.ازيكو

ازيكوا .......احب ارحب بكل واحد قاعد دلوقتى قدام مدونتى........انا زييى زيكوا كل يوم افتح النت الاقى اخبار مصراوى......عارفينها اللى تفتح النفس للحياه دى .....فجالى اكتئاب ........ايوه ايوه زى اللى عندكو ده بالظبط.....اعمل ايه اعمل ايه.......جاتلى فكره المدونه افضفض بيها معاكو ويارب تعجبكو

الأحد، 30 نوفمبر 2008

تخيلوا يا ساده............ف مصر.......تاج سعاده

يا هلا يا هلا
والله يا جماعه مش قادره اقولكوا وحشتونى قد ايه...........انا عارفه ان فيه ناس منكم عايزين يضربونى بالطماطم
وشايفه ناس تانيه بيفكوا رباط الجزمه (عشان يحيونى طبعا).....انا عارفه ان بقالى كتير مابزورش حد فيكوا
ولا بنزل بوستات جديده..بس ما تسقوش فيها قوى كده ....دا انا بنت مصريه ايه ....كلكوا عليا ولا ايه
ههههههههههه

معلش يا جماعه بجد اصلى مشغوله جدا .....باخد كورسات عشان احسن مستوايا العقلى ........ وكده يعنى
اصل لقيت شهاده (محو الاميه) اللى اخدتها مش كفايا عشان اشتغل ......فقولت لنفسى لا يا بت انتى لازم تاخدى شهادات تانيه اعلى من محو الاميه ...........اه امال ايه

بتضحك على ايه انت وهو ...اوعوا تكونوا فاكرين ان الشهاده اللى مع كل واحد فيكوا دى اسمها (شهاده جامعيه )
_لا يا بابا لا_دا تمويه يابا هههههههه....... فوقوا يا اخواننا احنا ف مصر وما دام ف مصر تبقى اسمها شهاده
(محو الاميه)


وفى هذه الايام ومع تهور المدرسين ...وجنانهم اللى بيطلع عالعيال ...ممكن تضيف ل محو الاميه ..محو عين.. محو رجل
بص سيب اعضاءك ف البيت قبل ما تروح المدرسه


المهم بقى .........وانا قاعده كده ويا دوبك خلصت مذاكره وبشوف التعليقات اللى عندى ....لقيت اخى العزيز
(ابن مصر ) معلقلى ......وخابطنى تاج ف وشى انما ايه معتبر .......وقال ايه اسمه (تاج السعاده )
والله المدونين دول عليهم دماغ _قال سعاده قال_بأمارة ايه يعنى
المهم قررت انى اتحفكوا واصدعكوا واجاوب عالتاج ...........(ايه فيه ايه )
انتو مش بتسألوا عليا وعايزينى اكتب بوست جديد ................. استحملو بقى
يللا استعاننل عالشقا بالله ......


ملحوظه
المصدع يسد ودانه ويغمى عينيه ويكتم بقه ........اقولك حاجه اقفل الكمبيوتر وروح نام ......تاج ايه يا عم وبتاع ايه
نبتدى التاج ؟ ماشى نبتدى التاج..................


ماهى السعاده من وجهه نظرك ؟
والله يا جماعه كلمه السعاده بتختلف باختلاف الناس ........يعنى مثلا فيه واحد سعادته انه يلغى اختراع الزواج ده
بانه يفضل يغللى.. ويغللى .. ويغللى ف سعر الحديد وبكده الشقق هتغلى ومحدش هيتجوز (احمد عز)
وفيه واحد سعادته انه يدخل دقيق مضروب وغير صالح للاستهلاك الادمى عشان يتعمل بيه ..حاجه كده لو تفتكروها
اسمها (رغيف العيش) ههههههه ..................(وزير التموين)
وفيه واحد سعادته انه يشوف......ضباط الشرطه بيضربوا ويهينوا الناس ف الاقسام ....وعادى (وزير الداخليه )
وفيه واحد سعادته انه يقسم مع الموظفين المرتشين اللى تحت ايده.........فيفتى فيفتى يعنى ........(مدير بلا ضمير )
وفيه واحد شايف كل دا وساكت ...........(اتلم ياد انت وهو ماقصدش اللى ف دماغكوا .........ما تودوناش ف داهيه)
اما السعاده من وجهه نظرى ............انى اشوف كل البلاوى دى ..........وارضى بالامر الواقع
كيف تصل الى السعاده ؟
اصل الى السعاده بالرضا زى ماقولت ف السؤال الاول .........بمعنى .........
انى مثلا اجيب الرغيف ب جنيه ونص واستعجب وانا بقول ...(ايه دا بجنيه ونص بس..........دا رخص قوى كده ليه)
ولما اروح البيت واجى اكله ....واول ما افتح الرغيف الاقى حشرات ..(اشباه النمل )
اقوم قايله وانا السعاده هتنط من عينى ........(وكمان حاطين فيه حبه البركه.....يا سلام)
هل السعاده وهم ام انها حلم صعب ؟
السعاده مش وهم ........ممكن نقول حلم صعب ......والاصعب تحقيقه
ماهى اكثر اللحظات التى شعرت فيها بالسعاده ؟
بصراحه ومن غير تريقه ..........وانا باكل تورته الكريمه اللى بتعملها مامتى ...(ربنا يخليكى يا امه)
ولما بشوف مسؤول كبير جاى ف لقاء ف التليفزيون ومش عارف يتكلم ............(اللهم لا شماته.... بس انا شمتانه..ههههههه)
هل السعاده طريق للنجاح .. وضح ؟
اه طبعا السعاده طريق للنجاح...........تخيلو واحد مع كل البلاوى اللى ف البلد دى بيضحك وهو بيشتغل
اكيد هيعمل شغله بنفس مفتوحه.......صحيح بقيت زمايله هيفتكروه (متخلف عقليا )...بس مش مهم المهم انه ناجح
هل ممكن ان تحقق كل شىء ؟
اذا حققت كل شىء ....نقول مثلا......... وصلت لاعلى درجه علميه......تزوجت من ملياردير........
وجبت خمس عيال ف عين العدو ..........دا غير المرسيدس والهيونداى اللى ماركونين ف جراج الفيلا
اذا حققت كل دا
مش هيبقالى هدف ف الحياه بعد كده ........وبما ان هذه الاحلام تعتبر من المستحيلات فى مصرنا الحبيبه
اقدر اقول اننا الشعب الوحيد اللى عنده هدف ف الحياه
السعاده تجعلك تقبل الحياه ام لا ؟
هههههههههههه..............لما تنزل العتبه او وسط البلد ....... هتلاقى فجأه كده ناس ماشيه لوحدها كده وبتضحك
الناس دى يا اما وصلوا لمرحله الهبل ..............يا اما رضاهم باللى بيحصل ف البلد وصل لمرحله الزهد ف الحياه
لماذا تمر اوقات السعاده بسرعه ؟
عشان احنا فقر
هل ترى السعاده ف التدوين ؟
ارى السعاده عندما اعبرعن رأيى بصراحه .........وهذا ما توفره لى المدونه
بس عالله يقفلوها........... والا والله وما اعبد مانا ساكته وهتركب ف دماغى و..........(هعمل مدونه تانيه اهىء اهىء اهىء )
هل انت متفاءل وعندك امل ؟
والله ربنا بيقول (انا عند ظن عبدى بى )
وفيه مقوله كانوا بيقولوها بتقول (بكره اكيد احلى م انهارده )
بس مدرسين العربى كانوا بيقولوا ان (بكره)......لامحل له من الاعراب
اذا شعرت بالحزن ماذا تفعل ؟
بعيط شويه ...وبعدين ببقى فرش فرش فرش
هل يستمر الحزن معك فتره ام ينقضى ف الحال ؟
هو انا بوبى ولا ايه ..........اكيد بيستمر شويه ....بس مش كتير ....لان لو كتير مش هيبقى حزن هيبقى اكتئاب
ما رأيك بالأفراد المتشائمين ؟
مش فاهمين مصر صح .........افهمها صح تكسب جايزيتها ................شقه من عمو عز
ودقوا المزاهر
لولولولولىىىىىىىى

هناك 39 تعليقًا:

بنت مصريه يقول...

اه نسيت اقولكوا
اللى عايز التاج ياخدوا
انا بهديه لكل المدونين

Ahmed يقول...

حمدلله على السلامه

انت نسيتي انواع تانيه من السعاده
اللي معاه شهاده جامعيه وعرف اخيرا انها محو اميه
واللي معاه فلوس ومش عارف يتجوز
واللي بقاله اكتر من ربع قرن مستني ينزل من بيته من غير ما يفقد اعصابه

انواع ورا انوااااع
هنعيشها كلنا

مفكر يقول...

السلام عليكم::


هههههههههههههه

يخرب عقلك (آسف اقبليها مني)

فينك من زمان،،أنا كنت فاهم مصر غلط ونويت أغير الواقع

حمد لله على السلامة،،نورتي مدونتك بعد غيابك،،

بس بجد انت رايقة خالص،،

حلوة فلسفتك والله،،إحنا الشعب الوحيد إللي عنده هدف،،

تسلمي يا بنت مصرية

دمتي في رعاية الله

3omda يقول...

بجد،هايل
ردود مقنعه..........بس يارب تلحقي تقرأي التعليقات قبل ما يخدوكي اخونا الــ ها ،انتي فاهمه بقي.

البت المشمشية حلوة بس شقية يقول...

اتنمى زيارة مدونتى المتواضعه واشوف تعليقاتك ورايى على مواضيعك عندى

عاشقة القمر يقول...

ايه داه يابنتي انا موت من ضحك
اجيتاك ممتازه بس انا اهقوليك انو اهتلقي سعادة فيان بس صلي المغرب وارجعليك
واحشتني

البت المشمشية حلوة بس شقية يقول...

ياريت تنورى مدونتى وعلى فكرة انا متابعه مدونتك من فترة من قبل ما اعمل مدونتى كمان

شفـقــة و إحســــان يقول...

هههههههههههههههههههههههههههههههه
انتى مالكيش حل بجد
تحفة ودمك شربات
ايه الاجابات الوهمية دى اللى لا تخطر على بال حد
بس شاطرة طلعالى
ههههههههه
متغبيش بقى لان بجد بزعل ببقى نفسى ادخل عندك الاقى بوستات جديدة يا كسلانة

Alkomi يقول...

المهم انك رجعتي يا انوج

و الله انتي بنت حلال لسة سائل عليكي في الفيسبوؤ

!!! عارفة ... مش عارف ليه يقول...

أنا في عندي سؤال

ممكن يعني :$

أعرف دماغ السعادة دي بتعمليها بي أيييه؟


واحد نفسه سيبقى سعيد :(

وليد

إبن مصر يقول...

ايه الجمال ده

طبعا مش انتى مصريه يبقى لازم تبدعى بمصريتك
بس عندى اعتراض

صحيح بقيت زمايله هيفتكروه (متخلف عقليا )...بس مش مهم المهم انه ناجح

ناجح من يالظبط ههههههههههه:)
عموما بجد بقا من غير ضحك والله عملتى تاج جديد ومتميز يا إنجى وتحياتى ليكى وربنا يوفقك فى محو الأميه الجديده
وبلاش تتأخرى تانى
لكى كل تقديرى

msafa يقول...

راااااااااااااااااائعه
انا عمرى ماشوفت حد سعيد قدك

الرومـيصاء يقول...

ههههههههههههههههههههههه

حمد الله على السلامه


ايه الغيبه الطويله دى


بس بجد اجاباتك تحفه



ودمها خفيف


متغبيش علينا تانى كده



دمتى بحفظ الله

بنوتة يقول...

هههههه دمك خفيف جدا ومدونتك كمان جميلة جدا
تقبلى مرورى

الميكروباص يقول...

انتي كنتي فين
وحتى لو عندك كورسات
يا ستي ممكن تدخلي باليل ولو ساعه


راجع لك تاني

حمادة زيدان يقول...

بنوتة مصر

أنجي هانم

كل سنة وانت طيبة

مفهومي عن السعادة قريب ليكي ...
السعادة عندي لما الواحد يلاقي نفسه ونفسه تلاقيه والخناقة اللي دايماً شغالة مع نفسه تنتهي على خير وسلام ويحصل وفاق وتراضي دائماً

كل سنة وانتي طيبة
وكل خروف وانتي طيبة

شمس وقمر يقول...

السلام عليكم
احييكي على روحك الخفيفة واسلوبك المميز
تحياتي

Unknown يقول...

ازيك يا انجى ايه اخبارك

بنت مصريه يقول...

eng.ahmed abo el-ella
الله يسلمك يا استاذ احمد
ههههههههههه
عندك حق والله اتمنى تنورنى دايما


مفكر
ربنا يخليك يا مفكر يا رب والله انا مجرد ما بشوف تعليقك بفرح قوى
ويا عم ولا يهمك ما عقلنا كلنا اتخرب من زمان ههههههههههه
جت عليا انا يعنى
مرسى لتعليقك الجميل واتمنى تنورنى دايما


عمده
هههههههههههههههههه
انت منهم ولا ايه يا عمده
وبعدين يا عم انا مقولتش حاجه انا لحقتكوا قبل ما تفهمونى غلط
انا قصدى الناس اللى شايفه كل دا وساكته اى حد يعنى مش شخص بعينه
واسكت بقى
هههههههههههههههه
اتمنى تنورنى دايما يا عمده

البت المشمشيه
يا قمر دا انا اجيلك طبعا
ويشرفنى انى اجيلك
بس انا بس اللى كنت مشغوله شويه
واتمنى تنورينى دايما

عاشقه القمر
سلمتك م الموت يا قمر وانا مبسوطه انى عرفت اضحكك
تقبل الله ان شاء الله

شفقه هانم واحسان بك
ازيك يا شفشق وازى زى احسان بيه
هو من جهه كسلانه فانا كسلانه عندك حق
طبعا دمى شربات ما انا بقرا لشفيقه واحسان
وانتى عارفه بقى من عاشر القوم
هههههههههههههههههههه
ما تتأخروش عليا تانى هه


محمد الكومى
ازيك يا محمد عامل ايه
واخبار حاره لسعان ايه
المجانين اللى فيها زادوا ولا لسه
هههههههههههه

Maha Shahen يقول...

انتى قلبتيه تاج تهريج مش تاج سعاده بس اجاباتك حلوه بس يعععع علي حبة البركه ملاقتيش شيء تانى احسن
يا نهارك الابيض كل دا حب جواكى لمصر ههههههههههههههههه
لا مش تقلقى مش هيقفلوا مدونتك ولو قفلوها هنروح وراكى فين ما تكونى
دا بالنسبه للبوست اما انا جيت اساسا بقى
للتهنئه بالعيد

كل عام وانتم بخير... نظرا للظروف الأقتصاديه وارتفاع الأسعار هذه التهنئه صالحه لمدة سنه وتشمل: عيد أضحى _ تعيين _ ترقيه _ نجاح _ سنه جديده _ مولود _ نقل _ زواج ... الخ
متستغربيش منا بحب مصر زيك وبوفر ههههههههههههههه

!!! عارفة ... مش عارف ليه يقول...

كل سنة وانت طيبة

وإن شاء الله عيد سعيد عليكي


تحياتي
وليد

momken يقول...

ياه ه ه ه ه ه ه

حمدالله على السلامه

على كده انتى بتيجى مع الاعياد بس يعنى نستناكى فى عيد شم النسيم


حمدالله على السلامه

ايه الغيبه الكبيره دى

البوست جميل والتاج جميل جداً
واجاباتك روعه

ماشاء الله عليكى
فعلا تاصبح تاج السعاده بعد ما جوبتى عليه

لو انى مش بحب التاجات بس التاج ده جميل

ادام الله عليكى السعاده

كل عام وانتى بخير
تحياتى

همس الاحباب يقول...

ههههههههه
تاج جامد واجابة اجمد يا ستى
عيد سعيد عليكى
وكل سنة وانتى بخير
تحياتى

حـــــ الــجــنــة ـــــور يقول...

حمد لله على السلامة ياقمر وحشانه شقاوة كتاباتك وخفة دمك يا غاليه
إجاباتك تجنن زي العاده طبعااا متألقه ماشاء الله عليك
لا أقول كل عام وانت بخير ولكن إنتي الخير لكل عام
دمتي بخير وماتغيبيش تاني
سلاااام

Esraa Hamed يقول...

كل سنة و انتي طيبة يا قمر

ياسر يقول...

السلام عليكم
كل عام وانتم بخير
عيد سعيد اعادة الله علي
الامة الاسلامية بالخير واليمني والبركات
تاج جميل اوي جديد من نوعة رغيف العيش
تموين داخلية مدير بلاا ضمير ههههههههههه
والله ممتاز عجبنتني اجابتك جدا
عيد سعيد
تحياتي

حـــــدوتـــــة يقول...

السلام عليكم

كل سنة وانتى طيبة
وعيد سعيد

سلالالالالالالالالالالالالالالالالالالالالالالالام

هى فوضى يقول...

ماااااااااااااء مااااااااااااااء
مااااااااااااء مااااااااااااااااااااااء ماااااااااااااااااااااااااء


عيد سعيد
وكل عيد اضحى وانت بخير
وان شاء الله العام القادم على عرفات متجمعين

Beram ElMasry يقول...

بنت مصريه

السلام عليكم ورحمة الله وبركاته
اجمل التهانى بمناسبة عيد الاضحى المبارك اعاده الله عليكم وجميع الاهل بالخير والبركة ، وجعلنا واياكم من الملبين فى العام القادم
والسلام عليكم ورحمة الله

Unknown يقول...

عيد سعيد
وكل عيد اضحى وانت بخير
وان شاء الله العام القادم على عرفات متجمعين

مهرة سالم يقول...

يــابنتي إيه الإجابات دي...
......
أنا بس حابه أقولك...
كـــــل عــام وأنتــــي بخيـــر...
وعيــــد سعيــــد..
أيوه سعيد لأنه لسه في سعاده في الحياه..
دمتي بخير..

ابو على يقول...

كل سنه وحضرتك طيبه

.•*´¨`*•.¸¸.•*´¨`*•.¸¸.•*´¨`*•.¸¸.•*´¨`*•.¸¸.• ::: (\_(\ ...*...*...*...*...*...*...*...*...*...*...*...* *: (=' :') :::::::::::::::: HaPPy Fe@sT::::::::::::::::: •.. (,('')('')¤...*...*...*...*...*...*...*...*...*...*...*

يلا ان شاء الله ماحد حوش

الازهرى يقول...

العزيزة بنت مصرية

عرض جميل للسعادة واسبابها
تجعل الانسان يعيد التفكير فى موقعه من خريطة السعادة

تحياتى وكل سنة وانت بخير وفى سعادة وهناء

kmt يقول...

السلام عليكم ورحمة الله وبركاته

كل يوم وانت برضا وراحة بال
عيد مبارك اه لالالالالالالا
عيدك زي السكر بلاش مبارك هو كمان في العيد

عيدك سكر زياده

تحياتي
الي اللقاء

قوس قزح يقول...

كل سنة وانتى طيبة و بخير
و دايما متوجة بتاج السعادة

عيد سعيد عليكى

اقصوصه يقول...

مبروك التاج

اجابات جميله

وكل عام وانتم بخير :)

مدحت محمد يقول...

هههههههههههه

يخربيت دماغك

ابو على يقول...

هو انتى من اللى بيحذفو كومنتاتى برده

طيب يا ستى شكرا جزيلا

ريمان يقول...

السلام عليكم

التاج ده زى العثل

ههههههههههه

بجد اجاباتك جميله جدا جدا

وكمان دمك زى العثل

دمك بجد خفيف اوى اوى

انا جالى التاج ده قبل كده بس بجد انتنى اجاباتك لذيذه

سعيده بزياره مدونتك العسوله دى

hi5