.ازيكو

ازيكوا .......احب ارحب بكل واحد قاعد دلوقتى قدام مدونتى........انا زييى زيكوا كل يوم افتح النت الاقى اخبار مصراوى......عارفينها اللى تفتح النفس للحياه دى .....فجالى اكتئاب ........ايوه ايوه زى اللى عندكو ده بالظبط.....اعمل ايه اعمل ايه.......جاتلى فكره المدونه افضفض بيها معاكو ويارب تعجبكو

الاثنين، 22 سبتمبر، 2008

صوما مقبولا......................وافطارا مؤذيا




ازيكو يا جماعه ......... كل سنه وانتو طيبين
ولونها جت متأخره بس معلش بقى المهم انى قولتهالكوا وخلاص


طبعا اكيد بتصوموا ....شىء طبيعى يعنى ...ولا زى كل سنه ...اه شكلكوا زى كل سنه .......لا لا لا كده مينفعش خلاص احنا كبرنا بقى ....وكل واحد فيكو شنبه خط ف وشه خلاص ....نصوم بقى عدل لغايه الظهر .....
اااصدى لغايه المغرب .........زيى كده يعنى ..........
مش معقول كده يا جماعه ....اتعلموا منى شويه...



وطبعا لما تيجو تفطروا بتفطروا على كبايه بلح او عصير او ميه .......واكيد الكرنبه التختوخه اللى هناك دا بيدفس على طول
لسه هيقعد يشرب حاجه............الميه والبلح والكلام ده بتاع الفرافير اللى زيكو



المهم فيه موقف كنت عايزه احكيهولكوا حصل قدامى من يومين ............كنا معزومين عالفطار عند خالتشى
والمغرب اذن علينا واحنا بنركن العربيه ف (الباركينج) اه....سورى يا جماعه.....اكيد فيه ناس فيكوا صايمين
ومحتاجين ترجمه..........اصدى واحنا بنركن العربيه ف (الفسحه)...اللى قدام بيتها


كان فيه عربيه تانيه راكنه فيها (بنتين وولدين) والاربعه من النوع ال (لامؤاخذه).............
اكيد انتو اتعرفتوا منى قبل كده عالنوع دا من بوست (شباب لامؤاخذه)........وعالعموم مش مهم اشرحلكو تانى



تعريف الشاب اللامؤاخذه : هوالشاب الذى يطلق على نفسه لقب (الروش)...يتفوه ببعض العبارات الغريبه
مثل (بيس يا مان - اشطه- الش -فكك -احلق ).......يرتدى حظاظه فى يده ...مع تسقيط البنطلون الى ركبته
بحيث تظهر للعامه ملابسه الداخليه اذا انحنى _ والانحناء غالبا يكون متعمدا_......لديه مبدأين ف الحياه فقط لاغير
وهما (عمرو دياب هو الكينج يامان -او تامر حسنى هو الكينج يا مان ).....واخيرا وليس اخرا اول ما تشوفوا تحس انك
عايز تهرش او تاخد دش



تعريف البنت اللامؤاخذه : هى من تطلق على نفسها لقب (الجامده) ........ويطلق عليها الشباب لقب (المزه)
ترتدى البديهات العريانه ....والبناطيل الزماره (اى الضيقه من فوق ومن تحت ) وياحبذا لو كانت عجله
وتلبس ايشارب عجيب الشكل وتقول انها محجبه


هذا هو تعريف الشباب من النوع ال (لامؤاخذه)


نكمل البوست بقى ........وفجأه اول ما أذن المغرب لقيت الاربعه دول (البنتين والولدين)على طول كل واحد طلع سيجاره عشان يشربها ..........ايه فيه ايه ........عادى يا جماعه صايمين وخرمانين ف نفس الوقت ايه المشكله
هههههههههههه


بصراحه ونعم الفطار طب احنا لما بنيجى نفطر بنقول دعاء (اللهم لك صمت وعلى رزقك افطرت )
بالله عليك يا شيخ دول يقولوا ايه اكيد دعاءهم مختلف ..تلاقيهم بيقولوا (اللهم لك صمت وبالدخان اتكيفت )
اذا كانوا بيعتبروا دا صيام يعنى


المشكله ان الناس فاهمه رمضان امتناع عن الاكل وبس ...........والسجاير كمان هههههههه
ولون والله فيه واحد عامل شيخ وهو لا شيخ ولا حاجه طلع فجاه كده وقال ان السجاير لا تفطر فى نهار رمضان
وجه ف برنامج وقال يعنى سيجاره او اتنين ميهمش ............اكيد عارفينه (جمال البنا ) صاحب الافكار الطئه ااااصدى الفذه
طب بالله عليكو الشباب والبنات اللى دينهم ضعيف زى دول لما يسمعوا الكلام دا هيعملوا ايه .....اكيد هيعملوا زى ما بيقول ..........والله وحتى لو مبيدخنوش هيدخنوا بسبب الفتوى دى





هقول ايه غير ربنا يهدى
وصوما مقبولا وافطارا مؤذيا

هناك 39 تعليقًا:

بنت الماضي يقول...

هههههههههه
حلو البوست اوي
الولاد اولبنات اللي لامؤاخذه دول يامكترهم في مصر
بجد انا اتفاجئت بل صعقت ان في ناس بتجاهر بفطرها في رمضان
شباب مسلم وبنات محجبات بيفطرو عااادي جدا جدا...وجايه تتكلمي على اللي صايمين وبيفطرو بسجاره
ياستي بحبحيها شويييه
هههههه

عجبتي المدونه اوي
تحياتي
ورمضان كريم

محمد الكومي يقول...

الصيام هو الامتناع عن ما حلل الله من شهوات من وقت الفجر الى المغرب

مابالنا باللي حرمه

بالنسبة لمسئلة التدخين مافتكرش تفرق من ولد لبنت لو التدخين حرام الاتنين هياخدوا نفس الذنب يعني البنت مش هتتحاسب اكتر

و لو التدخين غلط بس او عيب فهو غلط عالاتنين برضه و مش عشان المجتمع متعود انه يشوف الولد بيدخن يبقى هيعمل مناحة الاخلاق اول مايشوف بنت بتدخن

كنت اتمنى تتكلمي على ظاهرة الافطار العلني و رأيك ايه فيها؟

بالنسبة للشباب اللي بتسقط البنطلون و تخليه شراب العيال دي تحسي ان في فيروس ضربهم كلهم و الواحد مش متخيل عيل من دول بعد 10 او 15 سنة هيبقى شكله عامل ازاي

حـــــ الــجــنــة ـــــور يقول...

السلام عليكم أختي الفاضله
الصيام أكيد ليس على الأكل أو التدخين فقط بل هو صوم الجوارح أيضا بس حنعمل إيه دا عصر السرعه الله المستعان
ورمضان كريم
خالص تحياتي

Butterfly يقول...

أولا كل سنه وانتى طيبه

ثانيا بقى أنا مش عارفه أقول ايه فى الموضوع ده بالظبط ربنا يهدى شبابنا وانا منهم ومش منهم هههههههههه
لأ وكمان الناس الكبيره اللى المفروض عاقله وكمل تلاقيهم فى نهار رمضان بيخنقوا دبان وشهم ومش تايقين نفسهم ولا تايقين كلمه من حد ويزعقوا على الفاضيه والمليانه وممكن كمان يشتموا شتيمات فظيعة ربنا يهدى .

أما بابا بقى فهو عصبى أصلا بس أنا بقالى فترة طويله بزعقلوا عشان يبطل السجاير خالص هو مبطلها حاليا من أول رمضان بس ايه على أخره بس مش بيشتم ولا حاجه ههههههه أصله عارف انه لو شتم هواجهه ههههههههه

سلام

zizi يقول...

يااااااااااه انا اول تعليق يا سلام على فرحتي و انا شطورة كدة و طالعة اول تعليق خايفانة و انا بكتب دلوقتي حد يسبقني
المهم يا بنتي و الله بقينا عايشين في عالم غرييييب شفنا العجايب
الله المستعان
ملناش غير انحنا نقول ربنا يهديهم
و طبقة الشباب الي زاي ما سمتيهم اللاماخذة انشرت اوي للاسف
بس ربنا كريم و ندعيلهم بالهداية
ربنا يبارك فيكي حبيبتي
دمتي في حفظ الله

حمادة زيدان يقول...

أنجي هانم

يا هلا فيكي

المهم يا ستونا الموضوع وما فيه أنه البنات والشباب دول شباب عادي خالص بس هو غاوى سجاير يعني بيكون خرمان خالص يا ولداه ... بس على فكرة نظام الشباب والبنات دول هتلاقيهم كتير جوة بيوتنا لو عندك حد بيدخن هتلاقيه متلهف على السجاير أكتر من الاكل والشرب... على العموم أحمد ربنا انه مبتلنييش ... الحمد لله يارب

كل سنة وانتى طيبة

انا طولت بقي سلام

Son of Egypt يقول...

السلام عليكم ورحمة الله

ايوه كده الله ينور عايزين نشوفك دايما متألقه

وانا بقا هقولك صوما مقبولا ان شاء الله واكيد افطارا شهيا لأنه عند خالتك

وبالنسبه للشباب اللامؤاخذه عجبنى اوى كلمة اول ما تشوفوا تحس انك عايز تهرش او تاخد دش

فعلا جربه

تحياتى لكى وكل عام وانتى بخير

كريم مصطفي سيد يقول...

السلام عليكم ورحمه الله وبركاته من حسن الحظ اني الاول في التعليق شرف لي وليكي برضه هههههه المفطر علي سيجاره ده مدأش حلاوة الصيام زي الي يصلي القيام كل يوم وبعد رمضان خلاص انتهي رب رمضان هو رب كل الشهور وكل عام وانتم جميعا بخير ويارب يبلغنا ليله القدر وعندي احساس ان هي كانت ليله 23 ويارب لو كانت 23 او غيره اكتبنا فيها من عتقاءك في هذا العام واهدي شباب وبنات المسلمين وارزقهم عفه يوسف عليه السلام وارزق البنات طهاره مريمعليها السلام

ياسر يقول...

هههههههههههههههههههههههه
هحجز اول تعليق
علي ما اركز شوية في شباب لولاكي
ولاا الروش

ياسر يقول...

الصورة لوحدها معبرة جدا
هههههههههههه
بالنسبة للشباب الروش دة
اعرف ان الروشنة بتاعتهم دي
في لبس او تنزيل البناطيل بس
اما توصل بقي للصيام وخرمان دي
بجد اول مرة اسمعها
بس عارفة الالفاظ دي اكترها او اغلبها بيجبوها
من افلامنا ومن العباقرة المخرجين سواء{خالد يوسف او ايناس الدغيدي}
وغيرهم كتير بيبقي في افلامهم كلمات جارحة وروشة كتير
والشباب بسم الله ماشاء الله بياخدوا من الافلام دي سواء
الفاظ او حركات مشيهم او لبسهم او حتي بيعملوا زي بعض الممثلين
اما بقي الشيخ الا بيحلل السجاير دة فا بصراحة مش عارف
اقول اية الناس دي المفروض تبقي قضوة للمجتمع وفتاويهم
صحيحة اعرف شيخ واحد صحبي راح استشارة في اكتر من ميت
يمين طلاق كلهم وقعوا عمد ومتعمد قام الشيخ ادالوة فتوي
وهيا الصدقة وكثرة000000
والله خلاص عقلي هيشي من الشيوخ الا بيحللوا ما احرمة الله
سبحانة وتعالي انا شخصيا مثلي الاعلي الشيخ الشعرواي
وباقي الاستفسرات في القراءن والاحاديث
ورجاء تقبل اعتذاري علي دعوة الفطار يوم 26
كان نفسي اشوف الاخوة والاخوات المدونين
بس انا حاليا مش في مصر للاسف الشديد

اسف علي الاطالة
تحياتي

فارس بلا جواد يقول...

عجبني تعريفك للشباب اللامؤاخذة .. وما اكثرهم في هذة الدنيا
السجاير دي مشكلة في رمضان اصلا ويا ما ناس بتستحمل الجوع والعطش لكن تفطر عشان خاطر السجاير
مع ان انا شايف ان رمضان فرصة للي بيدخنوا انهم يمتنعوا عن التدخين بالتدريج
ايوه كده وحشتنا المواضيع اللذيذة بتاعة زمان
تحياتي

prince4ever يقول...

كل سنه وانتي طيبه
تعبير في الصميم عن الشباب الروش والبنات اللي مش تمام(مؤدب انا)..هههههه
و بجد عندك حق في كل كلمة
بعيدا عن كل حاجه بحييكي على بلوجك الهادي ده و على انتشاره كده في المده الصغيره دي
مش حسد والله ده تقدير...ما شاء الله
تحياتي
رامي ..قصاصة ورق

عاشقة القمر يقول...

كل عام انتي يخير تقبل الله مننا ومنكم كويس قالت مصطلح دي عشان انا سوداني مش كنت عارفه مصطلح دي الصيام هو اليقين ناس دول مش عندهم اليقن هو احد بحلال بلح وشوربه وصلي يرجع يفطر ربنا يهديهم

ShimaaMahdy يقول...

ههههههههههههههه

على رأيك صوما مقبولا وافطارا مؤذيا

للأسف ان معظم الشباب بقى مش عارف و مشتت و بقى كل حاجه عنده عادى بسبب عرض الفتاوى بتاعنا اشترى فتوى بخمسه جنيه تحصل على التانيه مجانا ):

ربنا يهدى فعلا


بس تعالى هنا انتى جايه فى اخر رمضان تسألى احنا بنصوم ولا لأ O-:

ماشى ماشى نعديها عشان رمضان

كل سنه وانتى طيبه بقى عشان العيد (:

تحياتى

(:

بنت مصريه يقول...

بنت الماضى
ازيك يا قمر ومرسى على تشريفك
وانا بتكلم على موقف شوفته واستغربتله
لكن انتى بتقولى ان فيه ناس بتجاهر بفطرها ف رمضان انا مشفتهمش
بس لو انتى شوفتيهم وعارفه كده تبقى بجد كارثه الا بقى اذا كانوا مرضى بمرض يمنعهم من الصيام
مرسى على تعليقك واتمنى تنورينى تانى يا رب


محمد الكومى
ههههههههههههههه عندك حق والله يا محمد
انا كتبت البوست دا عشان الحكايه دى حصلت قدامى
لكن انا بصراحه لحد دلوقتى ما قابلتش حد فاطر ف رمضان
عشان احكى الموقف
وبالنسبه للبنات اللى بيشربوا سجاير وشيشه بالتبعيه فانا عارفه انها غلط للاتنين سواء ولاد او بنات
بس الخجل المفروض انه متأصل ف البنت المسلمه ف بيخليها ما تتصرفش زى الراجل اللى من طبعه الخشونه والرجوله
عكسها تماما لانها المفروض رقيقه
فهى بتدخينها للسيجاره وشدها للشيشه
تمحى كل معانى الرقه والانوثه
مرسى على تعليقك واتمنى تنورنى دايما


حور الجنه
الله اكرم
مرسى على تعليقك يا قمر واتمنى تنورينى دايما


بوترفلاى
اولا وانتى بالصحه والسلامه
ثانيا انتى منهم ومش منهى استنى استنى هجيبها اه دى البطيخه ههههههههه
فعلا الناس بتبقى على اخرها الصبح
بس دا يفرق بقى بين الصايم بجد واللى مش صايم بجد
متزعقيش لابوكى يا بنت عييب هههههههه
مرسى على تعليقك يا قمر واتمنى تنورينى دايما


زىزى
يا حبيبتى يا زى زى انا عامله اشراف عالتعليقات
انا اسفه جدا انتى مش اول تعليق
بس اوعدك قبل ما اعمل البوست الجديد
هقولك اول واحده عشان تحجزى كرسى ف الاول
ومرسى يا حبيبتى عالتعليق
وتنورينى دايما



حماده زيدان
حماده بيه يا هلا فييك
لا يا حماده الحمد لله معندناش حد بيدخن
والحمد لله انك كمان مبتدخنش
مرسى لتعليقك يا اخى العزيز واتمنى تنورنى دايما



سون اوف ايجيبت
ههههههههههه ربنا يخليك يا رب وتنورنى دايما
والله دا احساسى فعلا بحس انى عايزه اهرش لما بشوفهم
اهه دا اللى اسمه الجرب بالايحاء
هههههههههههه
وانت بالصحه والسلامه واتمنى تنورنى دايما


كريم مصطفى سيد
وعليكم السلام ورحمه الله وبركاته
وشرف ليا ياسيدى انك تعلقلى ولا تزعل
عندك حق ف كل اللى قولته والله
فيه ناس فعلا بيقولوا انها كانت ليله 23 الله اعلم اللهم بلغنا اياها

امين امين يا رب العالمين
مرسى عالتعليق واتمنى تنورنى دايما

ياسر
اسمحلى اقولك يا ياسر انى عامله اشراف عالتعليقات للاسف انت مش اول تعليق
بس انا والله معنديش فرق بين اول تعليق واخر تعليق كلكوا اخواتى وبحبكوا كلكو
اما بالنسبه للالفاظ اللى بيخدوها الشباب م الافلام وبيقلد الممثل فلان
والفنان علان
فالشباب دول غالبا بيكونوا ضعاف الشخصيه
بغبغان بيقلد من غير ما يفكر

اما بالنسبه للراجل اللى بيحلل السجاير ف رمضان ف ده مش شيخ ولا حاجه
دا راجل عادى بس من عيله البنا
وبيقول انا بجتهد سبحان الله بيجتهد ف ثوابت
محمد متولى الشعراوى رحمه الله عليه
هذا هو الشيخ الحق

كنا نفسنا نشوفك يوم الفطار بس معلش
اول ما هرجع هعمل بوست احكيلك فيه كل اللى حصل هههههههه اصلى نمامه
هههههههههههههههه
مرسى عالتعليق يا ياسر واتمنى تنورنى دايما


فارس بلا جواد
عندك حق والله يا فارس ف كل اللى قولته
هههههههههههههههه
ايه رأيك بقى لقد عدت الى قواعدى
ههههههههههه
شكرا عالتعليق يا فارس واتمنى تنورنى دايما

برنس فور ايفر
رامى ربنا يخليك يا رامى على زوقك
واضح انك مؤدب فعلا هههههههه
اتمنى متكنش اخر مره تنورنى فيها

بنت مصريه يقول...

يا جماعه فيه واحده علقتلى اول مره تعلقلى ولما جييت انشر التعليق الظاهر انى علطت وعملت رفض بدل نشر
كانت بتقولى انها مش بتعلقلى عشان تعلن عن مدونتها
وانا بقولها بجد انا اسفه ويا ريت تيجيلى تانى وتعلق تانى عشان بس اتشرف بزيارتها واتعرف على افكارها

nour shahen يقول...

هههههههههههههه
كويس انك شرحتيها علشان مقعدش ادور فى موضعاتك على الشباب اللامؤاخذه ههههههههههه انتى مشكله يا انجى
انتى فى ايه ولا فى ايه سبيهم ربنا يهدهم اقصد يهديهم
انتى كنتى طلعتى وروحتى ليهم قولتلهم مساء الخير هههههههههههههههه
اصلا هما قاعدين قعده مشبوهه ملهاش علاقه بالصيام هنقول فرضا كلهم اخوات
ضاقت بيهم بقى ساعة المغرب قاعدين في الفسحه هههههههههههه معلش معرفش اقول باركينج ثقافتى المانى
سيبك من انهم لبسين لبس نص كم بس يعملوا شوية مجهود ويجيبوا ميه يفطروا عليها على الاقل مش هقول بلح وسنة عن رسولنا الحبيب .. بلى هما فيه دا كبيرهم ميه
وبالنسبه للأخ بتاع السجاير مبتفطرش دا انا شوفت الكلام دا قبل كدا عنيا خاصمت بعضها يوم كامل ملى سمعته
وعامة هو عايز يتبع دين جديد ههههههههههههههههه والله هم يبكى وهم يضحك
سلمت افكارك وتعليقاتك على الأحوال العجيبه اللى بنمر بيها دى
اطلعى بقى لخالتك زمان الأكل برد ههههههههههههههههههه

خالص ودى واعجابى

(احمد سكر ) يقول...

يادمااااغك

وانتى بتتفرجى عليهم

فكرتى تكتبى عنهم بوست

هههههه


بس بجد اجمل شىء ف البوست


اسلوبك الساخر الجميل

اللى بيعجبنى شخصيا

اما البنا ربنا ينتقم منه

دا ربنا اكيد هينتقم منه

ودمتى بكل الود ابنة عمى الراقيه

احمد

فى حب الله يقول...

عارفه الشباب دول اهاليهم هما إلى عاملين فيهم كده لما كل اب يجيب لابنه عربيه اخر موديل ومصروف جيب بالفيزا كارت يروح يسحب المبلغ إلى هو عاوزة فى أى وقت وكل ام سايبه بنتهاتنزل الشارع بالمظهر ده طب عاوزين منهم ايه تاني سجائر ومخدرات وقله أدب على أعلي مستوى خلاص مبقاش فى تربيه ولا احترام ده بالنسبه للشباب الأوزى

أما بالنسبه للناس العاديين انا شوفت منظر جميل قوى كنا معزومين برده ما انتي عارفه طزل الشهر بنقضيها عازومات بنوفر المهم وأول ما المدفع ضرب ليقت واحد من إلى قاعدين فى العزومه طلع السيجارة واشتغل نفس ورا نفس ورا نس مش قادره اوصف لك المنظر المكان إلى قاعدين فيه اتملي دخان بطريقه مش معقولة وبعدين بعد مخلص افتكر انه يشرب العصير ويفطر فأنا سألته لما انت بتقدر تمسك نفسك كل الوقت ده من غير السجائر طب متكمل رد عليا الإجابه المعتاده إلى كل واحد بيقولها اصل السجائر دى بتوزن لي دماغي ومقدرش ابطلها طب قوليلي والنبي بتوزن الدماغ فاية هو اصلاً فى دماغ علشان تعدلها يالا على العموم ربنا يهدى واسفه لو طولت عليكم لكن معلش رمضان كرييييييييييم

mahasen saber يقول...

هيعملوا زى ما بيقول وهيبقا ذنبه هو بالفتوى
دىذنبين وتجر لذنوب مضاعفه
اما الشباب الصايم قصدىالضايع ده
فربنا يهديه ليهديه
اعتقد فيه كتير مننا كان مش بالحاله اليى هو فيها دلوقت
فنقول زى ما سيدنا موسى قال..
كذلك كنا من قبل فمن الله علينا..
مش سيدنا موسى اليى قال كده ولا مين مش فاكره بالضبط..

مواطن مصرى نايم يقول...

هههههههههههههه
موووز موووز موووز
بالنسبة لحكاية لمؤاخده دى
بنطلون زمارة
دى جديده على ودنى
بس ادق كلمة فعلا
و شرح وافى فعلا
و دقيق

بس بالنسبة للسجاير
هى كمان البنات طلعت سجاير
و الا الولاد عزموا عليهم
هههههههههههههههههه
اصلها تفرق

ربنا يهدى

بوست جميل جدا

تحياتى

اسلام

مواطن مصرى نايم يقول...

لا و الله مدونتك موجودة فوست المدونات راجعيهم كويس حتلاقي مدونتك

مدينه الملائكه يقول...

هههههههههههههههههههه
عدم المنواخذه يا نوجي هههههههههه
تعرفي بجد بحب في اسلوبك الساخر جدا
حلو اوي شباب الامواخذه دي انا عن نفسي بسميهم شباب اليوبه ههههههههههه
بس والله يا بنتي دول بقم اكتر من الهم علي القلب انزلي كدا اي مول ولا شارع جامعه الدول وميدان لبنان تحسي ان مصر قلبت كله من العينه النيله دي حاجه تغم والله يا بنتي
اما بالنسبه لسيادت الاستاذ الي مينفعش يتقال عليه شيخ ده فا ده بردو بقي في منه كتير للاسف حتي الفتاوي بقي فيها مودرن ومش مودرن ارحمنا يا رب

معلش يا نوجي طولت عليكي
ومعلش بردو مش هقدر اجي الفطار الجماعي عشان ماما تعبانه ومش بقدر اسيبها

اوعي تزعلي مني يا قمر

مي

الرومـيصاء يقول...

طيب ياستى انا الى علقت وانتى رفضتى التعليق بالخطاء بس ولا يهمك احنا (معذبين)قصدى مصرين زى بعض بس انا اسكندرنيه يعنى لو منشرتيش التعليق ده مش هدخلك اسكندريه تصيفى تانى وطبعا(هيكون معايا شويه شباب لامؤخذه)
وبجد انا مش بعلق على اى مدونه بدخلها بس عجبنى اسلوبك جدا لانى احب الاسلوب الجرىء الساخر بس للاسف بعرف اقرأه بس مش بعرف اكتبه(بحسدك يعنى)هههه وانا جديده فى عالم التدوين بس من زمان وانا اكتب على الورق فقط ولما زينب (طالبة عفو الله)قرات كتاباتى جلست توسوسلى لحد معملت مدونه وتقبلى مرورى وادعيلى بالتوفيق (ومتنسيش تعملى رفض)

joliet يقول...

بجد بجد مدونتك فوق رائعة و عجبنى كلامك جدا طبعا أنا مقرتش كل المدونة بس أسمحيلى أسجلها عندى و أكيد هقراها
تقبلى مرورى

تيكو اسكندرية يقول...

كويس انهم بيفطروا على سجاير انتى مشوفتيش حاجة الناس مش بيفكروا فى اى حاجة بقت الحياة روتين هما اتعودوا حرام الفطار و بتاع بس ميعرفوش هما بيصوموا لايهربنا يستر على البلد دى ربنا ميغضبش علينا من اللى بنعمله و احنا مسلمين و متعلمين كمان و عارفين الحرام و بنستمتع لما بنعمله ربنا غضبه وحش و البلد بتبوظ كل يوم و انا و كلنا شيفين ده و مش عارفين نعمل حاجة و اانا اولكم مش عارف اعمل حاجة (فكك فكك و احنا مالنا ربنا يحاسبهم) ده اخرى و اخرنا كلنا هههههههههههههه خليكى فرش احنا فى رحلةهههههههههه

bar2ash يقول...

السلام عليكم

كل سنة وانتي طيبة العيد ع الابواب
ومتكتريش في الكحك والبسكويت والحجات دي

المهم

عايز اقولك ان التصرفات دي انتشرت جدا في رمضان

بس اقولك انا بشوف ناس للاسف مسلمين بالاسم فقط
والله لو كان ده بيستني الادان عشان يشرب السيجاره
احنا ممكن نقول انه مريض ومحتاج يتعالج ومحتاج يتسحب النيكوتين من دمه
لكن محتاجين نشجعه ونقوي ارادته ونفهمه غلطه لانه التزم بأمر ربنا وصام حتي لو افطر علي حرام برضه محتاج حد يأخد بأيده

لكن اللي المفروض كلنا نحتقره ومحدش يسامحه فعلا
هو اللي يفطر في نهار رمضان ووالله شفتها بعيني
وبجد دمي اتحرق

وانا لله وانا اليه راجعون

تحياتي

برقش

Sometimes يقول...

والله وحشتينى يا بنوته
وحشنى اسلوبك ده اوى
جميل تعريف شباب ولا مؤاخدة
هههههههههههههههههههههه
بس انا عايزه اعرف
ده كلة وانتى رايحة تركنى العربية
ههههههههههههههههههه

كل سنة وانتى طيبه يا قمر
ربنا يهدينا كلنا يارب

romansy يقول...

هنعمل ايه بس فى ناس
مهماش ناس مفيش احساس
سجاير ع الفطاراظاهر دا المدفع بتاعهم
ههههههههههه
يالله ربنا يهدى وكمان رمضان خلص بسرعه من وش الاشكال دى

engy يقول...

بجد كلامك رائع وللاسف صح
وكمان الناس دى بيتعاملوا عادى
وكأن ده الطبيعى
كل سنه وانت طيبه

أحمــــد يقول...

بسم الله الرحمن الرحيم
أولا كنت سعيدا جدا لرؤيتى لبعض المدونين
الذين يتسمون بخفة الدم
والأدب الجم
وسعدت برؤية بنت مصرية هى وأباها المحترم
وتشرفت بمعرفتهم فى ليلة القدر
ثانيا هذه الصورة التى تحدثت عنهافى الحقيقة لا تعبر عن مجتمعنا المسلم ولا مجتمعنا المصرى
هذه هى الحقيقة التى يجب أن نستشعرها
كم شخصا ممن قابلتهم اليوم أفطروا على هذه الصورة ؟
الإجابة لا أحد أكيد لأننى كنت أفطر معكم وأعرف الإجابة
هذه الصورة النادرة تحزن وتؤلم
بل وتفجع صاحب الشعور
لكن عزاءنا فى هذا الشباب المثقف الذى يملأ فكره المجتمع ويتغير المجتمع به
وهو كثير كثير
فأرجو ألا تدفعنا حماقات الحمقى
إلى تعميم المرض
دعينا نبرز الجانب المشرق ليزداد المجتمع إشراقا

enjy يقول...

حلو البوست تحفة وخصوصا التعريفات شنيعة والله انت دمك خفيف جدا كل سنة وانت طيبة

بيكر(baker) يقول...

حلو اوى تعريف الشباب اللامؤاخذه ده
تحياتى

بنت سيناء.. يقول...

انجى وحشتينا يا شيخة

تعرفى ان جمال البنا دة قناة دريم عاملة لية برنامج يومى ومقتطعة من وقتها الثمين عشات تديلة؟؟يا ريتها تديلة بالقلة فى راسة

انسان عجيب بس الناس عرفتة مش ممكن تصدق كلامة دة عفا علية الزمن وشاخ وقد يكون مات عقلة

انما الشباب والشابات الحلوين اللى ذكرتى دول اهاليهم فين؟؟وللا انتى تقصدى اللى شوفتية كلاب شوارع؟؟ركزى واتذكرى



سؤال بعيد انا بعتلك سؤال بخصوص تعديل القالب وما رديتى يمكن يكون فى موقعك

همس الاحباب يقول...

هههههههه
ههههههه
ده انتى طلعتى مشكلة
بس بجد البوست دمه خفيف وهادف بجد
سعيد بزيارة مدونتك
وكل سنة وحضرتك طيبة
وعيد سعيد عليكى وعلى اسرتك
وسعيد جدا بالتعرف على حضرتك
دمتى بخير

بنت مصريه يقول...

انا مش عارفه يا جماعه بجد دماغى مالها فيه بنوته اسمها البنت الشقيه
جت علقتلى وانا بدل مانشر التعليق رفضته انا بعتذر ليها جدا وبقولها يا ريت تعلقلى تانى
عشان اروح مدونتها واتعرف عليها
معلش يا جماعه صيام بقى
ولايمكن زهايمر مش عارفه

واحد من البلد دى يقول...

السلام عليكم

على فكرة..

من أشد ما يعجبنى فى حضرتك هى النزعة الدينية فى مواضيعك..

وبالنسبة للبوست فليس عندى أى تعليق لأن من هم على هذه الشاكلة لا يستحقون عناء تحريك أصابعى على الكيبورد..

مررت لأحيكى على روحك المتواصلة و أبلغك أنكى أنتى الوحيدة التى سأعلق عندها الأن..

لأنى ...مشغوووول ...مشغوووول....مشغووووووول..

يا ولدى..

(مع الإعتذار لنزار قبانى)

تحياتى لحضرتك

همس يقول...

دى كلها لامؤخذه

طب دا انا لو منك

كنت روحتلهم وضربتهم سؤال

هيا السجاير دى كوكو الضعيف

هههههههههههههه


انا بصراحه لما بشوف منظر من دا بتفرس

لازم تفرسينى يعنى ال ايه انا ناقصه

بس ما علينا


كل سنه وانتى طيبه يا قمر

ونورتينى فى مدونتى

بس على فكره الظاهر كنتى بتشبهى عليا

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................