قلعتهم الجزم يا اخويا ........لا أذكى اخواتك والله
ازيكوا يا بشر ........
ههههههههه شايفين الصوره ........يا ريت بقى حد فيكوا_ شاطر كده_ يفسرهالى
ولا اقولكوا تعالوا نفسرها مع بعض
الاحتمال الاول :ممكن مثلا يكون بوش دا متواضع مع الناس _واحنا اللى ولاد لذين وبنفترى عليه_وكان عايز يخللى البساط احمدى بينه وبين البشر اللى مجتمع بيهم دول ..وقالهم عالباب (جزم ايه يا جماعه بس ...بلا جزم بلا بتاع
ادخلوا كده بالشراب... وبرجلكوا اليمين عشان النحس )
بس انا معتقدش ان بوش قال كده لانه لابس جزمه والا كان قلعها هو كمان (على راسه ريشه يعنى ولا ايه)
الاحتمال التانى :ان بعد تعمق بوش ف العراق.. واحتلاله لها واعتبارها ..(البيت بيتك) بتاع اهله
انه مثلا تكون عجبته ( القعده العربى ).....وحب يطبق النظام دا ف امريكا ..فقلع الناس الجزم
بس الاحتمال دا برضه ضعيف ..لان ف القعده العربى لازم يكون قاعد عالارض ومربع .....
وهو ف الصوره حاطط رجل على رجل ..........(شكل الريشه اللى على راسه دى بتاعه بطه.....من النوع اللى بيلزق ف الدماغ ومبيطلعش ده)
الاحتمال التالت :او ممكن تكون (الحاجه ام بوش )........قبل ما ينزل حيليتها يروح المؤتمر ده قعدت تدردش معاه كده شويه ......تعالوا نشوف قالتلوا ايه
الحاجه ام بوش :(اسمع يا بوش يابنى ....هقولك كلمتين تحطهم حلقه ف ودنك....انت صحيح اغبى عيالى
وانا بنفسى قولت للناس كده .....بس هروح فين من قدرى لسود...مهما كان برضه انت ابنى ...وواجب عليا انصحك
حيليتها بوش:ايه يا مامتشى ...whats up
الحاجه ام بوش : بص يابنى اى اجتماع او مؤتمر تروحه بعد كده ....لازم تقول للحرس يقلعوا الناس الجزم
_اه امال ايه_لحسن واحد فيهم يتهف ف عقله ..ويحاول يعمل زى الولد العراقى الوحش ده ....اللى حاول يضرب (المالكى) بالجزمه...وكانت هتييجى فيك يا ضنايا
حيليتها بوش: اه يا مامتشى ..صحيح دا انا كنت خايف موت ...بس thank god
انا عشان بروح الجيم ورياضى مخلتهاش تيجى ف وشى
الحاجه ام بوش : سلامه وشك يا عين امك ..ان شالله هو وكل العرب ............. (يللا معلش بخاطرها امك)
حيليتها بوش : ok mam
انا رايح دلوقتى دار المسنين ....وهعمل بنصيحتك واقلعهم الجزم.....ولو حكمت هقلعهم طقم السنان كمان
good bye mam
الحاجه ام بوش :goodbye sweety
_وف سرها_(go to hell)
ههههههههههههه
وهذا يا ساده هو الاحتمال الامثل......وهذا تخيلى ل قصه هذه الصوره
هناك 45 تعليقًا:
انااسفه قوى يا جماعه الظاهر بوش غضبان عليا ولا ايه مش عارفه
انا اصلى كنت عامله اشراف عالتعليقات وجالى تعليقات كتير قوى من كل الناس اللى بحبهم
وعملت سيليكت على كل تعليقاتكوا وجايه ادوس نشر دوست رفض شوفتوا الهبل
اهىء اهىء اهىء
هى لعنه بوش انا عارفه
بس مش هديك فرصه يا بوش
وهلغى الاشراف
هاهاها
سامحونى يا جماعه انا اسفه والله
السلام عليكم::
الحمد لله انا فلت من اللعنة!!!
غريبة بجد الصورة،،،هي الصورة كانت بعد الجزمة ايها؟!!
تلاقيه جاتله كوابيس من الجزمة،،مرة حلم إن الجزمة جت في بقه وكان لزقة فيها لبانه فاللبانة قرفت...
سلامات يا بنت مصرية
على فكرة:: انا مش هكون منتظم في الزيارات لأني في فترة بحاول ألم المنهج قبل الإمتحان،،،بس بما إن مواضيعك قليلة ففي احتمال اني اتابعها كلها،،،
السلام عليكم ورحمة الله وبركاتة
اختى الجميلة بنت مصرية
بجد انتى كتبتى بوست جميل جدا بالله تستهلى التصفيق الحاد
انتى عليكى اسلوب فى الكتابة رهيب وبتستخدمى عبارات تهلك من الضحك
انا نفسى اعرف انتى عرفتى الكلام دا كله فين وامتى ..
بجد انا عوز اعلق على جزء اثار ضحكى كتير بس بالله انا فعلا مش لاقى البوست كله تحفة متنقى بالكلمة .
وصدقينى ربنا يكرمة اللى انتى هاترضى عنة ولا يقعش فى ايدك وتتريقى علية ابدا ..
هههههههههههههههههههههههههههه
هههههههههههههههههه
اختى الغالية بجد انا مش عارف اكتب اية البوست اكتر من ممتاز وبجد تستهلى الانحناء احتراما وتبجيلا لشخصك ولمقدرتك الغريبة فى سرد الموضوع واختيارك للكلمات .
تحياتى اختى الغالية الف تحية
تحيااااااااااااااااااااااااااااااااتى
لا بجد قصة جميلة وإيه في الجول شكلك من العرب البيحب بوش متوصية به جامد أوي .
لا وإيه مقاس جزمته ذي مقاس جزمت منتصر علشان كدة كان عرفها .
تحياتي لكي بالسماح لنا بالتعليق .
في إنتظار الجديد مواضيعك رائعة .
يا انجيييييييييييييي حرام عليكي
الكلام بيطلع مره واحده بس
مش بعرف أطلعه تاني
الاحد بيكون عايش في الموضوع
ولما باجي اقول اللي قلته تاني مش بعرف !!!!!!!!!!
اعمل ايه بأه
أعيط
عااااااااااااااااااااااااااااا
هههههههههههه
ايه ده بجد الصورة دى حقيقه ولا فوتو شوب
هههههههههههههه
وكمان مسحتى كل التعليقات
ياحلالالاوتك
شاطرة يختى كويس انى جيت اعلق متاخر
فعلا برضه انا ارجح الاحتمال الثالث وهي عائلة كلها باين عليها جيت الغباء بشدة من الاب لغاية اصغر ابن
ربنا يتولاهم بقى
بس اسلوبك يفطس من الضحك
تحياتي
يا أهلا يا أهلا
انتى فين محدش عاد بيشوفك :(
على العموم بوست جميل كالعاده
بس هى الصوره دى حقيقيه ؟ عندى احساس انها متركبه هههههههههه ولا أنا غلطانه !
اللعنه وصلتني انا كمان والصورة اللي انتي حطاها مش عايزة تظهر
ما علينا
سيبك انتي وحشتيني اوي جدا خالص
مش تبقى تسألي عليا؟
جي جي ،، احنا هنعمل ايه ف خفة دمك صحيح.. لألأ شوفيلك حل ماليش دعوة
مها ميهوووو
هههههههههههههه
عجبتنى**بخاطرها امك
السلام عليكم
لالالالالالالالالالالالالالالا
مليش دعوه انا كنت اول كومنت لا والله زعلان ومقموص ومخاصمك كمان
ومش هعلق كمان وانا ماشى بقا هه
ومن غير سلام ومش تحاولى
لا مش هعلق لا مش هعلق انا حر
انا كنت اول تعليق دلوقتى اعلق واكون الأخير وانا مالى
اقولك يلا المسامح كريم
بس هى دى اكيد لعنة الأمريكان
:)
الصورة دى بجد؟؟ ولا متفبركة
والله يا جماعه ما اعرف اذا كانت الصوره بجد ولا متفبركه
انا لقيتها عالنت كده
وعملتيلها قصه
thats it and thats all
السلام عليكم
البوست جميل اوووووي و دي مش اول مره دي عادتك
دمت بكل خير و سعاده
***********
تحياتي
************
القلب المنكسر
*****************
هههههههههه
هههههههه
بجد فطستينى على نفسى من الضحك
يا شيخة ده قلعهم الجزم والشربات كماااان
شكلها اتبقى صيحة عالمية
الدخول بدون احذية
والعالم هيبقى حافى القدمين
بجد تسلم ايديكى
بوست زى العسل
تحياتى
بعيد عن ان الصورة حقيقية ولا غيره
الاحتمالات جميلة جدا وتستحق الدراسة
اوعدك نعمل فريق بحث متخصص من مجموعة من العلماء لبحث الامر والتوصل الى الاحتمال الاقرب للصحة ويمكن فى النهاية يوافق رأيك ونبقى لفينا على مفيش
تحياتى على الاسلوب الرائع
هو بوش بقى المفروض يمل جميع اجتماعاته فى احد المساجد
علشان يضمن سلامه وشه
انا علقت على البوست ده قبل كده
وبعدين معاكى
تحياتى
ولا يهمك يا قمر فداكى مليون تعليق
واحنا نعلق من جديد ولا يهمك
كنت قولت ان شكلهم هيخلوا الجزم من اسلحة الدمار الشامل
باين يعنى علي ما اذكر ههههههههههه
اصلى عندى مرض نسيان فظيع فالحمدلله انى افتكرت انا كنت قولت ايه اصلا
بس اللى انا فكراه ومتأكده منه انى قعدت اضحك جدا على البوست الرائع دا
تسلملنا افكارك
طبعا لازم يعمل كده
هههههههههه
اللي اتلسع من الشوربة بينفخ في الزبادي
بس جامده الصورة
تحياتي ليكي
"بخاطرها امك" والله انا حاسس انك لبنانيه.
اما بقي بالنسبه لبوش ده ماكنش ينفع يضرب بالجزمه لا المفروض يضرب بالشبشب .
يالا بخاطرها امة :)
السلام عليكم...
إيه العسل ده ...
دنتي حكايه يا بنتي ...
......
هو أرجح إن الحجه أم بوش كان ليها تأثيرها على الحيله...
....
دمتي بخير يا عسوله..
حلوووووووووووووووووووووووووة
اعتقد كده والله اعلم اني كنت معلق هنا وان التعليق بتاعي راح في الطوفان
وعموما لو ماكنتش معلق اعلق مره تانيه
ياستي الحكايه مش في ام بوش .. الحكايه ان بوش نفسه مابقاش مآمن على نفسه قدام اي حد لابس جزمه
وبتيجيلو كوابيس وبيشوف جزمه ابيض في ابيض .. راكبه حصان ابيض ابيض .. وبتروح محدوفه عليه يقوم صاحي مفزوع من النوم
انا سمعت انه قرر يحط جزامه قدام البيت عشان اي حد داخل يقلع جزمته ويحطها في الجزامه .. وياخد وصل بنوع وماركة ومقاس جزمته .. وسيتم استبعاد الجزم مقاس اربع واربعين من الوزارة بتاعته
سلامووووووووووووووز
هيا الصوره دي بجد ولا ايه ...؟
تحيات بهيه وتساؤلاتها
أيُّها الناس قفا نضحك على هذا المآل
رأسًنا ضاع فلم نحزن ..
ولكنّا غرقنا في الجدال
عند فقدان النعال!
لا تلوموا
" نصف شبر" عن صراط الصف مال
فعلى آثاره يلهث أقزام طوال
كلهم في ساعة الشدّة .. ( آباءُ ر غال!
لا تلوموه
فكل الصف أمسى خارج الصف
وكل العنتريات قصور من رمال.
لا تلوموه
فما كان فدائياً .. بإحراج الإذاعات
وما باع الخيال .. في دكاكين النضال
هو منذ البدء ألقى نجمة فوق الهلال
ومن الخير استقال
هو إبليس فلا تندهشوا
لو أن إبليس تمادى في الضلال
نحن بالدهشة أولى من سوانا
فدمانا
صبغت راية فرعون
وموسى فلق البحر بأشلاء العيال
ولدى فرعون قد حط الرحال
ثم ألقى الآية الكبرى
يداً بيضاء.. من ذُلِّ السؤالْ!
أفلح السحر
فها نحن بيافا نزرع "القات"
ومن صنعاء نجني البرتقال!
* * *
أيها الناس
لماذا نهدر الأنفاس في قيلٍ وقالْ؟
نحن في أوطاننا أسرى على أية حال
يستوي الكبش لدينا والغزال
فبلاد العرب قد كانت وحتى اليوم هذا لا تزال
تحت نير الاحتلال
من حدود المسجد الأقصى .. إلى )البيت الحلال(!
* * *
لا تنادوا رجلاً فالكل أشباه رجال
وحواةٌ أتقنوا الرقص على شتى الحبالْ.
و يمينيون .. أصحاب شمالْ
يتبارون بفنِّ الاحتيالْ
كلهم سوف يقولون له : بعداً
ولكن .. بعد أن يبرد فينا الانفعال
سيقولون: تعال
وكفى الله "السلاطين" القتال!
إنّني لا أعلم الغيب
ولكن .. صدّقوني :
ذلك الطربوش .. من ذاك العقال!
السلام عليكم
مجرد مرور للإطمئنان عليكى
والله العظيم يا أخت أنا مشغوووول حتى النخاع..
بس حضرتك طبعا عارفة غلاوتكم كلكم عندى أنتم أصدقائى الدائمين..
موضوع البوست جميل جدا و الأجمل تصورك الكاريكاتورى للحاجة أم بوش و أنا باكتب قصيدة عن الموضوع ده (ساخرة كالعادة)لكنى مش قادر أركز فى عشروميت موضوع فى وقت واحد..
هو ده حال (أبو العيال)..
زيارتك تسعدنى دائما و أعذرينى لتقصيرى
دمتى بكل خير
السلام عليكم
انا كنت فرحان لما شفت تعليقك عندى
والحمد لله انى جيت متاخر
كنتى مسحتى تعليقى
المهم
حلوه الصوره
وبكدا امريكا استعاده كرامتها
طب لو المره الجايه مثلا حد رماه بالقميص ولا ........... :)
هيعمل ايه
ohhh ..sorry we can't understand it .. :-)
we are small to that..but we happy to see your blog ..and thanks for your blog decision
bay and hope to visit us soon
bay
انجى وحشاااااانى كتير
كالعاده مواضيعك لذيذه وجامده
ما احنا يا انجى لو كنا عملنا بكلام امه لما قالت انه اغبى عيالها
ما كاناش وصلنا اننا نسمع دلوقت اغنيه جوز ولا فرد
هههههه .. لأ بجد بجد بجد صورة تحفة ومعبرة جدا
عارفة .. حتى لو ما نشرتيش القصة بتاعتك (اللي هي برضه كويدية جدا) كانت الصورة لوحدها هتقول كل حاجة
الصورة دي حقيقية بجد؟
أحب أن أحييكى على خفة دمك
وياريت تشرفين فى مدوناتى
تحياتى
أختك زينب
ازيك اختى بنت مصرية
عاملة اية
الف شكر على سوالك عليا
ربنا يكرمك يارب
تحياتى
أنجي
والله الصورة رغم الظروف البلاك اللي عايشين فيها الا انها ضحكتني ...
ربنا يرحم اهلنا في غزة يارب
ويرحمنا من الانظمة العربية
السلام عليكم
تعرفى
موتينى من الضحك
يخرب عقلك
كلماتك فظيعة
ايه يا بنت يا مصرية ده
بجد ربنا يوفقك
ويقدرك على بوش وام بوش
تقبلى تحياتى
المهم انها صورة موجودة بس الواد بوش دا جاى يتذاكى فى اخر حياته ماهو طول عمره غبى وبياخد بالجزم ولا خالتك أم بوش بقى هيا اللى بتنصحه قلب الام برده ياجماعة والله
انا كنت رديت على الموضوع ده من ييجي اسبوعين وله تلاته هو ردي راح فين
بس موضوع حكاية بجد عجبني اوي
وفعلا بحاطرها امك
تحياتي
قاربتي على الثلاثة اسابيع في الخفاء
لعل المانع خير
السلام عليكم
موضوع جميل اووووووووي
كلمات ذهبيه و معبره على شياء كثيره
بوست مميز
اتمني زيارتك الي مدونتي المتواضعه
و يارب زيراتك ليا دي تستمر علطول
اتمني لك المزيد من التفوق
تحياتي
القلب المنكسر
دمتي بكل خير و سعاده
و مش مهم مش فاكر ههههههههههههه
سلاااااااااااااااااااام
ههههههههههههههههه
أنا أعتقد ان كل الزعماء العرب هيخافوا يطلعوا يكلموا شعوبهم المطحونة live
بعد حكاية الجزمة أو ممكن يكلمهم فى كبينة زجاجية
تحياتى
انا بمسي التماسي اجدع تماسي احسن تقولوا ان انااااا ناااااااااااسي
مساء الفل يابنت يامصريه
وحشتيني أوي انتي ومصــــر كلها ليس حكومة وشعباً ولكن شعباً فقط
كالعاده خفة دم البنت المصريه
كل سنه وانتي طيبه ياانجي
ههههههههههههههههههههههههه
الصورة تجنن والبوست احلي
وحشتيني وجيت اطمن عليكي واقولك
مش بترني عليا ليه
ايه يا حاجه انتي فينك من زمان مكنش عيش وملح ده يا اختيشي
ليكي واحشه والله
حبيت اطمن واسلم عليكي وعلي احوالك في الايام اللي ما يعلم بيها الا ربنا دي ربنا يسترها علينا ويصلح الاحوال
اما عن بوش فممكن تكون الست الحاجه امه نصحته دهيه تخده هو واليهود ويولع فيهم بجاز مش نضيف
تحياتي ليكي
هههههههههههههه
القصة تحححفة بجد
دمتي متألقة يا قمرة كعادتك
و بعتذر منك كتير علي التأخير
إرسال تعليق