.ازيكو

ازيكوا .......احب ارحب بكل واحد قاعد دلوقتى قدام مدونتى........انا زييى زيكوا كل يوم افتح النت الاقى اخبار مصراوى......عارفينها اللى تفتح النفس للحياه دى .....فجالى اكتئاب ........ايوه ايوه زى اللى عندكو ده بالظبط.....اعمل ايه اعمل ايه.......جاتلى فكره المدونه افضفض بيها معاكو ويارب تعجبكو

الأربعاء، 15 أكتوبر 2008

نيكولاس المعجزه.........................مسلم بدون اسلام

كعادتنا كأسره مصريه _زى اى اسره مصريه_نلتف كل يوم حول ما يدعى ( التلفاز)........وذلك حينما ترمز الساعه الى العاشره مساءا
وذلك لنشاهد برنامجنا المفضل (العاشره مساءا).........تقديم الاعلاميه الشهيره (منى الشاذلى)..........
لنعرف ما وصلت اليه بلدنا مصرنا من (حرائق - كوارث - فقر - مرض - جرائم قتل وتحرش - قضايا فساد وظلم (اللى بقت مالهاش كبير)

الى اخر ذلك من من المصائب التى تصيب كل مصرى بالاكتئاب والحسره على ما وصلت اليه بلدنا الحبيبه (مصر)
ونحن نلتف كل يوم حول هذا البرنامج ..املا فى ظهور(معجزه) تغير حالنا الى الاصلح


واثناء مشاهدتنا للبرنامج اعلنت الاستاذه (منى الشاذلى ) انها بعد الفاصل ستستقبل فى الاستوديو شخص من استراليا يدعى
(نيكولاس فيوتشيدج)
تحدثت الى نفسى اثناء الفاصل وانا اقول (هتسيب بقى الكوارث اللى ف البلد وتعمل فقره كامله عن واحد مشهور ف بلده ......
طب احنا مالنا يعنى )


وبعد الفاصل ظهر (نيكولاس) على الشاشه...........وبمجرد ظهوره بدا على وجوهنا جميعا علامات الاستغراب والتعجب والدهشه
والتى قد تكون انعكاس لما يوجد داخلنا من مشاعر مختلطه


والان من هو نيكولاس؟

الاسم: نيكولاس فيوتشيدج
السن:26 سنه
البلد:استراليا
الهوايات: رياضه السباحه - الجولف - الكتابه عالانترنت - عمل علاقات اجتماعيه
الشهادات: حاصل على ثلاث شهادات ف الاقتصاد واداره الاعمال
الاعمال الخيريه:اسس بعض المؤسسات للمعاقين وايضا جمع تبرعات لهم ... منها مؤسسه (حياه بدون اطراف)
الاعاقه: ولد بدون اطراف... (اى ولد بدون ساقين او ذراعين)


ولد هذا الشاب بدون يدين او قدمين .........هل يستطيع اى فرد منكم ان يتخيل حياه هذا الشاب خلال مراحل عمره المختلفه من ضغط نفسى ..
صحيح انه حاول الانتحار ف سن التاسعه ولكن بعد فشله فى هذه المحاوله.........قرر (نيكولاس) التعامل مع الامر الواقع بمساعده ابواه
اللذان رسخا فيه معنى كلمه (الحمد لله).....................ان هذا الشاب ليس مسلما ....ولكنى لاحظت من خلال حديثه ان البسمه لا تفارق شفتاه
ولا تفارقه ايضا عباره (انا مؤمن ان هناك خطه من الله لحياتى لذلك جعلنى بدون اطراف )....
ومقتنع تمام الاقتناع ان هناك حكمه لا يعلمها الا الله فى ذلك
قلت لنفسى وانا استمع الى حديثه الشيق وضحكاته العاليه ونكاته وايمانه الكبير جدا بالله
(هذا هو المعجزه التى كنت انتظرها من البرنامج)
نحن نحمد الله على نعمه الكثيره لنا سواء اطراف او حواس .........ولكن ان اخذ الله هذه النعم منا..........هل معنى ذلك ان نفقد عقلنا
ان (نيكولاس ) دليل حى وواضح على ان عقلنا هو ما يحركنا وليست اطرافنا
اين عقلك ايها الشاب المصرى ........السليم البنيه......الذى لديك نعم ولا تعرف ماذا تفعل بها
ان (نيكولاس) هو المعجزه التى ان رأيتها ستغير مبدأك ومنطقك ف الحياه.............ونستطيع ان نعتمد عليك بعد الله _سبحانه وتعالى _ فى تغيير (مصرنا الحبيبه)
انى اعتبر ( نيكولاس) _مسلم بدون اسلام _ على عكس _الاسلام بدون مسلمين_ وللاسف هذا شائع فى (مصرنا)
هذا الينك هو ريبورتاج سريع عن (نيكولاس) ارجو الدخول عليه ...........لانى مهما كتبت لم ولن استطيع ان اصف هذا الشخص الرائع
احب اختم البوست بالنداء الذى قاله ( نيكولاس ).....والذى جعل عينى تدمع
(الى كل يهودى او مسيحى او مسلم ....مهما كانت مشكلتك كبيره فأن الله اكبر منها )

هناك 59 تعليقًا:

Ahmed Al-Sabbagh يقول...

الله
رااااائع يا انجى
انا شوفت الحلقة دى وكنت منبهر اصراحة
وبوستك جميل وملخص الحلقة للناس اللى ما شافتش
تحياتى ليكى

احمد

AHMED SAMIR يقول...

فعلا هو معجزة بكل المقاييس
سبحان الله انا بأحس ان ربنا كل فترة بيبعت للناس ايات عظيمة لمقدرته الواسعة ورحمته
المصري اليوم كتبت عنه برضة امبارح الصبح
واضح انه كان يوم نيكولاس
موضوع جامد جدا
تحياتي

*الطالبة عفو الله *زوزو يقول...

بجد مش عارفة اوصفلك احساسي يا انجي بعد ما قريت البوست
قعدت فترة كدة بفكر و فكر و فكر موصلتش غير اني اقول سبحان الله و الحمد لله
للاسف للاسف حاجة فعلا تدمع العين و تنزف القلب عندما نرى الاسلام عند غيرنا و لا نجدوها فينا نحن المسلمين
لماذا؟؟
نحن احق بان نملك قوة الايمان و الرضى و الامل

مش عارفة اقول ايه
حاجة تفرح لما يبقى في انسان مثل نيكولاس ما زال على هذه الارض
بس حاجة تاسف اوي لما نشوف الاسلام عند غيرنا و لا نراه فينا
الله المستعان
بارك الله فيك حبيبتي على البوست دة

Unknown يقول...

السلام عليكم
الحقيقة أنا شفت جزء من الفقرة دى ولفت نظرى فعلاً الناحية الايمانية عنده .. دى النتيجة الايجابية للأزمات اللى بتصنع بشر فى منتهى السمو والنقاء
تحياتى

بنت مصريه يقول...

احمد الصباغ
مرسى يا احمد على تعليقك
انا كنت عايزه اكتب البوست دا بمجرد ما شفت الحلقه امبارح
لانها ابكتنى
يا رب نبقى ربعه يا احمد

استاذ سمير
عندك حق والله
والله العظيم الشخصيه دى اللى ميعرفش انه مسلم يقول عليه مسلم ومتدين كمان
مرسى على تعليقك

الطالبه عفو الله
تصدقى انا وانا بتفرج عالحلقه
كان فيه حاجه جوايا بتقوللى مش دا مش مسلم بس هيدخل الجنه
وكنت فرحناله قوى
وف نفس الوقت عينى بتدمع على حال الشباب المصرى
لنا الله
مرسى على اهتمامك وتعليقك

"أم أدهم المصرية" يقول...

السلام عليكم ورحمه الله وبركاته
---------------------------

الله أكبر الله أكبر الله اكبر

مش عارفه اعلق اقول ايه فكرت فعلا ايه ممكن يكون مناسب عشان اقوله مش عارفه

بس حاجه تخليك تقول سبحانك ياربى

ولك فى شئونك حكم

اتمنى ان يكون شبابنا فيهم نصف ايمانه بالله

بجد تسلمى ياانجى
بوست اكتر من رائع حبيبتى

الله المستعان

بنت مصريه يقول...

احمد عبد العدل
اول مره تعلقلى يا استاذ احمد
عندك حق والله بس مين يسمع ويتعظ
شكرا على تعليقك

لؤلؤه الرحمن
الله يخليكى يا حبيبتى
انا لما شفت البرنامج زعلت على حالنا قوى
الله المستعان

Unknown يقول...

انا شفت الحلقة وتنحت........دة بنى ادم رهييييييييب ويتحب بسرعة جنونية

Alkomi يقول...

1 - منى الشاذلي مش بحبها

2 - مين قال ان من شروط البني ادم الكويس الاسلام

لا خالص الاسلام و المسيحية و كدة عقائد

انما طبيعة الانسان دي نمط لا اكتر ولا اقل

3 - انا شوفت الولد فعلا و هو حاجة هايلة اوي

رندا يقول...

بنت مصرية

بوست هايل
انا شوفت حلقة نيكولاس ياانجى
فعلا عندة ايمان كبير بان لكل شئ حكمة من رب العالمين
وهو متحدى كبير للاعاقة بفضل الله تعالى
فقد انتصر على كل شئ لان بداخلة ايمان كبير ورضا بالنفس

انا اعتبر ان بداخل كل شخص كلمة هى الرضا هل انت راضى ام انت ليس راضى
هل انت عندك ايمان ام لا
هل انت حامد وشاكر لله
لو جميعنا سئلنا انفسنا كل هذة الاسئلة وعملنابها وحمدنا الله تعالى على نعمة علينا
ياليت هذة الحلقة تكون حافز للكثيرين من الشباب على الانتاج
فهذة رسالة من البرنامج موجهة الى الكل
ومين عارف جايز بزيارتة الى مصر يدخل فى الدين الاسلامى
نتمنى انة يكون مسلم لانة تصرفاتة المسلم الصحيح

تسلم ايدك ياانجى
بقولك صحيح
فرح كاميليا بكرة ان شاء الله فى مدونتى ابقى تعالى عندى بقى واسمعى الزفات الى عندى ليها

تحياتى

رندا

غير معرف يقول...

لازم علشان أي شاب يعمل كدة يكون عنده المقومات على هذا الموضوع .
الايمان بالله عز وجل .
لازم حد يرشده الى الطريق الصحيح الهياخطو فيه ماينفعش يكون لوحده بدون مرشد .
أما إسلام بدون مسلمين فلا أعلم لماذا .؟
أسمع عن أشياء لا أعرف لماذا وصل لها الشاب المصري كالتي تحدث في الأعياد في وسط البلد .
على الرغم من أن هناك وعي ديني من العلماء أعانهم الله .
ولكن أعتقد أن الأباء ليسوا كاباء زمان البعض لا أقول الكل .
لكي مني التحية .

الرومـيصاء يقول...

بجد انا مش لقيه تعليق
اقوله لسانى عاجز عن التعبير
سبحان الله
سبحانك ربى ماخلقت هذا باطلا

إيمان قنديل يقول...

في البداية تخيلت أن الموضوع تقليدي عن واحد أجنبي مسلم ولكنه لايعرف عن دينه شيئا، لكنني عندما أكملت قراءة البوست عرفت أنه شاب أستطاع بقوة إرادته أن ينال على عدة شهادات ويساهم بقوة في الأعمال الخيرية رغم إصابته بإعاقه، وكان سلوكه الحسن والطيب من السلوكيات التي حثنا عليها الإسلام، وللأسف مانراه من الغالبية من المسلمين سواء في مصر أو خارجها يتنافى تماما عن الإسلام

بوست رائع تحياتي

Geo Amr يقول...

جزاكى الله خيرا لانك فعلا عملتى ملخص سريع للحلقة اما نيكولاس فهمو فعلا لازم الشباب المصرى يشوفة عايزين نتغير بقى مش معقولة هنفضل طول عمرنا مهتمين بحاجات تافهة لازم بقى نشغل دماغنا شوية ونصحى عايزين نتغير للاحسن وبجد البوست رائع جدااااااا ولتانى مرة جزاكى الله خيرا

Unknown يقول...

السلام عليكم

ازيك يا انجي
اخبارك ايه يارب تكوني بخير وكله تمام

بجد الموضوع مؤثر
وانا منكرش ان الواحد رغم كل النعم اللي بنتقلب فيها بيمر بلحظات ضيق وخنقه

لكن المثال ده بجد درس للكل

اشكرك علي تصويرك الرائع للشخصية
وعلي الفائدة التي ستعم علينا من التمعن في هذه الشخصيه

ربنا يبارك فيكي
وينفع بيكي

ويوفقك


تحيات قلبي

دمتي بخير

همس الاحباب يقول...

سبحان الله
ولا حول ولا قوة الا بالله
بارك الله فيكى على هذا البوست الرائع
وان كانت الظروف لم تسعفنى لمشاهدة البرنامج
فشكرا جزيلا على تلك التغطية الرائعة
وربنا يهدى شباب الاسلام لما فيه خير الاسلام والمسلمين
تحياتى وتقبلى مرورى

حمادة زيدان يقول...

البنوتة المصرية انجي

والله يا نوجة الحلقة دي فاتتني بس أنتي لخصتيها بطريقة جميلة ... والله في كتير جداً مسلمين بدون إسلام مش نيكولاس وبس إحنا للأسف كبرنا ونفضنا وبعنا وهيسنا وشنكتنا ونسينا وكل البلاوى الزرقة دي عملناها ونسينا أننا مسلمين


بوست جميل بحيكي عليه بجد وبحيي الأعلامية اللي دائماً مشرفانا في الوسط الإعلامي الاستاذة منى الشاذلي

محمود حسن العدل يقول...

السلام عليكم ورحمة الله وبركاتة
اختى الغالية / بنت مصرية
والله برافو عليكى
سبحان الله فعلا قوة الارادة دى ممكن تعمل المستحيل
ياريت الكل ينظر للناس من جواهرهم مش من مظهرهم زى انتى ماعملتى كدة
فى ناس كتير شافت البرنامج دة لكن للاسف مش عرفت تخرج منة بحاجة غير انها تتصعب وتقول ياعينى ياحرام .
لكن اللى انتى عملتية دة
بيدل على عقلية جميلة اوى واحساس جميل
بجد برافو عليكى
وتقبلى تحياتى واحترامى لشخصك الكريم
تحياااااااااااااااااااااااااااااااتى

Unknown يقول...

ربنا حكيم جدا
بياخد بس بيدى من ناحيه تانيه



تحياتى يا انجى على الموضوع

موناليزا يقول...

ياااا الله
لا اله الا الله
سبحان الله فعلا
والجملة الاخيرة دى فيها الخلاصة
انتى عسولة اوى على فكرة

كيكى عوووووو يقول...

ياااااااااااااة
مش عارفة بجد اوصفلك احساسى ولا اوقولك اية غير الحمد الله على كل شئ...
واهم حاجة فى الدنيا رضاالنفس والايمان الكبير بالله
بوست جميل جداااااااااا
تسلمى
عووووووووووووووووووووووو

نسر الشرق يقول...

الحقيقه انا خجلان من نفسى جدا لانى كنت جى اقللك انى بعت بوست جديد بشكى فيه من مشكله ولما قرات البوسط بتاعك
حسيت انى بدلع
شكرا

شفـقــة و إحســــان يقول...

ممتازة بجد بوست روعة والواحد يخرج منه بحكمة وهدف
ارفع القبعة لكى يا بنوتة بجد بشكرك على اهداء الحلقة على اليوتيوب
تحياتى

romansy يقول...

والله موضوع جميل
على فكره الامام محمد عبده قال الكلمه دى قبل كده
رايت فى بلاد الغرب اسلام بلا مسلمين
بينما نحن مسلمين بدون اسلام
بالوراثه
حلقه جميله فعلا
المشكله اننا عندنا نعم كتير
بس لاسف مش مستغلينها صح
شكرا على بوستك الرائع

رامز عباس يقول...

أنجي

انا كمعاق سمعيا تابعت رحلة نيكولاس من الاسكندرية


وكتبت عنه


عجزى عن السمع منعني من الحفل


رغم اتصلنا بندى ثابت من المحله ومعرفة موعد وجوده بالاستوديو


اتمني اننا نطور نماذجنا المصريه فانا بالمقياس

الاسترالي فاشل

والمقياس المصري اكتر فشلا


وانتم كشعب تكتمونا علي جانب الشاطيء نرسم خيالاتنا علي الرمال فقط


دون سماح لنا بنزول بحر الحياة الطيب

ظنانن منكم اننا لا ننفع بشيء شكرا

لاحساسك العالي

بنت مصريه يقول...

ازيك يا رندا
مرسى على تعليقك يا قمر
اتمنى تنورينى دايما

بنت مصريه يقول...

انجى
ازيك يا قمر
ايه ايه النظام اكلم البرنامج
يقولولوا جايبينلك عروسه ولا ايه ههههههههههههههههههههه
مرسى على تعليقك يا قمر

محمد الكومى
1 -بس انا بحبها
2-عندك حق بس الثقه بالله دى مش ف كل العقائد
3- فعلا الولد هايل
هههههههههههه
مرسى عالتعليق

استوراليا
عندك حق والله ف كل اللى قولته
ربنا يهدى
اتمنى تنورنى دايما

بنت مصريه يقول...

الروميصاء
والله يا بنتى انتى اخترتى احسن تعليق
اتمنى تنورينى دايما وشكرا على تعليقك واهتمامك


كباريه
هذا كان شعورى
عندما اعلنت عنه منى الشاذلى اثناء الفاصل
مرسى عالتعليق واتمنى تنورينى دايما

جيو عمرو
جزانا وجزاك كل خير ان شاء الله
عندك حق والله ف كل اللى قولته
بس فيه ناس من شبابنا بصراحه
بعضهم وليس كلهم
لما بيشغلوا دماغهم بتحصل كارثه
ههههههههههههههههههه اتمنى تنورنى دايما

برقش
استاذ ابراهيم ايه يا عم الدعاوى دى كلها انا مستحقهاش ادعيله ربنا يثبته
ويثبت اى حد عنده مشكله
ويجعله واثق من فرج الله

مرسى لسؤالك عليا يا ابراهيم انا تمام والحمد لله
اتمنى تنورنى دايما


همس الاحباب
مرسى يا استاذ خالد على تعليقك واهتمامك
واتمنى تنورنى دايما

بنت مصريه يقول...

حماده زيدان
عندك حق والله يا حماده
دايما نقول ايه الكوارث دى
وننسى ان احنا اللى عاملينها
فعلا ان الله لا يغير ما بقوم حتى يغيروا ما بانفسهم

محمود العدل
بصراحه يا استاذ محمود
تعليقك خلانى مش عارفه ارد واشكرك ازاى
انا معملتش غير اللى انا حاسه بيه تجاه هذا الشخص
هذا واجبى تجاهه وتجاه شباب مصر
امال اسمنا بس عاملين مدونه وخلا ص هههههههههههههههههههههه
اتمنى تنورنى دايما

كريم
مرسى يا كريم على تعليقك واهتمامك
واتمنى تنورنى دايما

موناليزا

هههههههههههههههههههههههههه
ربنا يخليكى يا رب
دا انتى اللى عسوله
عشان قدرتى معنى الموضوع
اتمنى تنورينى دايما يا قمر

يا مراكبي يقول...

عمر ما الغنسان بيعرف قد إيه هو في نعم كتيرة إلا لما بتزول عنه نعمة منهم ولو بصفة مؤقته

هو الإنسان كده

وممكن نلاقي نماذج زي النموذج اللي في البوست ده يخلينا نخجل من أنفسنا لأننا عندنا نعم أكبر لكن للأسف مش بنستغلها

ياريت نتعلم .. ياريت

بنت مصريه يقول...

كيكى
ايه يا كيكى يعنى انتى بعد ماتحيينى تخضينى
ايه عووو دى
اه تكنش امضتك ههههههههههههههه
مرسى على تعليقك واتمنى تنورينى دايما يا رب

نسر الشرق
صدقنى كلنا بنتدلع
اى مشكله بنحس انها اخر العالم
معأن الاطراف والحواس بيبقوا لسه عندنا
لكن لو صادفتنا مشكله
بنقول خلاص احنا انتهينا
وعمرنا ما بنقول دا ابتلاء ربنا بعتهولنا عشان بيحبنا
شفت سهله ازاى

مرسى على تعليقك واتمنى تنورنى دايما


شفقه هانم واحسان بك
اولا انت احسان ولا شفقه
شغل العو دا مش بحبه
ههههههههههههههههههههه
صدقونى دى اقل حاجه ممكن الواحد يعملها لما يشوف حلقه زى دى
اتمنى تنورونى عالطول
وماتكسلوش هه

رومانسى
والله يا رومانسى اكيد محمد عبده قال الكلمه دى م اللى شافه
ربنا يهدى يا رب
مرسى على تعليقك واتمنى تنورنى دايما

بنت مصريه يقول...

رامز عباس
اولا يا رامز
انا بحييك على اصرارك فى متابعه نيكولاس

ولكن يا استاذ رامز عايزه اقولك على حاجه
اسمعها منى وتوكل عل اللى خلقك
نظره الناس للشخص ما هى الا انعكاس لنظرته لنفسه

يعنى طول ما انت بتقول انا فاشل واكثر من فاشل
عايز الناس تبصلك ازاى
هيقولوا دا بيقول على نفسه فاشل
هو ادرى
هنثق ف نجاحه ازاى

عارف يا استاذ رامز الناس معجبه بنيكولاس ليه
لانه قال لا انا صحيح ماليش اطراف
وارادته خلته يتعلم حاجات ناس كتير اصحاء ميعرفوش يعملوها

وفى حاجه برضه انت قولتها عايزه اعلق عليها
انت بتقول انتو بتقولوا مش هينجح
انتو اللى عايزين تكتمونا


من نحن ..........يا عم انا وانت
عباد الله
احنا كلنا بشر
ربنا اللى بيحركنا

وعلى فكره الاحساس دا واصلك عشان نفس السبب اللى اتكلمت فيه من الاول

انت مش محسس الناس انك قادر
ومش مبين للى حواليك ثقتك ف نفسك

وعلى فكره انا اكتر واحده عندها مشاكل

شكرا لهتمامك
واتمنى تنورنى دايما

Lobna Ahmed Nour يقول...

الله اكبر .. مافيش حاجة تاني تتقال

تحياتي

إبن مصر يقول...

السلام عليكم ورحمة الله

معلش انجى اتأخرت شويه لكن ملحوقه

اما بالنسبه لنوكلاس فهناك فى مصر نماج كثيره وكثيره جدا يمكن نيكولاس اعاقته اكبر انما انا اعرف معاقين لهم اعاقات من الممكن ان تكون سبب فى انتحارهم فى فشهم فى دنياهم ولكنهم اصرواوتعاملوا مع الواقع
فإن مصر مليئه بالمواهب المعاقه واخرها اختى الغاليه الدوره الأخيره فى بكين للمعاقين مثلا جمعوا محموعه من الميداليات ولكن الإعلام اهدر حقهم فى تعبهم والإعلاميه منى الشاذلى او غيرها لم يستضفوا اى منهم
نيكولاس هو وجهه ليس لبلده استراليا انما وجهه لكل المعاقين

تحياتى وفعلا الله اكبر
الله اكبر من كل اعاقه الله اكبر من كل متكبر

تحياتى يا مصريه
ودمتى متألقه

Unknown يقول...

بصراحة مش قادرة اقول غير لا اله الا الله
بس درس عظيم ربانى فى قوة الارادة و التحمل و الطموح و بتعزز على اى مسلم بيحب دينه اسلامه اكتر و اكتر
اللهم توفنا مسلمين يا رب

رامز عباس يقول...

بصراحه

يا انجي

انا واثق بنفسي جدا وبحاول ابتكر واتعلم الجديد



بس فعلا في تكميم افواة ونصائح غير مخلصه من اللي حولينا


للعلم نيكولاس قال والدة ووالدته ساعده


بدون الله ثم الاسرة ثم الاصدقاء صعب الانسان يحس بالتفوق ويخرحج ابداعات اسف يا انجي


اخالفك بتحاليك ده

وسعيد باني بزور مدونتك


بجد انتي مدونتك جميله وملونه


وهزورها

ابقي تابعي تغطيتي لزيارة خالد الثصوى

mregypt7 يقول...

اولا سورى على التاخير
ثانيا بسم الله ماشاء الله عليه
وجد بحسده على صبره العالى اوى ده
ياريت لو الناس كلها تتعلم منه
تحياتى
بيبــــــــو

Soooo يقول...

الحمدلله على نعمة الاسلام وكفى بها نعمة

موضوع حلو قوي بجد

ربنا يارب يكرمك ويسعدك ويرضيكي دنيا وآخره يارب





سلامووووووووووووز

بنوتة يقول...

هو فعلا أنسان معجزة و معرفة الانسان ده تخلى الواحد بجد يبقى أمله كبير جدا في ربنا و كمان يقدر نفسه ان كان هذا الشخص يملك أقل من نصف جسده ويفعل كل ما يفعله فما المفروض علينا أن نفعله أشكرك على البوست بجد رااائع

سمكه واحده يقول...

الله الله الله بجد

عارفه عاوزه اقول حاجه انتي بجد فتاه جميله جدا ربنا يباركلك والله دخلت مدونتك لقيت عقلك كبير ودمك خفيف وعسوله مش عارفه اقلك ايه
وانك تفكري تكتبي حاجه كده انتي حد جميل اوي وبيفهم اوي وصح جدا

البوست ده بجد خلي الواحد يقف شويه مع نفسه بجد ربنا كبير اوي
تحياتي ليكي ولنيكولاس
عايزه اقول حجات كتير بس مش عارفه
سبحان الله لك ملكوت السماوات والارض
تحياتي
سمكه مبسوطه بيكي

nody يقول...

انجى
اولا ازيك وحشتينى ووحشتنى مدونتك
كالعاده اغيب وارجع الاقيكى مكسره الدنيا

البوست حلو وفعلا لازم يكون عندنا حمد لله
على كل نعمه اداها لينا حتى لو كانت بسيطه

تحياتى

حـــــدوتـــــة يقول...

السلام عليكم

الموضوع ده يخلى الواحد يفكر ويقول الحمد لله الذى فضلنى على كثير من خلقه
وفى نفس الوقت يحس قد ايه هو كسلان وبيضيع وقته فى تفاهات وهو قدامه الدنيا كلها

سلالالالالالالالالالالالالالالالالالالالالالالالالالالالالالام

kmt يقول...

السلام عليكم ورحمة الله وبركاته

البوست خلاني اندم اني فوت الحلقة
شكرا جدا لتشريفك المدونه

تحياتي
الي اللقاء

blue-wave يقول...

بجد جزاكى الله خيرا لتعريفنا بهذا الشاب
انا ماشوفتش الحلقه دى بصراحه لكن انبهرت عندما قرأت كلامك
بالفعل ما احوجنا الى شباب مؤمن كهذا الشاب ولو لم يكم مسلما

Butterfly يقول...

سبحان الله
الحمد لله الذى عافانا مما ابتلى بيه خلقه
فعلا ربنا أكبر من كل حاجة وهو الوحيد اللى ممكن يخرجنا من اللى احنا فيه مهما كانت صعوبته
شكرا على الموضوع الجميل ده

Desert cat يقول...

الايمان الحقيقى محله القلب ويبان فى العمل والفعل الجلى مش فى المظاهر
تحياتى

الازهرى يقول...

صديقتى العزيزة

للاسف توجد نماذج رائعة بين من نسميهم معاقين وهم الاجدر بلفظ اصحاء
لانهم لا يقفون عند هذا بل يتجاوزونه وينجحون الى ابعد الحدود
وتوجد امثلة كثير
مثل هيلين كيلر
والاخوة ابطال الدورة الباراليمبية

كما يوجد العديد من الامثلة يعرفها الجميع عن الاصحاء والمفترض ان يسموا عن جدارة معاقين

تحياتى عى الموضوع الجيد

سمكه واحده يقول...

انا علقت بس معرفش التعليق بيروح فين
اولا السلام عليكم
ثانيا بجد انتي كويسه وانسانه بجد ولا كل الاناسين اللي في الدنيا انك تفكري تعملي موضوع زي ده وربنا يكرمك يارب ودمك خفيف وروح جميله مش واخده بالك اني عماله انق انق اهو
هههههه
بجد الواحد كان مضايق ومخنوق بس لما بيشوف الناس دي بيلاقي انه تافه جدا وان في حجات كتير في الدنيا اهم
وان الحمد الله علي نعم ربنا الكتيره علينا
وتحياتي ليكي وللرجل العظيم ده ياسلام بقي لو يدخل الاسلام ربنا يهديه ويهدينا ويكرمك ياقمر
بقلك ايه متتقبلي مروري بقي وهاتي ربع جنيه ولا اقلك خليها جنيه ربع جنيه مبقاش يجيب مستيكه دلوقت
سمكه مبسوطه منك

تلميحاتى - يوسف الشافعى يقول...

السلام عليكم
الاراده هبه من الله
ولكن القدره على استغلالها يحياج لبعض المسانده من الاخرين
معلش احنا فى مصر مين بيساعد او بيساند للاسف احنا بقينا بنتكلم اكتر مابنعمل
عملنا قليل للاسف عاوزين نساعد بجد والايد تتمد والناس تقف واقفه بجد
ومنحطش ادام كل محتاج اى سد
تعالو نفتح قلوبنا ونمد ايدينا زى زمان عشان يبقى الانسان انسان

Mona Shereif يقول...

ربنا يكرمك يا انجى ويجزيكى خير يارب
سبحان الله فعلا
على فكرة اول مره الاقى النت عندى شغال سريع وشفت الاجزاء الستة بتوع الحلقة

جميل عرضك اوى ما شاء الله

جزاكى الله خيرا

كريم مصطفي سيد يقول...

السلام عليكم
سبحان الله

بنوتة يقول...

على فكرة انا كنت علقت مرة بس معرفش راح فين
اشكرك على نشر هذا الموضوع الرائع وبجد انا بسعد جدا من النماذج الرائعة دى و الواحد بيتمنى يعمل نص ايللي بيعملوه
تحياتى ليكى

aboud يقول...

للاسف انا ماشفتش الحلقة بس شفت الاعلان اللى كان فى اليوم اللى قبله
واولحاجة جت فى دماغى انى قلت يا خسارة اهو ده لو كان مسلم كان دخل الجنة بسرعة الصاروخ
وفكرت فى حالنا واحنا مسلمين وربنا انعم علينا بكل النعم اللى هو فقدها وازاى احنا عاملين كده فى انفسنا
قلت سبحان الله دى ايه من ربنا و الايات حوالينا كتير بس مين يعرف يشوف ويقرا ويفهم
سبحان الله

بنت مصريه يقول...

يونيك
احسن كلمه قولتيها يا قمر
مرسى لتعليقك

سون اوف ايجيبت
والله انا كمان مستغربه
لعدم استضافه ابطال بكين
مرسى لحضورك وتعليقك

عليا حليم
امين امين يا رب العالمين
اتمنى تنورينى دايما يا عليا يا قمر وشكرا على تعليقك واهتمامك

رامز عباس
مرسى لردك يا رامز
وانا طبعا احترم وجهه نظرك
بس حاول يكفيك شرف المحاوله
اتمنى تنورنى دايما

مستر ايجيبت
بتحسد الراجل يا احمد يعنى هو ناقص ههههههههههههههههه
اتمنى تنورنى دايما يا بشمهندس بوحميد

سووو
ايه يا عم الدعاوى الحلوه دى
معقول كل الدعاوى دى ليا
هههههههههه
مرسى يا سووو وربنا يخليك يا رب
واتمنى تنورنى دايما

سمكه وحده
ههههههههههههههههههههههههههههه
صباحو قر ونق يا سيدى
ههههههههههههههههههه
اه والله عندك حق ساعات الواحد بيبقى متضايق فعلا من حاجات تافهه جنب البلاوى اللى عند الناس
بيحس انه عبيط
واهبل
هههههههههههه
انا كنت حاسه والله ان تعليقك فيه شحاته ف الاخر هههههههههههه
سورى يا سمكه مش هقدر اديكى فلوس فوتى عليا اول الشهر
سلام يا قمر واتمنى تنورينى دايما

احساس لسه حى يقول...

عزيزتى

اكيد ربنا مدينا نعم كتيرة ولما بنشوف حد عاجر او معاق بنعرف قيمة اللى احنا فيه اكتر

بس الصابرين والشاكريين فى الدنيا دى كتير اوى بس احنا مش واخديين بالنا

وانتى عارفه معاقين الطبيعة والحروب بالملايين

يمكن نيكولاس عاش فى مكان ساعده اننا يعيش دنيته ويفرح بيها رغم اللى هو فيه


لاكن فى غيره فى بلاد نامية ومعاقيين وللاسف حوليهم حاجات بتوجهم وبتقفل الدنيا حوليهم

وبرضوا بيقولوا الحمد الله

ربنا يشفى كل مريض ويرحمنا جميعا

تحياتى

سلام

بنت مصريه يقول...

انا متشكره قوى ليكو كلكوا يا جماعه
ويا رب نبقى ربع هذا الشاب فى ثقتنا بالله
العزيز الجبار
اللى مهما كان الابتلاء اللى عندك هو اكبر منه واكيد شايلك حاجات احسن فى جنه الخلد باذن الله

Zanooba (Zeinab sab9n) يقول...

فعلاً زي ما قلتي يا إنجي ...لكل مسلم أو مسيحي أو يهودي ....ربنا أكبر من مشاكلك ...و مرسي أوي على البوست ده و دي أقل كلمة :)))

r يقول...

سبحان الله فعلا
تعرفى النماذج اللى زى نيكولاس دا بتدى الواحد دفعه كبيره اوى فى حياته
او اى مشكله بيواجهها قدام حاله زى دى
بتبقى اد ايه صغيره
بوست دا جميل فعلا
لانى الصراحه ما سمعت الحلقه بالرغم من متابعت البرنامج على قد ما وقتى بيسمح
دمتى بخير

شرقيّةُ الهوَى يقول...

بجد بجد معجزه
دا الواحد مش يتخيل حياته بتلاته فما بالك من غير خالص
بجد بجد تسلم
وعلى فكره انا عرفت اسمك من الردود واسمك على اسم اعز صحباتى
وتقبلى مرورى

hi5