.ازيكو

ازيكوا .......احب ارحب بكل واحد قاعد دلوقتى قدام مدونتى........انا زييى زيكوا كل يوم افتح النت الاقى اخبار مصراوى......عارفينها اللى تفتح النفس للحياه دى .....فجالى اكتئاب ........ايوه ايوه زى اللى عندكو ده بالظبط.....اعمل ايه اعمل ايه.......جاتلى فكره المدونه افضفض بيها معاكو ويارب تعجبكو

الاثنين، 15 سبتمبر 2008

يا شعبى .....الحبيب.....الصبور.....المهاود


ياشعبى الحبيب الصبور المهاود
كلمه قالها صبحى ....ف عرض مسرحيه
كان عامل ديكتاتور .... ف رداء الديمقراطيه
وفرحوا الغلابه دوول .... بلفظ ديكتاتوريه
ماكنوش فاهمنها يمكن...... فاكرينها ديمقراطيه


يللا بينا نشوف الرساله.......رساله صبحى الحقيقيه


ياشعبى يا حبيبى .....يا صبور انت يا مهاود
قوللى لحد امتى ..... هتفضل ساكت وهامد
تبقى عيشتك ضنك ....وتقول ما انا اسمى حامد


صدق اللى قال فعلا ....... انك راجل مهاود


هتهاود لحد امتى .....وانت مذلول وراضى
وكل مهم تقابله........يعمل نفسه مش فاضى
ولو صرخت مره......يعمل الباشا قاضى


صدق اللى قال فعلا........ انك ساكت وراضى


سألتك...... انت مين ؟
قولت....... انا عبد المعين
سنى........ حوالى ستين
وف البطاقه.... تلاتين


عجزت بدرى اصلى ......دايما ساكت وهادى


سألتك....... انت مصرى
اكدت......... وقولت عصرى
سألت ........عن معنى عصرى
رديت
شعرى وبرفانى .......وبنطلونى وحزامى
وبنات روشه قدامى ......شور انا كده عصرى


يا خسارتك يابنى مانت.....مخك خاوى وفاضى


سألت ...........عيشتك خنيقه؟
قولت.............منا م الدويقه
راحو حبايبى..... ف دقيقه
ومعاهم..........ايام بريئه


الرحمه عليكو يا ولادى ..............وانا لسه ساكت وراضى


عرفت صبحى مين ؟
وعرفت انت مين ؟
والله هو المعين

صبحى قالها كلمه
خدها منه حكمه

عايز منه ايه ......مدام انت ساكت وراضى
لازم تقوله يا بيه.....وتطاطى عالاراضى







هناك 62 تعليقًا:

كريم مصطفي سيد يقول...

ياشعبي ياحبيبي
السلا عليكم ورحمه الله وبركاته
كل سنه وانتي طيبه
قصه جميله

كريم مصطفي سيد يقول...

السلام عليكم ورحمه الله وبركاته
كل سنه وانتي طيبه شعر جميل اوووي

Unknown يقول...

أستطعتي أن تصنعي ضحكتي المخلوطة بالحزن بين سطورك رغم وجود محمد صبحي :)

Unknown يقول...

لكل أحبائي المدونين أرجوا زيارتي للتعرف علي تفاصيل أفطار جماعي علي هامش مدونتي أو البوست السابق لي

عالم حبيب يقول...

أول تعليـــــــــــــــــــــق

كعادتك .. الكلمات تعزف على اوتار الواقع بنوع من السخرية ورغبة في ايصال رسالة في جو من الفكاهة .. كلمات جميلة .. بس ياترى صبحي مين :)

عالم حبيب يقول...

:) الظاهر مش اول تعليق .. انتي عاملة تحكم في الردود .. شكله التعليق المليووون :)

غير معرف يقول...

وحشتوني بجد

نلتقي بعد رمضان

لو في العمر بقية

كل سنة وانتو طيبين

مها ميهوووو


هو انا ماوحشتكيش؟؟؟؟؟؟؟؟؟؟؟؟

غير معرف يقول...

الله عليكى ...
ربطتى حلو قوى بين جملة فنانا العظيم صبحى وبين واقعنا الاعظم فى المراره
برافو عليكى ..برافو
وبالاخص على ذكر العصرى .ومفهومه..
والدويقه وحالها..

Geo Amr يقول...

انا سعيد لانى اول تعليق بس انا ليا راى مش عارف هتوافقى عليه ولا لا لو انصلح حال الشعب انصلح حال ملك الشعب مشكلة الشعب المصرى الضمير والله لو عندنا ضمير ليكون حالنا احسن من كدة بكتتتتتتتتتتتتتتتتتتتتتتتتتتيييييييييييييييييييييييييييييييييير وكل شنة وانتى طيبه

فارس بلا جواد يقول...

ايه ده اول تعليق
مش ممكن
استني بقي اقرا واجيلك

حمادة زيدان يقول...

هييييييييييييييييييييه هييييييييييه

يارب اكون اول كومنت

حمدالله ع السلامة ... فينك وفين ايامك

والله أحنا شعب عاوز ينضرب بال.....

ساكتين ومتهانين ومضروبين وف الاخر نقول مصريين أخي ستين أحييه ..............

أحيه طبعاً مش عيب

المهم رمضان كريم
وكل سنة وانتي طيبة

فارس بلا جواد يقول...

انتي عملتي اشراف علي التعليقات انا برده قلت ازاي الحق اول تعليق ههههههههه .. تلاقي في قبلي أمم
عموما البوست دمه زي العسل زي ما عودتينا .. ومعاكي حق فعلا الظاهر ان الشعب بتاعنا فاكر كلمة ديكتاتورية دي حاجه كويسه عشان كده نايم
انا باحب المسرحية دي قوي وبالذات الفصل ده
بس ليا شوية ملاحظات علي الشعر من حيث الاوزان .. كان عايز شوية تظبيط
بس بجد تسلم ايدك وافكارك الجميلة
تحياتي

ShimaaMahdy يقول...

والله معكى حق فى اللى قولتيه

ربنا معنا ويصبرنا ونفوق بقى كفايه خسائر

اشكرك على البوست رغم انه بيفكرنا بالحالنا لكنه خفيف (:


تحياتى

(:

.:.-=- ELGaZaLy-=-.:. يقول...

يا شعبى الحبيب الصبور المهاود..عارفة ..بين السطور اكيد لينين الرملى كان قاصد كتير على دولة انتيكا...ربنا يرحمنا

بنت سيناء.. يقول...

ساكت هامد راضى تتطاطى مهاود..الى متى؟؟؟
اننا أمة البعض منها ضعاف أو مستضعفيين

انما ثم انما ثم انما..الى متى الرحيل المريح من هذة الحياة؟؟ام اننا ننتظر ما هو اقعب من ذلك؟
اختى بنت مصرية
ادخل المدونات ولا ارى ولا اسمع إلا الكلام..اتعبنى التفكير والحوار ..ماذا عساى فاعلة؟؟اجيبينى؟؟اهو الدعء سلاحنا فى الليالى القادمة؟؟ام اننا اصبحنا غير مجابين للدعاء؟؟ام ماذا؟؟اجيبينى فقد اتعبنى التفكير

Unknown يقول...

السلام عليكم

ازيك يا احلي بنوته مصريه

انا بجد قبل ماجي المدونه زعلت من نفسي اوي

انا طول الفترة دي كنت فاكر اني بزورك باستمرار وفاكر اني حاطك في المفضله عندي بس لقيت المووجود حد اسمه بنوته مصرية وملقيتهاش مدونتك دي مدونة رودي لو تعرفيها كنت فاكركم نفس الشخص

بس خلاص حالا هروح اضيفك او انا ضايفك فعلا بس والله مش عارف انا مداااااااااايق من الحركة دي
انا اقصر معاكي انتي يا احلي اخت في الدنيا


ـــــــــــــــــــــــــ
وبالنسبة للبوست اقولك نكته

امريكي وصومالي ومصري تاهو في صحرا وبعد 20 سنة لقوا راديو

الامريكي جاب محطتة لقي الراديو بيقول احتلينا سوريا وايران والبقية تأتي

والصومالي لقي الراديو بيقول ولا زالت المجاعات مستمرة

اما المصري بقي لقاه بيقول

واخترناااه اخترنااه علشان كده احنا اخترناه



كابس علي نفسك يا قطة انسيييييييي
وهنفضل الشعب الودود المهاود


يارب متكوني زعلانه
بجد وحشتني مدونتك

تقبلي اسفي وتحياتي

aboud يقول...

بوست جميل وشعر حلو اوى ومعبر عن الضيق اللى كلنا حاسين بيه
ربنا يخرجنا من الوضع اللى فيه البلد على خير ويهدينا كلنا اولى الامر و المحكومين
وكانت بنت سيناء بتسال فوق هل احنا معدناش مستجابى الدعوة ؟
للاسف برد عليها واقولها اه اكيد
تفتكرى فى ناس يكونوا بعدوا عن ربنا اوى كده ويستجيب لدعواتهم ؟؟!!!
انا متاكد ان الرسول لو كان موجود فى عصرنا كان هيحس بالكسوف من الوضع اللى وصلت له امته وازاى هما بعدوا عن تطبيق رسالته !!!!!!!

!!! عارفة ... مش عارف ليه يقول...

عارفة

إحنا من يومنا وإحنا كده

حتى من أيام الفراعنة
بس يمكن في زمن الفراعنه
كان في واحد قدر يقول لأ
ومتسجلة على المعابد واتعملت فيلم تسجيلي باسم "شكاوي الفلاح الفصيح"

ياترى لسه فينا فلاح فصيح يقدر يشكو ويقول كفاية .. ولا مش هيحصل علشان مبقاش في بر مصر فلاحين خلاص

شكراً على لحظات التأمل هذه
وليد

مدونة حكومتى ملاك يقول...

السلام عليكم ...

فعلا أنا مش عارف الشعب ده امتى يفوق

وامتى يقف ويقول لا بجد ...أنا مش عارف


حسبنا الله ونعم الوكيل .

تحياتى ...

عمار صبرى .

حـــــدوتـــــة يقول...

السلام عليكم

حرام عليكى قلبتى علينا المواجع
مع ان الكلام خفيف بس فى معانى كتيرة قوى

سلالالالالالالالالالالالالالالالالالالالالالالالالام

عاشقة القمر يقول...

بوست جميل وشعر كمانربنا معنا ويصبرنا

Maha Shahen يقول...

انا مبقتش عارفه علشان اقول العيب فين انا لسه حاطه بوست بسئل العيب فى مين
كتبتى كلام هايل وفعلا شكلنا زي شعب صبحى الشعب الحبيب المهاود

تفرحه بعلاوه وتسرقه ويقول معلش

عوضنا على الله .. شكلها بتغرق

خالص ودى وتقديرى وتحياتى

ياسر يقول...

يا شعبي الحبيب الصبور المهاود
سالتك انت مين؟
قولت شارب الذل وراضي
بنحت في الصخر من اجل رغيف عيش لي اولاادي
سني؟ فوق التسعين
وفي البطاقة الا اية خمسة وعشرين
عجزت بدري اصلي دايما ساكت ودة مش بمزاجي
عجزت بدري لما بشوف واسكت ناس بتموت قدام
عينينا وفي الاخر الغلط فيهم من غير حتي الله يرحمهم
ابني واخويا اختي وبنتي ماتوا تحت الانقاد قدامي
ويطلع مسؤل الا اية رفضوا اخلاء البيت طيب يخلوة ويروحوا
فين ومنين يجيبوا خلوا وغيروا
عجزت بدري من الابيجرلنا واذا كان عجبنا
سالتك انت عصري؟؟
شعري وبرفاني وبنطلوني وحزامي وبنات روشة
منا ملقيتشي غير كدا علشان اكون عصري
فراغ في فراغ دايرة بينا الدنيا
شباب ملهومشي شغل طبيعي يكون عصري
عيشتك خنيقة؟منا من البلدي
راحو حبايبي في ثانية
الله يرحمهم

ضــى القمــر يقول...

شعر رووعه وبوست جميل جداا يا بنوته ..

عايز منه ايه ......مدام انت ساكت وراضى
لازم تقوله يا بيه.....وتطاطى عالاراضى

صح يا بنوته .. معاكِ حق والله

أجمل تحيه لكِ على اجمل مدونه رائعه

تحيتى لكِ

sebofy7alo يقول...

أول تعليق
بوست هايل جدا وأتمنى منك المزيد.

Unknown يقول...

انجى....موضوعك حلو اوى
و صبحى طول عمره صاحب رساله بس احنا اللى تقريبا اغبيه

لؤلؤة الاسلام يقول...

ما شاء الله مدونة بجد بجد
رااااااااااااااااااائعة
شكرا لك
و تقبلى تحياااااااااااااااااااتى
رمضان
كريم

spower يقول...

السلام عليكم

باقولك ايه سيبك من الكلام ده الشعب نايم ومش هيصحي دلوقتي بلاش نزعجه بالكلام ده
هما مش بيقولو النوم سلطان

وعلي راي المثل انا راضي وابويا راضي وانت ايش دخلك بينا يا قاضي

كل واحد بيقول اربي عيالي
امشي جنب الحيط بس حيطان اليومين دول بتقع علي رووس اللي ماشي جنبها
احسن حاجة يمشو تحت الحيط علي الاقل يلاقو حاجة تسترهم

علي فكرة الشعب المصري مش عبيط زي ما احنا فاكرين
هو بسي هارف ان الصبر ثوابه الجنة وعارف ان الدنيا فانية فقال اصبر واكسب الاخرة

شعب نوور
بيفهمها وهي طايرة واحيانا بيفهمها قبل ما تطير

3ala asm masr يقول...

اوعى تفتكرى ان فى حد لسه مش فاهم الحكايه
الكل فاهم وخايف وساكت

Butterfly يقول...

الله عليكى بجد ما شاء الله
الكلمات حلوه أوى وانا برده كنت أخدت بالى من الكلمه
انتى فعلا بتعبرى عن حاجات كتير نفسى أقولها انتى بتقوليها بطريقه جميله
تحياتى

princess يقول...

يا شعبى الصبور الحبيب المهاود هههههه
بصى يا بنتى شاربين الذل وراضيين
اغلب الناس ان مكنش كلهم بيمشوا جمب الحيط وفى ناس دخلت جوه الحيطة كمان بقيت هيا والحيطة واحد للاسف
ثقافة شعب بحالو كده
ربنا يعنا
تحياتى

(احمد سكر ) يقول...

ههههههههههه

شكلك هتحبسينا يا بنت عمى

وهتودينا اللومان

ايه يا بنوته الكلام دا

روووعه يابنتى والله

حقك تكتبى اغانى ساخره

دمتى بكل الود

ابن عمك

سنكررره

الحكمة ضالة المؤمن يقول...

كتابة جميلة
وانا اقراء السطور
اقول لازم ازور المدونة ثاني مره
ابص في الجنب
اتفاجى
مكتوب
((((((((( يا بخت الي زار وخفف ))))))
صدمتيني
تخيلت المسرحية
وانا باشوف صبحي
ينكلم وانتي واقفه بين الجمهور تردي عليه
اكثر من رائعة
الف تحية

فى حب الله يقول...

ايوه خايف ايوه راضي عارفه ليه ديماً بدادى

خايفه اخوياً فيوم يخدوه من قدامي وقدام ابوه وامي تروح فيها ياهوه

خايفه ابويا يوم يتذل اكتر ما احنا شاربينه ذل
خايفه اصحا الصبح الاقي بنتي موديل

ولا ايه

انا مش عارفه جرى لنا ايه

mregypt7 يقول...

هلا والله انجى باشا
عاش من شافلك بوست
بس جميل اوى الشعر ده
والتاليف يدل على عبقريه مستخبيه ومنتظره الفرج
بصى يا انجى انتى ليكى اشعار كتير اوى
ايه رايك لو تعمليها فى كتاب
والله هتكسبى من وراه عنب هههههههههههه
البوست جامد جامد
بس مكتره الحزن فيه شويتين
بس الا الشعر ده تبع الشعر المرسل ولا تبع ايه اصلى محتار بس شويه
ليطلع هجاء والناس يفهموكى غلط
يالا منتظرك
وتحياتى
بيبــــــــو

فى حب الله يقول...

انا رديت على الموضوع من شويه
لكن ده اعلان هام
جائكم تاج مرسل من مدونه فى حب الله برجاء التوقيع بالاستلام
ولكي مني كل الحب والتقدير

عايش... ولكن !!!! يقول...

:d
جميله جدا وخصوصا دى
سألت ...........عيشتك خنيقه؟
قولت.............منا م الدويقه
راحو حبايبى..... ف دقيقه
ومعاهم..........ايام بريئه

*الطالبة عفو الله *زوزو يقول...

يا جامد يت بتاع الاشعار انتي
ايه الكلام الجميل دة يا سلام عليكي يا اختي
كلامك ديما يا حبيبتي بيكون دمه خفيف و اسلوب جميل و في نفس الوقت ليه معنى و مضمون
سلمت يمناكي و لا حرمنا الله من ابدعاتك
في حفظ الله

مواطن مصرى نايم يقول...

مسرحية تخاريف

يا ريتها تخاريف فعلا
لكن الواحد مننا بقى خلاص

الحمد لله

بوست جميل
و كلامك جميل


انا اللى سألتك فالفيسبوك عن انك صاحبة المدونة دى و الا لا
انا احمد عبدالله
ابن اخت واحد من البلد دى

مشهور بقى بإسلام

تحياتى ليكى

إسلام

مهرة سالم يقول...

اسلوبك جميل....
وتناقشين قضيه حساسه...
وضع المطاطاه موجود في كل البلدان ...
وبالرغم من كل مايحدث نضل الشعوب الودوده وكلنا
(((حامد))))

عاشقة القمر يقول...

اسلوبك حلوي اوي بوستك جميل وتناقشين قضيه بطريقه كويس بتعبرى عن حاجات كتير بطريقه حلو
ربنا يعنا

Abo 7anf يقول...

السلام عليكم
ازيك
كل سنه وانتى طيبه
و بعدين انتى مخصمانا ولا ايه
بقالك كتير مبتزوريش المدونه بتاعتى
المهم تكونى بخير
على فكره
زى كل مره التوبيك جميل جدا
بش مش عارف امتى النايم دا هيصحى

romansy يقول...

بحبها واعمل ايه
بحبها كده زى ماهيه
بالعلما اللى فيها والحراميه
بس اعمل ايه بحبها

"عبير النجار "نيجار يقول...

بجد بوست رائع
بس قوليلي أمال الغلابه والمساكين هيدخلوا الجنه ليه.
اللهم أحيني مسكيناً وأمتني مسكيناً وأحشرني في زمرة المساكين
بجد ربنا عالم بكل شئ وكله إختبارات من ربنا
تحياتي

Unknown يقول...

جامدة جدا
الله ينور بجد

Ahmed Al-Sabbagh يقول...

اسقاط جميل جدا

واسلوبك اكثر من رائع

احمد

ana ga3an يقول...

دمها خفيف فعلا تحياتي

engy يقول...

بجد شعر رائع فعلا كل كلمه بتقول حاجه
ربنا معانا
كل سنه وانت طيبه
احنا بنحاول نتناسى معنى كلمه ديكتاتوريه

engy يقول...

بجد حلوه اوى كل كلمه بتقول حاجه
فكره رائعه
احنا فعلا بنتناسى معنى كلمه ديكتاتوريه

حـــــ الــجــنــة ـــــور يقول...

السلام عليكم
ماشاء الله كلامك حلو وليه عبره سعيده إني بكتب ليكي يا فنانهوكل سنه وإنتي وأهلك طيبين
رمضان كريم

غير معرف يقول...

جامد اوى الكلام اللى انتى كاتباه بس عمالة تقولى كلام و بس بقالنا 100 سنة بنتكلم حلو الكلام علشان يفوق الناس و يعرفها بس المصيبة ان كل الناس عارفة كل حاجة .... بس محدش عارف يعمل ايه كله بيتشطر على اللى زيه و فاكر انه كده هو الكسبان اتعودنا نتعوج على بعض بس و نمص دم بعض و حاسين اننا كده منتصرين بقولك ايه من الاخر كدة ( البلد دى مش نافع فيها كلام طول عمرنا بنتكلم و نغنى و بتيجى معانا نتيجة عكسية لا مبالاه و استهتار بالكلام و احساس بالفشل بيزيد يوم بعد يوم عايزين نعمل حاجة لو الناس عاجبها الكلام فعلا ياريت تعملوا حاجة و اللى مش عارف يعمل ايه يسأل مش عيب )............على فكرة عاجبنى اوى الحتة بتاعت (عمرى 60 و فى البطاقة 30 ) جامدة بجد دماغك فى الكتابة ماشاء الله
سلااااااااااااام تيكو باشا

غير معرف يقول...

زى الفل

Hossam يقول...

شعرك لذيذ وهداف
يا رب استرها معانا
واتمنى نكون اصدقاء
سلام

كـــيــــــــارا يقول...

سألت ...........عيشتك خنيقه؟
قولت.............منا م الدويقه
راحو حبايبى..... ف دقيقه
ومعاهم..........ايام بريئه

--------

بجد كلامك صعب جدا وبيالم وبيوزجع وبيدبح وبيفوق وعمل فيا كتير

كل سنه وانتي طيبه وبجد اسلوبك جميل

ojg يقول...

حلوة أوي
تسلم ايديكي
مش مهاود وبس
ده مذلول ومقهور ومغلول
بس ياريته ينطق
ميرسي انك نطقتي
:)

Empress appy يقول...

الشعب مش منظم والحكومه ضاغطه فبالتالى هى اللى هتفوز فى النهايه

بنت سيناء.. يقول...

فينك؟؟زمان فين المواضيع

حبيبة الروح يقول...

هاي يا نوجي يا حبيبتي معلش والله والله انا عارفه ان مقصرة جدا معاكي يا قمرايه بس والله ظروف كتير اوي المهم متكونش زعلان مني يا قمر بوست جميل كا العاده يا نوجي علي فكرة انا اسفه جدا مش هقدر اجي الفطار الجماعي عشان مقدرش اسيب ماما
اوعي تزعلي يا نوجي
مي

ذو الوجه المبتسم يقول...

السلام عليكم ورحمة الله
كلماتك جميلة ومؤثرة
وتحليلك للوضع عن طريق مسرحية لفنان بيوضح مفاهيم كتير
اكيد كتسير منا بيسال نفسه وبيسال غيره
ايه اللى بايدينا نعمله
مشاغل الدنيا ومشاكلها واخدانا

بنت مصرية... علياء .. هاديا

لى رأى بخصوص الموضوع السياسي بصفتى مواطن مصري بسيط
الخوض فى السياسة مش سهل لدرجة اللى البعض متوقعها .. وفيه كمان شئ
بالنسبة للرجال المسئولين عن اسرة
تفتكرى ممكن الرجل يسيب اهل بيته بدون اكل ويروح يحارب علشان يغير نظام
او حتى يعترض عليه
اسف .. انا عارف ان كلامى ممكن يزعل البعض ولكن
تعالو نفكر ونشوف ...
وللحديث بقية ؟

Ahmed Fahmy يقول...

هم يضحك و هم يبكي
و في كمان هم يخلينا نتفنن في النسيان و نتوهوا عن واقعنا الاليم
جميل بجد شعرك
تحياتي

روووووومانسي

إبن مصر يقول...

السلام عليكم ورحمة الله وبركاته
والله برافو عليكى

بجد بجد عاجز عن الكتابه ومش لاقى كلام ممكن اكبه ليكى تعبيرا عن سعادتى بالموضوع ده ونثر جميل جميل جدا جدا


وفى الأخير لا أملك غير تحياتى
وفائق احترامى لكى ولقلمك الجرئ

غير معرف يقول...

السلام عليكم ورحمه الله
أولا أنا عجبانى أوى المدونة دى بجد أول مدونة أشوفها بجد حلوه أنا كنت فاكر إن أغليهم حاجات شخصيه بس بجد أول مره أشوف مدونة جميلة كده
وكان ليا طلب صغير أنا الحمد لله عندى إكتئاب فظيع بسبب حاجات كتير وكنت عايز أعرف بجد إذا كنت أنا اللى غلط ولا لا ياريت لو أقدر أحط موضوعى فى المنتدى بس ياريت حد يعرفنى إزاى أو أى حد يقدر يتواصل معايا إيميلى هو tito_hatem2008@yahoo.com ياريت تحاولوا أقدر أحط موضوع فى المدونة هنا وأسمع أراء الناس

hi5