنة وانت طيبة
وان شاء الله خير

"وعسي ان تكرهوا شيئا وهو خير لكم"
بس ايه ده
ايه القوة دي
ربنا يوفقك في حياتك

نهر الحب يقول...

مش عارفة اقولك اية
غير ربنا يعوض عليك بخير منه ان شاء الله
وكل عام وانتى بخير وسلامة
ورمضان كريم
عارفة انا ادهشت جداا من البوست داا
ممن ابقى اكلمك عن احساسى دا مرة تانية اكيد اذا سمحتى
تحياتى لك

A7MeD F@hMy يقول...

كل سنة و انتي طيبة و دمتي قوية يا رب علاطول
مش هاسميها مشكلة بس حاسس اني كنت معاكي لو ماكانش ده يضايقك و اتضايقت من اول ما شفت كومنتتك عندي و بقول يا رب تكون كويسة عشان كنت قلقت عليكي فعلا بس فرحت اول ما
اطمنت عليكي
ماندبتش اهو....اي اخدمة
ههههههههههههههه
الحمد لله انك كويسة و عايزينك بقي تنزلي لنا بأغنية كدة تموتنا من الضحك زي اللي فاتت دي
كل سنة و انتي طيبة و دمتي بخير يا رب
تحياتي و تقديري
رمضان كريم
---------------
رومانسي

ياسر يقول...

اختي الكريمة

انا اسف علي التاخير
بس والله وبجد كلك صراحة
في التاج الجميل دة
واجمل حاجة رقم 3 بنتشابة في جدا او اقدر اقول زي بعض
(وعسى ان تكرهوا شيئا وهو خير لكم )
محدش يعرف بكرة مخبي اية
معلشي كلنا بشر وبنمر بتجارب قاسية كتير
من اقرب الناس لينا
عارفة دي في حد ذاتها مشكلة رقم7 لية؟
الطيبة دلوقتي ناس تقول عليها خوف او ضعف او حزن او عاملنا شيخ
هههههههههههه منحة ولاا محنة؟؟؟؟
اما رقم 9 والله بيقولوا خوف او ضعف علي بيتظلم ويسكت
(حسبى الله ونعم الوكيل)في كل ظالم
وياكبدى/دي بقي كلمة امي ليا علي طول
بس والله ضحكتيني
المحبوسين دلوقتى ف مدونتى .........ها ها ها ها
هههههههههههههههههه
يابخت مين زار.......وخفف
مدونة لذيذة بجد
كل سنة وانتي طيبة
رمضان كريم
تحياتي

محمد الكومي يقول...

رمضان كريم و ربنا يصبرك و يقف جنبك في اي محنة تلاقيها هو خير معين

عروسة ننوسة يقول...

كل سنة وانتى طيبة يا احلى انوج
انا كنت مفتقداكى جدا جدا وكمان حضرت الحفل بتاع الكتاب وسالت عليكى رودى بنوتة مصرية
وارمى وراء ضهرك ما حدش واخد منها حاجة ان شاء الله ربنا يعوضك بالاحسن
كمان يا ستى الحلقة الاخيرة لما اعرف من الدار مساحتها اد ايه هكتب بوست اشرح فيه كل حاجة وهتبعتولى على الايميل
انتى من الناس اللى اتمنى تشاركنى
لانك مميزة

nody_1987 يقول...

انجى
تغيبى كده وتقولى حماتى عاندى وترجعى
بالخبر ده

بصى قولى الحمد لله
انتى عارفه انا مابقتش بزعل على اى حاجه علشان بعرف بعد كده انها خير كبير
السنه الى فاتت زعلت لما شيلت ماده
السنه دى لولا الماده دى كنت عدت السنه
والله بتكلم جد
الحمد لله على كل شىء
المهم
نتعلم نبقى اقوى
تعالى بكره بعد التراويح عاندى
علشان بكره عيد ميلادى وعيد ميلاد المدونه
وطبعا رمضان
مستنياكى

مدحت محمد يقول...

اولا كل سنة وحضرتك والاسرة الكريمة بالف خير


ورمضان كريم

وثانيا فعلا

وعسى ان تكرهو شيئا وهو خير لكم

صدق الله العظيم


محدش يعرف الخير فين

بنت مصريه يقول...

سبور
ايوه انت كده جدع لا صوات ولا عياط
ههههههههههههه
والله ربنا لما بيحب حد بيديه القوه
عشان يقدر يواجه اللى حواليه
كل سنه وانت طيب ومرسى عالتعليق

نهر الحب
طبعا اسمح متتصوريش انا بحب اتكلم معاكو قد ايه
متقوليش حاجه لاننى عارفه ان ربنا معايا
وانتى طيبه ومرسى على تعليقك


احمد فهمى
هههههههههه ايوه كده مش عايزه عياط
هههههههههه
ربنا يخليك يا رب ويخليلى كل صحابى المدونين
انا والله فرحانه قوى من كلامك دا
لانه يدل على انك فعلا مهتم
كملن تلت تعليقات ف البوست اللى فات
يا وهوى
ايه يابنى انت فاضى وللا ايه هههههههه
ان شاء الله افوق كده بس
واكتب البوست اللى بعده واوعدك هيكون روش زيكوا كده هههههه
وانت طيب يا رب
وبألف خير

ياسر
وانت طيب يا ياسر واتمنى تنورنى على طول
واوعى تزور وتخفف انا بهزر ههههه
ربنا يخليلك مامتك يا رب
وسيبها تقول اللى هى عايزاه
ما تخنقهاش ههههه
مرسى عالتعليق

عروسه ننوسه
دا انتى اللى مميزه يا حبيبتى
وانتتو كمان والله وحشتونى قوى
ربنا يخليكوا ليا يا رب
ايوه كده اسألوا عليا على طول

نودى
شفتى يا نودى كانت عندى وكنت شيلاها زى ما قولتلكوا
بس تعملى ايه بقى ف النوايا المبيته
الحمد لله
هجيلك يا حبيبتى حاضر
بس كده من عنيا
وكل سنه وانتى طيبه

مدحت محمد
وانت طيب يا مدحت
واشكرك على سؤالك عنى الفتره اللى فاتت

Butterfly يقول...

أولا : كل سنه وانتى طيبه و رمضان كريم .

ثانيا : أنا برده اتعرضت لموقفين صعبين اوى بس الحمد لله ربنا عطينى قوة جبل هههه.

كل اللى هقولوا " عسى أن تكرهوا شيئا وهو خير لكم ".
و " قدر الله وماشاء فعل "

Son of Egypt يقول...

السلام عليكم
انا مش هقولك لا ياعينى ولا اعيطلك ولا حاجه من ده
فقط التصفيق هو ما عندى لأنك متمالكه نفسك ومؤمنه بقدر الله واحسن حاجه بتقوليها ومصره عليها((لو حد فيكوا يا جماعه حس انه اتظلم ف يوم ........احسن جمله ممكن يقولها هى (حسبى الله ونعم الوكيل )
بجد احسن مافى التاج
فاكره يا إنجى لما قولتلك عقبال لما يجيلك عريس ذو صفات كذا وكذا حلوه يعنى كنت اتمنالك ده ولما قولتى انك مدام قولتلك ربنا يهنيكى
مين يعلم يمكن يكون هو ده هناكى انك تنفصلى

اه كلامك نسانى اقولك كل سنه وانتى بألف خير والسنه الجايه احسن مليون مره من السنه دى والأسوء يكون احسن والأحسن يكون احسن واحسن
معلش طولت عليكى شويه فى تعليقى بس لأنك كنتى وحشانا شوويه
تحياتى
nageh

محمد الكومي يقول...

كل عام و انتم بخير بمناسبة شهر رمضان الكريم

رمضان كريم و اعاده الله عليكم بالخير و اليمن و البركات

رمضان كريم


ليكي فانوس عندي يالا تعالي خديه بسرعة

بذرة امل يقول...

اولا كل سنة وانتى طيبة
ثانيا بجد احييكى من كل قلبى
وربنا يقوى ايمانك وعزيمتك وارادتك

بنت مصريه يقول...

بوترفلاى
وانتى طيبه
فعلا قدر الله وما شاء فعل

سون اوف ايجيبت
ربنا يخليك يا ناجح يا رب
فعلا لازم نوكل ربنا ف كل حاجه
ايوه فاكره كلمتك دى والله فعلا يا ناجح انا حاسه ان هو ده هنايا ههههه
مرسى على تعليقك الحلو يا ناجح وسؤالك عليا اثناء غيابى
ربنا يخليك يا رب


محمد الكومى
كمان شايللى فنوس يا محمد
طب اوعى تديه لحد بقى لغايه ما اجى اخده

واحد من البلد دى يقول...

السلام عليكم

كل عام و حضرتك بخير

هناك واحدا من الصحابة رضوان الله عليهم جميعا(بتروا له ساقه) وعندما جاؤا بها إليه..
نظر إليها و قال(الحمد لله)
قالوا..أتقول الحمد لله و أنت تنظر إلى ساقك و قد بترناها..
قال-أعطانى الله أربعة أطراف.ثم أخذ واحدا و أبقى لى ثلاثا..فالحمد لله على ما أعطى و الحمد لله على ما أخذ و الحمد لله على ما أبقى..

دمتى بكل خير

وأراح الله لكى نفسكى و بلغكى رمضان

mregypt7 يقول...

بونجورنو سينيوريتاانجى
لا جاى عشان اواسى ولا اقولك يا كبدى يا بنتى ولا الكلام الفاضى ده كله
انا مؤمن بمثل كانت بتقوله جدتى
كبرى الجى وروقى الدى هتلاقى الحياه بقت حلوه وجميله ولذيذه كمان
خليكى كوووووووووول يا انوووج
وكل عام وانتى بخير وبالصحه والسلامه
▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ كل عام وانتم بخير ▒▒♥▒▒♥▒▒رمضــــــــــــان♥▒▒كـــــــــــريـــــــــم♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒

عاوزك بقه كده تصلى التراويح كل يوم بس اوعى تنسى تصلى العشاء عارفك بتكسلى تقولى دول احداشر ركعه لما ادخل فى وسطهم الاربعه التانيين
الا انتى ناويه تصومى لامتى كده
شكلك هتقفليهم السنه دى بس انشاء الله كده يطلع رمضان 29 يوم وما تعرفيش برضه تصومىالتلاتين
ياريت تبقى تكملى يومك مش زى كل سنه
يالا ادينى جيت وجعتلك دماغك شويه
تحياتى ليكى
هندس

حسن محمد توفيق يقول...

العزيزة الغالية

انجى

بنت مصرية

سعيد بما رايت وقرات فى تاجك الجميل

فعلا احسن شئ ان نرمى همومنا وحمولنا على الله ونكتفى بقول
حسبى الله ونعم الوكيل
اليس هو من يحمد على المكرووه ..
لابد من بدء مرحلة جديدة بفكر جديد
والاستفادة من تجربة ماضية بكل ما بها من سلبيات وايجابيات واهمها انك عدت قوية شجاعة فى المواجهه
كل عامن وانت بكل خير وسعادة

فى حب الله يقول...

كل سنه وانتي طيبه يا قمر ورمضان كريم سيبك من الفات وفكرى فى الجاى شر ان بات فات وقدر الله وماشاء فعل هو النصيب لغايه كده واتقطع يمكن ربنا شايل لك حاجه تانيه احسن تعوضك وربنا معاكي ورمضان كرييييييييييييم

حامد يقول...

كل عام وانتم جميعا بخير ..
............

goodman يقول...

مش عارف اقول ايةانت بتقولى انك مبسوطة
صحيح الطلاق غير مستحب
لكن المهم راحتك النفسية

Shereif يقول...

كل سنة وانتى طيبه يا اجمل بنوته
عارفه فكرة التاج بتاعك ده والله واحده صاحبتى قالت عليها
وكانت هتكتب بدون تاج
هههههههههههههههههههههههههههههههه
الظاهر ان كلنا دماغنا واحده

وعايزه اكمل الايه الكريمة
وعسى ان تحبوا شيئا وهو شر لكم

رمضان كريم يا قمر

Sometimes يقول...

انجى معلش ده اليوزر بتاع اخويا
هههههههههههههههههههههههههههههههههه
انا اللى كتبت التعليق اللى فات
معلش بقى

!!! عارفة ... مش عارف ليه يقول...

عسى أن تكرهوا شيئاً وهو خير لكم ...
حمد لله على السلامة


كل عام وأنتم بخير

اللهم تقبل منا صيامنا وقيامنا وركوعنا وسجودنا

رمضان كريم
وليد

محمد الجرايحى يقول...

الأخت الفاضلة
لسلام عليكم ورحمة الله وبركاته
بارك الله فيك أخى الكريم وأعزك وحفظك من كل سوء
وكل عام وأنت بخير
ونسأل الله تعالى أن يتقبل منا ومنك الصيام والقيام وصالح الأعمال

أخوك
محمد

zizi يقول...

انجي حبيبتي الحمد لله على عودتك لينا بجد بجد بجد وحشتيني و كنت مفتقداكي
نورتي عالم التدوين برجوعك يا قمر
فعلا عسى ان تكرهوا شيئا و هو خير لكم
ان شاء الله ربنا حيعوضك باذن الله
و الاهم من كل دة انك مرتاحة و الحمد لله ربنا يسعدك يا قلبي دائما
اه كل سنة و انتي طيبة يا جميل و بصحة و سعادة و رمضان مبارك سعيد
ان شاء الله ما تغيبي علينا تاني
دمتي في حفظ الله يا غالية

بنت مصريه يقول...

واحد م البلد دى
الله ينعم عليك يا رب وكل سنه وانت طيب
بس انا يمكن اكون شبه الراجل اللى بترولوا رجله ده ف حاجه واحده بس انى قولت الحمد لله
بس انا الحمد لله اطرافى الاربعه موجودين هههه كل سنه وانت طيب يا استاذى العزيز

مستر ايجيبت
انا بصللى التراويح كل يوم وبصوم رمضان هو انا زيك يا بشمهندس
الا قوللى هتصوم السنه دى ولا زى كل سنه
ههههههه
كل سنه وانت طيب وبألف خير يا رب

حسن محمد توفيق
وكل عام وانت بخير يا استاذ حسن
ربنا يخليك يا رب
وتدعمنى دايما يا رب

فى حب الله
ربنا يخليكى ليا يا رب
ومرسى على تعليقك الجميل ده
كل سنه وانتى بألف خير وسلامه يا رب

حامد
وانت طيب يا حامد يا رب

جوود مان
صدقنى ساعات الطلاق بيبقى ارحم بكتيير من استمرار الزواج
خصوصا لما يوصل لحد معين بيبقى بعديه الانسان ميقدرش يواصل
ولا يكلف الله نفسا الا وسعها عشان كده ربنا رحم البشر وحلل الطلاق
وللا ايه
وعالعموم اذا كنت مختلف معايا فأنت مازلت صديق لمدونتى
وشكرا عالتعليق وكل سنه وانت طيب

سمتايمز
ربنا يخليكى يا حبيبتى ومرسى عالتعليقات
تعليقين مره واحده هههههه
دا انتى على كده دفعتى كتير قوى هههههههه
كل سنه وانتى طيبه وبالف خير يا رب


عارفه مش عارف ليه
استاذ وليد شكرا على تعليقك وعلى الدعوه الجميله دى
وكل سنه وانت طيب يا رب

محمد الجارحى
ربنا يخليك يا رب وكل عام وانت بالف خيير

حنين.. يقول...

السلام عليككم يا قمر
انتى قولتى آيه(وعسى ان تكرهوا شيئا وهو خير لكم ) والله والله يا قمر
الآيه دى
هى اللى بتصبرنى فى كل مشاكلى او مشاكل حد غيرى
قبل اى حاجه بقول(وعسى ان تكرهوا شيئا وهو خير لكم ) عنوان حياااااااااتى
وكل سنه بقى وانتى طيبه
وسيبك من اللى فات, وخلينا بقى فى اللى جى
وهقوللك حاجه, انا حلمت باحلام كتير اوى بحياتى تحصل ومحصلش منها حاجه, ولسه بحلممممم
وهفضل احلم
واهى فى الاخر( دنيا)
وان شاء الله ربنا يزقنا با الجنه
وكل سنه وانتى طيبه تانى

اسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار

WhItE HeArT يقول...

اهو داخل برجلي اليمين اهو
بسم الله الرحمن الرحيم يافتاح ياعاليم يرزاق ياكريم

يعني الواحد راجع من الاجازة وعامل دماغ احم قصدي يعني حالته النفساوية كويسه وداخل بأه ايه عايز يقول للناس كل سنة وانتم طيبين عقبال عندك ياام سعاد ورمضان كريم ياام وهبة ويشقاوة الكنافه يابهية اقوم اتفاجئ كده

على رأي شريف منير في المسرحيه بتاعة كده اوك دي فجأة عظيمه


المهم

برضه كل سنة وانتي طيبه ورمضان كريم

وزي ماقلتي عسى ان تكرهو شيء وهو خير لكم وفعلا ماشاء الله على ايمانك اللي واضح في الكلام

تحياتي

ابو على يقول...

هههههههههههههههههههه
واللهى ماعرف انك كنتى متجوزه
اصلك كنتى رغايه اوى والمتجوزين انتى عارفه بقى كلهم هم ونكد
بس انا وشى حلو عليكى اهو
اقولك رأيى
اعتبريه دمل واتفقع
هههههههههههههه
تحياتى

كيارا يقول...

انا جييييييييت

مش هقول عااااااااااااااااا

هقولك اجاباتك متميزه
وكل سنه وانتي طيبه
رمضان كريم

تحياتي

Desert cat يقول...

كل سنة وانتى صلبة وقوية
سعيدة اوى بتماسكك وروحك الحلوة
يا جبل يا ما يهزك ريح
خد الشر وراح
كل سنة وانتى طيبة
رمضان كريم عليكى وعلى اسرتك وكل محبينك

حمادة زيدان يقول...

انجي

كل سنة وانتى طيبة ورمضان كريم

مش هقول اكتر

من

قدر الله وما شاء فعل

ربنا يوفقك يارب

مصطفي ريان يقول...

كل سنةوانتي طيبة
وتنعاد
عليكي الايام بالخير

عالم حبيب يقول...

ما شاء الله .. الله يكرمك يارب .. ربي يوفقك .. وروحك الحلوة واعتمادك وتوكلك على الله تكون سبيلك لتخطي أي ازمة او مشكلة

بس لي تعليق على شئ ذكرتيه في الموضوع

دا حبيبى رسول الله قال (لو اتطلعتم على الغيب لخترتم الواقع)

وهذا والله اعلم ليس بحديث عن النبي صلى الله عليه وسلم .. والصحيح هو قول الله جل وعلا :(ولو كنت أعلم الغيب لأستكثرت من الخير وما مسني السؤ ) الأعراف 188

بس حبيت اذكر من باب تصحيح معلومة وان كان بعيد عن الموضوع .. ربي يسعدك ويوفقك لكل خير

رمضان كريم

semsema يقول...

وانتى طيبة يا قمر

اهم حاجة انك بخير
وياريت كل الناس يبقى عندهم ثقة بالله كده


تحياتى

M.K يقول...

السلام عليكم..
اولا اللهم قوي ايمانك..
وثانيا كل عام وانتي الى الله أقرب..
مع تحياتي

the beauty candy يقول...

السلام عليكم
كل سنه وانتى طيبه يا انجى
ورمضان كريم
ويكفى اننا نقولحسبى الله ونعم الوكيل
ما تخافيش هدعى معاكى وهاجر ناس تانيه تدعى ههههههههههههههه

حـــــدوتـــــة يقول...

السلام عليكم

كل سنة وانتى طيبة ورمضان كريم
انتى مش محتاجة مواساه ولا حاجة
انتى ربنا كرمك بقوة وإيمان ولازم تشكري ربنا على كده
واكيد ربنا شايلك حاجة احسن من كده
بس بيختبر صبرك

ممكن تعتبرينا اخواتك ولو عوزتى اى حاجة احنا تحت امرك

سلالالالالالالالالالالالالالالالالالالالالالالالالالام

,.-~*'¨¯¨'*•~mr ,.-~*'¨¯¨'*•~monshed يقول...

تمام والله بوست جميل جدا ورائع ومدونة ورائعة
وكل سنه وحضرتك طيبة
ورمضان كريم

,.-~*'¨¯¨'*•~mr ,.-~*'¨¯¨'*•~monshed يقول...

كل سنه وحضرتك طيبة وكل عام وناتى الي اقرب وعلي طاعته ادوم والي اخير اسبق
ورمضان كريم

zOzO يقول...

كل سنه وانتي طيبه
وحشتيني اووووووووي
والله
جهازي كان بعافيتين شويه
بس الحمد لله رجع تاني

" قل لن يصيبنا الا ما كتب لنا "
مش هقول غير كدا
تحياتي

غير معرف يقول...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

لؤلؤة الرحمن يقول...

السلام عليكم ورحمه الله وبركاته
......................

بصى يابنتى ياما دقت على الراسس طبول

الحمد لله انك تمام وذى مقلتى لا ناقصك

ايد ولا رجل ولا حتى مناخير (هههههههههه)

وحسبى الله ونعم الوكيل فى كل ظالم

فى النهايه بئه

كل سنه وانتى طيبه ياسكره

تحياتى
.......................

بنت سيناء يقول...

يا ريت يا جماعه تتعلموا من تجربتى دى ..دى جملتك فى البوست ..بس يا انجى


انتى مذكرتيش التجربة عشان نتعلم منها؟؟؟انتى حتى رفضتى ذكر التفاصيل على انها من باب النميمة


؟؟

عموما


حسبنا الله ونعم الوكيل بس اقولك على شئ قد يكون المعلقين لم يذكروة لانى لا احب التعليق لمجرد اثبات وجود انما لو عندى راى او استفسار بقولة


انتى لو لسة مجرد انفصال غير رسمى((ياريت تعفى وتصفحى)وقد يبدل الله من حال الى حال

اسمعى منى ..والله ثم والله لو انكى سمعتى قصة امرأة كم تحملت من زوجها من شرب لمهانة لمعرفة بنات وسكر كل هذا كان فى زوجها وهى تتحمل الى ان هداة الله واصبح افضل منها بدعائها له..اذا تسامحنا سنجنى الثمار ايك..


ما قلت هذا إلا


حباً فى الله

شملولي بن سحلولي يقول...

شخصيتك جميلة

برنامج انت تسال والكمبيوتر يجيب يقول...

الأحت العزيزه انجى البوهى
تحيه صادقه وكل سنه وانت طيبه ...ننتظر تعليقاتك المبهجه
http://netonradio.blogspot.com

نيجار يقول...

بجد إنتي إنسانة جميلة و الحمد لله إنك عرفتي الحقيقة بدري قبل عمرك ما يتسرق منك وأتمنى أكون صديقة ليكي وعلى فكرة أنا لسة داخلة عالم التدوين من يومين بس يا ريت تشرفيني في مدونتي ولو عندك أي ملاحظات أو أي نصيحة تفيديني بيها أكون شاكرة ليكي.

romansy يقول...

كل سنة وانتى طيبة
اجاباتك على نفسك ممتازة
وفيها رضا بالقدر والنصيب

مش تزعلى من اى حاجة حصلت
دا ربنا بيوريكى مين الكويس ومين الوحش
نسيت اقولك ان مدونتك رقيقة
وتستاهل ان الواحد يعلق فى كل البوستات

Abo 7anf يقول...

السلام عليكم
كل سنه وانتى طيبه
كلامك جميل جدا

Sometimes يقول...

السلام عليكم يا قمر
عندى تاج ليكى ياريت تقبليه
تحياتى

عايزه اتطلق و يقول...

احنا مش احسن من بنات الرسول ولا انقا منهم ...ودى هبه عظيمه من ربنا البلاء مش بيجى لاى حد ..اكثر الناس بلاء النبياء ثم المثل فالامثل ..ربنا يجعل التجربه فى ميزان حسناتك ..
وكل رمضان وانتى واهلك وكل حد عزيز عليكى بكل خير ..
فى رعاية الله وامنه..

بنت سيناء..سويركية وافتخر يقول...

بنت مصرية..اشكرك على حذف تعليقى رغم اننى لم اقل فيها ألا نصيحة من اخت فقط..



عموما ما توقعت منك ذلك..شكرا

karim يقول...

انجى كان نفسى اعلقلك بعد غيابى ف ظروف احسن من كده
و معلش انى بقالى فتره مش متابعك غصب عنى ولاهى
المهم عايز اقولك حاجه (قدر الله و ماشاء فعل) و مدام ربنا كاتبلك كده يبقا كده احسنلك

تحياتى...كريم....مستنيكى عندى

سفينة يقول...

انجي

كل سنه وانتي طيبه وبألف خير دايما يارب

رمضان كريم

"قدر الله وما شاء فعل"

ربنا يسعدك يارب ويكتب لك الخير حيث كان...

ربنا كريم واحنا في شهر كريم

خالص تحياتي

قبطان

ياسر يقول...

رمضان كريم
جيت ادور لو كتبتي جديد
ملقيتشي
كل سنة وانتي طيبة

فارس بلا جواد يقول...

أزيك يا انجي وكل سنة وانتي طيبة
ندخل بقي علي طول في مناقشة مسلسل نور
بالرغم كل اللي حكتيه .. برده لسه محتفظة بروحك المرحة والخفيفة .. ربنا يكرمك ويكون كل اللي حصل ده خير ليكي
كل سنة وانتي طيبة .. واسف لو كنت باتأخر عليكي
رمضان كريم

شا عر الأ حزان / احمد هيكل يقول...

ازيك يا انجي
كل سنه وانتي طيبه






والحمد لله انها جات علي كده

واخم شيء تكوني سعيده ومبسوطه
فينك مختفي ليه
اتمنا من الله ان تكوني بخير
واركي في اقرب وقت
ممكن

اخوكي
الشاعراحمد هيكل

يوميات مواطن مصرى يقول...

انا مش حاعلق على البوست
لان زى مانتى قلتى عسى ان تكرهوا شيئا وهو خير لكم تكفى جدا

بس بما انى اول مره ادخل مدونتك

فأحب اقلك

القلوب اللى فوق دى جمييييييييييييله اوىىىىىىىىىىىىىىىىىىىىىىىىى

بجد بحبها جداااااااااااااااااااا

شكرا ليكى انك خلتينى اشوفها

Son of Egypt يقول...

السلام عليكم
اخبارك ايه وفين الجديد يا مصريه
ولا هنرجع تانى للسكوت
تحياتى ومنتظرك فى الجديد

وكل عام وانتى بكل خير والحمد لله على مافات ونسأله الخير فى القادم

تحياتى انجى المصريه

Hossam يقول...

hello EGYPTION Girl
it is nice to see ur blog
كلامك فى التاج رائع ويدل على مدى ايمانك بربنا فى الحلو والوحش مع ان ربنا مبيجبش حاجة وحشة
وبما انك استشارية نفسية فاكيد بتعرفى تتحكمى فى مودك كويس اوى
hope be a frinds
c u
bye bye

شموع الليل يقول...

السلام عليكم
انا بنت زيك وحاسه بيكي ولو مكانك ومر عليا حاجه مش حبه فيه وتستاهل الانفصال هتطلق بدون فصال عارفه الجمله بتاع
نموت بكرمتنا ولا العيش الذليل

فعلا (عسي ان تكرهوا شيئا وهو خيرا لكم وعسي ان تحبوا شيئا وهو شرا لكم)

اتمني تزوري مدونتي المتوضعه وعايزه اقولك اني مبتدئه عايزين نتعلم منك بقي

وانا بحب علم النفس علي فكره
وفرصه سعيده اني اقري مقالك

شموع الليل يقول...

مستنيه تعليقك علي مدونتي في اقرب فرصه ونصيحك طبعا

عمار صبرى يقول...

السلام عليكم ,

أنا مش هقول حاجة سوى
حسبى الله ونعم الوكيل

ومن الجميل أوى ان المحن تتحول الى منح
وده لما نستفيد منها وتتحول الى خبرات سابقة فى حياتنا

تحياتى ,

لورنس العرب يقول...

مشيناها خطا كتبت علينا ومن كتبت عليه خطا مشاها
لا يا عيني ولا يا ليلي
مهما حصل الدنيا بتمشي

نهر الحب يقول...

انجى
فين جديدك يا بنوتة
ازعل انا منك الوقت ولا اعمل اية ؟؟؟
كان نفسى اشوفك فى لقاء يوم السبت
بس ان شاء الله الجيات اكتر
تحياتى لك
وكل سنة وانتى طيبة

محدود الدخل يقول...

أمال بيقولو على البنات عقلهم خفيف ليه
ما في حريم أهم عقلهم يوزن بلاد مش بلد واحدة
:) :)
ربنا يبارك فيكي ويكتر من أمثالك
ويرزقك الخير
رمضان كريم
..

النسيم يقول...

انا عايزه اقولك ان انتي بجد انسانه جميله اوووووووووووووووي وكلامك بجد جميل اووووووووووووووووووي ودمك خفيف اووووووووي وقلبك ابيض اووووووووي والمدونه دي مدونه جميله اووووووووي وبجد بتوصل لقلبنا اووووووووي وبنحس بيها اووووووي
دي اول مشاركه ليه
بجد انتي موهووووووووووووووووبه

النسيم يقول...

انتي جميله اووووووووووي وكلامك رائع اوووووووووووي وكل حكاياتك وقصصك بجد بتجخل قلبنا جدااااااااااااااا.....

عبدالتواب محمود يقول...

اسال الله ان يجعلها فى ميزان حسناتك يوم القيامة


دعواتك

!!! عارفة ... مش عارف ليه يقول...

"امضاء :بنت مصريه .........لسه م البلوجريه"
--------------

هو كلام وبس ولا أيييه
فين لسه من البلوجرية دي

مش هنشوف شغل جديد ليكي قريب
ولا أخدتي على الكسل
ولا تكونش القطاف والكنافة عاملين شغلهم معاكي :)


ياريت نشوف حاجة جديدة ليكي قريب


تحياتي
أخوكي
وليد

.:.-=- ELGaZaLy-=-.:. يقول...

مش هعلق.بكلمات كتير..بس استمتعت بقراءة ما بين سطورك وفقط

nour shahen يقول...

سيبك هو الخسران مش هيصتبح على وجه القمر ولا يسمع احلى كلام من اجدع بنوته مصريه واحلى البلوجريه ولتحيا الحريه ... أمضاء خالتك فوزيه
مهو بعد اللي قولته دا مبقاش غير كدا
شوفى قدر الله وما شاء فعل
وقل لن يصيبنا الا ما كتب الله لنا
ربنا يرضيكى ويجازيكى بكل خير
قولى امين .. انا مش بشحت عليكى دا كلام جميل والله ومش مواساه دا كلام من القلب لقلب صامد قوى مستعين بالله
بعتذر ان ردى جه متأخر لكنى مكنتش تمام اليومين اللي فاتوا فتقبلى تعليقى دون زعل وتقبلى أسفى علي التأخير
وان اصل متأخرا احسن من ما انى مجيش خالص ههههههههه ولا ايه

محمد الكومي يقول...

بخصوص الافطار

للاسف مش هقدر اجي لاني في اسكندرية

و كمان هيبقى ليلة القدر

و صعب دي تتفوت في جامع ابراهيم

و غير كدة سفر و بهدلة جامدة

معلش ان شااااااااااء الله ملحوقة قريب

و شكرا لاهتمامك و دعوتك

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................