.ازيكو

ازيكوا .......احب ارحب بكل واحد قاعد دلوقتى قدام مدونتى........انا زييى زيكوا كل يوم افتح النت الاقى اخبار مصراوى......عارفينها اللى تفتح النفس للحياه دى .....فجالى اكتئاب ........ايوه ايوه زى اللى عندكو ده بالظبط.....اعمل ايه اعمل ايه.......جاتلى فكره المدونه افضفض بيها معاكو ويارب تعجبكو

الثلاثاء، 28 أكتوبر، 2008

احذر..معلمك فى يده فتيلا........كاد التلميذ ان يكون قتيلا

طبعا يا جماعه انتو عارفين المصيبه اللى حصلت امبارح ...........ففى محافظه الاسكندريه ضرب مدرس الرياضيات تلميذه
(اسلام عمرو بدر).......لعدم ادائه الواجب المدرسى .....ضربه حتى الموت

دى رساله _من خيالى _.....كتبها اسلام يوم وفاته

اشرقت شمس يوم جديد
استيقظت من نومى وانا مستبشرا سعيد...............ولا اعرف لماذا كنت سعيد
تناولت فطورى مع ابى وامى واخواتى .....واسرعت لاذهب الى مدرستى
القيت التحيه على امى وابى .........وانا لازلت مبتسما سعيدا

ولكن بسرعه اوقفنى ابى وقال لى :لاتنسى يا بنى ..قف للمعلم وفه التبجيلا .......كاد المعلم ان يكون رسولا
ابتسمت له ابتسامه بها شىء من الخوف.....وظللت افكر وانا فى طريقى الى المدرسه
واسأل نفسى
(ماذا سيفعل معلمى عندما يعلم انى لم اؤدى واجبى ؟؟؟؟؟؟) ....
(هل سيغضب منى ؟؟؟؟؟؟؟؟؟؟) لا اريده ان يغضب منى ...فأنا احبه
(هل سيضربنى؟؟؟؟؟؟؟؟؟؟؟؟) لا لا لا ...لا اعتقد اكيد سيعذرنى ويسامحنى

وصلت الى المدرسه وانا لازلت مبتسما سعيدا ....القيت على زملائى التحيه فانا احبهم واحب المعلمين حبا شديدا
يقولون ها هو اسلام المسالم ..........فلم اكن عمرى عنيدا

لمحت معلمى يأتى من بعيد .....وقد علم انى لم اؤدى واجبى
ولمحت زملائى يسبقونه ويجرون نحوى وهم يقولون:
احذر معلمك فى يده فتيلا...........كدت يا اسلام ان تكون قتيلا

رنت كلماتهم فى اذنى .....انها مثل كلمات ابى .........ولكن ابى قال ان معلمى رسولا

ووجدت معلمى يأتى الى مسرعا ....والشر يخرج من عينيه متسارعا نحوى
وقبل ان انطق بكلمه ضربنى ضربه.... اوقعتنى صريعا

لا تحزنى يا امى ...ولا تحزن يا ابى .........لقد اخطأت ولم اؤدى واجبى ....وادى معلمى واجبه وقتلنى
وسيحكم بيننا خالق الخلق فى يوم عظيم .....نعم انه يوم الدين

تسألنى نفسى بأى ذنب قتلت؟؟؟ ......هل لانى فى دراستى اصرت
وهل هذا ذنب اقتل من اجله يا بشر ..............ام هذه دنياكم ولا مفر

لقد غادرت غابتكم..... وتركتكم ....تقتلون ولا تسألون............تسرقون ولا تحاسبون .........تعذبون ولا ترحمون
لهذا انا مبتسما سعيد

لا تحزن يا ابى .............. لاتحزنى يا امى
ها هو مكانى ف الجنه ...................وها هم الملائكه يستقبلونى بوجوه مستبشره

واسمع صوت خالق الخلق اجمعين...........يقول لى : سأنصرك ولو بعد حين


ان هذا حقا يوم عيد .......والان عرفت لماذا كنت مبتسما سعيد


اسلام عمرو


رحمك الله يا اسلام

هناك 89 تعليقًا:

عاشقة القمر يقول...

والله سمعت مستغرب اوي هو استاذ داه ا مش عندو احساس
بعادين لم ابواه لم بحكي عن ضرب داه لوحيوان مش ضرب هاك
رساله والله حزنيه قف للمعلم وفه التبجيلا .......كاد المعلم ان يكون رسولا
والله داه زمان كان استاذ هكذا ام لا استاذ بقي مش عندوا قيمه
عارفه هنا بضربه بصوت حميار والله
تلقي اسجيربعوا

عاشقة القمر يقول...

جيب اربعه والد يسمك طالب يضرب علي ظهر شفتي قسوة دي

بنت مصريه يقول...

مرسى لتعليقك يا عاشقه القمر
لنا الله يا بنتى

لورنس العرب يقول...

ولله انا الحقيقه مش عارف أعلق أقول ايه على الموضوع ده
انا ليا اختي وزوجها مدرسين وبيشكوا دائما من قلة الادب بتاعة العيال
واختي دائما بتقولي وتؤكد لي ان العيال سفله
لكن الموضوع لم يصل لدرجها لقتل
عارفه لو كان عمل كده مع واد في ثانوي؟
كنت قلت ماشي ضربه عشان الواد قل ادبه عليه
لكن العجيب ان ده طفل صغير لسه لم يصل لمستوى العيال الاكبر منه يعني ملوش في حاجه
لا نملك إلا قول حسبنا الله ونعم الوكيل

الرومـيصاء يقول...

انا امى لسه حكيالى الخبر ده
امس وبصراحه انا اصبت بالذهول وقعدت
ربع ساعه مبلمه بجد
مكنتش عارفه اقول ايه
ربنا يعفينا يارب وصبر اهله

وتكون اخر المرات لان الواحد مش متخيل نفسه فى موقف ذى ده مجرد التفكير فيه بس
الواحد بيحس ان قلبه هيقف
اللهم ارزق اهله الصبر

ودمتى بحفظ الله

australia يقول...

استاء أسفا على ما سمعت وعلى مايحدث وما حدث ولكن انتي قد نوهتي إليها وقلتي له الجنة نعم ندعوا الله أن تكون له الجنة ويلهم أهله الصبر .
لا أعلم إلى متى سيظل هكذا في مصر والله لا أدري ........؟
طالب تزهق روحه لانه لم يكتب واجبة .
إن لله وانا إليه راجعون .

Geo Amr يقول...

انا لسه سامع الموضوع دة امبارح وبجد حاجة مؤسفة جداااااااا وربنا يصبر اهل الطالب وان لله وإنا اليه راجعون وموضوع التعليم فى مصر اصبح فاشل
واتمنى زيارة حضرتك لمدونتى

مفكر يقول...

لاحول ولا قوة إلا بالله...
العيب فين؟؟المدرس اصلاً مترباش من الأساس صح علشان يعرف يربي التلاميذ...
لا حول ولا قوة إلا بالله...والله أنا كدت ابكي من كلماتك..

تقبلي مروري...

romansy يقول...

الله يرحمه يارب ويسكنه فسيح جناته
رسالتك مؤثره قوى
ورقيقه قوى
وكلامها معبر
فعلا احنا عرفنا اسلام ليه كان مستبشر سعيد
وكمان ليه هو اسلام المسالم

Son of Egypt يقول...

السلام عليكم إنجى

سمعت عن الموضوع ده عن طلايق والدتى اعزها الله
هو بتقولى انبارح حصل كذا وكذا
وهى مستاءه جد وتخاف على اخى من يفعل فعله مثل هذه لأنه مدرس ومدرس رياضيات ايضا

المهم انا عايز اقول رحم الله اسلام ولكن هو مضى عمره ولكن لا اعتقد ان الأستاذ ضربه حتى الموت وانما هناك عدم قصد منه للوصول بالولد للوفاه
عموما انا مش معاه طبعا فى اللى عمله وكمان مش هقولك التعليم من غير ترهيب احسن لالالا ولكن لابد من ان يكون هناك ترغيب اولا ثم يأتى من بعده الترهيب
ومنتظر العداله تنزل على هذا الأستاذ لو كان يقصد الإيذاء بحق فأنا اول المطالبين بوقوفه امام فضيلة المفتى
وان كان بدون قصد فليأخذ معه القانون ما يأخذ

تقبلى تحياتى
ورحم الله هذا الطفل البرئ الذى لا ذنب له سوى تكاسله عنةعمل الواجب
إلى الجنه يا إسلام
دمتى بكل خير واسف للإطاله

ضد التيار يقول...

اول امبارح معلم ضرب ولد وسقطه عشان موافقش يروح يمسح شقته

امبارح معلم ضرب ولد حتى الموت عشان الواجب

و بكره ياترى المعلم هايضرب الولد ليه ؟؟؟؟؟؟؟؟؟؟

بنت مصريه يقول...

لورنس العرب
نعم اسلام كان طفل وهذا مصير الاطفال فى هذه المنظومه التعليميه الفاشله
شكرا لتعليقك يا لورنس واتمنى تنورنى دايما

الروميصاء
امين يا رب العالمين
ارحمه وارزق اهله الصبر والسلوان يا الله
شكرا على تعليقك
واتمنى تنورينى دايما

استراليا
انا لله وانا اليه راجعون
احسن كلمه تتقال على اسلام

وحسبى الله ونعم الوكيل
احسن كلمه تتقال عالمدرس وكل من يقصر فى عمله ويتسبب فى كارثه
شكرا لتعليقك واتمنى تنورنى دايما

جيو عمرو
هذا ليس تعليم اصلا يا عمرو
لنا الله
شكرا لتعليقك ويشرفنى انى ازور مدونتك

بنت مصريه يقول...

مفكر
نعم يا مفكر فاقد الشىء لا يعطيه
حسبى الله ونعم الوكيل
شكرا لتعليقك واتمنى تنورنى دايما

رومانسى
انا لم اكتب سوى الذى اشعر به
نعم يجب ان يكون اسلام مستبشرا سعيدا
ونظل نحن فى هذه الدنيا الغريبه
هذه من علامات يوم القيامه
شكرا لتعليقك واتمنى تنورنى دايما

سون اوف ايجيبت
فيه وسائل اخرى كتير للترهيب غير الضرف
واذا ضاقت به السبل ولم يجد المدرس غير الضرب
فهل يضربه على صدره بالبوكس
هل هذا هو مفهوم الضرب ف المدارس

اكيد لم يقصد المدرس قتله لذلك حكم عليه بالسجن سبع سنوات
وان كان يقصد قتله فان الاعدام قليل عليه

مرسى لتعليقك واتمنى تنورنى دايما

ضد التيار
مش لازم يكون فيه سبب بكره
هيدخل المعلم بكره يقتله بتاع 5 تلاميذ
عشان متضايق شويه عادى
مرسى على تعليقك واتمنى تنورينى دايما

WhItE HeArT يقول...

رحمة الله عليه

بجد انا من ساعة ماعرفت الموضوع ده وانا مش قادر اتلم على اعصابي ونفسي لو اقتل انا المدرس ده بإيدي

لكن نقول ايه لا حول ولا قوة الا بالله وفعلا ربنا هيحكم بينهم يوم الدين


تحياتي

لؤلؤة الرحمن يقول...

السلام عليكم ورحمه الله وبركاته
-------------------------------
انا لله وان اليه راجعون

من علامات يوم القيامة

كثرة القتل ( ان بين يدي الساعة لأياما ينزل فيها الجهل ويرفع فيها العلم ويكثر فيها الهرج والمرج ) متفق عليه

ربنا يصبر امه وابوه

الله المستعان
-------------------------------

blue-wave يقول...

يااااااااااااااة
صعبه اوى الرساله دى بجد
فعلا ايه ذنب الولد انه يموت علشان بنى ادم معندوش لا قلب ولا ضمير والكارثه انه معلم واستاذ
ربنا يلطف بينا

حمادة زيدان يقول...

أنجي

أنا شوفت امبارح الولد , حرام والله يسيبوا المدرسين يساعبدوا العيال بالشكل ده ... حسبي الله ونعم الوكيل في كل واحد عنده عقد وبيطلعها على عيالنا بالمدارس عالم ولاد كلب

ربنا يصبر اهل الولد يارب

امل يقول...

السلام عليكم ورحمة الله
لاحول ولا قوة الا بالله المدرس ده يستاهل القتل عشان يكون عبرة للي زيه ربنا يصبر أهل الطفل المسكين ده أنا فاكرة زمان في الابتدائي كان عندنا مدرس ارهابي بجد كان بيعذب الطلبة تعذيب حسبنا الله ونعم الوكيل في كل ظالم مفتري

عايش... ولكن !!!! يقول...

التلميد اصبح قتيلا بالفعل
انا كنت بجد فى حالة تعجب شدييييييده
حينما سمعت هذا الخبر
متعين بقاله شهرين فقط هذا المدرس
احنا خلاص وصلنا لقمة الفساد فى كل شىء حتى التعليم كان هناك فسادا ولكن " ع المتغطى " كشفت هذه القضيه كل شىء
ربنا يصبر اهله

شمس وقمر يقول...

السلام عليكم

لا حول ولا قوة الا بالله وإنا لله وإنا اليه راجعون

بجد شئ محزن ومبكي
ولا تعليق غير حسبي الله ونعم الوكيل

شمس

عاشقة الحب يقول...

ده انتوا مستريحين
كبار ما بتعشوش في الرعب
اللي بعيش فيه
و انا رايحة المدرسة
مجرد اني الاقي زمايلي بيضربوا
ده بياثر في نفسيتي جدا

ربنا معانا

واحدة مفروسة يقول...

حلوة جدااا
زي ما تكون حقيقة و حصلت بالظبط السيناريو ده
انا لله و انا اليه راجعون
و حسبنا الله و نعم الوكيل

Miss. Sosa يقول...

بوست مؤسف وحزين يدمي القلب

والله انا حزينة لما وصلنا له

بجد بقينا في غابة ربنا يخرجنا منها علي خير ونموت موت كريمة مش في عبارة ولا قطر محروق ولا صخرة تقع علي دماغنا

ربنا يعافينا ويعفو عنا ويحسن خاتمتنا

تحياتي وتقديري

أنا إنسان يقول...

ماتصدقش
1\11
مؤتمر القلة المندسة
على الانترنت
مؤتمر موازي لمؤتمر أكاذيب الحزب الوطني
مؤتمر القله المندسه
ردا على اكاذيب الوطنى
ماتصدقش
كل سنه بيقولوا نفس الكلام
كل سنه بيكذبوا نفس الكذب
بقالهم سنين بيكرروا نفس الكلام عن الفكر الجديد و العبور للمستقبل و الرخاء اللى احنا عايشين فيه
و الرفاهيه اللى مش حاسسين بيها
المره دى جايين يعرضوا معجزاتهم اللى حققوها
من تشغيل كل العاطلين و حل جميع المشاكل و رفاهيه و نعيم
و مشروعات و ديمقراطيه غير مسبوقه فى تاريخ العالم
و تعليم ايه و صحة ايه و محاربة فقر و كمان فساد
احنا بقى اللى هانرد عليهم و نفضحهم فى العالم كله بأراء و أرقام و احصائيات
و نعرف كل الناس اللى مش عارفين انهم كذابين ..
وان كنا نشك ان فيه لسه ناس مش عارفين كذبهم
هانفضح كذبهم
و نفضح فشلهم
فى الصحه و التعليم و التنميه و محاربة الفقر و محاربة الفساد
و نعرف كل الناس إن الاصلاح الحقيقى ضد مصالحهم..
و إن الفكر الجديد ما هو إلا خدعه و كذبه جديده يضاف لكذبهم
من 28 سنه
احنا اللى بيقولوا علينا القله المندسه..
رغم اننا الشعب ..
الاغلبيه
مؤتمر الحزب الوطنى..
.ماتصدقش
تابع معانا مؤتمر القله المندسه الالكترونى...
أول مؤتمر افتراضى فى مصرفى الايام 1 و 2 و 3 نوفمبرعلى الموقع
www.anti-ndp.com
برعاية شباب 6 ابريل
تسجيلات حيه
لقاءات جريئه مع كبار المفكرين و العلماء
بيانات للرد على الحزب الوطنى من جميع القوى و الحركات السياسيه الوطنيه
استمع لرأى الناس فى الشارع يردون على اكاذيب انجازات الحزب الوطنى
موقع المؤتمر
www.anti-ndp.com
أو مدونة المؤتمر
http://anti-ndp.blogspot.com/
........................................................................
ملحوظة هامة
ليس هذا إعلان
ولكنه دعوة للحضور والمشاركة
شاركنا في
مؤتمر القلة المندسة
شباب 6 أبريل

الطالبة عفو الله يقول...

لا حول و لا قوة الا بالله العلي العظيم

ان لله و ان اليه راجعون

ربنا يرحمه

عجز اللسان عن التعليق

مش عارفة اقول ايه

ربنا يصلح حالنا

الله المستعان

أسير الجراح يقول...

والله انا لسة عارف الخبر دة منك دلوقتى

بجد جرام وظلم

بس التعليم فى بلدنا سورى فى اللفظ

ولا لية اى لزمة


بعد التعليم الشاب بيتخرج

ويقعد 5او6سنين علشان شغل


مش موضوعى انى اتكلم عن التعليم


يا ترى اللى الاستاذ عملة


يرضاة على اولادة


انهم يتقتلو


بجد حاجة تحزن القلب

ربنا يرحمة

وربنا يصبر اهلة


وحسبنا الله ونعم الوكيل


كل الاحترام


اسير الجراح

همس يقول...

الله يرحمه ويجعلو من اهل الجنه

ومفيش استغراب

دا اللى بقى طبيعى


تحياتى

ملكة في بيتي يقول...

خبرين سمعتهم في يوم واحد سببولي كآبة
واحد كان في حلقة معادة من برنامج لا اذكر اسمه
عن فصل مدرس ضرب طلبة فصل كان بيعمل دوشة بايد المقشة وتسبب في اصابات لبعض الطلبة
اما الخبر التاني كان مقتل الطالب اسلام
عملية تعليمية بايظة بوظت الاساتذة والطلبة على حد سواء
لله المشتكى

momken يقول...

الله يرحمه ويصبر اهله

ويهدى كل المرضى الى بيسيطر عليهم التسلط واستخدام السلطه او استضعاف الغير

البوست رائه ومحزن جدا

تحياتى

حزينه يقول...

ربنا يرحمه ويسكنه فسح جناته
ربنا يستر على اولادنا



حزينه

enjy يقول...

بصى انا لو اتكلمت فى الموضوع دة هغلط والله غلط جامد بس كفاية انى اقول انى لو مكان اهل الولد والمدرس دة متعدمش اقسم بالله كنت قتلته انا بايدى ومن غير سلاح واموته نفس موتة ابنى

سمكه وحده يقول...

ليه كده بس يا بنتي والله كلامك خلاني اعيط بجد انا تخيلت كل اللي انتي قلتيه بجد اتأثرت وغصب عني دموعي نزلت والله عندك حق في كل كلمه

الله يرحمه ويدخله فسيح جنته ويصبر ولده وولدته يارب ويهدينا

اما بالنسبه لاسمي مش صفاء لا والله انتي بتشبهي عليا؟
او شكه في حد تعرفيه يعني؟

والله اتشرف فعلا بمعرفتك ويشرفني
تحياتي لاحساسك الجميل واسلوبك في توصيل الاخبار بس بجد انا مضايقه جدا

أحسن تـستاهـل يقول...

بصي انا بجد لشدة تأثثري بالموقف مش قادرة ارد

حسبي الله ونعم والوكيل

مها ميهوووو

.:.-=- ELGaZaLy-=-.:. يقول...

ربنا يرحمة..مش عارف بجد عاجز عن التعليق على الموضوع دة

blue-wave يقول...

انا سبت تعليق هنا
راح فين؟؟؟
عموما بجد رساله مؤثرة جدا
ويارب الحيوان دا ياخد جزاؤة بقى

nour shahen يقول...

لا حول ولا قوة الا بالله
ليه حق والد اسلام يطالب بتغيير الوزير والله من حقه لو يطالب بتغيير الحكومه كلها
بس كل اللي هيطوله للاسف كلمة أسف خاليه من أى أحساس بالندم او بالمسئوليه

ربنا يرحمه ويغفرله ويصبر أهله

أجدتى يا أنجى كعادتك
كتبتى على جرح بينزف يمكن حد عنده ضمير يقرا او يفهم

خالص تحياتى ليكى

غير معرف يقول...

أولا تحياتى
ثانيا أنا اسمى لبنى باحثة فى مجال الإعلام أقوم بعمل دراسة عن المدونات المصريات من أجل الحصول على درجة الماجستير. و يسعدنى أن تكون مدونتك من ضمن المدونات التى يشملها البحث. . لذا أرجو أن ترسلى لى بريدك الالكترونى حتى اتمكن من إرسال الاستبان و طبيعة الدراسة إليك
رجاءا حارا مدة المشاركة مفتوحة حتى 8 نوفمبر
شكرا لتعاونك
lobnabona@yahoo.com

شمس وقمر يقول...

بصى يا بنوتة طبعا كلنا هنلوم المدرس
انا معاكى
هو صراحة مش انسان و مش ممكن ده يكون فى قلبه رحمة
بس انتى عارفة انا بجد صعبان عليا الانسان ده
ليه؟
ده انسان مصرى بسيط جدا
لا معاه لقمة عيش
ولا معاه مرتب كويس
و لا معاه اى حاجة
و فى نفس الوقت مربى الاجيال
تيجى بقى لبيته تلاقى خناقات مستمرة بسبب الماديات
انتى عارفة استحالة
الانسان ده يقدر يموت غيره كده بمنتهى البساطة و خاصة لو طفل و هو فى وعيه
صعب جدا
صعبان عليا القاتل و المقتول و والد الطفل ربنا يصبره يارب
و ربنا يهدى الايد الخفية

بنت مصريه يقول...

وايت هارت
كلنا عايزين القصاص من كل مصدرفساد
مرسى لتعليقك واتمنى تنورنى دايما

لؤلؤه الرحمن
امين يا رب العالمين فعلا دى من علامات يوم القيامه
الله المستعالن
مرسى لتعليقك واتمنى تنورينى دايما يا قمرايه

بلو وافز
عندك حق يا دكتور الرساله صعبه
بس الموقف اللى اهل الولد فيه اصعب بكتير ربنا يصبرهم يا رب
مرسى يا دكتور عمرو عالرساله
واتمنى تنورنى دايما

حماده زيدان
امين يا رب العالمين
شكرا يا حماده عالتعليق
ومتبقاش تغيب علينا بقى

امل
دول بيبقو مرضى يا امل
سيكو يعنى
ومحتاجين علاج
مرسى يا امل واتمنى تنورينى دايما


عايش ولكن
متعين بقاله شهرين ويدخل الفصل يقتل الواد
ما شاء الله ايه التقدم اللى احنا بقينا فيه دا يا مصر

لنا الله
مرسى لتعليقك واتمنى تنورنى دايما

شمس وقمر
فعلا حسبنا الله ونعم الوكيل
مرسى يا شمس على تعليقك واتمنى تنورينى عالطول

غير معروف
استاذه لبنى انا طبعا يشرفنى
انى اتعاون معاكى ف البحث بس كان يهمنى اعرف منك الاول الهدف من هذا الحث عموما انا ضفتك على اميلى
واتمنى نتناقش بعد كده ف الموضوع ده
دمتى بكل خير

محمد مارو يقول...

اولا البوست و الفكره اكتر من رائعه

ثانيا

كلنا نرفض ما حدث و ان كان هو قدره و عمره فالمدرس لم يذبح بسكين او يطعنه بخنجر

ثالثا
الكل عمال يلوم فى المدرسين بالرغم انهم كتير ما يتعرضوا لاكثر مما حدث لاسلام من الطلاب هل نسيتى ما حدث للمعلمه من الطالب صدام ؟
هل نسيتى ان طالب تسبب فى شلل لمدرسه ؟
هل نسيتوا ان كثير من الطلاب ما يقومون بضرب مدرسيهم

ليه بنلوم على المدرسين و بس
ليه ميكونش فى قوانين رادعه للطرفين ؟
للمدرس و الطالب ايضا
ليه القوانين على المدرسين فقط ؟
و لا عاجبكم الحال كده؟

سمكه وحده يقول...

انا علقت من زمان ومش لاقيه التعليق راح فين بقي
عموما انا بقلك كلامك وتصويرك للحاجه مؤثر جدا وانا فعلا اتأثرت وزعلت جدااا ربنا يرحمه ويصبر اسرته يارب
اما عنك انتي
اذيم يابنوته وعاماله ايه طمنيني عليكي ياقمر
تحياتي

بنت مصريه يقول...

عاشقه الحب
ربنا يكفيكى شر اى حاجه وحشه يا قمر يا رب
مرسى انك نورتينى

واحده مفروسه
مرسى يا قمر لتعليقك واتمنى تنورينى دايما

ميس سوسه
امين يا رب العالمين
مرسى يا حبيبتى على تعليقك الجميل وتقديرك ليا
اتمنى تنورينى دايما

الطلبه عفو الله
صح الله المستعان
اتمنى تنورينى دايما


اسير الجراح
طبعا لازم تسمعه دلوقتى مانت رومانسى وعايش ف العالم بتاعك
وكده احسن لعلمك
لانك لو عشت ف العالم بتاعنا دا هتكتئب وهيجيلك برى برى
ف على ايه
مرسى عالتعليق
واتمنى تنورنى دايما


مها ميهو
عندك حق والله يا مها
حسبى الله ونعم الوكيل
اتمنى تنورينى دايما يا قمر

ابو على يقول...

ياه دانتى لسه جديده اوى
ههههههههههههههه
طب اقولك على حاجه حلوه اوى
احنا واحنا ف ثانوى كان فيه شله مفتريه كده كانو اى استاذ يتكلم يعلقوه من رجليه

ههههههههههههههه
هههههههههههههههه
صدقينى الدنيا دواره واللى بيعملوه ف الابتدائى بنطلعه عليهم ف الثانوى

حادثه المووت دى عفويه
بس الضرب مستمر
ماظنش ان المدرس عارف وهو بيضرب الطالب انه هايموت ف ايده انه هايضربه


طولت عليكى

saragebaly يقول...

بنت مصرية

سمعت الخبر من اول يوم ولحد دلوقتي مش قادرة اصدقه ولا استوعبه

بقيت بدعي انه يكون خبر كذب او انا بحلم بس للاسف انا سمعت وشوفت على التليفزيون

للدرجة دي وصلت بالبشر القسوة؟؟؟؟

ايه الجريمة اللي الطفل عملها؟؟
دة لو حتى عمل جريمة مش هيكون عقابه الموت ،، ولو كان عقابه الموت مش هيكون بالبشاعة دي؟؟

بجد انا حزينة
حزينة على الطفل اللي لسة بيبدأ يحلم ويشوف العالم
حزينة على الام والاب اللي اتحرموا من فلذة كبدهم ومن حسه بالبيت
حزينة على الحال اللي وصل ليه بلدنا

الطفل ارتاح وربنا يصبر ابوه وامه يارب ويجعل موت طفلهم سبب لدخولهم الجنة

اما المدرس فحسبي الله ونعم الوكيل فيه
لو كنت قاضي كنت هديله اعداااام
ولو مش أخد اعدام هيعيش طول عمره صورة الطفل ونظرات الاستنجاد مش مفارقاه

حسبي الله ونعم الوكيل

عاشقة القمر يقول...

سعدت بمرورك تعالي شوفي بوست جديد
كنت اخره واحدها في بوست قديمه عايزك تكوني اول تعليق بوست جديد

خواطر ليست عابرة يقول...

تعرفي أنا كنت طول عمري بعذر المدرس /المعلم اللي يتعصب ويتنرفز علي طالب من كتر ما فاض بييييه
بس مش لدرجة انه يقتله
بعد كدة الاولاد هيخافوا حتي يروحوا المدرسة ولما نحب نعاقبهم نقوللهم هتقعدوا كويسييين ولا نوديكم المدرسة؟؟؟؟؟؟ هههههههههههه

ربنا يصبر أهل الطفل الي مات ويكون آخر ضحية ضرب مدرس لتلميذ يا رب
شكرا علي رؤيتك للموضوع وعرضها بأسللوب مبسط

(أم البنين) يقول...

المشكلة أن المعلم غاضب
والأب مطحون
والأم مضغوط عليها ومحبوسه
والحلقة الأضعف هي الطفل...للأسف
والكل يفرغ غضبه عليه
لابد أن نغير نظام حياتنا لنرفه عن أنفسنا وأبنائنا فلا نظلمهم

همس الاحباب يقول...

لا حول ولا قوة الا بالله
وان لله وان اليه راجعون
ربنا يرحمه
ويصبر اهله ويخلفهم فى مصيبتهم
الموضوع لا يحتاج الى تعليق
فكل شىء انهار لا قيم ولا اخلاق ولا رحمة
انها منظومة فاسدة
ونتاجها طبيعى القتل والتعذيب
لنا الله
تحياتى

عاليا حليم يقول...

ماساة الحقيقة الخبر صدم ناس كتير
ربنا يتولانا برحمته الدنيا بقت غابة

نهر الحب يقول...

لا حول ولا قوة الا بالله
والله حاجة تحزن ما وصل اليه الحال فى كل المجلات سبحان الله مفيش رحمة

ربنا يرحمنا جميعا

نهر الحب يقول...

يوم الجمعه 14/11بأذن الله
هنروح نزور دار ايتام فى بورسعيد اللى يحب يشرفنا
ياريت تنورنا ونحاول نرسم بسمه ونتعاون على البر والتقوى
وبعدها هنقعد مع بعض شوية طبعا لو تحبوا
التفاصيل عندى بالمدونة
وياريت تعرفونى الرد 
اعتذر لكنه ليس اعلان لكنها دعوه للخير

ahmed_k يقول...

رحم الله الطفل إسلام
وأسبغ على أهله الصبر
على المصاب الأليم

تقبلي خالص تحياتي

ابو على يقول...

ابله انجى ممكن تبعتيلى الاتش تى ام ال بتاع الاغنيه عشان احطها عندى بعد ازنك

Abo 7anf يقول...

السلام عليكم
اولا انتى مخاصمه مدونتى ليه
لو كانت زعلتك قوليلى وانا هتصرف معاها
اكيد الموضوع كان كئيب قوى
بس معتقدش ان فلا مدرس بقلا بيضرب على الواجب
اكيد الولد مبيخدش عندوا درس
يلا خلاص المدارس بقت
...............

M.K يقول...

السلام عليكم...
رحمه الله ..
أن شاء الله طير من طيور الجنه...
..........
حين سمعت القصه لم أصدقها وضننت أن مايقال فقط لتخويف الأطفال...
وبعد تأكدي إستغربت...
بالرغم من القوانين التي تمنع ضرب الطلاب ...
لازال الضرب موجود في المدارس دون
أن يتدخل أولياء الأمور ..
ولا حتى مسؤولي التربيه...
..........
دمتي بخير

غير معرف يقول...

والله الواحد مبقا عارف ليه المدرس شرير

مش كفايه غير متعلم


رامز عباس مدونة رامز عباس

ن يقول...

السلام عليكم ورحمة من الله وبركاته
تحياتى إلى كل المدونين الجادين وأتمنى أن يشاركونا الرأى والأجتهادات للخروج من تخبط الأراء التى كثرت عن الدين ودرء الشبهات التى تلصق الى الأسلام بتصيد بعض الأخطاء التى الصقت ببعض المفاهيم ..وعبر هذه المدونة علينا أن نبحث فى مصداقية الروايات السابقة وتخير الأجتهادات الحالية بما يخدم الأسلام وقضاياه .
مع خالص تحياتى
أمل فتحى عزت

م/ الحسيني لزومي يقول...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي

أحــوال الهـوي يقول...

علقت علي لوحة ارشادات الطلبه لسته بالاحكام التالية و علي كل طالب اتباع قوانين المدرسه
1- الغياب
احسن تغيب بلاش و جع قلب و كل فترة تجيب شهادة مرضية
2- الحضور
تلعب في الحوش و تزوغ علي القهوه اللي جنب المدرسه و تنفع الكانتين
3- عيد الام
هدية للناظرة و المدرسين
4- حضور الدروس
انت جيت برجليك و هتشغل المدرسين جزاتك الواجب لو ما اتعملش نعمل لك الواجب
5- الموت
قضاء و قدر و تصبح شهيد الواجب

فين التعليم يا بنتي انا اولادي بيروحوا المدرسة علشان يقابلوا اصحابهم علي البوابةو الدروس نحلت وبرناو خربت جيوبنا و ميعاد الدروس في وقت الدراسه بنفس مدرسين المدرسه
تعازينا لاهل المتوفي صبرهم الله علي مصابهم فهذا مظهر من مظاهر قهر الانسان المقهور لا خيه المقهور


تحياتي

د/ رامي شهاب الدين يقول...

إن لله وإنا إليه راجعون

للأسف فى أساتذة مش على قدر من تحمل المسئولية اصلا .. أو بمعنى أصح ماعندهمشى جانب تربوى

لكن إحقاقا للحق إللى حصل ده لايعبر سوى عن حالات فردية ، بمعنى إن فيه أساتذة محترمة كتير ، وبرده فيه طلبة بيبقوا عفاريت

ولكن رغم كل الإختلافات دى .. لازم يكون فيه أسس ومعانى تربوية قائمة بذاتها ويتم تطبيقها بدقة وحزم سواء على الطلبة أو المدرسين

دمتى بكل خير .. تحياتى

zOzO يقول...

دا اكيد مش مدرس
بجد
لما يعمل دا في طفل
وكمان لسبب تافه

وكمان اهل الاب ولا هياخدوا حق ولا باطل
للاسف

كنت جايه اسلم عليكي
وحشاني والله
كل ما ادخل عند حد الاقي بوست ايه ميه ميه

الحمد لله
دمتي بخير وفي حفظ الله دايما يا حبيبتي

حسام وريمان فى هاكونا مطاطا يقول...

السلام عليكم

بجد انا مش عارفه اقول غير حسبى الله ونعم الوكيل

جميل اوى التخيل بتاعك فى عرض الموضوع ده
احييكى

goodman يقول...

يعنى لا تعليم ولا تربية
ولا حتى نروح سالمين لأهلنا
دى عيشة اية دى

مفكر يقول...

السلام عليكم:::::::

اتمنى أشوفك في موضوعي أو بمعنى أصح حدودتي الأميرة القمرية.......

غير معرف يقول...

السلام عليكم


الرجاء نشر دعوة حضور المهرجان السنوى بمركز جمال ماضي ابو العزائم

الدعوة بهذا الرابط

رامز عباس ---- مدون اصم- ناشط حقوقيhttp://ramezabas.blogspot.com/

سمكه وحده يقول...

فينك يابنووووووووووووووته
انا بنادي اهو محدش بيرد تعالي بقي
الجديد فين
سمكمك

كلام من جوه روح لكل روح يقول...

عزيزتى

مش عارف المعلم بيستفاد ايه من ضرب الطفل

ما اللى هيتعلم هيتعلم لنفسه واللى مش هينجح لنفسه برضوا

يفكر بينه وبين نفسه ده لو ابنه هيرضى يضرب ويتهان كده من مدرس زميله

لازم موقف حاسم ومش فرقعة حادثه وخلاص

وبلادنا مليانه بلاوى ودى بلوة منها

الله يرحمه ويصبر والديه

تحياتى
سلام

لورنس العرب يقول...

أين أنتي ؟؟؟؟؟؟؟؟؟؟؟؟؟؟؟؟

كباريه يقول...

إيه الغل اللي بقى مالي القلوب ده


الله يصبر امه


تعرفي كان فيه حادثه مشابهه لمدرس في الأردن من يمكن 15 سنه، وقتها أثرت فيه جامد وبرضه كتبت قصه تخيليه ، موش عارفه هي فين حاتخليني أدور عليها وأنشرها

واحد من البلد دى يقول...

انا بعتذر عن التأخير بس و الله اول ما بلاقى فرصة انى اتنفس بدخل على طول
حتى لو مش بقدر اعلق لضيق الوقت
لكن بقرء البوستات الجديدة

تحياتى

محمد الكومي يقول...

انتي فين يا انجي هانم مختفية ليه

بالنسبة لاسلام

عايز اقول اننا عاملين زي اللي سايق عربية بجنون و متوقع ان في اي لحظة تحصله الكارثة بس لو وصل يبقى سواق تمام

اهو احنا كدة متوقع في اي لحظة ان يحصل كارثة بس طول الفترة اللي قبل الكارثة احنا تمام و مية مية كمان

Dr- Hema يقول...

بيقولوا

الاستاذ كان متعين جديد

شكله اتنش عين :)

د/هيما

مفكر يقول...

السلام عليكم::

انت فين يا بنوتة مصرية؟؟

انا مستنيكي تمري علية وتشوفي موضوعي الجديد...

انت اتأخرتي علية..أنا مقدر مسؤلياتك تجاه الامة..بس متنسينيش..

قوت القلوب يقول...

لا حول ولا قوة إلا بالله فيه قسوة كده فين الرحمة
صحيح الأولاد في الفصل بقوا مزعجين لكن مش لدرجة الضرب حتى الموت
مش قادر يصبر عليهم يسيب الشغلانة دي

مواطن مصرى نايم يقول...

تعرفى ان الاستاذ ده ولدته متوفيع غضبانة عليه
بنت خالتى فالمدرسة دى

بالنسبة لإسكندرية اسكندرية اولا حتنور بيكى بجد
الجو عندنا مش برد اوى و مش حر
جو خريفى
ساعات بتشتى
بس انا لحد دلوقتى بلبس نص كوم
يعنى الجو جميل
حتنورينا يا انجى
بجد اسكندرية حتنور بيكى

انت تسال والكمبيوتر يجيب يقول...

دعوه
يسعدنا ان نسمع تعليقاتكم على ما نطرحه من موضوعات فى برنامجنا الأذاعى وهو الأول عن النت والمدونات من الأذاعه الرئيسيه لمصر ....موضوعاتنا تطرح فى مدونتنا...وتذاع التعليقات التى تكتبونها فى حلقات البرنامج وهو يذاع يوميا عذا الجمعه التاسعه وعشر دقائق صباحا على موجات أذاعة البرنامج العام
ونرحب باى تدوينه يمكن اذاعتهاكذلك
المدونه
http://netonradio.blogspot.com

غروب يقول...

لا اله الا الله

ربنا يرحمه ويرحمنا

حلوه اوى رسالتك دى اللى على لسانه طبعا بس جت في الاخر واثارت بعض الشجون والدموع

تسلمى حبيبتى

اول مره في مدونتك بس بجد عسوله اوى واكيد مش اخر مره

غروب

zezo يقول...

انا مقدرش اقول غير حسبي الله ونعم والوكيل وربنا يصبر اهل هذا الطفل ويلهمهم الصبر والسلوان والمدرس دا مش مدرس دا حيوان سوري في الفظ بس دا مجرد م الانسانيه لم يموت طفل برئ

bar2ash يقول...

السلام عليكم


ازيك يا احلي بنوته مصرية

عارفه
الناس كلها متحامله علي المدرس ده

بس هو من وجهة نظري مريض نفسي لازم يتعالج
لانه مستحيل حد عاقل يعمل كده

واكيد مكنش في وعيه


تفتكري لو واحد مريض نفسي قتل كذا حد
كل الناس هتتعاطف معاه وتقول ربنا يشفيه

نفس الوضع هنا

شوفيها بنظره تانيه كده
حاولي



لكن لو ثبت ان قواه العقليه سليمه

يبقي لازم فعلا يتعدم


وتقبلي مروري


برقش

نقطة مية يقول...

وجعتي قلبي....الحكاية دي لحد دلوقتي مش عايزة تدخل عقلي...حسبي الله و نعم الوكيل
تحياتي

عادل يقول...

السلام عليكم
الله يرحمة ويسكنة فسيح جنات الخلد
انا اول مرة اعرف الخبر دة من مدونتك
كاد المعلم ان يكون رسولآ........
علي فكرة يا انجي في بعض المدرسين للاسف
بيطلعوا مشاكلهم في التلمذة وانا شخصيا في
ستة ابتدائي فوت بالمرحلة دي كنت باخد درس
خصوصي كل ما الاستاذ يزعل حبتين مع المدام وانا
وكل التلمذةالا معايا نسمع زعقيم نرتعش في اماكانا
ولما يجي بعد الخناقة دي بقي يا ولينا ويا سواد يومنا
واحنا من الخوف والارتباك نبلم طبعا كان مدرس رياضيات الله
يسامحة بقي لو عايش ويرحمة لو كان مات
ضرب علي ضهر الايد او نتعلق من رجلينا في السقف
وبخرازانة ملفوف عليها بلااستر وفية الا كان بيخلية يركز
برجلية علي مسامير اما البنات بقي كان راجل بجد محترم
عيب البنت تنضرب اما يبعتها تسوق للمدام او يسيقوا البيت
ويكنسوا قدامة ويرشوا مية او يتزنبوا بشيل اولاادة حتي لو نايمين
وانا عندي اثار من الضرب دة وغيري من الزملة لما كرهنا التعليم والمدارس
ولما نشكي لي اهالينا يقولوا بيعلمكم
احذر معلمك فى يده فتيلا...........كدت يا اسلام ان تكون قتيلا
معاكي حق ولو القاتل دة مخدش جزاءة وبقي عبرة لمن يعتبر
وخرج برئ بي اي حجج من المعروفة
هتكرر الماءساة كل يوم ودة الفرق بينا وبين الغرب
المدرس دة لو في اغرب وعمل كدا حبس مدي الحياة
دون نقاش لان عندهم مفيش اعدام حقوق الانسان
وانا بطلب من القضاء المصري النزية يطبق اقصي العقوبات
علي هذا الشخص مهما ان كان واتمني نبص للغرب في
نقط زي دي مش نبصلهم ونقلدهم في اللبس والافلام والكليبات
وبس اة يابلد الله يرحمك يا اسلام وحسبي الله ونعم الوكيل
انا اسف بس بجد حاجة يقشعر لها الاجساد
طفل يموتة استاذة اد كداالروح رخيصة عندنا
اد كد مفتقدين حقوق الانسان واحترام حتي الاطفال

حواديت بنوته يقول...

ابكيتنى والله اختى فى الله
اشكر لكى هذا الموضوع وبجد انا كمان لما سمعت الموضوع مش كنت مسدقه
لغاية لما عرفت ان التعليم مش عاد تعليم تسلم الايادى

Son of Egypt يقول...

السلام عليكم

وماذا بعد هذا السكوت
اهو حداد على اسلام
ام انه ماذا
اتمنى ان يكون خير انجى

ايتها المصريه لكى تاج عندى تفضلى لإستلامه ولكى فائق احترامى

لورنس العرب يقول...

انتي بتروحي فين؟

يا مراكبي يقول...

إنا لله وإنا إليه راجعون .. على إسلام وعلى التعليم وعلى البلد كلها

أميرة الجنة يقول...

انا مش عارفة اعلق بايه لانى بجد حزينة على حال بلدنا المحبوسةهو احنا فين لا وايه حلوين قوى نزلو بعدها قرار بعدم الضرب طب ما هو القرار ده من زمان انا ضد المدرسين اللى يقولك العيال مش محترمة انا عارفة طب وانتو فين دوركم خلاص الاهل دلوقتى مش فاضين لعيالهم يربوهم ولا انتو كمان خلاص ننزل قرار جديد بعدم الخلفة لحد ما الناس تعرف تربى ولادها عشان ما يعصبوش المدرسين .حسبنا الله ونعم الوكيل.انا سمعت مثل جديدمن واحد جذمجى (قم للجذمجى وفه التبجيلا .كاد الجذمجى ان يكون وزيرا)بلدنا طول عمرها بخير اوعو تخافو يا جماعة.اتمنى لك التوفيق بنت مصرية واتمنى منك زيارة المدونة

أميرة الجنة يقول...

انا مش عارفة اعلق بايه لانى بجد حزينة على حال بلدنا المحبوسةهو احنا فين لا وايه حلوين قوى نزلو بعدها قرار بعدم الضرب طب ما هو القرار ده من زمان انا ضد المدرسين اللى يقولك العيال مش محترمة انا عارفة طب وانتو فين دوركم خلاص الاهل دلوقتى مش فاضين لعيالهم يربوهم ولا انتو كمان خلاص ننزل قرار جديد بعدم الخلفة لحد ما الناس تعرف تربى ولادها عشان ما يعصبوش المدرسين .حسبنا الله ونعم الوكيل.انا سمعت مثل جديدمن واحد جذمجى (قم للجذمجى وفه التبجيلا .كاد الجذمجى ان يكون وزيرا)بلدنا طول عمرها بخير اوعو تخافو يا جماعة.اتمنى لك التوفيق بنت مصرية واتمنى منك زيارة المدونة

!!! عارفة ... مش عارف ليه يقول...

كان الله في عوننا جميعاً

فكلنا مصاب

وكلنا ثكلى


البقاء لله .. في كل ما هو إنساني


ودمتم
وليد

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................