ازيكوا يا جماعه .........وحشتونى جدا
اكيد انا كمان وحشتكوا صح.........وقعدتوا تسألوا نفسكو
فين البنت المصريه؟
دا احنا من غيرها خيبتنا قويه
غابت عننا فجأه من غير حتى تحيه
مش كنتوا بتقولوا كده ولا ايه.........ايه متنحين ليه.........كنتوا بتقولوا كده وللا لأ
عموما انا هضحك على نفسى واصدق انكو كنتوا بتقولوا كده....يعنى عشان مبطحكوش
واكيد طبعا عايزين تعرفوا انا كنت فيين..........بس قبل ما اقوللكوا هحكيلكو على حاجه
كان زمان فيه واحد ف الموالد اسمه(الحاوى) ........كان الراجل ده يجيب 3 ورقات كوتشينه
فيهم صوره بنت...ويقلبهم على ضهرهم ويحركهم بشكل عشوائى......ويبتدى يسأل الناس اللى حواليه
فين صوره البنت؟
من قواعد اللعبه لو حد من اللى واقفين جاوب صح (الحاوى) يديله فلوس
ولو واحد جاوب واجابته كانت غلط هو اللى يدى (الحاوى) فلوس (وده هوالمطلوب)
عشان (الحاوى) ياخد فلوس من الناس وميخسرش حاجه
بيعمل حيله معينه
يعنى .....يظهر للناس ف الاول صوره البنت
وببعض الحركات اليدويه السريعه يخبى صوره البنت........تحت طقيته........ف جيبه .......ف كمه
ويبدلها بأى رقم تانى
وبكده عمر ما حد هيطلع البنت
و(الحاوى) هيلم على قلبه قد كده من الناس
اكيد دلوقتى بتقولو عليا هبله....واكيد بتقولوا ايه اللى جاب غيابها عن البلوج( للحاوى) والكوتشينه والبنت والهبل ده؟
معلش استحملونى انا زى امكوا برضه
اقولكوا بقى انا كنت فين
من 3 شهورلقيت ناس ف العماره مشتركين ف النت........وفيه واحد اسمه(الحج فلان)
هههههه قال حج قال.......مدى للناس وصلات نت والواصله ب200 جنيه
اتفقنا انا وزوجى على اننا فى حاجه لهذا المدعو(نت) .......وقمنا بالاتصال بالحج
جه الحج وركب الواصله.....ولهف ال200 جنيه....(الهى ما يوعى يصرفهم)
المشكله بقى ان النت فصل من اسبوعين وفضل فاصل واحنا مش عارفين فيه ايه
(والحج علان ) اختفى لا بقى يرد على تليفونات وقافل مكتبه ومستكنيص (نايم يعنى) ف بيتهم
كده اى ذكى يفهم ان احنا اتضحك علينا
يومين ولقينا خبط عالباب فتحنا لقينا شاب محترم بيقول
(انتو كنتوا مشتركين مع فلان ف النت....احب اقولكوا ان فلان ده نصاب..بعلكو وصلات ب200 جنيه وباعكو ليا _على اساس اننا بكوات شاى_ الواحد ب40جنيه.........بس اطمنوا انا خدمتى هتكون متميزه.....
نأسف للازعاج)
ساعتها بس عرفت ان فيه تطور ف كل حاجه
يعنى بعد ما (الحاوى) زمان كان بيقول فين البت؟ .......
الحاوى دلوقتى بيقول فين النت؟......
وعجبى
الاشتراك في:
تعليقات الرسالة (Atom)
هناك 53 تعليقًا:
السلام عليكم ورحمه الله وبركاته
هههههههههههههههه
ربنا يكرمك يارب
سيبك انتى المهم حمدا لله على سلامتك ومادمتى رجعتى تكتبى يبقوا شكلكوا وافقتم على البيعه واشتركتم معه تمام؟
ربنا يوفقك يارب
وهنتظر كتاباتك بجد تانى
والسلام عليكم ورحمه الله وبركاته
اخوك
د/احمد جمال
شكرا يا استاذ احمد
والله يسلمك يا رب
واتمنى انك تشرفنى تانى
هههههههههههههه
امال بس استشاريه نفسيه
وبفهمها وهي طايره
ومن كلمتين بس معاك افهم انت ايه وعايز ايه
دا انتي طلعتي بيتنصب عليكي اهوه زينا يعني
بس والله وما ليكي عليا يمين سعيد جدا بعودتك وبرجوع النت ليكي
انا مش هزعل لو النت فصل من عندي أد زعلي لو اتنصب عليكي تاني واتفصل من عندك تاني
اتمني اسمع عنك كل خير دايما
وبأمانه مدونتك تحفه واحب مدونه لقلبي هي وصاحبتها اللي دمها زي العسل
خالص تحياتي ويارب اسمع عنك كل خير دائما
هو طبعا كان ليكي وحشة منقدرش ننكر واحمدي ربنا انها جت على قد 200 جنيه وان شاء الله تنتظمي في الكتابة تاني
تحياتي
شكرا على تعليقك يا هيرو
وربنا يخليك وتنورنى دايما
السلام عليكم ورحمة الله
الحمد لله ان انا جيت يوم ما انتى رجعت بالسلامة والا كان زمانى عمالة اعييييييييييط لما اجيب لحم عينينا(وما تسألينيش يعنى ايه انا باسمعها كده)المهم حمد الله على السلامة
وخللى بالك ياما حيحصل ,زى كده , طالما ان العزيز الغالى(النت) عرف الطريق اليكى
خللى بالك
نحن السابقون
وانتى شكلك محصلنا على السريع
والسلام عليكم مرة تانية.
حمد الله علي السلامه
وتعيشي وتخدي غيرها
بس حالياالشعب المصري بياكل في بعض وربنا يستر
معلش يعنى لو فيها غلاسه فى السؤال يا بنوته
انتى ماروحتيش ليه على طول للمنبع يعنى لينك دوت نت و ال د س ل و كده
سفينه
اه يا اخويا بفهمها وهى طايره
عندك مانع
واذا كان اتنصب عليا فكل قاعده وليها استثناءات هههههههههههه
وانتو والله كلكو وحشينى
نورهاتى
معأنى مش فاهمه بعض كلامك بس اشكرك عالتعليق واتمنى تنورينى دايما
كريم مصطفى احمد فراج
الله يسلمك
وشكرا على تعليقك
على فكره انا بحاول اعلقلك ومش لاقيه
تعليق
واحده مفروسه
ازيك يا قمر
وبالنسبه لاستفسارك
اهو اللى لقيته قريب وباشتراك شهرى رخيص
بدل ما اتحمل تكلفه روتر وسويتش لوحدى
شكرا على تعليقك
ربنا يرحمنا من اللي بيحصل في بلادنا
صحيح هي مصر لسة بلدنا ؟
انا جيتلك وسايب امتحاناتى عشان انتى بس غاليه عندى اوى
وبلا اى تحيز ولا بكش
انتى التوب فى الكتابه للمدونات
فانا لا استطيع ان اتاخر عنك فى الرد
نيجى لموضوعنا اللى سيادتك كاتباه
بقى فى فى الزمن ده مصرى بينضحك عليه ويتنصب عليه وياريته اى واحد دى اخصائيه نفسيه تزعم انها تعرف الشخص الذى امامها وتقراه وتفهمه بالبلدى يعنى هههههههههههه
معلش يا بنت يا مصريه تعيشى وما تخديش غيرها
نيجى للحاوى ده انتى زى ما تكونى فاهمه كل حاجه هو كان بيعملها
انا شاكك فيكى انتى كنتى بتسرحى معاه ولا ايه
وتقولى قرب وتعالى وبص واللى هايطلع المزه
هاطلع عين اللى خلفوه
بعد كده ابقى خدى بالك
بصى فى عرض حيلو اوى هاعرضه عليكى
ممكن اوصلك النت وبخدمه مميزه وب 400 جنيه فى الشهر بس النت بتاعنا غير الغير
بيتكلم وبيحمل لواحده ويقولك على مين اللى نصب عليكى
ولا اقولك بصى هابيعلك محطه مصر
ولا اقولك هابيعلك العتبه
ولا اقولك تاخدى سيجاره
وفى الختام احب اقدم لك كلمه شكر على كل ما تكتبيه
فكعادتك تبدعى ومن ثم تتالقى وببوستاتك تتعملقى وتتفوقى
مع خالص تحياتى
الباش مهندس بوحميد المزنوق فى موسم الامتحانات
مصطفى الريان
والله ما اعرف يا مصطفى اذا كانت لسه بلدنا ولا لأ
شكرا عالتعليق ونورنى دايما
باشمهندس بوحميد
يا هلا يا مرجبا بوحميد هل علينا
وبرغم امتحاناته طل علينا قيموا الافراح ودجوا الطبول
رمضان جانا
اولا يا سى بوحميد الاستشاريه النفسيه دى مش مصنوعه م الفولاز
يعنى مش هبص ف عين الراجل اعرف انه نصاب
ولونى كنت شكه فيه دا حتى قال اى بعد ما شكيت فيه هههههههه
ثانيا
انت بقى افتكرتنى هبله
وبتعرض عليا عرض للاغبياء فقط
عرض ايه دا اللى هيبعلى محطه مصر
نورتنى يا بشمهندس والله
وعلى فكره انت من احسن واجمل المدونين بجد والله ومتتصورش بفرح قد ايه لما بتعلقللى
بس بقولك ايه دى ايام امتحانات
متفتحش النت بحجه انك تعلقلى
والطوبه تيجى ف ماده وللا حاجه
بعد الشر وتقول منها لله بنت مصريه هيه السبب
ههههههههههههههه
يللا سلام وربنا يوفقك يااااااااا
رب
قول امين
حتى النصب ف الوصلات...ربنا يستر على باقى الحاجات.
الواحد مبيتعلمش ببلاش !
---
عامة ..
الحاوي موجود في كل حاجة ..
الواحد لو غمض عنيه اليومين دول ، بيفتح يعد صوابعه بعدها ..
كريم
اه والله يا كريم
النصب بقى ف كل حته
مرسى على مرورك
ويارب تنورنى دايما
خبيب
عندك حق والله يا خبيب
ربنا يكفينا شر الحاوى
واللى بيعمله الحاوى
شكرا على تشريفك ليا
السلام عليكم
حمد الله على سلامتك يا احلى بنوته
اللي حصل ده تطور طبيعي
حتى الحراميه عايزين يستفيدوا من التكنولوجيا الحديثة
بوست دمه خفيف قوي
وطبعا وحشتينا
تحياتي
وصلة النت ب 200 جنيه؟
ده في السنه ؟
عارفه
انا الواد اللي انا واخد منه صلة النت رفع السعر وخلاه 50 جنيه شهري لأن السرعه أصبحت جيجا
المهم
بعد ما رفع السرعه من هنا- السنترال باظ- والنت بقى زباله- وياعيني ملحقتش اتهنى بيه
ولما سألته وقلت له ايه الحكايه ياعم- قالي المشكله في السنترال هو السبب
واديني منتظر لما السنترال يحل المشكله
عسى أمن يكون الحل قريبا
...
لا توهمي نفسك بأننا كنا بنسأل عليكي
تأكدي من اننا كنا بنسأل
وانا أقول المدام اختفت فين
يالا حمدا لله على سلامة الوصول
معلشي يا بنتي اللي اخد منك الفيل قصدي النت... قادر يرجعهولك تاني ..... دي من فيلم طاقية الاخفا اصل الراجل نصب عليكوا علي طريقة توفيق الدقن أه.... ويللا
شكرا علي تشريفك الغالي لمدونتي وبجد اسلوبك ساخر ومميز وعود احمد طبعا هتسألي احمد مين .... مش هقولك احسن يطلع اللي نصب عليكوا اسمه الحاج احمد
واسمحيلي اتابع مدونتك ... او متسمحيش ماهو مش بمزاجك اصلا .... هتابعك يعني هتابعك
امل
الله يسلمك يا قمر وربنا يخليكى
يا رب وتنورينى دايما
لورنس العرب
بقوللك ايه حرص م اللى انت واخد منه الواصله دا ممكن السنترال يبقى تمام وهو اللى بيستهبل
اه مهو اللى اتلسع م الشربه بينفخ ف الزبادى
مرسى على تشريفك
ميس سوسه
ههههههههههههه
تابعى ياختى تابعى هتابعى المله يعنى
ههههههههههه
شكرا لتشريفك يا قمر
ههههههههههههههههههههههههههههههههههههههههههههههههههههه
والله ضحكتينى من قلبى
ربنا يكرمك
ويعزك
ودايما تدخلى السرور
وحشتينا
وكل نصبة وانتى بخير
اهم حاجة الصحة
دمت بخير يارب دايما
هههههههههههههه
200 جنيه حته واحدة
انا اسفة انى ماسألتش عنك اوعدك المرة الجاية ابقى متباعكى دايما
والمرة الجاية من غير مايتنصب عليك هه؟
كل التحية يا ست الكل
كمبيوتر بلا نت...
إنسان بلا مخ..
دام سؤالك عنى غاليتى..
وشرفينى لترى الجديد
ههههههههههههههههههههههههههههههههه
انتى شكلك مشكلة
عارفة
انا برضه مشترك مع ناس فقر ومنهم واحد نصاب انا طردته والله ضحك على واحد مشترك معانا فى خمسين جنيه
وواحد تانى فى عشرين جنيه جه يستعبط عليا
رمتله سلكه
فى ناس كدة
كتير للاسف
السلام عليكم
انا اولاااااا اسف جدااااااا على تاخي الرد
ثانيا
فعلااااااااا فينك من زمان وحمدالله على السلااااااامه
ثالثا
الحاوى دا فى كل مكان وعندنا بردوا
بس اوعى تكونى ادتيه الفلوس حاسبيه الاول على النص شهر الفات
انا لو فصل النت عندى يوم ينهااااااار
يلا المهم حمدالله على سلامتك تانى مره
بنت مصرية
كل الهيصه دى علشان 200 جنيه !!
حكم
دى مصر كلها حواه .. ومن شابه رئيسه
ما ظلم حاوى كبير وحواه صغار
انا معنتش هتكلم اصل باين هعك
حسيت بمأساتك اوى
بس انتى اسلوبك ساخر ومميز بجد
ضحكتينى كتير فعلا
وكله كوم وحبستى هنا فى مدونتك كوووووووووووم هههههههههههههههههههه
الجو عندك تحفه بجد
حمد الله على سلامتك
والحمد لله ان مشكلتك مع النت اتحلت
بعد اذنك انا هتابع كتاباتك :)
هو مكنش بيقول جلا جلا خالص لنه مكنش بيلحق يقول من السرعه الخرافيه اللى بيوزع بيها الثلاث ورقات
كمان كان بيقول فين السنيوره
شيماء سمير
مرسى يا قمر عالدعوات الحلوه دى
نورتى البلوج واتمنى تنورينى دايما
لعلهل خير
ربنا يخليكى ومتنسينيش خالص
وتنورينى دايما
واحد م البلد دى
عندك حق والله ولا شكر على واجب
دا واجب انى اسأل على زمايلى البلوجريه
وانى يشرفنى انى ازورك
عود احمد
مدحت
ههههههههه
الحمد لله يا مدحت ان فيه ناس تانيه غيرى اتنصب عليها مش انا بس
احنا نعمل انا وانت حامله
لخزؤقه النصابين ايه رأيك
ههههههههههههههه
ابو حنفى
يا عم متتأسفش احنا اخوات
بس اختك بقى ادته الشهر كله
ههههههههههههه
اتمنى تنورنى دايما
استاذ حسن محمد توفيق
هههههههههههههه
اه يا استاذ حسن الهيصه دى عشان 200 جنيه
يا عم احنا شباب ولسا بدئين حياتنا
شكلك كده هتودينى معاك ف داهيه
ههههههههههههههههه
اتمنى تنورنى دايما
امل
اول مره تنورينى يا قمر
واتحبسى ياختى اتحبسى ولا يهمك
اجيبلك عيش وحلاوه
وايه اسمحلك دى يابنتى داانا بتنشأ
على زبون
ههههههههههههه
شرف ليا انك تنورينى دايما
ههههههههههه الموضوع دا جميل اوى..
على فكرة انا اول مرة ازور المدونة دى ..افكارها جديدة ..اتمنى نشوف مواضيع اكتر ...
محمد عبد الغفار
فينك من زمان يا راجل
ههههههههههههه
انت بتعلق على حاجات غريبه سايب الموضوع الاساسى وبتتكلم ف فرعيات
بس احب اقولك وجهه نظرى
وجهه نظرى من جلا جلا جلا
كعنوان للبوست عشان الناس تعرف انى هتكلم عن الحاوى
قولت فين البت بدل ما اقول فين السنيوره
عشان يكون ف العنوان نوع من القافيه
بين
(البت والنت)
والمفروض ان دى حاجه المفروض تفهمها من غير ما اقول يعنى
هههههههههههههههه
عموما شكرا عالتعليق ومتبقاش تتأخر علينا تانى
ماتريكس
ربنا يكرمك يا رب واتمنى تشوف مواضيعى اللى فاتت
هتعجبك اكتر
واحييك على اختيار اسم ماتريكس اصلى بحب الفيلم دا قوى
هههههههههههه
اتمنى تنورنى دايما
السلام عليكم ورحمه الله وبركاته
بجد انتى شخصيه جميله جدا ولذيذه جدا وزى العسل
انا حبيتك لله فلله من غير ما اشوفك حسه كانى قعده معاكى وزعلت لما قولتى حكايه النت دى لانك فعلا مدونتك بتخفف عنى احيانا
احلى حاجه عجبانى فيكى اسلوبك التلقائى بتكتبى بتلقائيه جميله جدا ودا الى شدنى للاسلوبك
بتمناللك كل توفيق
تقبل مرورى
نرمو
شكرا على التعليق فى مدونتى وانا بجد بقيت خلاص زائر دائم اذا سمحتى لى ..وانت بجد افكار مواضيعك جديدة ولزيزة اوى
شكرا لحضرتك
غيرمعروف نرمو
انا سعيده قوى بتعليقك ده
ووالله انا بعرف بتعليق الناس
اللى مش معروفين او اللى مش مدونين اكتر من تعليق المدونين
اتمنى تنورينى دايما
وتبقى صديقه دائمه لى
وربنا يكرمك يا رب
ويجازيكى كل خير عالكلام الحلو اللى انتى
بتقوليه دا
ماتريكس
يا عم ايه اللى بتقوله دا
لا شكر على واجب
مدونتك فعلا رائعه وجديده
وانا يشرفنى
انك تكون زائر ليا
واتمنى تنورنى دايما
اولاا
حمد الله على السلامة
وبعدين ازى بقلى فترة مش بجى عنط طيب بصى كدة من اول بوست عرفتك بتاع شم النسيم لحد الان دة انا كمان كل شوى انط عندك وايال عليكى ى دى بقى انا عايز حقى ماليش دعوة
فى حكاية انى نسيت اقول ليكى على خفل الافتتاح دى معاكى حق فيها
----.
الحاوى موجود فى كل وقت مع اختلاف الشكل والصورة وبعدين تاجرى نت 200 جنية لية تعالى عندى واديكى الخط 30 جنية بس ههههههه
خلى بالك بعد كدة
تحياتى
طب والله العظيم انا بقالي كام يوم باقول هي البنت دي اختفت ليه
لكن انتو اصلا غلطانين
ميتين جنيه ايه؟؟؟
ليه يعني
وحتى اربعين جنيه كتير يابنتي
ده انتي تبقي مشتركه لوحدك وتدفعي في الشهر خمسه وتسعين جنيه وسرعه زي الفل
وفكرتيني بالكلمه بتاعة هنيدي .. الحاج صاحب البيت .. بس ده .. الحاج صاحب النت
ماتختفيش كده ياستي تاني
سلاموووووووووز
بالنسبة للمتين جنيه والله يرحمهم ومع الأبرار والشهداء فى الجنة
المهم خدى بالك احسن اللى اتبعتوا ليه يطلع من اعضاء فريق السحرة
ويجى كمان اسبوعين واحد يقولكوا انتوا اتبعتوا ليا ب 10 جنيه
ياسلاااااااااام
مدونه جميله
بوست رائع
تقبل تحياتى :
ROONEY
تامر
شكرا على تعليقك يا تامر وبعد كده اى حاجه للمدونين تعرفها ابقى قوللى عليها
مش عايزين نبتديها نداله
سووووووووووو
والله ليك وحشه يابن الايه
اهو الللى حصل بقى يا سووو اندبينه وخلاص
انا فرحانه قوى انك نورتنى
ويارب دايما
استراحه محمد
والله عندك حق يا محمد
هههههههههههههه
بس ساعتها بقى مش هيخرج من تحت ايدى عايش
هههههههههههه
شكرا لحضورك
اسامه
ربنا يخليك يا رب وتنورنى دايما
شكرا ياجميل على اضافتك الجميلة
اللي حسستني بنوع الامل والتفائل
رغم اني كرهت الحياة
ونفسي اللي بحبها تحس بية
انا قرائت انك بتحلي المشاكل النفسية
ممكن القي حل لمشكلتي عندك
لو مش يضايقك ممكن ترسلي لي ايميلك
لو مش عاوزة بلاش
ياااااااااااة انا وصلت متاخر اوى
بجد سعدت بتعليقك
وانا اهو نفزت
وجيت اعلق عندك
سعدت بيكى وبجد يارب ما تكونش اخر زيارة
تقبلى تحياتى
اسير الجراح
weka_weka49
لو حبيتى تكلمينى انا موجود
بنت مصرية
اكيد اخترتى الاسم دة لان فيكى من خفة دم المصريات كتير
ومن جمال روحهم
استمتعت بالبوست الرائع
وسعيد بتواجدى هنا
واتمنى ان تتواصلى معى بمدونتى المتواضعة
ودمتى بحفظ الله
هههههههههههههههههه
تصدقي انك سكرة
حلو جدا جدا البوست ده
نورتي مدونتي ويا رب متكونش الاخيرة
مي
هههههههههههههههه
حصلت معايا اول مرة وبعد كدة فهمت لعبة الحاوى كويس اوى
وعملت نت لوحدى وبمزاجى
يارب تعدلى النت بقى عشان يبقى الحاجة العدلة اللى فى حياتنا الا كلة اتعوج
ربنا يستر
تحياتى وتقديرى
هههههههههههه
كويس انة كشف قبل المزيد من النصب والاحتيال
تحياتى
السلام عليكم
حركة طبيعية ...إحنا شعب دهن الهوا دوكو
بس برضة مفروض تسئلي وتعرفي الأسعار قبل ما تدفعي الفلوس وإعلانات النت مالية الجرايد
ولو إن الواحد مش بيتعلم بلاش
ههههههههههههههههههههههههههههههههه
لأ بجد جامده الحكايه دى
ولسه ياما هنشووووووووووف
انتو كنتوا مشتركين مع فلان ف النت....احب اقولكوا ان فلان ده نصاب..بعلكو وصلات ب200 جنيه وباعكو ليا _على اساس اننا بكوات شاى_ الواحد ب40جنيه.........بس اطمنوا انا خدمتى هتكون متميزه.....
نأسف للازعاج)
------------------------
عالى اوى الافية دة بجد...
200 جنية فى السنة...
الشعب دة تحفة..
ربنا يكرمك بجد
والف حمدالله على السلامة
ههههههههههههه
حمدالله علي السلامه
بس 200 كتير دانتي لو اشتركتي في الدي اس ال هتدفعي بس 90 جنية وهيبقي النت لوحدك
عموما منوره من تاني بس مقولتيش انتي اشتركتي مع مين دلوقتي وايه اخبار النت
يعني مش تغيبي عنا تاني
تحياتي
امير الجراح
انا اسعد والله بتشريفك
بس معرفتش تعليقك عالبوست
طارق الغنام
دا بس من كتر زوقك
ربنا يخليك يا رب واتمنى تنورنى دايما
مدينه الملائكه دا انتى اللى عسل يا مى والله
واتمنى اشوف اسمك كتيير ف مدونتى
فيس مون
عندك حق والله كله اتعوج
شكرا عالتعليق واتمنى تنورنى دايما
هند
ازيك يا قمر فينك من زمان
اتمنى متهجرينيش تانى
انا من كنت محتاج
والله سألت
بس على رأيك الواحد مبيتعلمش ببلاش
خصوصا ف البلد دى
شكرا عالتعليق
بوترفلاى
دا انتى اللى جامده يا قمر
فينك من زمان
اتمنى تنورينى دايما
الجزالى
الله يسلمك
بس انا مقولتش 200 جنيه ف السنه
عموما ربنا يكرمك انت واتمنى اشوفك دايما
بنوته مصريه
ازيك يا قمر عامله ايه
لا اطمنى النت تمام دلوقتى
ربنا يستر
شكرا ليكى يا قمر
هل عاد الاختفاء من جديد؟؟؟
يا عزيزتى الله يكرمك روحى هاتى خط نت من شركة بدل الوصلات الغريبه دى انتم لو جمعتوا كل المبالغ اللي اتنصب عليكم فيها كان زمانكم ركبتوا نت من شركة ههههههههه وابقى قسميه على ناس برضوا عادى كلنا بنعمل كدا هههههههههه بس يبقى مكان مضمون وخلاص
وحمدالله على سلامتك برغم انها متأخره شوية بس متمناش تغيبى تانى لأنى هكون مقيمه في المدونه بتاعتك بقى خلاص
إرسال تعليق