.ازيكو

ازيكوا .......احب ارحب بكل واحد قاعد دلوقتى قدام مدونتى........انا زييى زيكوا كل يوم افتح النت الاقى اخبار مصراوى......عارفينها اللى تفتح النفس للحياه دى .....فجالى اكتئاب ........ايوه ايوه زى اللى عندكو ده بالظبط.....اعمل ايه اعمل ايه.......جاتلى فكره المدونه افضفض بيها معاكو ويارب تعجبكو

الاثنين، 14 أبريل 2008

موجز الانباء لسنه..........2090

المزيعه:هاى شله .........ازيكو انهارده .....كيويسين ههههههههههه ........ايه رأيكوا بقى ف النيولوك بتاعى جامد قوى مش كده........ولا فستانى اكيد عنيكوا هتطلع عليه
المخرج (بصوت ناعم ورقيق): يلا بقى يا سونيا بقى ابدأى الموجز بقى الللللله
المزيعه:ماشى ماشى يا سوسو .......بقولكوا ايه بعد الموجز هبقى اقولكوا على اسم مصمم الازياء بتاعى ...........يلا يا سوسو نبتدى
موجز الانباء لسنه..........2090
الاخبار السياسيه:
-اكد وزير الاقتصاد السيد (عاطف يوسف بطرس غالى )ان اعدام الفقراء هو الحل الامثل لخروجنا من عنق الزجاجه
-موافقه مجلس الشعب دون تردد على خصخصه ابو الهول .والاحتفاظ بالهرامات لحين ان يأتى من يملك السعر المناسب لها
- الولايات المتحده تخصص 25 مليون دولار لمن يساعد ف القبض على (امين بن محمد بن اسامه بن لادن)المتهم بنسف مبنى التجاره العالمى للمره الثالثه بعد والده (محمد بن اسامه بن لادن) وجده (اسامه بن لادن)
-اسرائيل تأبى الانسحاب من (الكوفه) الا بعد ضمان امن مستوطناتها فى( بغداد )
-حديث الرئيس (بوش دبليو دبليو دبليو بوش)حفيد الرئيس (دبليو بوش) عن اسلحه الدمار الشامل فى( مصر) والمخبئه فى رغيف العيش
الاخبار الفنيه:
-زفاف المطربه( صباح) على حفيد الفنان الراحل( راغب علامه) بالرفاء بس مقدرش اقول والبنين
-(ومادلين )حفيده الفنانه الراحله (هيفاء وهبى ) _التى ماتت محروقه_تصور اول كليب لها فى الحمام
-شوهدت الفنانه( روبى )فى احدى دور المسنين حيث يفوق سنها الان المائة عام .........والتى صرحت فى حديثنا معها انها لازالت تصر على (الامبره) فى الكليبات
-(فتيات الليل ) يجرون حديث صحفى مع الاعلاميه (هاله سرحان) ويؤكدون لها ان حلمها عن فتيات اليل فى مصر اصبح حقيقه وتقدر تموت وهى مستريحه
الاخبار الرياضيه:
-(حسام حسن) يؤكد انه ليس لديه نيه ف الاعتزال .وانه مازال فى قمه لياقته ويستطيع العطاء وقياده مصر للفوز بكأس الامم للناشئين تحت 75 سنه
-شوهد (الحضرى )حارس المرمى العالمى بعد فشله مع نادى سيون من حوالى ستون عاما .شوهد قريبا فى احدى ضواحى استراليا يبيع مجلات رياضيه _واضح انه لم يبتعد كثيرا عن تخصصه
المزيعه ::اااووووووفففففف النشره خلصت اقولكوا بقى على اسم مصمم الازياء .........اه نسيت معاد المساج بتاعى سورى يا جماعه مضطره استأزن موبايلات بقى ها .........يلا يا سوسو

هناك 43 تعليقًا:

غير معرف يقول...

ههههههههههههههههههههههههههههههه نشره اخبار مسخره ههههههههه احييكى

مهندس مصري بيحب مصر يقول...

اسلوبك ساخر و خفيف الظل
بس الناس العاقلة بطلت تشوف التلفزيون المصري من زمان
ربنا يخلي لنا الوصلة بتاعة الدش المركزي
:)

بنت مصريه يقول...

مين قال ان ده التلفزيون المصرى
فى موجز انباء برضو عالدش
شكلك مس متابع
شكرا عالتعليق

صحفية روشة يقول...

مش ممكن
انتى مصيبة
موتينى من الضحك
نورينى

Soooo يقول...

انتي فقر موووووووووووووت

جبتي منين الاخبار دي يابنتي

بس تصدقي انا فعلا حاسس ان اخرة عصام الحضري هي انه يفتح بوتيك ملابس رياضيه وايجار كلابظات




سلاموووووووووووز

غير معرف يقول...

عاصم الانصاري:
مقال فعلا جامد واشكرك على جرئتك في كتابة مثل هذه المقالات واتمنالك المزيد من التقدم بس نصيحة خلي بالك من نفسك .

بنت مصريه يقول...

ربنا يخليكوا كلكو يا رب انا بس بحب ارسم البسمه على وجه كل مواطن مصرى عشان اطلعه من القرف اللى هو فيه

Hossam Nasr يقول...

جميلة المدونة
وخفيفة على القلب
أتمن لك كامل النجاح وغزارة الإنتاج

إحترامي وتقديري

بنت مصريه يقول...

شكرا يا وسبرس على تعليقك الجميل مدونتك انا قريت فيها جميله جدا
ربنا يوفقك

صوت من مصر يقول...

بجد نسيتى النشره الجويه
والمذيعه دى قديمه جدا بالنسبه لسنه 2090 لا هيبقى فى اروش من كده

محمد حمدي يقول...

جميله جدا بجد مش تريقه

واحلى حاجه أن اسلوبك ساخر وبسيط جدا .. اما عن النشره , فان دلت على شىء تدل على وعى حقيقى بمجمل الاحداث الى بتدور حوالينا

انا فخور انى بقرالك

تحياتى

الشريف / جمال طة يقول...

شر البليـة مايضحك وعلى العموم كتر خيرك خليتى الواحد ضحك شويه بس مش عارف انا ضحكت على نفسى ولا على اللى بيحصل فى البلد عموما كلامك ليس سخرية ولا للضحك هو كرباج على ظهر من يفهم ويفكر ويتدبر واخيرا شكرا لادخالك البسمه قبل مايتغلى زى العيش ماهو احنا فى مصر بلد البدع

المـــفـــــــقــــــــوعـــــة مــرارتـهــا يقول...

هههههههههههههههههههه
مسخرة
جديدة النشرة دي والفكرة كمان نوفي
مدونتك بتتنطط من الشباب والحيوية اللي فيها
تحسي كدة انها شبابية أوي ودمها عسل
انا قريت الصفحة الاولي كلها وهاكملها ان شاء الله بعدين
تحياتي

بنت مصريه يقول...

صوت من مصر
متشكره قوى على تعليقك ومن حيث ان هيبقى فيه اروش من كده ف دى مجرد توقعات وكان هدفى الاساسى وانا بكتبها بس انى اضحك اللى بيقراها
الصحفيه الروشه
ربنا يكرمك يارب وعلى فكره انا قريت جزء من مدونتك جميله فعلا وهكملها ان شاء الله
سوووووووووو
شكرا على تعليقك يا سيناريست
محمد حمدى
كلك زوق بجد انا اللى ببقى فخوره جدا لما بقرأليك مواضيعك حلوه جدا
استاز جمال طه
اول مره حضرتك تعلقلى وانا اقول النور اللى ف صفحه ده جى منين انا علقت لحضرتك على موضوع الكفيل موضوع جديد ورغم انه مهم محدش بيتكلم فيه اما موضوعى ده فالغرض منه رسم بسمه خفيفه على وجه كل مصرى يقراها اتمنى تشوف جميع مواضيعى الاخرى شكرا عالتعليق
مفقوعه مرارتى من حماتى
صحيح ختامها مسك انتى اللى زى العسل والله على فكره موضيعى كلها مضحكه ومدام ضحكتى يبقى انا حققت هدفى ههههههه مرسى يا قمر عالتعليق الجميل ده

شكرا ليكو كلكو ويا رب اكون عند حسن ظنكوا

nody يقول...

لا نشره ولا احلى
دمك خفيف
بس ماقولتيش على اى قناه

Unknown يقول...

يااااااااااااااااااااااااااااااااه
انا بطلت اسمع تلفزيون ودش من زمان علشان المذيعات الروشين والمذيعين خفيفين الدم.
بس بجد نشرة تنبوئية هايلة ( برافو )

بنت مصريه يقول...

شكرا يا ميدو انت وهيثم ويا رب اكون عند حسن ظنكوا جميعا

مشربية يقول...

اولا بشكرك علي زيرتك للبلوج عندي
ثانيا : انت قلتي كلامي معبر ..... معبر اية بقي مشاء الله عليكي موضوعك جميل جدا جدا جدا
ثالثا : دة تصريح من الريس حقيقي مش انا اللي مقلفة و الله
قبل الاضراب بتاع 6 ابريل يوم 5 ابريل ياعني كانوا جيبين الريس بيتكلم مع مذيعة المهم بتسالة عن ارتفاع الاسعار فا بيقولها ان المواطن برضة مشارك فا قالت لة ازاي فاقال لها ان المواطن لما يروح يشتري حاجة و يلقيها غالية يقاوح مع التاجر.
سؤالي انا بقي انهي تاجر يا محترم و بعدين حضرتك بتتكلم عن بتوع الجمعية ما هما الجمعية دول بتوعك يا حبي ياعني هانقاوح الحكومة طيب ازاي دة انتم غيرتم اللوجو بتاع "الشرطة في خدمة الشعب " الي "الشعب و الشرطة في خدمة الوطن" و الوطن هنا هي الحكومة حضرتك عندك خلط في اوراقك.
متشكر قوي يا انجي و اسف علي التطويل و متشكر تاني مرة علي تعليقك عندي الف مليون شكر

بنت مصريه يقول...

انا مش عارفه اشكرك ازاى يا مشربيه
وانا والله مش بعلق للناس عشان يعلقولى انا بلف عالمدونات والموضوع اللى يستاهل تعليق بعلق عليهقصدى يعنى الموضوع اللى يشدنى
وموضوعك بصراحه على قد ما شدنى حزنى
انت عارف التصريح ده معناه ايه
لو قريت بين السطور هتلاقى التصريح ده يؤدى ختما للصراعات والخناقات
يعنى لازم لو رايح اشترى حاجه ولاقيتها غاليه
اقوم متخانق مع التاجر وازا اصر اطلع مطواه قرن غزال واديله بشله ف وشه
بصراحه حسبى الله ونعم الوكيل

مشربية يقول...

دة مش تصريح دي قلة ادب يا انجي
و اكيد طبعا اذا كان موضوعي شدك 1%
فا تاكدي ان مواضبعك كلها شداني 1000000000000000% بجد و الله مش هظار ولا تثبيت ولا الكلام الفاضي دة
و علي فكرة انت اول واحد تعلق علي موضوع شريف دة اصلا كان اول موضوع ليا في المدونة بس خليتة في الاوخر
و متشكر قوي و امييييييييييييييين
:D

Malk Almasria يقول...

بجد مدونتك غاية فى الجمال بجد بجد هائلة وغاية فى خفة الدم

تحياتى


ملك المصرية

بنت مصريه يقول...

متشكره قوى يا ملك ربنا يكرمك يا رب

صبري سراج يقول...

رغم ان الفكرة نفسها محروقة اوي .. بس اسلوبك اجبرني اني اقراها.. برافو عليكي بجد

ياسر يقول...

بتتزاع امتي دي
والمذيعة دي حلوة
يعني انا فتحت التلفيزيون
بس شكلها نامت عندك الموبايل
بتاعة ارن عليها واقفل ولاا بلااش
لااتتطلع من التليفون محدش
يضمن ظروفة
اللة يكرمك ويرضي عليكي
خففت شوية علي الناس
باسلوبك وكماتك

Gannah يقول...

ادى النشرات و لا بلاش هههههههههههههه
الحمد لله ان الواحد مش هيكون موجود سنة 2090 مش ناقصين فرسة. نسيتى تقوليلنا اخبار العيلة المالكة عندنا هتكون ايه؟؟
تقبلى تحياتى

Empress appy يقول...

ايه موجز الانباء اللى جاى من خرفانى ده هههههههههههههه
لا بجد سكر وانا من كوكب اناشد الفياكن بالامتناع عن الفرجه هههههههههههههههه

Heart Beat يقول...

لا موجز جميل جدا

بس مش كانت تقول على اسم مصمم الازياء بدل ما هي سابت المشاهدين كده من غير ما يعرفوا

حلو خبر هيفاء ... تستاهل
و روبي و صباح ربنا يديهم طولت العمر

اما بقى بطرس غالي الاسم ده مش عايز يحل عننا ابدا

تحياتي

بنت مصريه يقول...

صبرى سراج
انا محروقه يا صبرى طيب صبرك عليا يا صبرى ههههههههه شكرا عالتعليق

ياسر
ربنا يخليك يا ياسر يا رب متشكره قوى عالتعليق الجميل ده


جنه
مرسى عالتعليق يا حبيبتى والله يا جنه انا كنت محضره حاجه عن العيله المالكه بس السيد الوالد ابويا قاللى اتكلمى ف اى حاجه ماعدا العيله المالكه

اسباى
كويس انك ف كوكب تانى يا سباى عشان ماتشوفيش الواكسه اللى احنا فيها شكرا عالتعليق


هارت بيت
ماهى كانت عايزه تقول اسم مصمم الازياء بس لقت انها هتتأخر عالمساج ودى ست وقتها بفلوس شكرا على تعليقك يا قمر

حمادة زيدان يقول...

والله انا دلؤتي برقص من الفرحة
دمك زى العسل بجد
والله موتيني من الضحك
مبسوط اوى اني عرفت مدونتك
وأكيد هاتكون فى المفضلة عندى

بنت الاسلام يقول...

مدونتك رائعة ماشاء الله

وواضح انها نظرة عميقة جدااا نحو

المستقبل

تحيتي لخفة دمك المميزة

غير معرف يقول...

LOL
أجمل حاجة إن الواحد يبدأ يومه بضحكة... شكرا على هالضحكة، اللي بالمناسبة، ممكن أوي تصبح حقيقة...

رصيف نمره خمســــــه يقول...

ههههههههههههههه
ايه ده يابنتى انتى عرفتى الاخبار دى منين اااااه ياسوسة
انتى تحفة شكلك كده والكلام الجامد ده
انا هاجى عندك دايما ان شاء الله

ربنا يوفقك وبعديين فضفضى ياختشى فضفضى
سلام

mregypt7 يقول...

على فكره انا ممكن اجيبلك اللى هايشترى الاهرامات وبصى هانعين ابو الهول حارس عليها
وبالنسبه لمدرب المساج ياريت تكتبيلى اسمه وعنوانه عشان ابقى اروحله فى واحد يناير 2091
اوك ما تنسيش
وياريت اعرف انتى خط ايه انهى شركه فى السبعين شركه اللى شغالين دلوقتى
يالا سلاموووووووووووووووووز
مع خالص تحياتى
الباش مهندس احمد

بنت مصريه يقول...

حماده زيدان
يا عم ارؤس ولا يهمك محدش واخد منها حاجه والف شكر عالتعليق

بنت الاسلام ربنا يخليكى يا حبيبتى ويكرمك دايما يا رب شكرا عالتعليق

هنا وهناك هى اكيد هتصبح حقيقه والحمد لله اننا مش هنبقى عايشين سا عتها لينا وليكو طوله العمر

رصيف نمره خمسه
اتمنى تنورنى دايما وهفضفض ياختى هفضفض

مهندس احمد
هديك كل المعلومات اللى انت عايزها بس بشرط تنورنى دايما
شكرا ليكو كلكو عالتعليقات الحلوه دى

غني يابهيه يقول...

ناسيتى تقولى خبر افتتاح معرض الكتاب الدولى تحت رعاية
السيد / جمال مبارك

بنت مصريه يقول...

كويس انك فكرتنى كنت هاقولها شكرا عالتعليق يا غنى

غراب يقول...

السلام عليكم و رحمة الله و بركاته

لذيذة جدا
و خاصة بتاعات أمين بن لادن دة
و اسرائيل اللي مش عايزة تنسحب من الكوفة بس معتقدش ان ساعتها هيكون لسة عندنا رغيف ....قصدي لقمة عيش

بنت مصريه يقول...

اه والله يا غراب عندك حق
وساعتها الاجيال الجديده هتقول لاهاليها
يعنى ايه عيش يا بابا
ياريت تغير اسم غراب لانى متضايقه قوى وانا بقولك يا غراب
شكرا عالتعليق

mostafa rayan يقول...

حلوة دي
بس تفتكري سنة 2090 هيكون في حد لسة بيسمع نشرات اخبار؟

mostafa rayan يقول...

حلوة دي
بس تفتكري سنة 2090 هيكون في حد لسة بيسمع نشرات اخبار؟

بنت مصريه يقول...

مصطفى الريان
ايه يا مصطفى انت بتسمى دى نشره

أنثى الخيـــــال يقول...

دمكخفيف وعرضك رائع
والله تنفعي تكوني مذيعة

سعدت بقرآئتي لهالموضوع

mohamed يقول...

لا و نسيتي تأولي أحمد محمد علاء مبارك يحيي المصريين بمناسبة عيد الأضحى

hi5