.ازيكو

ازيكوا .......احب ارحب بكل واحد قاعد دلوقتى قدام مدونتى........انا زييى زيكوا كل يوم افتح النت الاقى اخبار مصراوى......عارفينها اللى تفتح النفس للحياه دى .....فجالى اكتئاب ........ايوه ايوه زى اللى عندكو ده بالظبط.....اعمل ايه اعمل ايه.......جاتلى فكره المدونه افضفض بيها معاكو ويارب تعجبكو

الجمعة، 20 مارس 2009

انتى جايه ....تشتغلى ايه ....اااهاهااااا

محدش يضرب .....انا بقولكوا اهه محدش يضرب
والله يا جماعه انا عارفه انى وحشه ومش بسأل بقالي كتير ...دا حتى بابا اللي اسمه بابا قاللى ( مدونتك دوددت يا بت يا مصريه )
بس انا عارفه انكوا طيبين وقلبكوا انضف م البيض المسلوق ....وهتسامحونى لما تعرفوا ظروفي

لالا لا ...مش قوى كده يا جماعه كفايه هتافات وتحيه ..... معقوله كل ده ليا ؟هو انا كنت وحشاكوا للدرجه دي ؟لالا لاماتبوسوش ايدى لالا ..ولا كتفى لا مش معقول كده .....دعوني اعمل فى صمت (صوت تصفيق حاد ) هههههه

ازيكوا يا جماعه .. انتو عارفين من قبل كده انى كنت باخد كورسات وحاجات كده لعلها تنفعني انى الاقى اي شغل والسلام ...
المهم انى مقعدش ف البيت اتفرج على ميلودى تتحدى الملل لأنها بصراحه جابتلى الملل والشلل المستعجل كمان

وبعد ما خلصت الكورسات ....الطبيعي بعد كده ايه ؟ ايوه بالظبط ..انى امسك الرفيق الاوحد للشباب والبنات فى جمهوريه مصر العربية والذى يزور كل بيت من البيوت المصرية يوم الجمعه والاثنين ..ولا يكلفنا لا ابيض ولا اسود

الا وهو (جريده الوسيط)

فمن هنا بدأت الشحططه اقصد محاولات البحث عن وظيفه ....فقد كنت اركز على الاعمال التي تحتاج مهاره فى اللغه الانجليزية والكمبيوتر .....ايوه مهاره طبعا ...اوعوا تكونوا فاكرين انكوا بتكلموا اي حد لا لا لا انا متواضعه معاكوا بس

ههههههههه

المهم ..وانا بدور ف الوسيط ..لقيت شركه استيراد وتصدير طالبه موظفين يجيدون التحدث بلانجليزيه وكذلك الكمبيوتر
ولقيتها قريبه من البيت ...(قولت بس هيه دي)
ورفعت سماعه التليفون للاتصال بهم ...ردت عليا واحده ...وكان الحوار التالي

هي : شركه (تيييييت) .....الو
انا : لو سمحتي انا كنت بتصل عشان الاعلان اللي ف الوسيط
هي : ايوه ...انتي ضليعه فى قواعد اللغه الانجليزية ؟
انا : ايوه يا فندم
هي : وتجيدين التعامل مع الكمبيوتر والانترنت والاعمال الالكترونية؟
انا : اه الحمد لله
هي : تعالى بكره من الساعه عشره للساعه عشره وربع عشان تقابلي ال Maneger وتعملى ال interview........وماتنسيش تجيبى معاكى ال cv
انا :( زى الهبله) ان شاء الله من تسعه الصبح هكون عندكوا

وتانى يوم صحيت الساعه سابعه الصبح محتاره بقى البس ايه ....طبعا يا جماعه منا هقابل ال maneger مش اى حد.. وفى تمام الساعه التاسعه وصلت الى شركه ال (تيييت)..وطبعا لابسه اللى عالحبل وماسكه ال cv ف ايدى وجايباله فايل من الغالى ابو 3 جنيه ونص (حار ونار ف جتتهم) ...وفضلت مستنيه بره انا وبابايا لحد الساعه ما بقت عشره ...وبعدين دخلت العماره اللى فيها الشركه ...لقيت يافطه الشركه

ركزوا معايا بقى ف الحته دى ......اليافطه عباره عن ورقه فلوسكاب ملزوقه على سلم العماره (بشىكارتون) (اصل السلوتيب غالى )..ومكتوب عليها بقلم رصاص_ مبرى قبل كده عشر مرات _ عباره (الشركه من هنا) وسهم يمين

قولت (خير خير )وطمنت نفسى ان دا عادى وممكن تكون الشركه لسه فى بدايتها ومالحقوش يعملوا يافطه ...وقولت لنفسى انا كمان هطمن اكتر لما اقابل ال maneger ان شاء الله .......خبطت عالباب فتحتلى واحده

هى : عايزه مين ؟

انا :انتو مش كنتوا عاملين اعلان ف الوسيط ؟

هى :ايوه ايوه ...اتفضلى اتفضلى ...(دا احنا زارنا النبى ) ههههه ..... يا محمد واحده جايه عشان الاعلان

بينى وبينكوا اول ما دخلت الشركه دى قلبى انقبض.. وحمدت ربنا ان بابا مستنينى بره حد عارف يمكن ياخدوا كليتى ولا حاجه هههههه

ووصل الاستاذ محمد ولقيته (شاب لامؤاخذه كده ) من اخواننا الروشين ونظام (حط ف شعرك جل ...القمل فيه هيهل )

هو اللى جاى يعمل معايا ال interview ...وكان قاعد على جهاز كمبيوترغريب كده ...

بسبينى وبينكواانا فرحت والله فرحت ...اصلى اكتشفت ان الفراعنه هم اول ناس اخترعوا الكمبيوتر وادوا لمحمد ده نسخه هديه

قولتله :انا لما اتكلمت ف التليفون ردت عليا واحده وقالتلى انى هقابل ال maneger ...

بصللى باستغراب كده وقاللى : ما انا ال maneger

انا ف عقل بالى :خير خير بدايه مشرقه بالتفاؤل

وقام مطلع ورقه لحمه كده فيها بيانات .. وقاللى امليها .........قولتله :منا معايا ال CV فيه نفس البيانات

قاللى : ماشى بس املى دى برضه عشان نتطمن .......(على اساس انى هسرقهم مثلا)

وبدأ الكلام

هو: احنا شركه تصدير واستيراد

انا: تصدير واستيراد ايه بالظبط؟ (ليكونوا بيصدروا مخدرات ولا حاجه والبسها انا)ههههههه

هو:بنصدر ونستورد كل حاجه واى حاجه

انا: ايوه يعنى زى ايه؟

هو:امشاط_ شرابات_ فلايات_ ولاعات...وكل الحاجات .....(مين يقول هات)

انا :وانا بقى هشتغل ايه بالظبط ....ولاعه؟

هو :هنديكى شنطه و........ اول ما قال (هنديكى شنطه) عرفت اللى فيها انى هلف ف الشوارع ابيع اللى ف الشنطه واقول كلمه كريم عبد العزيز الشهيره (نحن نختلف عن الاخرون .... خالص )

هو :امال انتى جايه تشتغلى ايه؟

انا:انا كنت فاكره انكوا عايزين سكرتيره او واحده للعلاقات العامه... لان اللى ردت عليا ف التليفون اشترطت اللغه الانجليزيه

هو :طيب مانتى ممكن تقابلى واحد اجنبى تبيعيله ...(ياسلام)

هو :هتبدأى الشغل من بكره .....(دا عند امه يا ادهم)

انا: ان شاء الله ....(لما مصر تاخد كاس العالم بأذن الله)

هو : ايه مش موافقه ولا ايه ؟

انا :لا لا من بكره الصبح هكون عندكوا....... (ادى دقنى لو شوفتوا خلقتى تانى )

وجيت اخد ال cv بتاعى ....قاللى :هتخدى ال سى فى ليه

قولتله :لا مانتوا معاكوا ورقه اللحمه كفايه ههههههههه

وخرجت من الشركه وانا عندى كريزه ضحك فظيعه ....بابا قاللى :ها قبلوكى

رديت عليه بكلمه واحده وهى (نحن نختلف عن الاخرون .....خالص)

وبعد شهور من الشحططه ...ربنا كرمنى الحمد لله بالعمل فى شركه محترمه جدا ..ومش عايزه قر هه...انا مش ناقصه اه...ولو حد بصلى ف الشغلانه وقر عليا ...هنتقم منه وابعته يشتغل فى شركه الفلايات ...ايوه بالظبط كده ..شركه ال (تييييييت ) ههههههههههههه

بس بجد والله ربنا يصبر شباب وبنات مصر اللى مش لاقيين شغل لانى اكتشفت فعلا

(انهم يختلفوا عن الاخرون ........خالص )ههههههههه

هناك 53 تعليقًا:

romansy يقول...

التعليق الاول بعد الغياب


ل


رومانسى

romansy يقول...

ههههههههههههههههههههه
انتى كنتى فى الفتره دى كلها بتدورى على شغل الحمد لله صحيح ان بابا معاكى مفيش احلى من الشركات المحترمه اللى اصلا مش موجودين الا قليل فى الزمن دا
الحمد لله فى الاخر تبقى مندوبه مبيعات
الحمد لله
ان ربنا عفاكى بس اصبرى شويه هتلاقى الخير

بنت مصريه يقول...

مرسى يا رومانسى على تعليقينك
هههههههههههه
عادى يا رومانسى انا مش بقلل من مندوبين المبيعات او حاجه بس انا مش بتعلم كل دا واخد كورسات ويتقنعروا عليا ف التليفون وف الاخر الفع شنطه والف بيها
عموما اهه كله ارحم من ميلودى تتحدى الملل

V.Hayat يقول...

مبروك على العمل ودى اخبار كويسة ان الواحد يرجع لمصر يلاقى شغل

تحياتى

Ahmed يقول...

يااااه
حمدلله على السلامه
وانا بفتح باب المدونه بتاعتك, سمعت صوت بابها بيزيأ في أيدي

مبروووووك على الشغل الجديد (اللهم لا حسد)
هههههههههه

بس مالها يعني شركة تيييت
ديه شركه محترمه ومشهوره
مش هيه ديه اللي بتسرح الناس على الاشارات؟
هههههه

لا لا الحمد لله أن ربنا رحمك من الشغلانه ديه

خلينا نسمع عنك الخير دايما ان شاء الله

سلااااااااااااموووووووووووز

قوس قزح يقول...

حمدلله على السلامة

و مبروك الشغل الجديد

بس عايزة اقولك حاجة
الشاب ده احسن من غيره كتير
يعنى بيحاول يكون انسان له كيانه و شركته و شغله و ممكن يكبر مع الوقت و يبقى شركة محترمة .. محدش بيبدا كبير و فخم

هى اه ممكن تكون مش مناسبة لكى كشغل و كمستوى ..بس لغيرك املة كبيرة

و له هو يمكن الشركة دى عنده.. امل حياته

نحن نختلف عن الاخرين ..خالص .. بس مش معنى كده ان فى حد فينا او فى الاخرين وحش


تحياتى و مبروك تانى و بدون حسد :)

بنت مصريه يقول...

حياه
ازيك يا حياه فى شغل والله وكتير كمان بس الواحد يدور الناس ما بتدورش وترجع تقول مفيش شغل
مرسى على تعليقك يا قمر

احمد ابو العلا
هههههههههههههههههههههه بيزيأ ماشى ياحمد مهو بيزيأمن قله الفتح هههههههه
مرسى يا احمد على تعليقك
اتمنى تنورنى دايما

قوس قزح
ازيك يا دوللى الله يبارك فيكى يا قمر

طبعا انا موافقاكى على كلامك كله وكله صح
بس يا داليا انا لازم برضه اشوف دليل يؤكدلى ان دى شركه كويسه
سيبك من الوظيفه نفسها انا بحترمها مدام هى شريفه
بي انا ايش ضمننى انها شريفه ممكن يكونوا بيحطوا اى حاجه ف الشنطه
وفى حوادث كتير قوى اليومين دول سببها الشركات مجهوله الهويه وربنا قال لا تلقوا بايديكم الى التهلكه
انا عارفه ان غيرى بيتمنى شغلانه زى دى بس رجاله لو جبتى اى بنت اكيد مش هتوافق تشيل شنطه وتبيع اللى فيها
مابالك دول بقى شارطين انها تكون بنت طب ليه مش المهم البضاعه تتباع وخلاص

عموما يا داليا انا عمرى ما قللت من شغلانه اى حد مدام شريفه
انا بس بحكى اللى حصللى والكلام اللى اتقاللى
هذا كل ما ف الامر
ومرسى لتعليقك مره تانيه يا قمر

Beram ElMasry يقول...

السلام عليكم ورحمة الله وبركاته
عزيزتى الغالية ،انت ام اليوم او غدا ، فكل عام وانت بخير فى عيد الام ، وان كنت تتمنين لطفلك ان يحيا امنا فلقنيه ان الاسرائيلى شر كله ، فلا يامنه برهة ، ولا يسالمه مدى الحياة

يهودى يعنى حنش احسن دوا تقطعوا راسه
كلام نقوله لنسلنا نطبعوا فى كتابه وكراسه
لك تحياتى والسلام عليكم ، ولا سلام مع اليهود
بيرم المصرى

*البت المشمشية *حلوة بس شقية * يقول...

منور يا جميل
المدونة كمكمت الصراحة وعايزة تتمسح وتتهوى
مينفعش كدة

Unknown يقول...

ازيك يا قمر
وحشانى جداا
الف مبروك على الشغل لى هدية من اول مرتب ؟ اوعى تنسى

""""" يقول...

هههههههههههههههه
انتى عسل بجد
فكرتينى بنفسى وانا عماله الف على شغل
بس انا فهمت اللى فيها واى شركه مش معروفه لو هيعملوا اعلان فيه اغراء بمرتب اد كده برضه مش بسال فيهم
بس الحمد لله ربنا كرمنى بالشغل مؤخرا
وربنا يوفقك

mostafa rayan يقول...

بصي من خلال خبرتي في مجال البحث عن عمل اكتشفت ان شغل الجرايد والوسيط ومواقع النت وشركات التوظيف مش اكتر من نصابات ونحتات وضحك على الدقون بس في شركات بتتطلب عشرة وعشرين جنيه رسم ابليكشن ويقولك هنبقي نتصل بيكي وطبعا ولا هيتكلموالمهم يلهفو الفلوس
وطبعا زي مافي نصابين بامشاط وفلايات في نصابين بسكرتارية اجانب ومكاتب هاي قوي في الدقي والعجوزة لأن النصابين درجات
اللي بيجيب الشغل العلاقات والمعارف
حتى ولو كانت بسيطة
ربنا يكرمك في شغلك ويوفقك
تحياتي ليكي

شاب كــ طخين ـــــا يقول...

ههههههههههههههههههههههههه
طريقتك فى الحكى ملهاش حل ههههههههه

احمدى ربنا على الشغل بقى وبخرية كل خميس واتنين الشباب عنيهم فلقت الحجر

سلام

حـــــدوتـــــة يقول...

السلام عليكم

الف مبروك يا سيتى
وربنا يوفقك وتختلفى كمان وكمان

سلالالالالالالالالالالالالالالالالالالالالالالام

يا مراكبي يقول...

أنا ماليش في الأمشاط والفلايات زي ما إنتي عارفه .. وإلا كنت بجد أول واحد شجعتك وإشتريت منك .. ههههه

عموما مبروك الشغل الجديد

فكرة من الزمن ده يقول...

اول مرة ادخل مدونتك ولقيتها بجد دسمة وجبة كاملة بس ضحكت اوي على ورقة اللحمو وحط في شعرك جيل
ربنا يوفقك
بس ايه اسم الشركة دي هي اسمها عيب اوي كده ؟

momken يقول...

حمدالله على السلامه

كنا هنزل اعلان الجرنان نقول خرج ولم يعد


تحياتى

إبن مصر يقول...

السلام عليكم

عرفتى بقا شباب مصر تعبان قد ايه حتى باللغه الإنجليزيه هيقلب على مقولة نحن نختلف على الأخرووووون خاااالص
انتى ربنا ساعدك وقدرتى تلاقى شغل غير شركة التيييت دى انما غيرك بيخرج من شركة التيييت ويروح يدور على غيرها وهو بيضحك برضه ويفضل يدور لغاية ما يلاقى شركه تربتت تيت ويفضل يضحك لغاية ما يبكى من كثرة الضحك وفى الأخر يسأل نفسه بتضحك ليه وعلى ايه يرد على نفسه ويقول على حالى واللى بيجرالى
نورتى البلوجر تانى ويارب مش تنسينا تانى ابدا
موضوع جميل وفيه كتير من المعانى
وفى الأخر تحيه لشباب مصر الصابر جدا
تحياتى والف مليون مبروك على الشغل الجديد بس مش تنسى المساكين من اول مرتب ليكى :)

غير معرف يقول...

هههههههههههههههههههههه
انتي اصلا من يومك مشكلة يا جيجي

عارفة .. ليا واحد قريبي صغنون بيقول: نحن نختلف عن الاخروف :)

والاخروف دي بتطلع منه مشكلة بيفضل يقول حرف الفاء ده ويضغط عليه لما بحس اني هطير من مكاني

بقولك ايه.. دوري عدل وما تروحيش لوحدك واعرفي في التليفون قبل ما تروحي دي شركة ايه وعايزين وظيفة ايه.. الشركات المحترمة بيقولوا على فكرة..

ياللا يا جميل.. مع تمنياتنا بمستقبل باهر مع الاخروففففففففففف

مها ميهوووو

Ahmed Fahmy يقول...

ههههههههههههه
و الله ليكي وحشة يا إنجي
اييييييييه فينك من زمان
بصي بصي انا هاسيح لك ع البلوج
بقي عايزة تشتغلي ف شركة عايزة واحدة تجيد الانجليش و التعامل مع الالكترونيكس و كاتبة كلمة مانيجر غلط
ههههههههههه
ايموشن واحد بيطلع لسانه اهو p_:
ههههههههههههه
اسمها manager مش maneger
ههههههههههههه
المفروض ياخدوني بدالك بقي
هههههههههههههه
ماتبقيش تغيبي كدة كتير و لو مش هتكتبي بوستس طلي بس علينا كدة من بعيد
بس خلينا نشوفوكي علاطول
و مبروك انك اشتغلتي ف شركة محترمة و طبعا باصص لك فيها
ههههههههههههه
تحياتي
رومانسي

Ahmed Fahmy يقول...

صحيح
لو معاكي فلايات حلوة انا هاخد منك
ههههههههههههههههههه

شفـقــة و إحســــان يقول...

يا تحفة شركة فلايات
ده يبقوا مش عايزين سكرتيرية لا عايزين جربانين ومقملين
بعد كده خدى بالك الاعلانات دى فى منها نصب فى نصب
ربنا يصبرنا
بس سيبك انتى دمك شربات
ووحشتينىىىىىىىىىىىىىىىىىىىىى

!!! عارفة ... مش عارف ليه يقول...

حمد لله على السلامة

وإن شاء الله بالتوفيق في شغلك

وياريت متطوليش الغيبة كده تاني


تحياتي
وليد

كريم مصطفي سيد يقول...

رسالة إلي المدونين الشرفاء تضامنواااااااااااااااااااااااااااا
سأبدأ ألان في حمله الاف مدون لحرية المدون الدكتور توكل ادعوا كل المدونين الشرفاء للانضمام حتى نكون كلمه واحده في وجهه الظلم والاستبداد

Muhammad Mammdouh يقول...

الف مبروك ومن غير قر ولا حاجة

ابو على يقول...

اول حاجه مبروك ليكى انك لقيتى شغل مناسب ليكى كان نفسى اقولك ابل ماتدورى على شغل ان معظم الكلام دا كلام هجايص لانى تعبت ابلك وانا بدور على شغل جديد لانى متيقن ان اى شغلانه محترمه وبرستيج وبرفانات محتاجه كوسه وياريت تبقى خضرا وطويله ومش بايته

على فكره انا اشتغلت الشغلانه دى يوم واحد بس هيا على فكره اسمها مندوب مبيعات بس وانا رايح كنت فاكر انى هاركب عربيه ولا حتى هاسوق عربيه واوصل بضاعه وكده طلعت ف الاخر شنطه ويارتها شنطه انا لقيته كيس بلاستيك بس تقولى ايه بقى محبتش ارجع بخفى حنين خدت الكيس وبعت كل الى فيه للى اعرفهم حتى قعدت ابيع للحاجه وافاصل معاها ههههههههههه
المهم انتى طلعتى اجدع منى خلعتى على طول انا خلعت بعد نشره تسعه طوالى
تقبلى مرورى

ســـهــــر يقول...

هههههههههههههههههه
هيدوكى شنطة ؟
يا بختك هههههههه
انتى زى السكر وبكرة تلاقى شغل يا جميلة ولا تقلقى
اتشائمى خير :)

Unknown يقول...

ههههههههه
ازيك يا ست الكل وحشانا
و لو على اللى حصل عادى بتحصل اهم حاجه تركزى ف شغلك الجديد

تحياتى

rtrcbh يقول...

السلام عليكم ورحمه الله وبركاته

السادة الأفاضل زوار مدونتي الأعزاء ، أساتذتي الفضلاء ، إخوتي من المدونين والمدونات ،أصدقائي الأعزاء
تحية طيبة وبعد
أتشرف بدعوتكم اليوم إلى زيارة مدونتي ( مدونة ادم ويحيى ) وذلك بصفتكم أحد الشركاء الأساسين فيها بآرائكم وتعليقاتكم على موضوعاتها وزيارتكم لها
لحضور ندوة بعنوان

( ادم ويحيى ، تجربة تدوين )

اليوم هو استفتاء على تجربة تدوين

اليوم نعرف من هو أبو يحيى وادم وكذلك ادم ويحيى من هم ومن والدتهم

اليوم نعرف حقيقة هذه المدونة وما هي رسالتها الحقيقة وهدفها

اليوم رسالة اعتذار لكم عن بعض الأمور

اليوم رسالة شكر من كل قلبي على أمور أخرى

اليوم استفتاء حول منهج مدونة ادم ويحيى

اليوم هو رسالة منكم لي حول ما طالعتموه بيوم من الأيام بهذه المدونة
فأرجوا أن لا تبخلوا على بتعليقكم على هذه ألتدوينه
في انتظار زيارتكم
والسلام عليكم ورحمة الله وبركاته
د/أبو يحيى وادم

*الطالبة عفو الله *زوزو يقول...

فينك يا انجي طولتي الغيبة

خير ان شاء الله طمنيني عنك

انتي اشتغلتي و لا ايه ؟؟؟

الازهرى يقول...

طيب فى هنا مشكلة

انمصر متوقع لها نها تاخد كاس العالم المرة دى
هتعملى ايه بقى مع الشركة ؟

مهرة سالم يقول...

السلام عليكم...
وأسلوبك بالطرح مختلف عن الآخروون ...خالص ...
....
الله يباركلك في شغلك يارب ..
وتحياتي للوالد..
..
دمتِ بخير

3omda يقول...

ههههههههههههه
شر البلية مايضحك
طيب انا بقي مره عملت حتة Interview انما تحفه..
كان في شركه كبيره بدون ذكر اسماء "Vodafone" المهم بعد الاسئله واللف والدوران جاءت النتيجه معلنه ان حرف الـ P عندي مش حلو وان نصيحة الـ Interviewer اللي عمل معايا الـ Interview اني اقعد اتفرج علي Mbc2 علشان أحسن حرف الـ P

Hossam يقول...

هههههههههههههههههه
بجد تحفةةةةةةةةةةةة حلو اوى وصفك وتعليقك على المواقف
بس عجبتنى فكرة واحد اجنبى ممكن تقبلية دى حلوة
ربنا يكرمك يا رب دايما
ومرسى عل املوضوع الخفيف ده
تحياتى
سلام

amal يقول...

ادينى عملت اكونت على جووجل مخصوص علشان خاطرك يا باشا
انا بنت عمتك ولازم طبعا يبقى ليكى تحية خاصة منى بعد الغياب ده
واحشانى مووووووووووووووت وحلو قوى الموضوع الجديد وربنا يوفقك فى شغلك
وطبعا الشركة اللى انتى بتشتغلى فيها روعة مش نانسى عجرم غنت فى الدور اللى فوقيها ده ملاييييييين يتمنوا يكونوا مكانك هههههههه
اوعى تغيبى كدة تانى وايقى قوليلنا على اخبارك اول بأول وادعيلى علشان من النهاردة لغاية اخر السنة عندى امتحانات

باى باى يا انوج

الميكروباص يقول...

من فتره طويله كل ما افتكر اسال عليكي الشيطان ينسيني
لكن ازاي انسى بنت مصريه
انا فعلا وحش ومش كويس ونادم على ما فعلت

الميكروباص يقول...
أزال المؤلف هذا التعليق.
الميكروباص يقول...

لم انتظر لليل
الحمد لله انك لقيتي شغل
الحقيقه انا مش من انصار عمل المرأه
لكن ألف مبروك وكويس انك بتقولي انك شغاله في شركه كبيره ومحترمه
وعلى كل حال بردو لازم تخدي بالك من روحك

blue-wave يقول...

هههههههههههههههههههههه
والله وحشتنى جدا المدونه دى
جداااااااااااااااااااااا

الميكروباص يقول...

ايه يا ستي


هو شغل ولا اعتقال ده؟؟؟

تأثير الفراشة يقول...

D: D: D:
احب احيكى على اسلوبك الجميل الممتع،
والموقف اللى بتحكيه ،ده فعلا بيحصل كل يوم،ربنا يوفقك فى شغلك الحالى و يبارك لك فيه
نحياتى لكى،تقبلى مرورى

http://a-butterflyeffect.blogspot.com/

NaiRa يقول...

هههههههههههههههههههههههههههههههههههه
بجد عجبنى اوى اوى اوى اوى البوست ده لانه تيبكل حصل معايا بس بأختلاف شويه حبتين
والحمد لله انك لقيتى شغل ربنا معاكى يا قمرايه هههههههههه ونايس مدونه

محمد عادل يقول...

معايا فلايه تطلع ميت قملايه ، معايا مشط ، لعبه لحماده ، حافظت كروت

احمدي ربنا انك ما اشتغلتيش في شركة النصابين المتحده الي بيبيعو فيها الهوا ساعتها كنت هزعل قوي قوي يعني

طبعا انتي مش عارفه شركة النصابين المتحده دي تبقى ايه!!

الشركة دي الي بتوقف الناس في الطريق وماسكين قزايز ريحه مضروبه ولما يجي يكلمك هيقولك انتي كسبتي ريحه وبعدها عينك ما تشوف الا النور وخمسين جنيه طايره في الهوا
لو عايزه تعرفي تفاصيل الشركة المنافسه للشركة الي انتي كنتي هتروحيها ادخلى على اللنك ده http://www.es2alony.com/misc-products/%d8%b4%d8%b1%d9%83%d8%a9-%d8%a7%d9%84%d9%86%d8%b5%d8%a7%d8%a8%d9%8a%d9%86-%d8%a7%d9%84%d9%85%d8%aa%d8%ad%d8%af%d8%a9/

بالمناسبه المدونه بتاعتك تحفه ارجو التقدم اكتر واكتر

حماده زيدان يقول...

الجروب الرسمي لجريدة الصباح العربي بيت المدّونين العربhttp://www.facebook.com/group.php?gid=83558910956#/group.php?gid=78080770039

الميكروباص يقول...

انجي راحت فين يا اخوانا؟؟؟؟؟

اللي يعرف يبلغنا الله يكرمكم

كريم مصطفي سيد يقول...

61 عاما علي النكبة
ونحن أقرب للعودة
والعودة حق لاعودة عنه
شارك في الحملة الالكترونية لاحياءالذكري ال 61 للنكبة( عائدون)
ضع شعار الحملة علي مدونتك

Unknown يقول...

هو الشغل خدك مناا ولا اية
انتى فين يابنتى

akeed يقول...

السلام عليكم

على فكرة انا قبل ما اشتغل بعد ما انتهيت من الجامعه و التجنيد قدمت فى وظائف زى ديه كتيرة جداًبيضحكوا على الشباب ويقولو مرتب 900جنية و 1000جنية + عمولات و حوافز و فى الاخر نلاقى لعب اطفال رديئة او ادوات منزليه رديئة الصنع ويطلبوا ان الشباب تلف فى الشوارع و البيوت شىء مخزى فعلا.

بس المشكله مش فيهم المشكله فى اللى بيسيبوهم يلعبوا باحلام الشباب


وحسبنا الله ونعم الوكيل الشغل دلوقتى لازم يكون بالواسطه و الاقارب

تحياتى للبوست الجميل

إيثار يقول...

متعقدنيش كده
انا لسة بدرس
و ممكن تاثروا عليا
في مسرتي الدراسية
و اروح اشتغل في شركة الفليات

هههههه

3omda يقول...

انتي فين؟where r u?we missed your posts

أُكتب بالرصاص يقول...

ان شاء الله ....(لما مصر تاخد كاس العالم بأذن الله)

قصدك لما مصر توصل لكاس العالم

esraa يقول...

هههههههههههههههههههههههههههه

تسلم ايدم انتي تعرفي ان الجمله دي بقولها علي طول
عند امه يا ادهم)
وربنا

تسلم ايدك شكرا

نسر الشرق يقول...

انا المازنجر اللى انتى قابلتيه فى الشركة وعاوز اقولك ان التشرد الاطفالى دا مش فى الشركة دى بس اسيوطلولتى التشرد الاطفالى موجود فى كل شركة العتبة مدان عبدين الديزة والاتوبيسات

hi5