.ازيكو

ازيكوا .......احب ارحب بكل واحد قاعد دلوقتى قدام مدونتى........انا زييى زيكوا كل يوم افتح النت الاقى اخبار مصراوى......عارفينها اللى تفتح النفس للحياه دى .....فجالى اكتئاب ........ايوه ايوه زى اللى عندكو ده بالظبط.....اعمل ايه اعمل ايه.......جاتلى فكره المدونه افضفض بيها معاكو ويارب تعجبكو

الأحد، 13 أبريل 2008

تهييييييس...........من غير بانجو......ولا حشيش

متستغربوش م العنوان قوى كده انت فعلا ممكن تهيس من غير ما تشرب بانجو او حشيش ......شايفه ف عنيكوا نظره فرح مع ابتسامه ان دلت تدل على الهبل أأأأأأأأأأأأصدى الامل ف التهييس من غير ما تدفعوا ولا مليم عايزين تعرفوا ازاى ..........اسمعوا الموقف ده وانتوا هتعرفوا ازاى تهيسوا............اول امبارح شفت حاجه غريبه قوى مش عارفه اضحك عليها ولا اتحسر بصراحه ف الاول ضحكت شويه ولما فكرت لقيت انها حاجه تحزن ماتضحكش صحيح (شر البلية ما يضحك)..........تخيلوا لقيت راجل ف سن الاربعينات ماشى يكلم نفسه _اه والله بيكلم نفسه_ بصراحه فكرت اكلمه بس اتكسفت قولت (خليكى ف حالك يا بت يمكن يحرجك) فكرت ايه اللى يخلى واحد كبير كده يكلم نفسه ف الشارع قدام اللى رايح واللى جاى .........روحت البيت والموضوع لسه ف بالى...........فتحت النت لقيت اخبار مصراوى .........هقولكوا اللى فاكراه منها
انه بعد ازمه انفلوانزا الطيور الجزارين بقوا يدبحوا حمير وكلاب للناس ويبيعوها على انها لحمه بقرى ...الغلاء يزداد والمرتبات هى هى ..ظهور نصاب ف مدينه نصر...بناء مصنع للكيماويات ف دمياط وسط الناس والاهالى .........الخ
تفتكروا اى واحد يسمع الاخبار دى يعمل ايه
انا عرفت الراجل ده كان بيكلم نفسه ليه
وكان بيهيس بيقول ايه
اكيد كان بيسأل نفسه ثلاث اسئله
مييييييييين ............فييييين .........لييييييه
مين اللى رفع الاسعار؟
فين الفلوس اللى هجيب بيها عيش وخيار؟
ليه انا من زمان مافكرتش ف الانتحار؟
عرفتوا بقى ازاى يحصل التهييس من غير بانجو ولا حشيييش

هناك 21 تعليقًا:

صوت من مصر يقول...

مع انه مش جديد بس عارفه انه ممكن ميكلمش نفسه خالص ممكن يمنع فكره انه ياكل كده نهائى هيوفر

بنت مصريه يقول...

صوت من مصر
واضح انك بتهزى بس المشكله ان انا بتكلم جد

بنت مصريه يقول...

صدقنى الناس بقت بتكلم روحها حاجه تحزن بجد

مهندس مصري بيحب مصر يقول...

طيب ما هو ده بقى طبيعي جداً الأيام دي

منهم لله اللي كانوا السبب

بس لو سمحتي شيلي تأكيد الكلمة لأنها بتخنق الواحد
:)

DayDreaming يقول...

ياااااااااه هي دي اول مره تشوفي الموقف ده انا بشوفه كتير جدا بصراحه انا ساعات بكلم نفسي وانا ماشيه في الشارع بصوت عالي
بيتهيألي ده بأه الطبيعي

لنا الله

انا كمان بقولك ياريت تشيلي تأكيد الكلمه

الميكروباص يقول...

ولله ما غريبه ولا حاجه- فيه ناس كتير جدا بتكلم روحها، يمكن لأن مفيش حد هايفهمه أو يقدر اللي هو فيه غير نفسه، أصله لو راح وكلم حد تاني يمكن مش هايسمعه باهتمام، لكن الوحيد اللي هايحس بكلامه هو نفسه فقط، انا ساعات بكلم نفسي- بس مش في الشارع بصراحه- يعني عشان لو حد شافني هايقول عليا اللي هايقوله، ما علينا- ربنا يصلح أحوالنا جميعا

بنت مصريه يقول...

المهندس المصرى
متشكره قوى عالتعليق ويارب اشوف تعليقات منك تانيه على مواضيعى التانيه
وداى دريمينج
احب اشكرك برضو قوى ويا رب يعجبك موضوعاتى اللى جايه
ومن عنيا لاتنين هشيل تأكيد الكلمه انتو تأمروا بس
لورنس العرب
متشكره قوى عالتعليق تعرف انا اول ما قولت لبابا عالموضوع ده قاللى مهو ده الطبيعى دلوقتى للاسف
بس كويس اهو برضو الناس توفر حق البانجو والحشيش

غير معرف يقول...

عارفة يا انجى الموضوع ده كتر اوى فعلا و انا لسة كنت باتكلم عليه مع صحابى و بنضحك يمكن بنضحك علشان لسة مش حاسيين بالمشكلة كلها او مش ماثرة علينا زى ماهى ماثرة على اللى عندة مسؤليات و الله اللى بيحصل ده يبين ان البلد خلاص تيكو

غير معرف يقول...

الموضوع حلو اوى عارفة الغلا ده مع المرتبات الصغيرة اوى اصلا و اللى مش بتزيد اصلا دى مش عايز احلف بس دى طريقة من الطرق الوسخة بتاعت الحكم لييييييييييه
1- خلوا الناس كل كلامها و تفكيرها هيكلوا بس ازاى مفيش فلوس تكفى الاكل العادى حتى ده الناس كل كلامها على العيش هنجيب ازاى هنقف فى الطابور ازاى محدش ليه نفس يشتغل محدش ليه نفس ياكل حتى شللوا دماغ الناس
2- الناس الفقرا اللى بيكلموا نفسهم دول كله بيسرق من التانى و كله بينصب على التانى علشان يعرف يعيش فتحو الطريق للناس الكويسين انهم يلجاوا للحرام علشان يعرفوا يعيشوا .....يعنى بكدة يكونوا خلوا الشعب ميفكرش غير ازاى يعرف ياكل عياله و ازاى يسرق و ينصب على الغلبان اللى بيكلم نفسه زيه ( يعنى الشعب كله بياااااكل فى بعضة طبقة الفقراء بتاكل فى بعضها و هو ده اللى هما عايزينه ) بس و الكبار الواطيييييييييين يلعبوا من غير وجع دماغ دة العيال الصغيره اللى فى المناطق العشوائية كلها بتبيع مخدرات و بودرة و قرف للشباب اللى ابووووووه كفران علشان يديله مصروف يخرج بيه الموضوع كبيييييير مش هاقدر اكتب كده كتير اوى سورى مش باعرف اعلق تعليق صغير و بعدين حضرتك يا انجى بتفتحى ومواضيع ميخلصش الكلام فيها (البلد باظت و ربنا يستر) تيكو اسكندرية

محمد حمدي يقول...

يا انجى فى البلد دى العادى ان الواحد يكلم نفسه . اما الى مش عادى ان الواحد ميكلمش نفسه

طرحك للموضوعات جميل وساخر .. احييكى

ياريتى تشوفى مدونتى

صحفية روشة يقول...

بنت مصرية
مبروك عليكى دخلتى السحب
هنشر البوست ده فى مدونة لوحة شرف
عشان تفهمى التفاصيل ادخلى مدونتى وانتى تفهمى
لو مش عاوزه نذيع مش هنذيع

مشربية يقول...

مصدقك قوي قوي و ممكن التهيس يجي من قلة النوم الناتجة عن التفكير امتي هاصحي الصبح عشان الحق مكان في الميكروباص ولا في محطة الميترو ولا ازاي افضل اخطط اني هاوزع الفلوس بتاعت المترو في الجيب الشمال و فلوس الميكروباص في الجيب اليمين و ادعي انهم مايتلخبطوش علي بعض عشان الفرق بشرب بية شاي علي اي قهوة في ميعاد الراحة من الشغل ..... و و و و و و و ......
لازم يكلم نفسة و خصوصا بعد تصريح الريس في التلفزيون بان المواطن مشارك في غلاء الاسعار "تابعي دة في نشرة الاخبار" موضوعك الاخير في المدونة

بنت مصريه يقول...

مرسى يا صحفيه
ياستى زيعى ولا يهمك
يا محمد يا مشربيه دمك خفيف جدا وربنا يوفقك وتبقى اشهر من صلاح جاهين
ما تقول اميين
انا سعيده جدا انى عرفت ناس محترمين زيكوا
ولو حتى عن طريق النت انا خلاص كان فاضللى يوم واشك ف شباب مصر يعنى ان فى رجاله اصلا

غير معرف يقول...

انتى تجننى يا اوجى ماما

غير معرف يقول...

كلام جميل و اسلوبك اجمل احمد اخوكى

بنت مصريه يقول...

شكرا يا ماما ويا حماده ربنا يخليكوا ليا يا رب انتو وبابا وماما حاجه

عمرو فكرى يقول...

-حديث الرئيس (بوش دبليو دبليو دبليو بوش)
------------

نسيتى دوت كوم :lol:

بنت مصريه يقول...

والله يا عمرو عندك حق نسيت اكتب دوت كوم
خلاص يا عم مشيها نص كم المره دى وخلاص
هههههههههه
شكرا عالتعليق يا عمرو

عمرو فكرى يقول...

هههههههههههههههههههههههههههه
انا علقت على تدوينة فى تدوينة تانية :lol:

لسة واخد بالى انى علقت على تدوينة نشرة اخبار 2090 هنا :lol:


يلا معلش .. اصلى شكلى كنت مهيس من غير بانجو ولا حشيش :lol:

بنت مصريه يقول...

هههههههههههههههههههه
حصل خير يا عممرو صدقتنى بقى ان ممكن يحصل التهييس من غير بانجو ولا حشيش

غير معرف يقول...

انا لاحظت الحكاية دي و انا اجازة في مصر من 6 شهور و كنت متهيالي اني انا اللي مجنون و ان الحكاية دي بقت طبيعية ....
بصراحة .... صعب عليا حال الناس و حال البلد .. و شكلها كده مافيهاش رجوع تاني لمصر حبيبتي.

hi5