.ازيكو

ازيكوا .......احب ارحب بكل واحد قاعد دلوقتى قدام مدونتى........انا زييى زيكوا كل يوم افتح النت الاقى اخبار مصراوى......عارفينها اللى تفتح النفس للحياه دى .....فجالى اكتئاب ........ايوه ايوه زى اللى عندكو ده بالظبط.....اعمل ايه اعمل ايه.......جاتلى فكره المدونه افضفض بيها معاكو ويارب تعجبكو

الجمعة، 5 يونيو 2009

اه .......يا خوفى يا بدران

السلام عليكم ورحمه الله وبركاته

معلش يا جماعه انا عارفه والله انى معنديش نقطه احمر ...(دم يعنى)

اصلى كنت نايمه مع اهل الكهف....بس تقريبا كده اهل الكهف صحيوا قبلى ومصحونيش......

واذ فجأه وانا نايمه وعلى حين غره (متسألونيش يعنى ايه ...معرفش هم بيقولوها كده )........لقيت ناس بتصحينى وبتقوللى

قومى يا بت يا مصريه ( اوباما ) جاى

صحيت مفزوعه وانا بقول (ابو الوفا ابو الوفا) .......بس اوباما مين ؟ وجاى فين ؟

قالولى ....يا بت يا مصريه يا هبله مانتيش عارفه اوباما رئيس امريكا .....يا خيبتك يا خيبتك

قولتلهم ....اه يا جماعه انا اسفه معلش ....اصلى اما نمت كنت نايمه ايام (الجزمه ) ....فمعرفتش ايه اخر التطورات

قالولى ......(اوباما ) جاى مصر............قولت يا سلام احنا ف ديك الساعه وللا ف فرختها حتى

صحيت من النوم وانا لسه بفرك عينى وبفتح الراديو ......ايوه الراديو واحده نايمه مع اهل الكهف هفتح ايه (DVD)

المهم فتحت الراديو على صوت مذيعه كده باين من صوتها انها مضروبه بالنار قبل ماتذيع الخبر وبتقول :

صباح الخير اعزائى المستمعين ......ركزوا معايا يا جماعه..........

بما ان رئيس اكبر دوله مستر (باراك اوباما )...هيشرف وينور ويعطر مصر الموكوسه ...سورى اصدى المحروسه رجاء خاص ....يا ريت مانشوفش اشكالكوا ف الشوارع انهارده....يعنى بمعنى اصح (اذا بليتم فاستتروا )

واحنا كمان هنمنع اى مواصلات من التجول فى شوارع القاهره.....مش عايزين بقى نظام رمسيس عتبه والهبل دا ....كل واحد فيكو بقى يتلم ف بيته ويقعد كده مستكين .....يتفرج على ( اوباما ) ف التليفزيون

قولت يللا احسن بلاها شغل انهارده كلمت الشغل ..رد عليا نائب المدير

قاللى :انتى ماجيتيش ليه ؟

قولتله :اوباما جاى فانا مش جايه

قاللى: ليه بقى ان شاء الله ؟

قولتله: مفيش اصلنا زعلانين مع بعض شويه

قاللى : احنا هنهزر مافيش اجازات (اصله راجل غتت حبتين)

روحت الشغل كما المغلوب على امره ....واتفرجت ف الشغل على خطاب (اوباما)......بصراحه كلامه اذهلنى ونال اعجابى خصوصا اهتمامه بالعالم الاسلامى .....وعلاقه العالم الاسلامى بالغرب .....ولكن يبقى السؤال .....

هل كلام الليل مدهون بسمنه يطلع عليه النهار يسيح ؟ ( ايه ام احمد اللى ظهرت فجأه دى )

اقصد يعنى تفتكروا كلام اوباما دا نابع من حقيقه جواه فعلا ؟ (واذا كان ذلك صحيحا فهو يستحق خلع القبعه وليس خلع الحذاء مثل سابقه)

ام ان كلامه هذا لا يعدو مجرد كلام.........وهذا ما ستكشفه الايام ......والى ان نصل الى هذا الزمان .....تبقى عباره

(يا خوفى يا بدران )

هناك 49 تعليقًا:

romansy يقول...

اول تعليق

ل


رومانسى

شوفى السرعه بقى

romansy يقول...

ايه الغياب دا كله بقى


دا كتير علينا

romansy يقول...

الحمد لله انك اشتغلتى
والحمد لله بما انك جديده فى الشغل
عاوزه اجازه كمان
دا بعدك
بس اوباما دا ثبت 75 مليون
ربنا يستر بقى
ومتغبيش علينا

بنت مصريه يقول...

مرسى يا رومانسى عال3 تعليقات مره واحده ومرسى لسؤالك
ومش هغيب ان شاء الله
نورتنى

Sweet Violet يقول...

ياهلا ياهلا

الواحد لو عارف ان اوباما هو اللى هيرجعك .. كان بعت له رجاء خاص انه يحضر علشان تظهرى ^_^

حمدلله على السلامة ياقمر

اما بقى اوباما فهو حد ذكى جدااا و اتعلم من اخطاء غيره

سيبك بقى من اوباما و بلاش الغيبة دى تانى

مش كل شوية نجيبلك الامم المتحدة علشان تصحى .. مش معاملة دى ^_*

بنت مصريه يقول...

سوييت فيوليت
ههههههههههههههههههههههههههههههههههه
مش هغيب تانى ان شاء الله يا قمر
وبعدين مستكتره عليا القلل المتحده عشان ارجع
الناس مقامات يا ماما
هههههههههه
نورتى المدونه يا قمر

3omda يقول...

حمد الله علي السلامه.
بالنسبه لموضوع اوباما!فاسمحيلي اقتبس من كلامك الاتي:-
كلامه هذا لا يعدو مجرد كلام.......
وهذا ما ستكشفه الايام ......
والى ان نصل الى هذا الزمان .....
تبقى عباره(يا خوفى يا بدران ).

غير معرف يقول...

wonderful blog

comment on mine and try the traffic system

www.theway2profits.blogspot.com

سمكه واحده يقول...

زي ما قلتي هذا ما ستكشفه الايام
بظبط
واهو احنا قاعدين ومستنين واحنا في ديك الساعه لما اوباما يغير ويبقي كلامه ذبده
سيبك بقي من ده كله ويبقي حال علي ما هو عليه لحد ما نشوف اخرتها

فينك يابنتي حمدالله علي سلمتك ايه الغيبهخ الطويله دي كلها
استوحشانكي يا اخوتشي بس منسناكيش انا قلت غطست راحت فين
تكونش اتجوزت ولا سفرت ولا راحت فين طب اعزمينا طب قوللنا نسلم عليكي قبل السفر
حمدالله علي سلامتك

kmt يقول...

السلام عليكم ورحمة الله وبركاته

موضوع الساعة وويمكن لاجل غير مسمى

بصي اللي يستنى حد يساعده وهوا مستني في البيت يبقى يستني بقى لأجل غير مسمى

لكن اوباما مش هاينفع غير بلده وبس

تحياتي
الى اللقاء

!!! عارفة ... مش عارف ليه يقول...

الحمد لله ان اوباما وصل

علشان نشوفك مرة تانية

--------

وافتكر ان الزيارة دي علشان امريكا بس محتاجة تعمل نيولوك علشان شكلها بقى وحش اووووي اليومين اللي فاتو دوول


وادينا ورا الكداب لحد باب الدار
بس المهم اننا بقى مش نفضل مأنتخين مستانينه يتعطف ويتكرم علينا
لازم نقابل الفرصة في نص الطريق
ياريت احنا بقى نتحرك وناخد موقف


تحياتي
وليد

الميكروباص يقول...

اخيرا جيتي
نومة أهل الكهف ليه يابنتي
مش بتظهري ليه؟
هو الشغل للدرجه دي متعب؟
ايه الحكايه؟

Unknown يقول...

لأ بصحيح مديرك ده غتت !
زى اللى عندى بالظبط:(
لا خدنا اجازة مدفوعة الاجر
زى غيرنا ياحسرة ولا حتى من غير اجر:(
يلا اهو يوم وعدى وزى ما قلتى كلام (اوباما)مدهون بزبدة فلاحى معتبرة

Unknown يقول...

لأ بس دا تعليق
علشان اقول سلام:)

بنت مصريه يقول...

عمده
الله يسلمك يا عمده
اقتبس يا عم ولا يهمك هههههههه

مصطفى
مرسى يا مصطفى على تعليقك
بس على فكره مدونتك مقفوله مش عارفه ادخلها خالص
ياريت تفيدنى ف الموضوع دا

سمكه واحده
الله يسلمك يا قمر
انا عارفه انى غطست بس اعمل ايه بقى اهل الكهف منهم لله ههههههههههه
وانا معقول اسافر من غير ما اسلم عليكى يا قمر

كيميت
وعليكم السلام ورحمه الله
عندك حق والله يا كيمت ربنا يستر


عارفه مش عارف ليه
نورت المدونه يا وليد
مرسى لتعليقك وانا معاك فعلا نظام الانتخه دا مش هينفعنا


لورنس العرب
ازيك والله ليك وحشه
بجد بجد ...
لا الشغل مش متعب ولا حاجه انا اللى بستعبط هههههههه
مرسى لسؤالك يا لورنس


نوراهاتى
ايوه ياختشى بلا نيله
مرسى يا قمر لتشريفك ليا

صوت من مصر يقول...

اهو بدران رجع تانى
عشان انتى ترجعى لينا
بس ممكن سؤال انا فعلا حاسس ان كلام الليل المعسول ...............
ولا ايه رايك

Butterfly يقول...

يااااااااااااااااه
انتى حسستينى انى كنت مهاجره ورجعت
والله وحشتينى ;)

بالنسبه للموضوع بقى
ف فعلا يا خوفى يا بدران
بصراحه أنا معتش بصدق حد !!!

حمادة زيدان يقول...

يالهوى يا انجي كل دي غيبة

ده لو كنتى من اهل الكهف كان زمانك صحيتي

على العموم ويلكم باك
ويا اهلا ويا سهلا بيكي

أما عن اوباما مفيش قدامنا غير الصبر حتى نعلم حقيقة الموضوع

MaNoO يقول...

نفكر شويتين احنا كسبنا وخسرنا ايه
اونكل اوباما اتكلم عن العالم الاسلامى بطريقة خيالية وكمان قال اه المسلمين سبب فىا لتقدما لعلمىا للى موجود وفضل الاسلام وان الاسلام مش دين عنف وغيره وغيره بس برده قال ان من حق اسرائيل ان تعيش وكمان قال انهم اتعرضوا لحرائق وغيره هل احنا مستعدين نعترف باسرئيل فعلا على حساب الفلسطينيين وفىا لاول والاخر اوباما المستفيد لان فى ازمة عالمية وانفلونزا خنازير يعنى عايز العالم كله حواليه وعايز يكسب كل الاطراف بس برده هنقول ياخوفى يابدران

يا مراكبي يقول...

خوفك من بدران أو على بدران في محله تماما

كلام أم محمد عن الزبدة اللي هتسيح صحيح .. بس مش هتسيح بسرعة قوي

مهرة سالم يقول...

السلام عليكم....
عســـــل......
ومبروك الشغل..
....
وأختار الإجابه الثالثه يا خوفي يا بدران...
هو بدران مين ويقربلك إيه....
....
دمتِ بخير

الميكروباص يقول...

ولله صدقيني ما فيه شغل متعب
انا مثلا بقف على رجلي طول النهار وعمال اتنطط على المواتير
لكن كل ده مش بيتعبني
اللي تاعبني ومطلع روحي صاحب الشركه


ربنا يرحمنا عن قريب

هديـــل الـروح يقول...

السلام عليكم

أسلوبك لطيف جدا وفقك الله فى كتاباتك

شكرا لمرورك بمدونتى

الميكروباص يقول...

أين انتي؟؟؟؟؟؟

غير معرف يقول...

طب انتي سمعتي كلامه على القضية الفلسطينية؟؟
كلامه كان واضح والناس دي مش هتتغير ومصالحها مرتبطة باسرائيل

احنا عمرنا ما نصدقهم يا جيجي

سيبك انتي... وحشتيني يا عفروتة

مها ميهوووو

مدحت محمد يقول...

هو انتى بتصدقى الهبل ده

مانشى يقول...

فى البداية احب احييك ع دماغك النضيفة اوى اوى اللى اجبرتنى اكتب الكلمتين دول ودى حاجة مش سهلة خالص

اسلوبك حلو اوى واحلى حاجة فيه انك مش بتنئى (هى مكتوبة كده صح؟)الفاظك
ودى مش شتيمة ع فكرة

بس اكتر حاجة مضايقانى الموسيقى اللى مع الصور ده انا قعدت ربع ساعة لغاية معرفت اوقف الصوت

وكل مدخل حاجة اول اطلع من حاجة تشتغل تانى
ماتحطى حاجة لام كلثوم

تحياتى مرة اخرى

go ahead

الميكروباص يقول...

غيبي زي ما انتي عاوزه
انا غلس وهسأل بردو

mregypt7 يقول...

جرى ايه يا دوك
كل دى غيبه
معقوله تكونى لسه بتدورى ع معنى غره
قلتلك ما تغلبيش نفسك واسالى المفتش كرومبو
ماتوتوريناش وتقلقينا عليكى

أحمد فاروق الشاذلى يقول...

ولا هايحصل اى حاجة
اوباما زيه زى الجزمة
قصدى يعنى الجزمة اللى خد بالجزمة
ولا هايعمل اى حاجة

مهرة سالم يقول...

السلام عليكم ورحمة الله وبركاته ..
مررت هنا وأحببت أن أسلم ...
أن شاء الله تكوني بخير..
في أمان الله

Darsh يقول...

مش عارف ايه علاقة باراك أوباما معايا بمادة السموم

يوم ما تم تنصيبه في يوم تاريخي و حفل تاريخي كان عندي تاني يوم امتحان سموم و سبت المذاكرة و قعدت اتفرج عليه

الصراحة الراجل يهبل

و في الترم التاني ساعة ما كان بيلقى خطابه كنت انا بمتحن امتحان سموم !!!

لما روحت طبعا سجلت الاعادة و قعدت اتفرج عليها اربع خمس ست مرات

الصراحة لحد دلوقتي اوباما مش بين وش وحش

لأ خطواته كلها لو ما اتوصفتش بالايجابية

فهي على الاقل مش سلبية زي اللي قبله بشبوش

أوباما !!!!

أوباما ده يهبلللللللل

Tadwina يقول...

مرحباً / بنت مصرية
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/1536

يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع ونرجو منك مراسلتنا للأهمية على الايميل
Tadwina@gmail.com
لوضع البانر الخاص بنا على الصفحة الرئيسية لمدونتك حتي يستطيع قراءنا في مصر والوطن العربي من متابعة تدويناتك المستحدثة

و لكم جزيل الشكر،

فريق عمل تدوينة دوت كوم.
http://www.tadwina.com

الميكروباص يقول...

ازيك يا انجي
عامله ايه
ليكي وحشه ولله
ارجو ان تكوني بخير

غير معرف يقول...

رمضااااااااااااااان كريييييييييييييم

انتي فين؟؟

مها ميهوووو

الميكروباص يقول...

ازيك يا انجي
كل سنه وانتي طيبه
سألت عليكي كتير
ومش هايصيبني اليأس لغاية ما ترجعي بالسلامه ان شاء الله


ارجو ان تكوني بخير واسمع عنك سمع خير ان شاء الله

طلاب من أجل مصر يقول...

اختى كله زى بعضه


فالكفر كله ملة واحدة

أنا أول مرة أزور مدونة حضرتك بس ان شاء الله مش الأخيرة

تحياتى

الميكروباص يقول...

الغاليه انجي

اجمل التهاني بحلول عيد الفطر المبارك وكل عام وانتم بخير

بقالك كذا شهر مبتعده

ان شاء الله نراك عن قريب

حـــــدوتـــــة يقول...

السلام عليكم

تقبل الله طاعتك
وأتم بالعيد فرحتك
وأقر عينك بنصر أمتك

كل عام وانتم بخير

mahasen saber يقول...

وياما فى الايام وبعدين احنا شعب بنحب نتفرج ونستنى نشوف الدنيا هتعمل فينا وبينا ايه

زيارة اوباما رجعتك بالسلامه

تامر حسين يقول...

مكنتش عارف ان الواحد لازم يخش يعمل تعليق عشان الناس تسأل في وبس يعني
طب حتي قولوا كل سنه وانتوا طيبين
تحياتي الحزينه

غير معرف يقول...

حينما اتعبني السير على شاطئ النت
اردت ان اذهب لاقرب مكان لاستريح به
وبالصدفة وجدت مدونتكم
فكانت فعلا نعم الاختيار
فكان السير بين اروقتها
والتبحر بين ثناياها وممراتها
كحلم عشته أو عطر شممته ولن انساه
فعلا
حينما يبدع الانسان يجب ان نرفع له القبعة ...احتراما

بارك الله فيكي

اخوكي
ياسر ابو الريش
كاتب وصحافي
www.ypress.blogspot.com

غمض عينيك يقول...

انتي فين بقالك كتير؟

محمود حسن العدل يقول...

السلام عليكم ورحمة الله وبركاتة
نورتى مدونتك من جديد
ومبروك الشغل الجديد بس يارب مش ياخدك من اخواتك
تحياتى بوست هايل كالعادة كما عوزدتينا يتميز بخفة الدم المعروفة بها
تحياتى الى شخصك الكريم

الميكروباص يقول...

يا ستي انتي رحتي فين؟

شفـقــة و إحســــان يقول...

انتى فين؟؟
انا زعلانة اوى انك غايبة بقالك كتير
طيب طمنينا عليكى
بجد انتى من الناس القلائل اللى كنت بحبهم اوى
شفقة

فاروق سحير ( فاروق بن النيل ) يقول...

فاروق إبن النيل ...
يابنت مصرالمحروسةأماتعلمين أنك موكوسة
مابشتمس بقول شعرمن راسى المفروسة !
يعنى هوة إحنا ناقصين قرع ولا كوسة!*
ولا الغربال الجديددايماله شده منفوشة
والله اإنجى عارف إن هذه كلمات منحوسة
بوش الأب ونيكسون وغيرهم زىالبسبوسة
معلش أصلى متشائم دايمامن كتر الحوسة
الحقيقة بدران مايستهلش أبدابوسه!*
farouksam.blogspot.com

نسر الشرق يقول...

تحياتى ليكى وصحى النوم يا ستى وحمدالله على السلامه من الكهف اللى كنتى فيه المهم بالنسبه لموضوع الجزائر بصراحه كده انتى مش شايفه ان المصريين مزودينها شوية مع اخواتنا العرب فنانين ايه اللى بيبكوا دول دول سوئوا سمعتنا فى العالم كله بالافلام الخليعه اللى عملينها وفسدوا شبابنا واخرتها عايزين يبوظوا علاقتنا ببلد المليون شهيد وافرضى يا ستى ان فى شوية بلطجية راحوا السودان ضربوا شوية تافهين فيها ايه وعلى فكره بقى ثبتت براءة الجزائريين بحكم الفيفا

esraa يقول...

جميله جدا جدا تسلم ايدك

hi5