.ازيكو

ازيكوا .......احب ارحب بكل واحد قاعد دلوقتى قدام مدونتى........انا زييى زيكوا كل يوم افتح النت الاقى اخبار مصراوى......عارفينها اللى تفتح النفس للحياه دى .....فجالى اكتئاب ........ايوه ايوه زى اللى عندكو ده بالظبط.....اعمل ايه اعمل ايه.......جاتلى فكره المدونه افضفض بيها معاكو ويارب تعجبكو

الجمعة، 29 يناير 2010

توت توت تراباتاتيييت...........يلا غلبنا ولاد التييييييييت

ازيكو يا مصرييين .....يا جامدين يا منصوريين .......يا رب دايما للنجوم واصلين ....بعد هزيمه الجزائرييين
على فكره يا جماعه انا ماليش ف الكوره خالص ...بس اما توصل الحكايه لكرامه بلدى يبقى لا والف لا وللا ايه

طب انا هحكيلكم على حكايه :
زى ما قولتلكم انى ماليش ف الكوره بس عرفت ان احنا هنلاعب الجزائر ف السودان وان دا ماتش مهم وهيأهل المنتخب المصرى لكأس العالم ...فقولت لازم اتفرج عليه ....وبرغم ان الحكم ماكانش عادل بالمره وشكله كده واكل اكله جامده من الجزائريين (واخد رشوه يعنى ) هههههههه ......اتهزمنا زعلت شويه كغيرى من المصريين .....بس قولنا دى رياضه وارد فيها المكسب والخساره والحمد لله ان دوله عربيه شقيقه زى الجزائر (قال شقيقه قال ) .......اتأهلت لكاس العالم

وفوجئت بالنكبه والمجزره اللى انتو عارفينها (هجوم مشجعى الجزائر على مشجعى المنتخب المصرى بالاعتداءات والضرب رغم خسارتنا ) ........وفنانين مصريين ييجوا ف التلفزيون يحكو عن اعتداء الجزائريين عليهم ...بصراحه مصدقتش نفسى كغيرى من المصريين ان دول عرب اصلا ......وابتديت اهتم بالكوره وانتظرت لقاء الفراعنه مع الخضر (قال خضر قال دا مفيش احمر منهم ) ههههه........فى كأس الامم الافريقيه ف انجولا ...وكنت فرحانه جدا لدرجه انى جبت برنيطه المشجعين المصريين وعلم مصر ب 30جنيه .....اه والله 30جنيه يللا مش خساره فيكى يا مصر ههههه.........
ف اليوم ده مش عارفه ليه كان عندى احساس يقينى انننا هنغلب بأذن الله .......يمكن عشان مصر كلها قالت (حسبى الله ونعم الوكيل ) لما اعتدوا علينا ف السودان ....
روحت البيت اتفرج على التليفزيون منتظره الساعه تدق التاسعه والنصف بفارغ الصبر ....وبينما انا اقلب فى القنوات وجدت تعليقات المشجعين المصريين ونظيرتها من قبل الجزائريين ......شوفو كل واحد بيقول ايه

المصريين :النصر للافضل ان شاء الله ....واحنا كل اللى نقدر عليه اننا ندعى ربنا نكسب

الجزائريين (ولاد التيت يعنى ) : موتوا يا مصريين موتوا (ان شالله انت واهلك يا رب ) ......اكيد هنكسب دا شىء طبيعى ......(يا ساتر مستخصر حتى تقول ان شاء الله )

والله بعد كلامهم ده يحق لأى مصرى فى اى مكان ف العالم ان يضع اى لفظ يعجبه بدل كلمه التيييييت .......
شايفين ثقافه الشعبين ......الشعب المصرى واثق بالله ويضع اعتماده كله على الله ......ولكن الشعب الجزائرى هجومى وكأنه داخل معركه ومتأكد من النصر

بصراحه مش عارفه اقول ايه غير (الف مبروك لمصر )...........
وسواء كسبنا غانا او لا .....يكفينا رد كرامتنا من ولاد التيييييييت

شكر خاص :
لحيله ........ .حسنى عبد الربه
وحذاء ......... محمد زيدان
وبراعه ......... محمد عبد الشافى
ومسك ختام ........ محمد جدو
واسيبكم مع اغنيه محمد فؤاد اللى بيمرمط فيها ولاد التييييييت

هناك 32 تعليقًا:

بنت مصريه يقول...

اولا
مرسى جدا لتعليق حضرتك وتشريفك لمدونتى المتواضعه
ثانيه
انها لعبه مجرد لعبه لا تستحق ان ارفع سكين او مطواه فى وجه اخى ف العروبه
هل يصح ما فعله الجزائريين فى السودان اعتقد انه لا يصح
كما لا يصح ان يدعوا علينا بالموت كما لو كننا يهود هذا رأيى وهم يستحقوا اكثر من هذا والف الف مليون مبروك لمصر على الاخذ بالثأر بالرياضه وليس بالبلطجه كما فعل الجزائريون

شفـقــة و إحســــان يقول...

وحشتينى اوى اوى يا بت يا فقرية يا وحشة
وليكى عندى علقة بس اشوفك الاول
مع اننا المفروض جيران بس منعرفش بعض
عموما مبروك الف الف مبروك لمصر
ويارب دايما علطول النصر
متغبيش تانى فاهمة
شفقة

بنت مصريه يقول...

حبيبه قلبى شفقه
ازيك يا قمر وازى احسان
والله ليكو واحشه انا معرفتش انزل بعد الماتش اشجع بابا قاللى الساعه 12 روحى نامى يا بنت ههههههههههههه
بس بيقولوا الفودكورت كانت فظيعه
عايزه اشوفك والله

Butterfly يقول...

الحمد لله على كل حال
وأهم حاجه ان احنا كسبنا :)

romansy يقول...

الف الف مبروك لمصر
وبعدين انتى بتظهرى بس فى المناسبات
ولا علشان بى اشتغلنا ومسكنا منصب هتتقلى كده علينا
ماشى يا سيدى يا بختك
وبعدين بقى العلم 30 مش خسارهفيكى يا مصر
جيبه تقسيط احسن
هههههه

*الطالبة عفو الله *زوزو يقول...

الف مليون مبروك ليكم و يا رب ديما منصورين
بس يا ريت بلاش اسلوب الغل و الحقد فلو كانوا الجزائريين - قصد بعض الجزائريين لان التعميم مش صحيح حالص في جزائريين كويسين ولو كنتم كسبتوا كانوا حيفرحلكم -
اساءوا فعلا في مباراة السوداء فردوا الاساءة بالحسنة وكونوا الافضل
فبلاش نخلي الكرة الي هي لعبة لا اكثر تفرقنا بعض ما وحدنا الاسلام
و الله المستعان
المهم الف مبروك ليكم و عقبالكم في الماتش النهائي

تحياتي يا قمر

momken يقول...

مبببببببببببببببروك الف الف مبروك

وانشالله دايما تاج روسهم وحبسين دمهم

الى بيكلموا عربى مكسر دول

ومن انهارده مافيش نكت على الصعايده
عندنا اربعين مليون جزائرى نقول عليهم نكت


تحياتى

Nabil Sami يقول...

مبروك لمصر الفوز
ويكون الفوز الذ بالتسامح

تحياتي

Unknown يقول...

مين اللى بيغنى دا محمد فؤاد مين

!!! عارفة ... مش عارف ليه يقول...

قبل أي حاجة

الف حمد لله على سلامتك

ومنورة بيتك ومطرحك

وإن شاء الله تكون عاتبة ناااااااادية عليكي إن شاء الله :)

وعايزين بوستاتك الجامدة بتاعة زمان دي ترجع من تاني

والحمد لله إنها جت على اد الرحاب

ومش عارف ليه كده حاسس بخيانة

يعني البوست ده من فترة واهو

لسة منزلتيش حاجة من يوميها

هو مش واخدة بالك من مولدي

سيدي فلانتين ولا ايييييييييه :)

وبالنسبة للماتش

فالاجمل من الماتش في حد ذاته

هو الفضيحة أم جلاجل

والجرسة ام حناجل

اللي سوء سمعتهم في كل مكان

ومعلش بقى التلاتين جنيه مروحش هدر

واهو هيصتيلك بيهم شوية مع كاس الأمم :)

وليد

mregypt7 يقول...

ههههههههههههههههه
الف مبروك يا باشا لمصر
ومبروك الفوز ع الجزائر والامم الافريقيه
صحيح ردينا اعتبارنا من ولاد التيييييت مع ان مافيش حاجه تعوض الغياب عن كاس العالم
بس كفايه ان الشعب فرح بكل طوائفه اللى ليه واللى مالوش فى الساحره المستديره
بس بينى وبنك الجزائريين صعبوا عليا
لانهم غلطوا فى شعب لسانه متبرى منه
وكنا فعلا مستنيين اننا نكسبهم عشان نطلق العنان (حلوه العنان ديه بس يارب تفهميها)للسان عشان نهزقهم شويه
وزى مامحمد فوزى لحنلهم نشيد بلادهم زمان
النهارده جه هوبا والفلهم نشيدهم الجديد
" يــــانى يـــانى يـــانى مش هلعب كوره تانى "
وعلى راى المثل ارقصى يا خضرا لا مش قادره
وكل سنه وانتى طيبه يا دوك
خالص تحياتى
بيبــــــــــــــــــو

يا مراكبي يقول...

رغم اني عارف انك زعلانة جدا على التلاتين جنيه بس برضه الف مبروك لمصر كلها وفداها التلاتين جنيه

الف مبروك

الميكروباص يقول...

أنا جاي أقول مساء الخير

ميرا يقول...

و الله أنت عندك حق فى كل كلامك .. وكمان أنا زيك ماليش فى الكورة .. بس الدوشة قلو بيعملوها على الكورة صخبة قوى خلتنى أتابع المبارة .. وأهل الجزائر دول ملهم عدوائيين كده ليه .. كأنهم عايشين فى حرب والله .. حسبى الله ونعم الوكيل فيهم وألف مبروك لمصر

momken يقول...

هى الرحاب مفيهاش نت ولا ايه


وانتى الى نفسك كبرت علينا

ارجعى يا بنتى واكتبى تانى ومحدش هيعملك حاجه


تحياتى

الميكروباص يقول...

المدونه اشتكت من قلة الزياره
والميل اشتكي من عدم الرد عليه
والفيس بوك اشتكى من عدم الاضافه
انتي فين يا ستي

واحد من البلد دى يقول...

السلام عليكم

انتى فيييييييييييين يا بنتى..

لعل المانع خير

طمنينا عليكى

دمتى فى حفظ الله

الميكروباص يقول...

كل سنه وأنتي طيبه بمناسبة عيد العمال

بالمناسبه دي بكره الصبح همسك مفتاح انجليزي ومفك وهاطلع اجري ف الشارع
وهاقتحم مدينة الرحاب

Noha Saleh يقول...

مدونتك حلوة اوى ودمها خفيف

غير معرف يقول...

انتي يا بنتي بتختفي فين؟؟
حتى الميل مش بلاقيكي فيه؟؟
طب طمنيني شكرا.. على وزن كلمني شكرا

مها ميهوووو

نسر الشرق يقول...

رغم ان انا ضد اى شىء يعكر صفو العلاقة بين مصر والجزائر وخصوصا لو حاجة هايفه زى الكورة
الا انى اناشدك اهداء التحية الى الابطال الجزائريين المليون ورغم انك مش هتقدرى تذكرى اساميهم يبقى ده ادعى اننا نحيى الجزائر
عمل ايه عبدربه ولا زيدان ولا الحضرى
ده كله اكل عيش
http://nisr-elsharq.blogspot.com/

Unknown يقول...

ازيك ياقمر انتى فين
وحشتينى والله جدا
يارب اشوفك قريب

Maha Shahen يقول...

ايه يا بنتى فينك انتى هاجرتى من بعد الماتش ولا ايه
ارجعى واكتبى ونورينا ويا رب يكون خير
وكل سنه وانتى طيبه

نسر الشرق يقول...

من زمان ما نورتينا لعل المانع خير

romansy يقول...

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين

esraa يقول...

موضوع جميل جدا انتي وبتكلمي حسيتك زي غيورا علي بلدي بحبها

تحياتي ليكي وتقديري

الميكروباص يقول...

انا عارف انك على الفيس بوك
لكن عاوزين نشوفك هنا

Unknown يقول...

بلا كوره بلا هباب :)

غير معرف يقول...

ثقافة الهزيمة .. مرجانة‏

"لن أتسول علاجى لأستعادة بصرى.. وحسين سالم هو «رأفت الهجان» بتاع إسرائيل" حوار مع البدرى فرغلى (عضو مجلس الشعب السابق عن بورسعيد من 1990 ـ 2005 ) جاء فيه
ماذا عن علاقتك بالرئيس السابق حسنى مبارك؟

تحدث معى تليفونيا، بعد أن تحدث إلى قيادات التجمع أوائل عام 2005، وقال لهم: «الولد ده لسانه طويل، وهاقطع له لسانه»، وأستدعتنى قيادة الحزب وسألتنى: «أنت اتكلمت عن إيه؟»، فقلت إننى تحدثت عن الفرق بين إيراد قناة السويس المعلن بنحو 24 مليار جنيه، والمسجل فى الموازنة العامة 9 ملياراً فقط، !!! وإيرادات البترول المعلنة نحو 70 مليار جنيه، والمسجل فى الميزانية حوالى 20 ملياراً فقط، !!! ولم يعقب على حديثى أحد.

بعدها أرسلوا لى مسؤولا كبيرا ليقول لى أن فروق دخل القناة والبترول ننفقها لدعم حركات التحرر، فقلت له دلنى على حركة تحرر واحدة موجودة الأن فى العالم، أو تتلقى منكم دعما؟!!!

...باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى www.ouregypt.us

غير معرف يقول...

ثقافة الهزيمة .. طيور الظلام

و نشرت جريدة اليوم السابع فى 26 يونيو 2011 .. وثيقة تثبت تورط عمرو موسى خلال توليه منصب وزير الخارجية، في الموافقة على إتمام صفقة تصدير الغاز إلى إسرائيل، وتشجيع وزارة البترول المصرية على سرعة إتمام الإجراءات الخاصة بها،

الوثيقة عبارة عن خطاب موجه من عمرو موسى في نوفمبر 1993 إلى وزير البترول المصري آنذاك المهندس حمدي البنبي، يتضمن تأكيد موسى موافقته على تصدير الغاز إلى إسرائيل، كما يوضح الخطاب الدور الذي لعبه عمرو موسى في قضية تصدير الغاز إلى إسرائيل في إطار المشروعات الإقليمية في مجالات الغاز والبترول في المنطقة ضمن أجتماعات التعاون الأقتصادي الإقليمي التي عقدت في العاصمة الدنماركية كوبنهاجن في بدايات نوفمبر 1993. ونشرت صورة ضوئية من الخطاب تثبت ما سبق، ويحمل في نهايته توقيعه ..

باقى المقال ضمن مجموعة مقالات ثقافة الهزيمة بالرابط التالى

www.ouregypt.us

و المقال يتحدث عن بطولات أحمد شفيق الوهمية و أجرام عمر سليمان.

الميكروباص يقول...

مر سنتين على تركك للمدونه

ارجو ان تعودي قريبا

momken يقول...

الوووووووووووووو


بس كده

تحياتى

hi5